Judith Estrada-Larino

Gumulong na ang paghahanda ng kamara para sa huling SONA ng Pangulong Rodrigo Duterte sa Hulyo 26.

Bahagi ng paghahanda ang pre-SONA tribute na tinaguriang “Sa lahat ng pagbabago, salamat Pangulo”, kung saan inatasan ang mga kongresistang kasama sa super majority coalition na gumawa ng 60 hanggang 80 minute video tampok ang priority programs ng district at party list lawmakers na ipinatupad mula nang mahalal ang Pangulong Duterte nuong 2016.

Si House Speaker Lord Allan Velasco ang unang nag tampok sa kanyang kinakatawang lone district ng Marinduque  sa pormal na paglulunsad ng nasabing kampanya.

Ipinabatid ni Velasco na bukas sa lahat ang multi media exhibit sa north at south wing lobby ng batasang pambansa sa Quezon City sa mismong araw ng SONA.

Bukod pa ito sa set up para sa accomplishments ng Pangulong Duterte sa entrance ng main building kung saan dadaan ang punong ehekutibo patungong plenaryo para sa kanyang huling SONA.

Isinangkot ni dating Senador Antonio Trillanes IV ang Pangulong Rodrigo Duterte at Senador Bong Go sa kasong plunder.

Sa kanyang panibagong pagbubunyag, ipinabatid ni Trillanes na nasa P6.6 bilyon na halaga ng kontrata sa gobyerno na napanalunan ng construction company na pag aari ng ama ni Senador Go.

Sa kaniyang paglalantad, ipinabatid ni Trillanes na nakakuha siya ng mga dokumento mula sa DTI at COA na nagpapatunay na ang CLTG builders na pag aari ng ama ni Go na si Desiderio Lim ay nakakuha ng 125 infrastructure projects sa Davao City at Davao Region na nagkakahalaga ng halos P5 bilyon mula Marso 25 hanggang Mayo 2018 lamang.

Mula pa rin sa DTI at COA records, Sinabi ni Trillanes na nakuha rin ng CLTG builders ang 27 government infrastructure projects nuong 2017 at nagkakahalaga ng P3.2 bilyon kabilang ang road widening projects mula P177 milyon hanggang P251 milyon kada isa sa Davao City o Davao Region.

Una na aniyang ibinunyag ng PCIJ at Rappler na napasakamay ng pamilya Go ang malalaking government contracts noong 2018 na kanya namang pina imbestigahan subalit Hunyo 2019 nang matapos ang kanyang termino.

Bahagyang bumagal ang tropical depression Emong habang papalapit sa Batanes at Babuyan Islands area.

Ang sentro ng bagyong Emong ayon sa PAGASA ay pinakahuling namataan sa layong 270 kilometro Silangan-Hilagang Silangan ng Aparri, Cagayan at kumikilos pa Kanluran Hilagang Kanluran sa bilis na 20 kilometro kada oras.

Taglay ng bagyong Emong ang pinakamalakas na hanging umaabot sa 55 kilometro kada oras malapit sa gitna at may pagbugso na umaabot sa 70 kilometro kada oras.

Ang tropical cyclone wind signal number 1 ay nakataas pa rin sa Batanes, NorthEastern portion ng Cagayan o mga bayan ng Santa Ana at Gonzaga kabilang ang Babuyan Islands.

Ipinabatid pa ng PAGASA ang posibleng paglakas pa ng bagyong emong bilang tropical storm sa susunod na 12 oras.

Inaasahang lalabas ng Philippine Area of Responsibility (PAR) ang bagyong Emong bukas ng umaga.

Pormal nang tinapos ng mga awtoridad ang retrieval operations hinggil sa bumagsak na C-130 plane ng Philippine Air Force sa Brgy. Bangkal, Patikul, Sulu.

Kinumpirma ito ni Defense Sec. Delfin Lorenzana makaraang matagpuan ang lahat ng katawan ng mga pasahero, piloto gayundin ang tripolante ng bumagsak na eroplano.

Ayon sa Kalihim, nasa 50 ang kabuuang nasawi sa insidente, 47 dito ay sundalo at 3 ang sibilyan.

Nasa 49 naman ang sugatan na sundalo at 4 naman ang sugatan na sibilyan.

Narekober na po natin ang lahat ng mga labi ng ating mga kasamahang nasawi dito sa nangyaring airplane crash nga umaabot sa kabuuang bilang na 47 ang mga namatay sa hanay ng mga sundalo pasahero po lahat  ito  sa C-130 . 49 ang ating narescue 32 of them na mga narescue ay mga nasa military hospitals at yung 17 ay nasa civilian hospitals sa Zamboanga,″ pahayag ni Arevalo.

Ipinabatid pa ni Arevalo ang kahandaan ng AFP na ilipat sa mga ospital sa Maynila kung kinakailangan ang mga sugatang sundalo.

But we are prepared to release them to Manila, at any moment notice kung sabihin na mas kakailangin nila ang mas iba pang expertise or facility para mas mabilis silang makarekober ready tayo .May mga civilian airline company na nagsabi gaya ng Philippine Airlines at ang AirAsia at … Philippine Air force na nagsabi na rin na handa silang tumulong, nagpapasalamat tayo sa kanila, ″ pahayag ni AFP Spokesman Major General Edgard Arevalo.— ulat mula kay Jaymark Dagala (Patrol 9)

Consistent ang pagkakasama ng Pilipinas sa mga bansang unsafe o hindi kumikilala sa mga karapatan ng mga manggagawa.

Ayon ito sa sentro o sentro ng mga nagkakaisa at progresibong manggagawa matapos makapasok ang Pilipinas sa top 10 worst countries para sa mga manggagawa sa buong mundo.

Sinabi ng sentro na sa ilalim ng Duterte administration pitong lider manggagawa ang pinatay at 28 iba pa ang inaresto mula Marso 2020 hanggang Abril 2021.

Kabilang dito ang pag-aresto sa limang lider manggagawa ng sentro at partido manggagawa sa Cebu nuong Nobyembre 2020.

Pasok na naman ang Pilipinas sa listahan ng International Trade Union Confederation (ITUC) sa 10 worst countries para sa mga manggagawa sa buong mundo.

Sa kanilang report  kabilang sa tinukoy ng ITUC na dahilan na maituturing na worst country sa mga manggagawa ang pang aabuso ng gobyerno at mga kumpanya sa karapatan ng mga manggagawa tulad ng karapatang mag strike, mag organisa ng unyon at malayang pamamahayag.

Matapos ipalabas ang 2021 global rights index binigyang diin ni Sharan Burrow, general secretary ng ITUC na patuloy ang pag-atake sa mga manggagawa sa mga bansang Bangladesh, Belarus, Brazil, Colombia, Egypt, Honduras, Myanmar, Pilipinas, Turkey at Zimbabwe.

Nasa 149 na mga bansa ang isinailalim ng ITUC sa ika-walong edisyon nito ng global rights index.

Limitado lamang ang bakunang dumating sa mga lungsod ng Makati at Muntinlupa ngayong araw na ito.

Ayon sa Makati City Government wala munang pagbabakuna para sa first dose ng A4 category o economic frontliners dahil hindi nakapag-deliver ng COVID-19 vaccine ang national government.

Dahil dito pinabatid ng LGU Makati na sarado muna ang vaccination site sa Glorietta, Ayala Malls Circuit, Benigno Aquino National High School at Palanan Elementary School subalit tuloy naman ang mga naka-schedule para sa second dose sa Makati City Coliseum at fort Bonifacio Elementary School.

Kasabay nito makakatanggap ng P1,000 gift certificate ang lahat ng senior citizens sa Makati City na makakakumpleto ng dalawang doses ng bakuna.

Samantala bawal muna ngayong araw na ito ang walk-in sa mga vaccination site sa Muntinlupa City dahil kakaunti lamang ang supply ng bakuna para sa first dose.

Taliwas ito sa mga nakalipas na araw kung saan mabibigyan ng bakuna kung mayruong extra supply nito ang mga walk-in matapos hindi makarating ang mga naka-schedule.

Asahan pa ang mas maraming pagsambulat ng Bulkang Taal.

Ayon ito sa Phivolcs, na nagsabing malaki ang posibilidad na magkaruon pa ng panibagong pagpapakitang gilas ang Bulkang Taal tulad nang nangyari nuong isang linggo.

Kasunod na rin ito ng average na mahigit 22,000 tons ng sulfur dioxide na ibinuga ng Bulkang Taal kahapon na  pinakamataas na naitala ng Phivolcs.

Naitala rin ng Phivolcs ang 26 na malalakas at mababang pagyanig na tinaguriang low frequency volcanic earthquakes