Judith Estrada-Larino

Pinakilos ni PNP Chief General Guillermo Eleazar ang kanilang Medical Reserve Force (MRF) para tumulong sa COVID-19 situation sa Batangas sa gitna nang pag aalburuto ng Bulkang Taal.

Ipinabatid ni Eleazar na ipinag utos na rin niya ang mahigpit na pagpapatupad ng checkpoint para pigilan ang mga residenteng bumalik sa kanilang bahay na nasa loob ng permanent danger zone o sa iba pang ipinagbabawal na lugar kasunod ng kasalukuyang estado ng Bulkang Taal.

Binigyang diin ni Eleazar na handa ang mga pulis na ipatupad ang minimum public health safety standards sa mga evacuation facility para maiwasan ang pagkalat ng COVID-19 at naglatag na rin ng police assistance desk para tulungan ang mga evacuee.

Una nang binisita ni Eleazar ang ilang evacuation centers sa mga bayan ng Laurel at Agoncillo upang alamin ang kondisyon ng mga evacuee at tingnan ang seguridad at iba pang pangangailangan ng mga apektadong residente.

Mahigpit na itinanggi ni DSWD Director Irene Dumlao ang alegasyong korupsyon sa pamamahagi ng Social Amelioration Program (SAP) ni Senador Manny Pacquiao.

Hinamon ni dumlao si pacquiao na maglabas ng ebidensya hinggil sa anito’y anomalya sa sap distribution.

Binigyang diin ni dumlao na ang pondo para sa sap ay “all accounted for”.

Una nang ibinunyag ni pacquiao na nasa 10. 4 billion pesos na sap fund ang hindi nakarating sa mga beneficiary.

Iniimbestigahan na ng Presidential Anti Corruption Commission (PACC) ang 13 kaso ng posibleng korupsyon sa DOH at DSWD.

Ipinabatid ito ni PACC Chair Greco Belgica sa gitna na rin nang paglalantad ni Senador Manny Pacquiao ng mga aniya’y korupsyon sa gobyerno partikular sa DOH at DSWD kaugnay sa COVID-19 response.

Ayon kay Belgica, iniimbestigahan nila ang siyam na kaso ng katiwalian sa DOH at alam ni Health Secretary Francisco Duque III ang kanilang hakbangin.

Apat na kaso naman aniya ng reklamong katiwalian sa DSWD ang tinututukan nila matapos makatanggap ng siyam na libong reklamo kaugnay sa Social Amelioration Program (SAP).

Pursigido ang Bangsamoro Transition Authority (BTA) na isulong ang pag apruba ng electoral code.

Ito ay ayon kay Bangsamoro Spokesperson Minister Naguib Sinarimbo ay kahit pa hindi matuloy ang 2022 election sa Bangsamoro Autonomous Region in Muslim Mindanao (BARMM).

Inamin ni Sinarimbo na masalimuot at malaking hamon sa kanila ang pagbuo ng electoral code dahil maraming malalaking pagbabago na nais ipatupad sa eleksyon.

Pangunahin dito aniya ang political party system dahil naging kaugalian na sa bansa na pami pamilya lamang ang eleksyon.

Sinabi pa ni Sinarimbo na pinag uusapan na rin ng BTA ang mga hakbangin para matiyak ang tamang sectoral representation habang isinasagawa ang halalan.

Nakikipag negosasyon na ang regional political party ni Davao City Mayor Sara Duterte-Carpio sa limang iba pang partido para sa posibleng koalisyon.

Ayon kay Anthony del Rosario, Spokesperson ng Hugpong ng Pagbabago (HNP), kabilang sa mga kinakausap nila para sa posibleng koalisyon ang lakas CMD, National Unity Party, Nacionalista Party, Puwersa ng masang Pilipino at People’s Reform Party.

Sinabi ni Del Rosario na kailangan munang magkaruon ng kasunduan para sumulong ang koalisyon kayat nirerepaso pa ng kada partido ang mga dokumento at inaalam kung katanggap tanggap sa kada partido ang bubuuing kasunduan.

Sa ilalim ng draft agreement, ipinabatid ni Del Rosario na ang HNP ang pipili ng mga kandidato sa pagka Pangulo, pangalawang Pangulo at senatoriables.

Sa susunod na tatlong buwan pa magpapasya si Davao City Mayor Sara Duterte-Carpio kung tatakbo sa 2022 presidential elections.

Ayon ito kay anthony Del Rosario, Secretary General ng Regional Party na Hugpong Ng Pagbabago (HNP) matapos ipaabot sa kanila ni Mayor Sara na hintayin na lamang ang pasya niya sa usapin sa buwan ng Oktubre kung kailan sisimulan ang paghahain ng Certificate of Candidacy para sa May 2022 national at local elections.

Gayunman, sinabi ni Del Rosario na posibleng marami pang mangyari mula sa buwang ito hanggang sa Oktubre partikular kung sino ang maaaring maging Vice Presidential tandem ng Presidential daughter sakaling magpasyang tumakbo sa pagka Pangulo.

Una nang lumipad pa Davao City si dating Presidential candidate at Defense Secretary Gibo Teodoro, Jr. para makipag kita kay Mayor Sara, dahilan kayat lumutang ang posibleng tandem ng mga ito para sa nalalapit na eleksyon.

Panahon na para umaksyon at masusing tingnan ng lehislatura ang pagkamatay ng maraming sundalo dahil sa tinatawag na flying coffins o widow makers ang mga aircraft ng militar.

Binigyang diin ito ni Senador Ronald Bato Dela Rosa dahil walang kasing halaga o priceless ang buhay ng mga sundalo kumpara sa kung uutang ang gobyerno para sa kinakailangang modernisasyon ng mga kagamitan ng AFP.

Samantala, sinabi ni Dela Rosa na hihintayin muna niya ang resulta ng imbestigasyon sa bumagsak ng C130 plane bago isisi ang trahedya sa mga antik o lumang military aircraft.

Mas makabubuting ipagdasal muna ang kaluluwa ng mga nasawi gayundin ang agarang paggaling ng mga nasugatan sa pagbagsak ng bagong biling C130 plane ng Philippine Air Force (PAF).

Ayon ito kay Senate Committee on National Defense and Security Chairman Panfilo Lacson, bago pag isipan ng senado na gamitin ang oversight power nito o ikunsider ang imbestigasyon ng air assets ng AFP sa ilalim ng modernization program nito.

Nanawagan naman si Senador Grace Poe na pagkalooban ng kaukulang tulong ang pamilya ng mga biktima sa nasabing aksidente.

Sa takdang panahon aniya ay inaasahang magkakaruon ng imbestigasyon sa nasabing insidente para matukoy kung paano maiiwasan ang nasabing trahedya at matitiyak na ligtas gamitin ang mga military plane.

Nagpaabot ng pakikiramay ang Amerika matapos madisgrasya ang C130 plane ng Philippine Air Force (PAF) na ikinasawi ng 47 sundalo at tatlong tao.

Ayon kay National Security Advisor Jake Sullivan, nakikiisa sa pagdarasal para sa kaluluwa ng mga nasawi at maging ng mga nasugatan sa nasabing aksidente.

Tiniyak ni Sullivan ang kahandaan ng Amerika na suportahan ang Pilipinas sa disaster response sakaling kailanganin ito ng bansa.