Judith Estrada-Larino

Umuusad sa kongreso ang panukalang AFP modernization

Ayon ito kay Congressman Ruffy Biazon matapos bumagsak ang isang C-130 plane na ikinasawi ng 50 sundalo at tatlong sibilyan sa Patikul, Sulu.

Ipinabatid sa DWIZ ni Biazon na pina-plantsa nila ang procurement process base na rin sa kahilingan ng militar para mabilis na makabili ng mga makabagong gamit ang AFP.

May mga ano sila yung tinatawag na horizon, targets nila yung AFP iyon naman ay on-time noong prinisent nila sa kongreso ang AFP modernization plan nila, they are on-time dahil ang appropriations na nilalabas ng  government nandoon ang support, although isa sa mga sa mga hinihiniling nila na kung maaaring mabago iyong procurement process kasi  kung minsan iyon ang nakapagpapatagal at nababawasan din ang options nila , considering na specialized procurement ito ang isang request nila magkaroon ng specialized procurement process and law instead of just using , yung general procurement law natin na applicable for everyone, so isa lang iyon sa hinihiniling nila sa Kongreso na kung maaari ay mabago para mas mapabilis pa, ″ pahayag ni Congressman Biazon.

Binigyang diin pa ni Biazon na tatlong aspeto ang pinagbabatayan sa mga aksidenteng sangkot ang military aircraft tulad nang nangyari sa Sulu.

Kabilang dito aniya ang kondisyon ng sasakyan, lagay ng panahon at maging ang operator.

Sa kaso nang naaksidenteng C-130 plane, sinabi ni Biazon na ang nasabing military aircraft ay maituturing na all weather aircraft.

Tatlong aspeto iyan ng possible options ng isang accident isa is weather condition, another is equipment conditions, kasama ang maintenance , third ay yung operator yung training ng tao. Siguro kailangan madetermine kung ano ang factors doon na nag-contribute… very reliable yan na aircraft design talaga para sa ganoong operations, ″ ani ni Biazon

Pumapalo na sa 602,000 OFWs ang napauwi na sa bansa ng gobyerno.

Kabilang dito, ayon kay Labor Secretary Silvestre Bello III ay mga OFW na  natapos na ang kontrata at mga nahaharap sa welfare cases tulad ng mga inabuso ng kanilang employers.

Sinabi sa DWIZ na hinahabol na niya ang Foreign Recruitment Agency at maging ang local agency ng mga inabusong OFW para maipa-blacklist ang mga ito at kung kinakailangan ay kanselahin niya ang lisensya ng local agency.

Unang una yung hinabol ko yung Foreign Recruitment Agency, pina-blacklist ko na …. Ay hindi maive-verify lahat ng contract para hindi sila makakuha ng mga OFW ganun din yung ating ano dito, yung local, yung Philippine Recruiment Agency, ipinapa-imbestigahan ko na. At habang iniimbestiga, ay suspendido ang kanilang lisensya at maaari kapagka nalaman ko na pinabayaan nila yung kanilang dineploy, ipapakansela ko po yung kanilang lisensya,” pahayag ni Labor Secretary Bello III sa panayam ng DWIZ.

Binalikan ni PACC Commissioner Greco Belgica si Senador Manny Pacquiao sa pahayag nitong nag doble ang korupsyon sa gobyerno.

Sinabi sa DWIZ ni Belgica na wala namang inilabas na ebidensya si Pacquiao hinggil sa anito’y lumalalang katiwalian sa pamahalaan partikular sa DOH at DSWD kaugnay sa COVID-19 response.

Ayon kay Belgica, ang totoo ay nag doble o pinalakas pa ng gobyerno ang kampanya nito kontra korupsyon dahil bukod sa PACC ay itinatag din ang Anti-Red Tape Authority (ARTA).

Bukod dito, marami na ring reklamo ng katiwalian sa gobyerno ang iniimbestigahan nila kaya’t maling sabihing dumoble ang korupsyon sa pamahalaan.

To summarize the numbers, maliit talaga ‘yung sinasabi ni Sen. Manny. Pangalawa, we are waiting for the document na sabi niya na dadalhin niya samin para makita namin kung ang nasusundan niya ay the same issues na iniimbestigahan na po namin. Pero just to say na hindi pa po namin nakukuha ‘yon, nagpatawag na po kami ng isa pang hearing with DSWD to bring clarity doon sa mga alibi ko sa inyo na napirmahan niya. The biggest problem ko doon sa allegations na ito meron ng conclusion, wala pang investigation so malabo talaga,” ani Greco sa panayam ng IZ sa Ala Sais

Nananatiling aktibo ang Bulkang Taal.

Sa katunayan, ipinabatid ni Paolo Reniva, volcanologist, na nakatutok sa Bulkang Taal na tuluy-tuloy ang naitatalang pagyanig sa paligid ng bulkan bukod pa sa usok na inilalabas nito.

Sinabi sa DWIZ ni Reniva na sa nakalipas na 24 oras, nasa 5,000 tonelada ng sulfur dioxide ang ibinuga ng Bulkang Taal.

Past 24 hrs po, nakapagtala pa rin po tayo ng mga volcanic earthquakes at nakasukat pa rin po ng mahigit 5,000 toneladang sukat ng SO2 po. Medyo mataas pa rin po siya although bumaba ho siya compared sa previous na data na umabot sa 2000. Iniintay lang po natin, so ang monitoring naman po is continuous naman po, titingnan pa po sa mga susunod na sukat kung bumaba nga po sya o hindi na po makasingaw yung gas sa loob ng bulkan. Baka po kasi hindi lang makalabas yung gas, so ‘pag hindi po ‘yun makalabas nakulob po sa loob, pwede po magkaroon ng gas preservation, so pwede pa rin pong sumabog. So tinitingnan pa po natin, mino-monitor pa po yung activity ng Taal,” ani Reniva sa panayam ng IZ sa Ala Sais

Tuluy-tuloy ang mahigpit na monitoring ng Phivolcs sa aktibidad ng Bulkang Taal.

Tiniyak ito sa DWIZ ni Phivolcs Director Renato Solidum dahil hindi aniya dapat balewalain ang mga usok na inilalabas ng Taal volcano.

Sinabi ni Solidum na hindi pa rin nawawala ang posibilidad nang pagsambulat pa ng Bulkang Taal tulad nang nangyari nuong Hulyo 1.

Dahil dito, inihayag ni Solidum na dapat munang manatili sa evacuation centers ang mga inilikas na pamilya mula sa mga bayan ng Agoncillo at Laurel sa Batangas at maghanda na rin ang iba pang lugar na pinangangambahang maapektuhan din ng tuluyang pagsambulat ng Bulkang Taal.

Hawak na ng DOH at Iloilo Provincial Health Office ang incident report na isinumite ng Local Government Unit ng San Enrique, Iloilo kaugnay sa nasirang 167 doses ng Sinovac vaccines.

Sa gitna na rin ito ng imbestigasyon ng Provincial Health Office hinggil sa insidente.

Nabatid na matapos mag brown out, hindi kaagad nailagay sa tamang temperatura ang refrigerator kung saan nakaimbak ang mga naturang bakuna.

Huli na nang makitang nasa 10 °C ang temperatura sa refrigerator na dapat ay 2 °C hanggang 8 °C lamang ang kailangang lamig ng mga nasabing bakuna ng Sinovac.