Dadalhin sa Mactan, Cebu ang narekober na C-130 plane na una nang bumagsak sa Jolo, Sulu na ikinasawi ng 52 katao.
Ipinabatid ito sa DWIZ ni Lt. Col. Maynard Mariano, spokesperson ng Philippine Airforce matapos ang masusing inspeksyon at analysis sa mga bahagi ng naturang eroplano.
Suspendido muna ang PNP training sa Baguio City.
Ito ayon kay Baguio City Mayor Benjamin Magalong ay dahil sa pagtaas ng bilang ng trainees na dinapuan ng COVID-19.
Sinabi ni magalong na maraming PNP trainees ang hindi sumusunod sa minimum public health standards kayat nag positibo sa virus.
Ipinabatid ng Baguio City Epidemiology Surveillance Unit na 26 pang trainees ang nag positibo sa COVID-19 mula Hunyo 28 hanggang Hulyo 11.
Nuong nakalipas na buwan ay nasa 104 cases ang naitala ng Cordillera Administrative Region Training Center.
Magkakaruon ng bahagyang pagtaas ng singil sa kuryente ngayong buwan.
Ang ika-apat na sunod na buwan nang dagdag singil ayon sa Meralco ay dahil din sa pagtaas ng presyo ng kuryente mula sa WESM o wholesale electricity spot market.
Ipinabatid ng Meralco na nasa P0.2353 ang itataas sa singil kada kilowatt hour sa buwang ito.
Dahil dito nasa P47.00 ang dagdag din sa bill ng isang residential customer na kumukunsumo ng 200 kilowatt hour.
Pinayuhan ni Tourism Secretary Bernadette Romulo-Puyat ang mga nais mag-bakasyon sa mga lalawigan na i-check ang website ng mga ito para sa mga kaukulang travel protocol.
Ito ayon kay Puyat ay para makasiguro sa ipinatutupad na health protocols ng LGU lalo na’t pabago-bago ang travel protocols sa mga tourist destination.
Mas mabuti rin aniyang alamin sa mga hotel ang mga ikinakasang protocol nito.
Inamin ni Puyat na nagugulat sila sa minsan ay biglaang anunsyo ng LGU hinggil sa pansamantalang pagsasara ng kanilang tourist spots dahil sa pagtaas ng kaso ng COVID-19.
Umaabot sa 350 kilo ng basura ang nahakot ng ibat ibang grupo sa isinagawang clean up drive sa Boracay island sa Malay, Aklan.
Ang hakbangin ay pinangunahan ng Philippine Coastguard Station Aklan, Special Operation Unit Aklan at Coastguard Sub-station Boracay bilang pagdiriwang sa 38th founding anniversary ng PCG Western Visayas.
Katuwang din sa nasabing underwater clean up drive kung saan nakuha ang mga plastic, bote, gulong, ilang kable at tubo ang volunteer divers ng Boracay business administration of scuba sports.
Malaking tulong ang naturang clean up drive para maibalik ang ganda ng karagatan at mapangalagaan ang marine biodiversity.
Pursigido si dating Comelec Chairman Christian Monsod na maghain ng kaso kapag itinuloy ng Pangulong Rodrigo Duterte ang pagtakbo bilang vice president sa 2022.
Sinabi ni Monsod na handa niyang pangunahan ang paghahain ng kaso laban sa pagtakbo ng pangulo bilang bise presidente sakaling walang umimik kapag naghain na ito ng certificate of candidacy.
Kukuwestyunin aniya niya ang motibo ng pangulo para tumakbong vice president dahil kitang kita namang nais pa nitong magmando sa bansa.
Una nang inihayag ng Pangulong Duterte na tila nakukumbinsi na siyang tumakbong vice president sa 2022 elections matapos ding isulong ng partido nitong PDP-Laban na kumandidato ang pangulo sa pagka-bise presidente.
Naglunsad ng emergency fund para sa media workers ang National Union of Journalists of the Philippines.
Ito ayon sa NUJP ay bilang pagkilala na rin kay veteran journalist Jose Jaime “Nonoy” Espina na sumakabilang buhay nitong nakalipas na araw ng Miyerkules dahil sa liver cancer.
Sinabi ng nujp na ipinaabot ng pamilya Espina na ang lahat ng donasyon o abuloy sa pagkamatay ni mamamahayag ay ilalagay sa health and welfare fund para sa mga journalist at media workers.
Inihayag ni Inday Espina-Varona, kapatid ng veteran journalist na nais nilang makatulong sa mga taga-media na kulang sa social benefits at kadalasang walang kasiguraduhan sa kanilang mga trabaho.
Winelcome naman ng NUJP board of directors ang alok ng pamilya Espina.
Tuluy-tuloy ang pag-subsidize ng Department of Tourism sa bayad sa RT-PCR test.
Ayon ito kay Tourism Secretary Bernadette Romulo-Puyat sa gitna nang pagpapaubaya ng IATF sa LGU’s sa pagpapasya kung oobligahing sumalang sa RT-PCR test ang mga nais pumasok sa kani kanilang mga lugar.
Sinabi sa DWIZ ni Puyat na marami pa ring mga biyahero ang namamahalan sa bayad sa RT-PCR test kayat sinasalo naman aniya ng dot ang bahagi ng gastusin sa pagsalang sa nasabing COVID-19 test para lamang tuluyang makapagbakasyon ang mga tao at sumigla muli ang turismo.
Naglatag na ng mga aktibidad ang National Union of Journalists of the Philippines (NUJP) para gunitain ang unang taon nang pagbasura ng kamara sa panukalang bagong prangkisa para sa ABS-CBN.
Pasisimulan ang mga aktibidad sa isang forum mamayang gabi kung saan ang tema ay: rejected man ang prangkisa, di pa rin magpapatinag at patuloy pa ring a Abante.
Kasama ring tatalakayin ang mga usaping legal, epekto ng kawalan ng prangkisa sa access to information at ano ang hinaharap ng media sa pilipinas.
Katuwang ng NUJP sa mga aktibidad ang free legal assistance group, mga mambabatas, mga kinatawan ng Defend Jobs Philippines, bukluran ng mga manggagawa, mga estudyante ng iba’t ibang pamantasan at maging kinatawan ng College Editors Guild of the Philippines.
Bukas itinakda naman ang isang caravan na pangungunahan ng NUJP-ABS-CBN chapter bilang pagbibigay parangal sa pagiging tulay ng dating media giant sa ma malalaking balitang dapat malaman ng publiko.
Mahigit 50% sigurado nang sasabak sa pagka-pangulo sa 2022 elections si Davao City Mayor Sara Duterte-Carpio.
Ito ang paniniwala ni Davao Del Norte Anthony Del Rosario, secretary general ng Hugpong ng Pagbabago (HNP) bagama’t dapat pang bigyan sapat na oras Si Mayor Sara para tuluyang makapagpasya kung papalaot sa 2022 presidential elections.