Nagpakalat na ng kanilang mga tauhan ang Toll Regulatory Board para tutukan ang pagsisimula nang paniningil ng toll fee sa Skyway Stage 3.
Ipinabatid ito sa DWIZ ni TRB Spokesperson Julius Corpus kaugnay sa pagsisimula kaninang alas-12:01 ng hatinggabi ng paniningil ng toll fee sa Skyway 3.
Naghihintay pa ang Hugpong ng Pagbabago ang magiging pinal na desisyon ni Davao City Mayor Sara Duterte-Carpio sa 2022 presidential elections.
Gayunman sinabi ni Davao Del Norte Governor Anthony Del Rosario, secretary general at spokesman ng HNP na naghahanda na sila sa anumang magiging kaganapan bagama’t nais nilang tumuloy na ang alkalde sa pagsabak bilang presidentiable sa halalan sa susunod na taon.
Ayon pa kay Del Rosario nakikita nilang pursigido si Mayor Sara na tumakbo sa kanyang ikatlong term para maipagpatuloy ang mga proyektong nasimulan nito sa Davao City.
Pinag-aaralan ng MMDA kung ibabalik na ang number coding.
Ito ayon kay MMDA Chairman Benhur Abalos ay dahil sa inaasahang pagbigat ng daloy ng trapiko sa EDSA sa pagsisimula ngayong araw na ito nang paniningil ng Skyway Stage 3.
Sinabi ni Abalos na nasa isandaang libong sasakyan ang dumadaan kada araw sa Skyway at 80% nito ay gumagamit ng RFID.
Dalawampung libong (20,000) sasakyan naman aniya ang maaaring dumaan sa edsa bilang alternatibo at dagdag ito sa kapasidad ng EDSA na nasa halos 400,000 sasakyan.
Una nang sinuspinde ang number coding nuong isang taon dahil sa kakulangan ng public transportation dulot ng COVID-19 pandemic.
Ipapasara ng Quezon City Government ang isang bar kung saan ang mga parokyano nitong nagpa -arty ay walang suot na facemask at hindi sumusunod sa physical distancing.
Matapos mag viral ang nasabing video sinabi ni Rannie Ludovica, pinuno ng QC Task Force disiplina na natukoy nila ang nasabing establishment na Cisco bar sa san Francisco Del Monte.
Ayon kay Ludovica, inaasahang anumang oras ngayong araw na ito ay magpapalabas ng closure order si mayor Joy Belmonte laban sa Cisco Bar kung saan nakita ang paglilipat-lipat ng mga guest ng lamesa nuong Biyernes.
Nakakalungkot lamang aniya dahil pawang mga kilalang influencers ang dumalo sa nasabing birthday celebration at dapat na kakaalam ng health protocols.
Sinabi ni Ludovica na kukunin nila ang guest list at aalamin din kung may contact tracing form na pinapirmahan sa mga guest.
Bigong makapagsagawa ng on site inspection ang task force dahil sa naunang nirespondehang riot sa Timog Avenue.
Patuloy ang pag-aalburuto ng Bulkang Taal matapos makapagtala ng 185 volcanic earthquakes sa nakalipas na 24 oras.
Ayon sa Phivolcs ang hindi mapipigilang paglabas ng magma mula sa main crater ng Bulkang Taal ang magtutulak dito sa mas malalaki at malakakas pang pagsabog.
Tuluy tuloy din ang paglalabas ng Sulfur Dioxide ng Bulkang Taal na nasa average na 6, 421 tonnes kada araw kahapon.
Umaabot naman sa 1, 500 meters ang usok na ibinuga ng Bulkang Taal mula sa bunganga nito.
Muling ipinaalala ng Phivolcs na nananatili sa alert level 3 ang Bulkang Taal.
Nakakaranas na ng ikatlong bugso ng COVID 19 pandemic ang Region 7 o Central Visayas.
Ayon ito kay Dr. Eugenia Mercedes Caña a, pinuno ng DOH-Region 7 kung saan pasirit ang kaso ng COVID-19 sa rehiyon at hindi lamang sa Cebu City sa nakalipas na apat na linggo o isang buwan.
Sinabi ni cania na pangunahing dahilan nang patuloy na pagtaas ng COVID-19 cases sa Region 7 ang paglutang ng mga mas nakakahawang variant ng nasabing virus.
Bukod pa ito aniya sa mga pagtitipon ng ilang residente tulad ng kasal, fiesta at maging birthday celebration kung saan tila nakakalimutan nang sumunod sa health and safety protocols at maging ang hindi pantay na pamamahagi ng COVID-19 vaccines.
Gayunman inihayag ni Caña na mas maayos naman ang kalagayan ng central Visayas sa ngayon kumpara sa second wave ng pandemya nuong Pebrero at Marso.
Hindi pa tapos ang laban kaugnay sa bagong prangkisa ng ABS-CBN.
Ito ayon kay Leody De Guzman, chairman ng Bukluran ng Manggagawang Pilipino ay dahil panahon na ring gantihan sa 2022 elections ang 70 kongresistang pumatay sa panukalang bigyan ng bagong prangkisa ang dating media giant.
Sumang-ayon naman dito si Christian Lloyd Magsoy, spokesperson ng Defend Jobs Philippines na nagsabing tiyak aniyang maniningil ang mga manggagawa sa darating na eleksyon dahil sa pagharang na makapag-ere ang ABS-CBN sa gitna pa naman ng pandemya.
Tanging 11 miyembro ng House Committee on Legislative Franchises ang pumabor sa panukalang mabigyan ng bagong prangkisa sa susunod na 25 taon pa ang ABS-CBN .
Patuloy ang transmission ng COVID-19 kahit pa malaki ang ibinaba ng mga bagong kaso nito sa ilang pagkakataon.
Ito ayon kay Dr. Ted Herbosa, special adviser, National Task Force against COVID-19 ang kahulugan ng sinasabi ng OCTA Research Group hinggil sa flat trend ng virus sa National Capital Region, Davao City at Bacolod.
Sinabi sa DWIZ ni Herbosa na patunay din itong mayruon pang hindi natutukoy na kaso ng virus lalo nat naka steady na sa 4,000 hanggang 6,000 bagong kaso ng COVID-19.
Dahil dito inihayag ni Herbosa na dapat trabahuhin ng local government units na mapigilan ang transmission.
Dalawa hanggang tatlong linggong gagabayan ng MMDA ang mga motoristang posibleng magbalik EDSA mula sa pagdaan sa Skyway Stage 3.
Ito ayon kay MMDA EDSA Traffic Czar Colonel Bong Nebrija ay kasunod nang deployment ng mga tauhan nila simula ngayong araw na ito kung kailan epektibo ang paniningil na ng toll fee sa Skyway Stage 3.
Sinabi sa DWIZ ni Nebrija na inayos na rin ng sidewalk clearing operations group ng mmda nitong nakalipas na weekend ang mabuhay lanes bilang alternatibong ruta rin ng ilang motorista dating dumadaan sa Skyway Stage 3.
Kaka-upgrade pa lamang ng safety training programs ng Philippine Air Force.
Ipinabatid ito sa DWIZ ni Lt. Col. Maynard Mariano, spokesperson ng Philippine Airforce kaya’t nakakalungkot ang nangyaring pagbagsak ng C-130 plane sa Jolo, Sulu na ikinasawi ng 52 katao.
Tiniyak ni Mariano na tuluy-tuloy din ang kanilang evaluation at pagpa-plantsa ng kanilang safety programs and protocols.