Author

Jopel Pelenio

DWIZ 882

MMDA umaasang maibababa na sa GCQ ang quarantine status sa Metro Manila

Umaasa ang Metropolitan Manila Development Authority (MMDA) na maibababa na sa general community quarantine (GCQ) ang quarantine status sa national capital region (NCR) na kasalukuyan ngayong nasa MECQ.

Ayon kay MMDA Chairman Benhur Abalos, na kapag nagpatuloy ang pagbaba ng kaso ng COVID-19 sa NCR, tiyak na maari nang ilagay sa GCQ ang NCR.

Sinabi ni Abalos, na bumagal na ang growth rate ng mga bagong kaso ng COVID-19 sa Metro Manila na umaabot na lamang ngayon sa 5% simula March 31 hanggang April 17, na mula sa dating 164% noong February 28 hanggang March 7.

Pahayag pa ng MMDA chairman, na karamihan din sa mga lokal na pamahalaan sa NCR ay nakapagtala na ng pagbaba ng COVID-19 cases sa kani-kanilang mga lugar.

Sa nakalipas aniya na pitong araw o isang linggo, patuloy nang bumababa ang kaso ng virus sa metro manila at umaasa aniya siya na luluwag o made-decongest na ang mga ospital sa NCR.

April 25, 2021 0 comment

HEADLINES INTERNATIONAL NEWS NATIONAL NEWS

15 pang Pilipino, nagpositibo sa COVID-19 sa labas ng bansa

written by Jopel Pelenio

Iniulat ng Department of Foreign Affairs (DFA) na 15 pang Pilipino sa ibayong dagat ang dinapuan ng COVID-19.

Dahil dito pumalo na sa 18,237 ang mga Pinoy-abroad na nagpositibo sa virus.

Sa ngayon nasa 5,921 na mga Pilipino sa ibang bansa ang patuloy na nilalapatan ng lunas matapos mahawaan ng COVID-19.

Nadagdagan naman ng tatlo ang mga Filipino-abroad na binawian ng buhay dahil sa virus dahilan upang umakyat na sa 1,126 ang death toll.

Siyam naman ang naitalang new recoveries, dahilan upang pumalo na sa 11,190 ang bilang ng mga gumaling na mga pilipino sa ibayong dagat.

April 25, 2021 0 comment

HEADLINES NATIONAL NEWS

Mga nagtungo sa community pantry ni Angel Locsin, kailangang sumailalim sa COVID-19 swab test — QC LGU

written by Jopel Pelenio

Nanawagan ang Quezon City Government sa lahat ng mga nagtungo sa inorganisang community pantry ng aktres na si Angel Locsin na sumailalim sa libreng COVID-19 swab testing.

Ayon kay Dr. Rolando Cruz, ang chief ng City Epidemiology and Disease Surveillance Unit (CESU), hindi maaring ipagsawalang-bahala ang posibilidad na nagkahawahan sa lugar ng pinagtayuan ng community pantry ni Angel Locsin dahil sa dami ng dumalo.

Giit ni Dr. Cruz, mainam nang makasiguro na hindi nagkaroon hawaan sa bawat pamilya ng mga dumagsa sa community pantry na ito ng aktres.

Sinuman aniya sa mga nagtungo doon na nakararanas ngayon ng flu-like symptoms o pag-ubo at lagnat marapat lamang na komunsulta na sa doktor at magkusa nang magpa-sailalim sa free swab testing na ibinibigay ng QC LGU.

Pahayag ni Dr. Cruz, na lahat aniya ng mga residente ng Quezon City na nakipagsiksikan sa pa-community pantry ni Angel Locsin at may nararanasang sintomas ng COVID-19, maari lamang aniyang tumawag at magpa-book ng online appointment sa pamamagitan ng CESU reservation form o kayay tumawag sa qc contact tracing hotlines na 8703-2759, 8703-4398, 0916-122-8628, 0908-639-8086 o 0931-095-7737.

Matatandaan na isang 67-year-old na senior citizen din ang nasawi habang nakapila sa community pantry na ito ng aktres.

April 25, 2021 0 comment

NATIONAL NEWS

Taas presyo ng produktong petrolyo, asahan na bago matapos ang buwan ng Abril

written by Jopel Pelenio

Asahan na ang panibagong taas presyo ng produktong petrolyo bago matapos ang buwan ng Abril.

Ayon sa ilang taga-oil industry, posibleng pumalo sa 35 sentimo hanggang 45 sentimo ang itataas sa kada litro ng gasolina.

Habang 25 sentimo hanggang 35 sentimo ang madadagdag sa kada litro ng diesel.

Samantalang nasa 55 sentimo hanggang 65 sentimo ang itataas naman sa kada litro ng kerosene.

Ayon sa industriya ng langis, maari umanong umakyat ang oil demand sa Estados Unidos kapag nagsimula na ang driving season at ang napipintong pagpapahinto sa oil export ng bansang Libya.

April 25, 2021 0 comment

INTERNATIONAL NEWS

23k bilanggo sa Myanmar, nakatakdang palayain ng military junta matapos gawaran ng amnestiya

written by Jopel Pelenio

Plano ng militar na syang namumuno ngayon sa Myanmar na pakawalan ang nasa 23,000 nilang mga prisoners.

Taon-taon nagkakaloob ang myanmar ng amnesty sa libo-libong bilanggo sa kanilang bansa kasabay ng kanilang tradisyunal na Buddhist new year holiday.

Kungsaan kabilang ito sa mga ipinagdiriwang nila kasabay ng city-wide water fights.

Ngunit ngayong taon, na ang militar na ang nasa kapangyarihan matapos patalsikin ng anti-coup activists ang kanilang civilian leader na si Aung San Suu Kyi gugunitain nila ang holiday na ito sa pamamagitan ng mga kilos protesta kasunod ng patuloy na pagtaas ng bilang ng mga nasasawi at inaaresto dahil sa mga demonstrasyon.

Hindi naman malinaw kung kasama sa mga palalayain ang mga anti-junta protesters o mga journalist na ikinulong dahil sa pagcover ng mga nangyaring anti-governtment rally doon.

April 18, 2021 0 comment

ENTERTAINMENT

Senior Citizen Veteran Actress na si Coney Reyes, naturukan na ng COVID-19 vaccine sa lunsod ng Pasig

written by Jopel Pelenio

Tumanggap na ng COVID-19 vaccine ang batikang aktres na si Coney Reyes matapos na dumaan sa mga kinakailangang proseso.

Base sa instagram post ni Reyes, makikita ang isang larawan nito at may hawak na signage na may nakasulat na “I got vaccinated!”.

Kaugnay nito, inanunsyo naman ng anak ng beteranang aktres na si Pasig City Mayor Vico Sotto sa kanyang twitter post na ang kanyang ina ang ika-6,318th senior citizen na nabakunahan sa lunsod.

Kasabay nito, iniulat din ng alkalde sa mga residente ng Pasig City ang detalye ng rollout vaccines, at sinabing nasa 24,000 na ng mga taga-lungsod ang naturukan ng vaccine, kasama na ang mahigit 6,000 senior citizens.

April 18, 2021 0 comment

NATIONAL NEWS

4.4-M na mga low-income earners sa NCR, nakatanggap na ng aabot sa P4.47-B na cash aid

written by Jopel Pelenio

Tinatayang aabot sa 4.4 million low-income individuals sa National Capital Region (NCR) ang tumanggap ng financial assistance mula sa gobyerno.

Ayon sa Department of the Interior and Local Government (DILG), pumalo na sa P4.47-B ang naipamahagi ng mga local government unit sa NCR plus o nasa 40.07% na ng financial assistance ang naipamigay na sa sa 4,477,090 individuals.

Ayon kay DILG Spokesperson Jonathan Malaya, pursigido aniya ang mga lgus sa pamamahagi ng ayuda at tinitiyak umano ng mga ito na talagang naibibigay sa mga benepisyaryo ang pinansyal na tulong na para sa kanila.

Matatandaan na inaprubahan ni Pang. Rodrigo Duterte ang p22.9b na ayuda para sa 22.9 million na mga beneficiaries sa Metro Manila, Bulacan, Rizal, Laguna, at Cavite, kung saan tinatayang aabot sa 1,000 hanggang 4,000 ang matatanggap na halaga kada pamilya.

April 18, 2021 0 comment

NATIONAL NEWS RONDA PROBINSYA

Pre-emptive evacuation ipinatutupad na sa Bicol, Samar dahil sa inaasahang pananalasa ni Bagyong Bising

written by Jopel Pelenio

Ipinag-utos na ang pagsasagawa ng mga pre-emptive evacuation sa ilang lugar sa Bicol Region at Samar Province dahil sa inaasahang may kalasakang pagtama doon ni Bagyong Bising.

Ito ang inihayag ng regional council sa kasagsagan ng third pre-disaster risk assessment meeting na pinangunahan ng National Disaster Risk Reduction and Management Council (NDRRMC).

Ayon sa Regional Disaster Risk Reduction and Management Councils (RDRRMC) for Bicol, na nagpapatupad na sila ngayon ng initiated pre-emptive evacuation sa mga lugar ng Camarines Sur, Catanduanes, at Sorsogon.

Samantala, ganito rin umano ang ipinatutupad ngayon ng RDRRMC for Eastern Visayas sa ilang lugar ng Northern Samar, at Eastern Samar.

Sinabi naman ng iba’t-ibang ahensya ng gobyerno na nakaantabay na ang kanilang mga response teams and resources sakaling kailanganin sa panahon ng pananalasa ni Bagyong Bising.

Inihayag naman ng NDRRMC na nasa P182-M worth ng food packs ang nakastandby na sa iba’t-ibang warehouse ng DSWD sa buong bansa.

April 18, 2021 0 comment

NATIONAL NEWS

Pito pang Pinoy sa abroad, nagpositibo sa COVID-19

written by Jopel Pelenio

Iniulat ng Department of Foreign Affairs (DFA) na pito pang mga Filipino abroad ang nagpositibo sa COVID-19, dahilan upang pumalo na sa 18,141 ang kaso sa ibang bansa.

Aabot naman sa 1,115 ang death toll ng mga overseas Filipino habang nasa 11,142 naman ang mga nakarekober.

Inihayag din ng DFA na nasa 5,884 overseas Filipinos ang kasalukuyang nilalapatan ng lunas.

Ayon sa ahensya, ang mga numerong ito ay mula sa 91 mga bansa na mayroong mga Pilipinong nahawaan ng virus.

April 18, 2021 0 comment

NATIONAL NEWS

163 pa na PNP personnel, nagpositibo sa COVID-19

written by Jopel Pelenio

Iniulat ng Philippine National Police (PNP) na aabot pa sa 163 na personnel nila ang nagpositibo sa COVID-19, dahilan upang pumalo na sa 18,413 ang kaso sa kanilang hanay.

As of April 16, umabot na sa 16,042 ang nakarekober sa PNP matapos na 290 pa na mga tauhan nila ang gumaling mula sa virus.

Nananatili naman sa 49 ang death toll sa loob ng pambansang pulisya.

Sa ngayon nasa 2,322 umano ang active cases sa ahensya.

April 18, 2021 0 comment

Newer Posts

Older Posts