Jopel Pelenio

Arestado ang sampung indibidwal na sangkot sa iligal na droga matapos ang ikinasang operasyon ng Philippine Drug Enforcement Agency (PDEA) at ng Philippine National Police (PNP) sa lunsod ng Valenzuela.

Ayon sa PDEA, maghahain lamang sila ng search warrants sa dalawang bahay na ginagawang drug den ng mga suspek sa kahabaan ng General T. De Leon Road.

Kungsaan, naaktuhan umano ng mga miyembro ng PDEA at PNP ang mga suspek na nagsasagawa ng pot session sa naturang lugar.

Samantala, aabot naman sa P180,000 na halaga ng shabu ang kanilang nasamsam mula sa mga suspek.

Kasunod nito, agad namang binalaan ni Valenzuela City Police Chief Colonel Ramchrisen Haveria ang publiko na agad na aarestuhin ang mga mapatutunayang sangkot sa iligal na droga.

Nahaharap ngayon ang mga suspek sa kasong paglabag sa comprehensive dangerous drugs act of 2002.

Nagpapatuloy parin ang pag-uusap ng Pilipinas at Tsina kaugnay sa isyu ng joint exploration sa West Philippine Sea.

Ayon kay Energy Sec. Alffonso Cusi, may ipinadala na silang imbitasyon para sa mga posiblengdayuhang kumpanya na handang magtungo sa Pilipinas at maglagak ng puhunan para sa eksplorasyon.

Sa ngayon, ani Cusi, nasa apat na service contracts na ang kanilang pino- proseso at hinihintay na lamang nilang matapos upang maisumite na sa Palasyo para ganap nang malagdaan ng Punong Ehekutibo.

Hiwalay naman aniyang usapin ang isyu ng pinag-aagawang teritoryo sa West Philippine Sea dahil hindi naman ito nakakaapekto sa joint exploration ng bansa.

Binigyang diin ni Energy Sec. Alfonso Cusi na planado na ang lahat para sa mga gagawing pag-handle o pangangalaga sa mga COVID-19 vaccine bago pa man dumating ang iba’t-ibang brand nito sa bansa.

Sinabi ni Energy Sec. Alfonso Cusi na katuwang ng DOE sa pagbuo ng planong ito ang IATF, mga kooperatiba at ang National Electrification Administration (NEA).

Pahayag ni Cusi, na kabilang sa kanilang mga napaghandaan na ay ang pagkakaroon ng primary source, secondary source, tertiary source, fourth source at iba pang mga pamamaraan kung paano mapangangalagaan ang mga bakuna sakaling makaranas ng pagkawala ng pagkawala ng kuryente ang isang lugar sa bansa.

Ginawa ng DOE secretary ang pahayag matapos ang nangyari rotational brownout kamakailan sa ilang lugar sa bansa.

Nakaamba nanaman ang panibagong oil price hike sa susunod na linggo.

Ayon sa industriya ng langis, posibleng pumalo sa 60 sentimo hanggang 70 sentimo ang itataas sa kada litro ng gasolina at diesel.

Matatandaan na noong nakalipas na Hunyo a-uno, umabot sa 60 sentimo hanggang 80 sentimo ang ipinatupad na oil price hike ng mga kumpanya ng langis para sa kada litro ng gasolina habang apatnapung sentimo naman sa kada litro ng diesel.

Hinatulan na ng habambuhay na pagkakabilanggo ng Quezon City Court ang walong suspek na dumukot sa isang Chinese-Filipino trader noong 2004 sa lungsod ng Maynila.

Ayon sa Philippine National Police (PNP), binasahan ng sakdal ni QC RTC branch 225 presiding Judge Ma. Luisa Gonzalez-Betic ang mga salarin na sina Romeo Ayson, Clayton Patingan, Alberto Culanag, Romeo Aruta, Jose Olbato, Jaime Tolevas, Edwin Castillo, at Sebastian Magaipo na pawang napatunayang nasa likod ng pagdukot Genevive Sy, 17 taon na ang nakararaan.

Life imprisonment at walang parole ang ibinabang hatol ng korte laban sa mga suspek, habang napawalang sala naman ang mga akusadong sina Pepe Bihag at Lolita Monarzs.

Pahayag pa ng PNP, na dating mga opisyal umano ng Criminal Investigation and Detection Group (CIDG) sina Ayson at Patingan na kabilang sa 15 suspek na naaresto ng tinatawag noong police anti-crime and emergency response operatives kasunod ng ikinasa nilang rescue and follow-up operations na may kaugnayan sa pagkakadukot kay Sy.

Nasabat ng operatiba ng Philippine Drug Enforcement Agency-National Capital Region (PDEA-NCR) ang P13.6-M na halaga ng shabu sa kanilang ikinasang drug operation sa lunsod ng Taguig.

Naaresto naman sa operasyong ito ang dalawang suspek na sina Melanie Capin at Jeffrey Sadyasa.

Ayon kay PDEA-NCR Regional Director Adrian Alvariño, matagal na nilang minamanmanan ang grupong ito ng mga drug suspect na nagde-deliver sa ibat-ibang bahagi ng Metro Manila.

Sinabi ni Alvariño, maituturing aniyang follow-up operation ang kanilang pagkakasabat sa dalawang kilo ng iligal na droga matapos ang nauna nilang operasyon sa Las Pinas at Paranaque City na nagresulta sa pagkakarekober nila ng aabot sa 20 kilo ng shabu.

Makikita rin aniya na magkakapareho ang mga packaging ng mga nasamsam nilang iligal na droga, kungsaan malaki ang posibilidad na galing umano pa sa ibang bansa.

Inihayag pa ni Alvariño na mga bagong mga drug players ang mga nahuli nilang suspek dahil wala pang records ang mga ito ng pagkahuli may kaugnayan sa paglabag sa RA 9165 o mas kilala bilang comprehensive dangerous drugs act of 2002.