Jopel Pelenio

Napigilan ng Bureau of Customs (BOC) ang tangkang pagpasok sa bansa ng P240 Million na halaga ng smuggled na refined sugar o asukal mula Thailand.

Ayon sa BOC, nasukol ng pinagsanib na pwersa ng Customs Police Division-Enforcement and Security Service (CPD-ESS), Customs Intelligence and Investigation Service, at ng Philippine Coast Guard ang isang vessel na naglalaman ng mga asukal sa karagatang sakop ng bauan at mabini sa Batangas.

Pahayag ng ahensya, aabot sa 50 kilo ang nilalaman ng kada – bag ng puting asukal na nasamsam ng pdea na ipadadala sana sa Stone Int’l. Co. Ltd, na mula naman sa shipper nitong Thai Sugar Trading Corp.

Pahayag ng BOC, ikinasa nila ang operasyon kasunod ng ulat na kanilang natanggap na may kargang mga asukal ang VOI MV Sunward na nakatakdang dumaong sa Batangas kahit pa wala itong notice of arrival na inihain sa BOC.

Tiklo ang sinasabing NPA Commander na si Rey Iniro na nahaharap sa mga kasong Murder at paglabag sa Anti-Terrorism Act makaraang mamataan ng mga otoridad sa Tanza, Cavite.

Naaresto ang suspek matapos na maharang ng arresting officer ng National Bureau of Investigation (NBI).

Sa bisa ng dalawang warrant of arrest, binitbit ng NBI Cavite District Office North si Iniro.

Natukoy ang npa commander dahil sa kanyang bukol sa likod na nagsilbing palatandaan ng mga otoridad.

Nakuha dito ang kanyang cellphone at mga anting-anting na nasa katawan nito.

Nasamsam din kay Iniro ang matataas na kalibre ng baril mula sa mahigit 30 NPA members na sumuko tropa ng pamahalaan sa Camarines Norte.

Isinuko din ng suspek sa National Capital Region Police Office ang ilang mga ammunition at hand-held radios.

Inihayag ng Armed Forces of the Philippines (AFP) na nasa normal ang lahat.

Paglilinaw ni AFP spokesperson Col. Medel Aguilar, na bahagi ng ginagawa nilang preparasyon para sa pagdiriwang ng Pista ng Itim na Nazareno ang namataang PNP Assets sa Camp Crame.

Giit ni Aguilar, makakaasa ang publiko na patuloy na poprotektahan ng AFP at ng iba pang government security forces ang kaligtasan ng lahat laban sa mga grupong nais maghasik ng kaguluhan sa bansa.

Samantala, sinabi nito, na naging maayos ang change of command kahapon para sa tuluyang pag-upo ni General Andres Centino bilang AFP Chief of Staff.

Ayon kay Aguilar, buo ang suporta ng AFP sa liderato ni Gen. Centino at sa mga hangarin nito na maprotektahan ang publiko at depensahan ang territorial integrity at national sovereignty ng bansa.

Sinaksihan ng mga deboto ang tradisyonal na “pabihis” ng Itim na Nazareno sa Quiapo Church.

Dumagsa ang mga ito sa Plaza Miranda para sa buong araw na mga misa bago ang Walk of Faith.

Tiniyak ng mga otoridad na mahigpit nilang ipatutupad ang seguridad at physical distancing, kasabay ng ginawa nilang pagpapakalat ng mga yellow signages sa lugar.

Ipinaliwanag ng simbahan na maliban sa pagbibigay pasasalamat, simbolo din ang pabihis ng Black Nazarene ng malaking epekto nito sa buhay ng maraming Katoliko.

Matapos ang dressing ceremony, marami parin ang nanatili sa loob  ng Quiapo Church para pagsisimula ng “Pagbabasbas” at “Pahalik” sa damit ng Nazareno.

Ayon sa mga deboto, kahit wala ang tradisyonal na traslacion magpapatuloy pa rin ang kanilang debosyon sa Black Nazarene.

Inilagay na sa heightened alert status ng PNP ang kanilang unit para sa pagdiriwang ng Feast of the Black Nazarene 2023.

Ayon kay PNP spokesperson Pol. Col. Jean Fajardo, nangangahulugan lamang ito na nagsimula na ang kanilang security coverage kasunod ng pagbabalik ng traslacion sa Maynila partikular na sa paligid ng quirino grandstand at sa Quiapo Church.

Pahayag ni Fajardo, nagdeploy na sila ng mga tauhan sa ilang lugar sa Maynila upang matiyak ang kaligtasan ng mga  deboto.

Kinumpirma din ng PNP Spokesperson na bahagi ng kanilang paghahanda sa 2023 Feast of the Black Nazarene ang nakitang mga sasakyan ng Pambansang Pulisya sa Camp Crame.

Asahan na ang ipatutupad na rollback sa produktong petrolyo ng mga kumpanya ng langis sa susunod na linggo.

Base sa pagtaya ng Unioil, posibleng pumalo sa P2.40 hanggang  P2.60 ang ibaba sa kada litro ng Diesel habang nasa P.50 centavos hanggang P.60 naman ang itatapyas sa kada litro ng gasolina.

Posibleng maging epektibo ang oil price rollback sa araw ng Martes, January 10, 2023.

Binigyang papuri ng Catholic Bishops’ Conference of the Philippines (CBCP) ang pumanaw na si Pope Benedict XVI.

Ayon sa CBCP, hindi malilimutan ang mga kabutihang nagawa ng yumaong Santo Papa na kinilala rin bilang “Pope of Charity.”

Sinabi ni CBCP president Pablo Virgilio David, na kung itinuturing si Pope Francis na Pope of Mercy and Joy, kinikilala naman aniya si Pope Benedict bilang Pope of Charity.

Sinabi pa ni David, na isang “great theologian, catechist, at musician” si Benedict XVI.

Simula bukas, araw ng Lunes, ihihimlay ang labi ni Pope Benedict sa Saint Peter’s Basilica na magiging bukas para sa publiko.

Sang-ayon si House Committee on Transportation Chairman Cong. Romeo Acop na isapribado ang operasyon ng EDSA Bus Carousel.

Ginawa ni Acop ang pahayag, kasunod ng naging anunsyo ni Transportation Sec. Jaime Bautista na ipa-privatize na ang EDSA Bus Way pagsapit ng 3rd quarter ng 2023.

Sinabi ng mambabatas na mahalagang makapaglunsad ng malalimang feasibility study ukol dito upang matiyak na maayos itong maipatutupad.

Maari aniyang pag-aralan at tularan ang mga bansang China, Hong Kong at London na matagal nang nagpapatupad ng ganitong sistema.

Nais din ng solon na maisama sa feasibility study ang magiging impact ng privatization sa mga mananakay at sa galaw ng pasahe dahil sa mga oil price increases.

Iginiit pa ni Acop na kung titingnan ang pondo ng pamahalaan para sa Bus Way Project Infrastructure sa susunod na taon, indi ito sasapat upang para makapagpatupad ng isang Bus Way System na naaayon sa world standard.