Jenn Patrolla

Target ng Metro Manila Development Authority na maglatag ng mga regulasyon sa pagmamaneho ng  electric bicycles at electric tricycles sa bansa.

Kabilang dito ang pagpaparehistro sa mga e-bicycles at e-tricycles.

Ayon sa MMDA, plano rin nila na obligahin ang mga driver na kumuha ng lisensya.

Binigyang diin ni MMDA Acting Chairman Romando Artes, na kailangan ng magkaroon ng regulasyon para habang hindi pa nakakasagabal sa traffic.

Nakakagulat anya ang pagtaas ng bilang ng mga  e-bike at e-trike sa mga lansangan.

Umakyat na sa 127,000 families ang apektado ng pagbaha at landslide na dulot ng sama ng panahon sa Davao Del Norte.

Sinabi ni Davao Del Norte Vice Governor Oyo Uy, na ito’y batay sa report ng Provincial Disaster Risk Reduction Management Office pero patuloy ang ginagawang assessment hinggil sa pagguho ng lupa.

Dagdag pa ng Vice Governor, batay sa partial latest report na ibinigay nila kay Pangulong Ferdinand Marcos Jr, pumalo na sa P P1.2-B ang halaga ng naitalang pinsala sa agrikultura at imprastraktura sa kanilang probinsya.

Samantala, nilinaw naman ni Vice Governor Uy na bagama’t maraming pamilyang apektado ng kalamidad ay wala nang tumutuloy ngayon sa mga evacuation centers sa lalawigan. – sa ulat mula kay Gilbert Perdez ( Patrol 13).

Kulelat ang Pilipinas pagdating sa sahuran sa mga mangggawa mula sa iba’t ibang sektor.

Ito ang binigyang diin ni Labor Lawyer and Federation of Free Workers Head Sonny Matula matapos ipinapanukala sa senado ang P100 dagdag-sahod sa mga manggagawa.

Sa panayam ng DWIZ, ikinumpara ni Attorney Matula ang sahod ng mga empleyado sa mga kalapit bansa gaya ng Indonesia na aabot na sa P800 ang arawang sahod.

Ipananawagan ng abugado sa mga mambabatas na repasuhin ang taas-sahod para sa mga manggagawa, sa halip na tutukan ang Charter Change.

Nakapagtala ang Commission on Election ng mahigit walumpung libo katao ang nagparehistro sa unang araw ng nationwide registration sa buong bansa.

Batay sa datos ng COMELEC, may pinakamaraming voter registration sa Region 4-A na may kabuuang 14,754, sinundan ng National Capital Region na may 10,623; region 3; 10,143, Region 7; 7,890 at Region 1 na may 6,705 registrants.

Habang aabot lamang sa mahigit 400 ang nakapag-rehistro sa tanggapan ng COMELEC.

Matatandaang idineklara ng comelec ang Pebrero 12 bilang “National Voter’s Day” At pag-iisyu ng sertipikasyon para sa mga botante ng walang bayad.

Tumaas ang presyo ng bulaklak sa ilang pamilihan sa Metro Manila.

Ayon sa mga vendor, naglalaro ang presyo sa 250 kada piraso ng Sun flower, 150 kada piraso ng Rose, Malaysian Mums na nasa 50 kada stem at Alstroemeria  P50  bawat dalawang stem.

Maaari ring magpa-arrange ng bulaklak na aabot sa P300 – P700 pesos depende sa laki at dami ng mga bulaklak na ilagagay.

Maliban sa bulaklak, makabibili rin ng stuffed toy na nasa       P300 – P700  depende sa ayos at laki.

Mabenta na ang mga tikoy, prutas at mga lucky charm sa Ongpin o Manila Chinatown Sa Binondo, Maynila.

Ayon sa mga manininda, naglalaro sa P100 hanggang P500 ang iba’t ibang flavor ng tikoy.

Habang ang prutas na bilog gaya ng kiat-kiat ay mabibili sa P50- P100 kada kilo; P150- P250  naman ang kada kilo ng ubas; P100  ang tatlong piraso ng orange at nasa P10 – P20 kada piraso ng Ponkan.

Naglalaro rin sa P100- P300 ang lucky charm kada piraso, depende pa ito sa quality.

Samantala, pinaiiral na ng Manila Police District ang pagbabantay sa Maynila upang matiyak ang kaligtasan ng mga magtutungo sa  Ongpin at sa bahagi ng Binondo. – sa ulat mula kay Aya Yupangco ( Patrol 5 )

7 labi ang narekober sa nagpapatuloy na rescue operations sa naganap na landslide sa Barangay Masara, Maco, Davao De Oro.

Batay sa huling ulat ng Maco Municipal Disaster Risk Reduction and Management Office kahapon, aabot sa 31 katao ang sugatan habang 48 ang nananatiling nawawala.

Ayon naman sa Provincial Disaster Risk Reduction and Management Office, aabot sa 758 pamilya ang pansamantalang nanunuluyan sa mga evacuation center.

Matatandaang nailigtas ng rescue teams ang 45 biktima mula sa 86 na empleyado ng APEX mining, na inisyal na iniulat na na-trap ng landslide.

Sa ngayon, nagpapatuloy ang rescue operation ng ilang government agency at rescue teams sa naturang probinsya.

Ilulunsad ngayong araw ng Department of Transportation Metro Rail Transit Line-3 ang kanilang  “Love Train.”

Ito’y bilang pakikiisa ang DOTR – MRT 3  sa selebrasyon ng buwan ng pag-ibig o love month ngayong Pebrero.

Pangungunahan ni Transportation Assistant Secretary for Railways at MRT-3 officer-in-charge Jorjette Aquino ang programa at mga aktibidad.

Sasakay ang opisyal sa train, dakong 10 am mula North Avenue Station sa Quezon City hanggang Ayala Station sa Makati City.

Magkakasa rin ng maiksing programa na magtatampok ng harana sa may love booth ng MRT 3 bilang backdrop sa Ayala station.

Target maabot ng Bureau of Fisheries and Aquatic Resources ang 100% food-fish sufficiency level para sa taong 2028.

Sinabi ni BFAR National Director Demosthenes Escoto, aabot sa 92.5 %  ang kasalukuyang food-fish sufficiency level ng Pilipinas.

Dagpag pa ng opisyal, na upang makamit ito ay kailangang pataasin ng ahensya ang produksyon sa sektor ng pangisdaan.

Palalakasin din ng BFAR ang kanilang koordinasyon at pakikipagtulungan sa  National Fisheries Research and Development Institute.

Nabayaran na ng pamahalaan ng Saudi Arabia ang mga Overseas Filipino Workers na nawawalan ng trabaho sa kanilang bansa noong 2015 at 2016.

Ito ang magandang ibinalita ni Pangulong Ferdinand Marcos Junior hinggil sa matagal nang hinihintay na  backwages at kompensasyon ng mahigit 10,000  OFW’s na nawalan ng trabaho sa Saudi Arabia.

Ayon kay Pangulong Marcos, may kabuuang 868,740,544  ang may clearance na ng alinma bank sa pamamagitan ng Land Bank of the Philippines, at 843 na tseke na nagkakahalagang P700 – M ang  nai-credit na sa peso equivalent.

Matatandaang ipinangako ni Saudi Crown Prince Mohammed kay PBBM na babayaran ang mga OFW na nawalan ng trabaho sa nabanggit na bansa. – sa ulat mula kay Gilbert Perdez (Patrol 13)