Author

Gilbert Perdez

DWIZ 882

MMDA: Dry-run sa preparasyon sa ASEAN Summit sa Nobyembre ilalarga na

Asahan na ang pagbibigat ng daloy ng trapiko, bukas, mula 6:00 hanggang 10:00 ng umaga.

Ito ang abiso sa mga motorista ng MMDA o Metro Manila Development Authority bunsod ng dry-run para sa preparasyon sa convoy at seguridad sa 31st Association of Southeast Asian Nations (ASEAN) Summit sa susunod na buwan.

Ayon kay MMDA Special Operations Officer at Technical Working Group on Traffic Management Emmanuel Miro, ilan sa mga daraanan ng convoy dry-run ay ang southbound lane ng Subic – Tarlac o SCTEX, North Luzon Expressway o NLEX at EDSA.

Maliban dito, sinasabing magpapatupad din ng full stop sa lugar na daraanan ng convoy.

Sa kabila nito, nilinaw naman ni Miro na magkakaroon din “stop and go scheme” sa mga intersection upang masigurong hindi maiipon ang mga maaapektuhang motorista sa nabanggit na dry-run.

Pinayuhan din ng MMDA ang mga motorista na dumaan na lang muna sa mga alternatibong ruta upang makaiwas sa mga daraanan ng mga convoy at hindi maipit sa masikip na daloy ng trapiko.

_____

October 7, 2017 0 comment

NATIONAL NEWS

TESDA nakiisa sa 2017 National Teachers’ Day

written by Gilbert Perdez

Nakiisa ang TESDA o Technical Education and Skills Development Authority sa 2017 National Teachers’ Day na idinaos sa Legaspi City, Albay bilang pagbibigay ng importansya sa mga guro sa bansa.

Ayon kay TESDA Director General Gene Mamondiong, malaki ang naiaambag ng mga guro sa bansa dahil sila ang nagbibigay ng karunungan na nagagamit ng bawat isa sa kanilang pagsulong sa panibagong antas ng buhay.

Nabatid na naging makabuluhan sa mga kalahok ang pagdiriwang dahil na rin sa inihandang programa na kumikilala sa mga guro bilang tagapagbigay ng gabay sa mga kabataan upang maging makabuluhan ang kanilang kinabukasan.

Maliban sa TESDA, nakibahagi rin sa selebrasyon ang mga guro na nagmula sa iba’t ibang lugar, national at local government officials, top officials ng DepEd o Department of Education at iba pang samahan.

_____

October 7, 2017 0 comment

HEADLINES

Panukalang ‘Dissolution of Marriage’ isusulong pa din ng Kamara

written by Gilbert Perdez

Isusulong pa din ng Kamara ang panukalang Dissolution of Marriage.

Ito’y sa kabila ng maraming pagtutol mula sa mamamayan at kahit ikagalit pa ng simbahang Katoliko,

Ayon sa mga kaalyado ni Speaker Pantaleon Alvarez na may akda ng House Bill 6027 na sina Deputy Speakers Pia Cayetano at Ereneo Abu, nakapagdaos na sila ng public consultation sa OFW’s o Overseas Filipino Workers sa Hong Kong.

Giit ni Abu, gagawin ng kasalukuyang liderato ni Alvarez kung ano ang tama at praktikal na may benepisyo sa tao kahit na dumaan pa sila sa matinding kritisismo mula sa iba’t ibang sektor ng lipunan.

_____

October 7, 2017 0 comment

HEADLINES NATIONAL NEWS RONDA PROBINSYA

NFA: Suplay ng bigas sa bansa sapat

written by Gilbert Perdez

Muling tiniyak ng National Food Authority o NFA na sapat ang suplay ng bigas sa bansa.

Ayon kay NFA Administrator Jason Laureano Aquino, dumating na sa bansa ang inangkat na dagdag na pang-imbak na bigas mula abroad.

Aniya, kailangan lamang na punan ng mga imported rice ang buffer stock ng ahensya upang hindi kulangin sa oras na makaranas ng kalamidad ang bansa.

Sinasabing nasa imbakan na ng NFA ang 250,000 metric tons ng government rice imports o 82.16% habang ang 15.44% ay nasa daungan na.

Nakalaan naman sa mga calamity-prone area sa bansa ang iba pang imbak na bigas at gayundin sa panahon ng lean months mula Hulyo hanggang Setyembre.

_____

October 7, 2017 0 comment

HEADLINES NATIONAL NEWS

Tip galing sa mga kustomer dapat 100% na makuha ng mga empleyado – Sen. Villanueva

written by Gilbert Perdez

Hindi dapat makihati sa tip ng kanilang mga kustomer para sa mga empleyado ang management ng mga establisyemento.

Ito ang binigyang diin ni Senador Joel Villanueva kaya’t isinusulong nito ang pag-amyenda sa Article 96 ng Labor Code sa pamamagitan ng kanyang Senate Bill 1299.

Batay sa Labor Code, iniuutos na ibigay sa mga empleyado ang walumpu’t limang porsyento (85%) ng nakokolektang service charge at tips mula sa mga kustomer ng mga hotel, restaurant at iba pang kahalintulad na establisyemento.

Samantalang labing-limang porsyento (15%) naman ang napupunta sa management.

Subalit, ayon kay Villanueva, dapat lamang na mapunta ang isang daang porsyento (100%) ng mga tip at service charge ng mga kustomer sa mga empleyado.

_____

October 7, 2017 0 comment

RONDA PROBINSYA

2-anyos na bata patay, 4 pang miyembro ng pamilya isinugod sa ospital matapos kumain ng butete

written by Gilbert Perdez

Nasawi ang isang 2-anyos na batang lalaki habang isinugod naman sa ospital ang apat (4) pang miyembro ng kanilang pamilya matapos umanong malason ng inulam na isdang butete sa Barangay Bulalacao sa bayan ng Presentacion, sa Camarines Sur.

Nakilala ang nasawi na si Anthony Rosales habang nilalapatan ng lunas sa ospital ang kanilang magulang na sina Antonio, Arlen Rosales at mga kapatid na sina Marilene at Susan, parehong nakatira sa nabanggit na barangay.

Batay sa report na natanggap ni Senior Inspector Ma. Luisa Calubaquib, Information Officer ng Camp General Simeon Ola, matapos mananghalian ng mag-anak ay nakaramdam na sila ng pananakit ng tiyan at nagsuka.

Kaagad na dinala sa Presentacion Rural Health Unit ang mga ito pero idineklarang dead on arrival si Anthony.

_____

October 7, 2017 0 comment

NATIONAL NEWS

Panukalang libreng parking fee at exemption sa number coding sa senior citizens isinusulong sa Kamara

written by Gilbert Perdez

Itinutulak sa Kamara ang isang panukalang batas na naglalayong bigyan ng libreng parking fee at exemption sa number coding ng mga sasakyan ang mga senior citizen sa bansa.

Batay sa House Bill 1818 ni Quezon City Representative Alfred Vargas, nais ng mambabatas na dagdagan ang benepisyo at pribilehiyo ang mga matatanda.

Magiging bahagi aniya ito ng pagpapagaan ng buhay ng mga nakakatanda bilang balik sa naging kontribusyon ng mga ito sa bansa.

Kahit may ilang local government na nagbibigay ng katulad na pribilehiyo, binigyang diin ni Vargas na mas mabuting maging batas na ito para mapakinabangan ng lahat ng senior citizens.

_____

October 7, 2017 0 comment

SPORTS

TNT sinupalpal ng Barangay Ginebra sa Game 3 ng PBA Governors’ Cup Semi-finals

written by Gilbert Perdez

Kumamada si Joe Devance ng 20 points para sa Barangay Ginebra dahilan upang masungkit nila ang 106-103 victory laban sa TNT sa Game 3 ng PBA Governors’ Cup Semi-finals sa Araneta Coliseum.

Nagdagdag naman si Justin Brownlee ng 17 points at 13 rebounds habang si Scottie Thompson ay tumipa ng 17 points at 12 rebounds para sa Gin Kings.

Dahil sa panalo, nakuha ng Ginebra ang 2-1 lead sa kanilang Best-of-5 Series.

Nagkainitan naman at nagtalo sina Barangay Ginebra Coach Tim Cone at Katropa Head Coach Nash Racela dahil sa sinasabing diperensiya sa bilang ng free throws.

Kung papalarin sa Game 4 bukas, makakasagupa ng defending champions sa finals ang Meralco Bolts na siyang dumurog sa Star Hotshots sa hiwalay na semi-finals series.

_____

October 7, 2017 0 comment

HEADLINES

$500-M flood control project posibleng maikasa na ng gobyerno

written by Gilbert Perdez

Makatatanggap ang Pilipinas ng 415.2 milyong dolyar na halaga ng loan mula sa World Bank at Asian Infrastructure Investment Bank o AIIB.

Sa joint statement ng dalawang bangko, ito’y upang maisakatuparan ang $500-million flood control project sa Metro Manila.

Sinasabing plano ng pamahalaan na magtayo ng 56 na pumping stations na makatutulong upang mabilis na humupa ang baha.

Ayon kay AIIB Director-General for Investment Operations Supee Teravaninthorn, balakid sa negosyo at commercial activities ang baha at nagdudulot ito ng malaking pagkalugi sa ekonomiya.

—-

September 30, 2017 0 comment

NATIONAL NEWS

Road-bridge construction na popondohan ng barangay bawal muna

written by Gilbert Perdez

Ipinag-utos ng Commission on Elections o COMELEC ang pagbabawal sa konstruksiyon o maintenance ng mga kalsada at tulay na popondohan ng barangay sa loob ng sampung araw sa susunod na buwan.

Ayon sa COMELEC, ito’y dahil pasok ito sa election period ng barangay at Sangguniang Kabataan polls habang nakabinbin pa ang panukalang pagpapaliban sa halalan.

Batay sa COMELEC Resolution Number 10202, ang ban sa barangay-funded roads and bridges ay tatakbo mula Oktubre 13 hanggang 22.

Inilabas ng COMELEC ang resolusyon na may petsang Setyembre 26 kahit inaasahan na ng publiko na lalagdaan ni Pangulong Rodrigo Duterte ang panukalang batas na naglalayong ipagpaliban ang eleksiyon at sa halip ay idaos na lamang ito sa Mayo 2018.

—-

September 30, 2017 0 comment

Newer Posts

Older Posts