Author

Gilbert Perdez

DWIZ 882

Pope Francis nakiisa na rin sa laban kontra fake news

Opisyal nang nakarating sa Vatican ang terminong “fake news.”

Ito’y makaraang piliin ni Pope Francis ang isyu ng mga pekeng balita o nunti fallaces sa Latin bilang paksa para sa World Communication Day sa susunod na taon.

Ang topic para sa nasabing pagdiriwang ay personal na inanunsiyo ng Santo Papa sa pamamagitan ng kanyang twitter account na mayroong 13.7 million followers.

I have chosen this theme for World Communications Day 2018: “The truth will set you free” (Jn 8:32). Fake news and journalism for peace.

— Pope Francis (@Pontifex) September 29, 2017

Nagiging laman na ng mga debate ang fake news sa political arena sa buong mundo, kabilang ang Pilipinas.

—-

September 30, 2017 0 comment

HEADLINES

Arraignment kay ex-Makati Mayor Junjun Binay muling ipinagpaliban

written by Gilbert Perdez

Hindi na naman natuloy ang arraignment ng nasibak na si Makati City Mayor Junjun Binay para sa mga kasong graft at falsification of public documents.

Sa halip, ni-reset o muling itinakda ng Sandiganbayan 3rd Division ang pagbasa ng sakdal sa Nobyembre 10.

Ipinagpaliban ang arraignment matapos igiit ng abogado ni Binay na si Atty. Joseph Castillo na katatanggap lang nila ng desisyon ng korte na nagbabasura sa kanilang motion for reconsideration para sa ‘judicial determination’ ng probable cause.

Nag-ugat ang kaso laban kay Binay sa maanomalyang pagpapatayo ng Makati City Hall Building 2 na sinasabing ‘overpriced’ ng dalawang bilyong piso.

—-

September 30, 2017 0 comment

HEADLINES

MPD bigong marekober ang CCTV hard drives sa Aegis Juris frat library

written by Gilbert Perdez

Inihayag ng Manila Police District o MPD na bigo itong marekober ang hard drive ng mga CCTV sa Aegis Juris Fraternity Library sa Sampaloc, Maynila.

Subalit, kumpiyansa ang MPD na matibay ang kanilang mga ebidensiya para mapatunayan na sa library ng nasabing frat isinagawa ang hazing o initiation rites kay Horacio ‘Atio’ Castillo III.

Samantala, nabunyag naman na tinurukan agad ng formalin ang bangkay ni Atio kahit wala pa itong death certificate.

Gayunman, dumipensa ang embalsamador ng Archangel Funeral kung bakit tinurukan agad nila ng formalin ang bangkay ng biktima.

Dahil naman sa pangyayaring ito, hirap tuloy matukoy kung anong oras binawian ng buhay ang nabanggit na hazing victim.

—-

September 30, 2017 0 comment

ENTERTAINMENT

Saab Magalona kambal ang ipinagbubuntis

written by Gilbert Perdez

Dalawang taon makaraang ikasal, masayang ibinalita ng singer na si Saab Magalona na kambal ang baby sa kanyang sinapupunan.

Ayon kay Saab, hindi nila inaasahan ng kanyang asawa na si Jim Bacarro na dalawa agad ang kanilang magiging anak.

Ipinakita rin ng singer sa kanyang fans sa Instagram ang isang larawan ng kauna-unahan niyang ultrasound result.

Thank you so much for your well wishes! Yes, we are having TWO! This is a scan from our very first ultrasound. Now they are much bigger and I can see their heads and arms and legs — my goodness I still can’t believe there are 2 human beings inside me I haven’t updated my blog in so long bec I felt guilty keeping a big fat secret from everyone!! Haha! I will tell you all about this unexpected yet exciting chapter in our lives just as soon as I get over this very sleepyyyy first trimester We feel the love!! Thank you very much! Love from me, Jim, Ate JoeyBear, and the twins

A post shared by Saab Magalona-Bacarro (@saabmagalona) on Sep 29, 2017 at 7:25am PDT

Si Saab ay anak ng yumaong master rapper at OPM icon na si Francis “Kiko” Magalona.

—-

September 30, 2017 0 comment

SPORTS

Chooks-To-Go Pilipinas inilampaso ang koponan ng Dubai sa FIBA Asia Cup

written by Gilbert Perdez

Bagama’t hindi nakalusot sa quarterfinals, nakabawi naman ang Chooks-To-Go Pilipinas.

Ito’y matapos gibain ang Shabab Al Ahli ng Dubai, 92-57, sa classification phase ng FIBA Asia Champions Cup na ginanap sa Chenzhou Sports Complex sa Chenzhou, China.

Kumamada si Kiefer Ravena ng 20 points, six boards at isang assist habang nagdagdag si Almond Vosotros ng 14 points at 12 points naman mula kay LA Revilla.

Nahirapan naman ang Shabbir dahil pitong manlalaro lamang ang naipasok nito kung saan tanging si Qais Omar Alshabebi ang nakaiskor ng double-digits.

Makakasagupa naman ng Pilipinas ngayong araw ang Mono Vampire ng Thailand para sa ika-limang puwesto.

—-

September 30, 2017 0 comment

SPORTS

CEU big man Rod Ebondo proud na mapabilang sa Gilas

written by Gilbert Perdez

Isang malaking karangalan para kay Centro Escolar University o CEU big man Rodrigue Ebondo ang maging bahagi ng Gilas Pilipinas.

Ito’y makaraang hugutin si Ebondo ni head coach Chot Reyes para maging bahagi ng national team na sasabak sa FIBA Asia Champions Cup sakaling hindi puwedeng lumaro si Bright Akhuetie.

Nagkasama na rin sina Ebondo, Akhuetie, Isaiah Austin at iba pang bagong atleta sa paghahanda ng koponan sa nalalapit na torneo.

Si Akhuetie ay kapapasok pa lamang sa University of the Philippines kaya’t posibleng makompromiso ang pagiging bahagi nito ng Fighting Maroons kapag natuloy ito sa Gilas.

Nangako naman si Ebondo na gagawin niya ang lahat upang matulungan ang pambansang koponan sa kanilang pagsabak sa FIBA event na gaganapin mula Setyembre 22 hanggang 30 sa Chenzhou, China.

—-

September 16, 2017 0 comment

INTERNATIONAL NEWS

29 katao sugatan sa terror attack sa London

written by Gilbert Perdez

Umakyat na sa 29 ang bilang ng mga nasugatan sa naganap na pagsabog sa district line tube train sa Parsons Green Station sa West London.

Kinumpirma naman ng London Metropollitan Police na terror attack ang nangyari kung saan kabilang sa mga nasaktan ang isang batang lalaki na nagtamo ng first hanggang third degree burns sa iba’t ibang parte ng kanyang katawan.

Partially shutdown ang istasyon ng tren habang nananatili sa pinakamataas na alerto ang Britanya sa panibagong terrorist attack.

Hindi pa matukoy kung anong uri ng pampasabog ang ginamit sa pag-atake.

Samantala, inaalam na ng Philippine Embassy sa London kung mayroong mga Pinoy na naapektuhan sa naturang insidente.

—-

September 16, 2017 0 comment

SPORTS

NCAA: San Beda wagi kontra San Sebastian-Recoletos

written by Gilbert Perdez

Tila lalong naging mabangis ang San Beda College nang magbalik sina head coach Boyet Fernandez, main man Robert Bolick at rising star Clint Doliguez.

Ito’y makaraang pataubin ng Red Lions ang San Sebastian College-Recoletos sa score na 76-65 dahilan upang sumampa sa sampu ang kanilang panalo sa NCAA 93 Men’s Basketball Tournament.

Ayon kay Fernandez, pinatindi nila ang kanilang depensa na naging susi ng kanilang panalo sa nasabing laro.

Magugunitang pinatawan ng one-game suspension sina Fernandez, Bolick at Doliguez matapos masangkot sa naganap na riot sa kanilang laro laban sa College of St. Benilde, dalawang linggo na ang nakalipas.

Sa iba pang laro, dinurog ng College of St. Benilde Blazers ang University of Perpetual Help Altas sa score na 83-55 habang kinapos naman ang Arellano University sa Lyceum of the Philippines University sa score na 94-92.

—-

September 16, 2017 0 comment

SPORTS

GlobalPort pinulbos ng Hotshots sa nagpapatuloy na PBA Governor’s Cup

written by Gilbert Perdez

Bagama’t nadagdagan na ang puwersa ng GlobalPort, hindi pa rin ito nakaporma sa Star matapos sungkitin ang 109-83 win sa PBA Governors’ Cup sa Araneta Coliseum.

Kumamada si Malcolm Hill ng 32 points, kasama ang 12 rebounds para sa Hotshots habang nagdagdag naman si Ian Sangalang ng 17 points.

Magugunitang isinuko ng Star si Allein Maliksi kapalit nina Bambam Gamalinda at Kyle Pascual.

Nalimitahan naman ng limang puntos si Stanley Pringle habang 11 points lamang ang nakuha ng high-scoring na si Terrence Romeo.

Samantala, sa isa pang laro, inilampaso naman ng Meralco Bolts ang Alaska Aces sa score na 106-78.

—-

September 16, 2017 0 comment

HEADLINES

Walang Pinoy na nadamay sa panibagong terror attack sa London—DFA

written by Gilbert Perdez

1060x600-0822a3583d5e53f51f1c1080c84fdd84

Kinondena ng Pilipinas ang panibagong terrorist attack malapit sa Parsons Green Station sa Southwest London na ikinasugat ng 29 katao.

Ayon kay Foreign Affairs Secretary Alan Peter Cayetano, kaisa ang ating pamahalaan sa Britanya na naghahangad na makamtan agad ng mga biktima ang hustisya sa kanilang sinapit.

Samantala, kinumpirma ng Philippine Embassy sa London na walang Pinoy na nadamay sa pag-atake.

Ayon kay Ambassador to London Antonio Lagdameo, patuloy pa rin nilang mino-monitor ang sitwasyon.

Sinasabing halos 200,000 Pinoy ang kasalukuyang naninirahan sa United Kingdom kung saan pitumpung porsiyento rito ay residente ng Greater London area.

SMW: RPE

September 16, 2017 0 comment

Newer Posts

Older Posts