Author

Gilbert Perdez

DWIZ 882

2 patay sa buy bust operation sa Laguna

Nasawi ang dalawang lalaki, kabilang na ang no. 2 most wanted, sa lalawigan ng Laguna sa isang buy-bust operation sa Brgy. Lingga sa bayan ng Calamba nang manlaban sa mga pulis.

Kinilala ang mga napatay na sina Arturo Plaza at isang alyas “Alan”.

Sa pahayag ng mga pulis-Calamba, si Plaza ay no. 2 most wanted sa lalawigan na sinasabing miyembro ng Dela Cruz-Sanggalang kidnap-for-ransom group at pinaghahanap dahil sa ilang kaso ng pagpatay.

Si alyas Alan ay notorious pusher na minamanmanan ng mga pulis.

Samantala, nahuli naman sa isang operasyon ang limang kabataan sa bayan ng Sta. Rosa sa Laguna na nasakote sa isang drug den sa Barangay Caingin.

Nahulihan ang mga suspek ng high-grade marijuana o kush na ibinebenta raw ng mga sa kapwa nila estudyante sa kolehiyo sa naturang bayan.

October 20, 2018 0 comment

HEADLINES NATIONAL NEWS RONDA PROBINSYA

9 patay sa magkahiwalay na vehicular accident sa Albay at Zamboanga Del Sur

written by Gilbert Perdez

Sumampa na sa anim ang namatay sa aksidente sa bayan ng Daraga sa Albay.

Kabilang sa mga nasawi ang mag-ina ni Marvin Altavano at ang anak ni Sonia Nomo na si John Patrick.

Sa imbestigasyon, nawalan ng preno ang isang dump truck na may kargang mga bato.

Sinasabing nasa 11 iba pang sasakyan ang nadamay sa aksidente kung saan kasama sa mga namatay ang hindi pinangalanang drayber ng dump truck.

Walo ang sugatan sa insidente pero isa na lang ang nananatili sa ospital.

Patuloy ang imbestigasyon sa insidente habang inaalam na rin kung sino ang may-ari ng dump truck na ayon sa kanila ay posible ring makasuhan.

Samantala, pumalo naman sa tatlo ang patay matapos sumalpok ang isang trailer truck sa 7 kasalubong na mga sasakyan sa bayan ng Ramon Magsaysay, Zamboanga Del Sur.

Ayon kay Senior Insp. Ryan Wakat, officer-in-charge ng Ramon Magsaysay Police, agad namatay ang isang truck driver at dalawang pahinante habang apat ang sugatan.

Sinasabing malubha rin ang lagay ng isa pang truck driver.

Sa paunang imbestigasyon, nawalan ng preno ang trailer truck at aksidenteng nabangga ang mga kasalubong na mga sasakyan.

Nabatid na galing ng Pagadian City ang trailer truck na may kargang mga asukal at papunta sana ng Ozamiz City nang mangyari ang naturang trahedya.

October 20, 2018 0 comment

HEADLINES RONDA PROBINSYA

3 pang nalalabing miyembro ng ISIS-Maute group sumuko sa Lanao Del Sur

written by Gilbert Perdez

Kinumpirma ng isang opisyal ng militar sa Lanao Del Sur ang pagsuko ng tatlong hinihinalang ISIS-influenced Maute group, isang taon matapos mabawi mula sa teroristang grupo ang Marawi City.

Ayon kay Lieutenant Colonel Edgar Villanueva, 49th infantry battalion commander, ang tatlong hindi pinangalan ang lalaki ay sumurender sa tulong ng mga lokal na opisyal.

Sinasabing isinuko rin ng mga suspek ang isang Rocket-Propelled Grenade o RPG isang caliber .45 handgun, mga magasin, at mga bala.

Pahayag ni Villanueva, na-recruit ang tatlo sa kasagsagan ng giyera sa Marawi pero hindi naisabak sa bakbakan ang mga ito dahil sa matinding seguridad na ipinatutupad ng mga awtoridad at mga inilatag na checkpoints sa paligid ng Lanao Lake.

October 20, 2018 0 comment

NATIONAL NEWS

P1-M halaga ng high grade marijuana nasabat sa Pasig City

written by Gilbert Perdez

Flash report oct 9 18 gilbert perdez (1)

Tinatayang isang milyong pisong halaga ng high-grade na marijuana o kush ang nasabat ng mga awtoridad sa ikinasang buy-bust operation sa Liksi St. Brgy. Caniogan, Pasig City.

Ayon kay Supt. Igmedio Bernaldez, hepe ng Manila Police District (MPD)-Station 5, kabilang sa dalawang naaresto ang isang Carlitos Johanne Arpilleda.

Nakabili ng halagang P3,000 ng kush ang isang pulis na nagsilbing poseur buyer.

Nang magkaabutan na ng droga at pera, doon na dinakip ang mga suspek.

Unang nahuli ng MPD Station 5 ang isang alyas King kung saan itinuro ang target na si Arpelida.

Ayon kay Arpelida, sa Hong Kong pa nanggagaling ang kush na binebenta niya at nagagawa sa pamamagitan ng online transaction.

Pinapadala umano rito ang droga sa bansa ng supplier sa pamamagitan ng FedEx.

Pahayag naman ni Bernaldez, karamihan sa mga parukyano ni Arpelida ay mga mayayamang estudyante dahil mahal ang bentahan ng kush o high grade marijuana.

Inihahanda na ang kaukulang kasong isasampa laban sa mga suspek.

October 9, 2018 0 comment

NATIONAL NEWS RONDA PROBINSYA

Mga sundalong Hapones lumahok sa US-PH war games

written by Gilbert Perdez

Lumahok ang mga sundalong hapones sa joint exercises ng US at Filipino troops sa San Antonio, Zambales.

Sinasabing nagbigay ng humanitarian support ang Japanese contingent sa drill nang gumawa ang US at Philippine Marines ng amphibious landing para kunin muli ang teritoryo ng bansa na kunwari’y kinubkob ng mga terorista.

Sa war games, limampung sundalong hapones na walang armas at naka-camouflage ang nagmartsa katabi ng apat na armored vehicles at sinundo ang mga sugatang sundalong Pinoy at Amerikano.

Ang sampung araw na Kamandag exercises ay pormal na magtatapos sa darating na Miyerkules.

October 7, 2018 0 comment

HEADLINES NATIONAL NEWS

Premyo sa Ultra Lotto posibleng umabot sa halos isang bilyong piso

written by Gilbert Perdez

Posibleng umakyat sa mahigit P935 milyon ang jackpot sa Ultra Lotto 6/58.

Ito, ayon sa Philippine Charity Sweepstakes Office o PCSO, ay dahil mailap at hindi pa rin natatamaan ang pinakamalaking premyo sa kasaysayan ng lotto.

Ayon sa PCSO, wala pa rin kasing nakasungkit sa P903,290,152 na jackpot sa huling draw ng ultralotto nitong Biyernes.

Mamayang gabi ang susunod na draw para sa Ultra Lotto 6/58.

Magugunitang isang overseas Filipino worker naman ang nag-uwi ng P741 milyon na jackpot sa grand lotto 6/55 noong taong 2010.

October 7, 2018 0 comment

ENTERTAINMENT

James Reid puspusan na ang pag-eensayo para sa ‘Pedro Penduko’

written by Gilbert Perdez

Napatunayan ng aktor na si James Reid na hindi talaga madaling maging isang superhero.

Ito’y dahil sa preparasyon pa lamang para sa papel niya bilang Pedro Penduko o Peter Harris ay hirap na hirap na siya lalo’t kailangan niyang mag-aral ng parkour.

Ang parkour ay ang istilo ng pagtakbo, paglundag at paglusot sa mga obstacles na na-develop sa France.

Maliban dito, ayon sa batang aktor, pinag-aaralan na rin niya ang tamang paghawak ng stick weapons at iba pang patalim na kailangan sa pelikula.

Kung ang orihinal na kuwento ay umiikot sa isang simpleng Pedro Penduko, nakatuon naman ang istorya ni Pedro sa isang bagong “chosen one” sa katauhan ni Peter na lumaki sa Estados Unidos.

October 7, 2018 0 comment

HEADLINES HOT STORIES OF THE WEEK INTERNATIONAL NEWS

Halos 400 katao nasawi sa pagtama ng lindol at tsunami sa Indonesia

written by Gilbert Perdez

Halos 400 na ang patay habang daan-daang iba pa ang sugatan sa pagtama ng lindol at tsunami sa Sulawesi island, Indonesia.

Ayon sa National Disaster Agency, nasa 384 na ang naitala nilang bilang ng mga nasawi pero pinangangambahang madaragdagan pa ito sa mga susunod na oras habang nagpapatuloy pa ang kanilang rescue efforts.

Magugunitang niyanig ng magnitude 7.5 na lindol ang Palu na tahanan ng mahigit tatlong daang libong tao bago rumagasa sa lungsod ang dambuhalang tsunami.

Pinaniniwalaan ding maraming namatay sa lungsod ng Donggala na katabi lamang ng Palu.

Pahayag ni Sutopo Purwo Nugroho, tagapagsalita ng disaster agency, hindi kaagad nakatakbo ang mga tao sa mga beach dahil abala ang mga ito sa kanilang mga aktibidad.

Sinasabing tinamaan din ng tsunami ang Palu noong 1927 at 1968.

Mga Pilipinong naninirahan sa Indonesia, nananatiling ligtas ayon sa DFA

Walang Pilipinong napabilang sa mga nasawi o nasaktan sa magnitude 5.7 na lindol at tsunami sa Indonesia.

Ito ang kinumpirma ni Department of Foreign Affairs kasunod ng insidente sa naturang bansa kung saan halos 400 ang nasawi.

Batay sa impormasyon mula kay ambassador to Indonesia Leehiong Wee, may iisang Pilipino na nasa Palu City ngunit ligtas naman aniya ito.

Nabatid na nakakulong ang naturang Pinoy dahil sa isang kaso.

Kasabay nito, nagpa-abot naman ng pakikiramay at dasal ang Pilipinas sa pamilya ng mga nasawi.

#UPDATE Nearly 400 are killed when a powerful quake sends a tsunami barrelling into the Indonesian island of Sulawesi as hospitals struggle to cope with hundreds of injured https://t.co/AHkjjyPIU3 pic.twitter.com/8rlwpQjueF

— AFP news agency (@AFP) September 29, 2018

September 30, 2018 0 comment

HEADLINES NATIONAL NEWS

Pangamba sa pagbaba ng OFW deployment pinawi ng POEA

written by Gilbert Perdez

Pinawi ng Philippine Overseas Employment Administration o p-o-e-a ang pangamba ng publiko kaugnay nang pagbaba ng bilang ng na-deploy na mga manggagawa sa ibang bansa noong 2017.

Giit ni POEA Administrator Bernard Olalia, hindi ito dapat ikabahala dahil bunga rin ito ng maraming factors tulad ng ‘saudization’.

Kung si Recruitment Consultant Emmanuel Geslani naman ang tatanungin, hindi rin aniya dapat na tingnan ito ng negatibo sapagka’t ang tinutukoy na “saudization” ay ang pagbibigay ng trabaho sa mga mamamayan nito.

Una nang lumabas sa datos ng POEA na may higit 1.9 milyong OFWs ang na-deploy noong 2017 na mas mababa ng 9% mula sa deployment noong taong 2016 na higit 2.1 milyon.

September 29, 2018 0 comment

HEADLINES NATIONAL NEWS

Net satisfaction rating ni Duterte tumaas sa 3rd quarter—SWS

written by Gilbert Perdez

Muling umakyat sa “very good” ang net satisfaction rating ni Pangulong Rodrigo Duterte sa third quarter ng taong kasalukuyan.

Ito ang lumitaw sa pinakahuling survey ng Social Weather Stations o SWS na isinagawa mula Setyembre 15 hanggang 23.

Ayon sa survey, 70 porsiyento ng adult Filipinos ay kuntento sa performance ng pangulo.

Mas mataas ito ng limang puntos kumpara sa gross satisfaction rating ng presidente noong Hunyo na 65 porsiyento.

Gayunman, 83 porsiyento sa mga natanong sa survey ang nagsabi na bastos ang Pangulong Duterte nang tawagin nitong istupido ang Diyos habang 14 porsiyento ang nagsabing hindi.

September 29, 2018 0 comment

Newer Posts

Older Posts