Niyanig ng magnitude 6.4 na lindol ang Cotabato City, Maguindanao.
Ayon sa Philippine Institute of Volcanology and Seismology (PHIVOLCS), natunton ang epicenter ng lindol sa layong 13 kilometro timog silangan ng Cotabato City.
Sinasabing tectonic ang pinagmulan nito na may lalim na 489 kilometro.
Dagdag ng PHIVOLCS, asahan na ang pinsala at aftershocks sa naturang pagyanig.
Tinawag na “disturbing” o nakababahala ng isang opisyal ng National Basketball Association (NBA) ang napaulat na mga kaso ng pisikal na pang-aabuso sa NBA basketball academies sa China.
Ayon kay Deputy commissioner Mark Tatum, patuloy na ini-evaluate ng NBA ang programa pero nilinaw nito na ang tanging papel nila rito ay ang pagbibigay ng tatlong coaches sa bawat academy.
Matatandaang iniulat ng ESPN na may mga insidente ng physical abuse sa mga eskwelahan sa Shandong, Zhejiang at Xinjiang.
Patuloy na sumasailalim sa gamutan ang beteranong aktor na si John Regala matapos tamaan ng liver cirrhosis.
Dahil dito, humihingi ng tulong sina Chuckie Dreyfus, Nadia Montenegro, Aster Amoyo at Liza Diño para kay Regala.
Ayon kay Dreyfus, hindi pa rin nakakakain si Regala dahil sa kirot at pamamaga ng kanyang atay.
Matatandaang nag-viral sa social media ang larawan ni Regala matapos itong humingi ng tulong mula sa isang delivery driver sa Pasay City
Patay ang lima katao matapos sumabog ang isang sasakyan na may lulang bomba sa isang checkpoint sa hilagang silangan ng Syria.
Sa ulat ng Anadolu Agency, maliban sa mga nasawi, labing-apat na iba pa ang sugatan sa pagsabog na naganap sa Tal Halaf village.
Inaalam pa ng security forces kung may kinalaman ang Syrian Kurdish fighters sa naturang pag-atake.
Makakatanggap ng dalawang milyong pisong pabuya ang isang importante na naging susi upang madakip si dating Dinagat Islands congressman at cult leader Ruben Ecleo Jr.
Ayon kay National Capital Region Police Office (NCRPO) chief, Maj. Gen. Debold Sinas, galing pa ng Dinagat Islands ang impormante at pumunta ng Maynila para ipagbigay-alam ang kinaroroonan ng dating kongresista.
Bago naaresto, labing-apat na taong nagtago sa batas si Ecleo matapos patawan ng 31 taong pagkakabilanggo ng Sandiganbayan dahil sa mga kasong graft noong 2006.
Noong 2012 ay napatunayan ding guilty si Ecleo ng Cebu City Regional Trial Court sa kasong parricide dahil naman sa pagpatay sa kanyang misis na si Alona Bacolod-Ecleo noongh 2002.
Balik-operasyon na ang Pasig River Ferry Service (PRFS) simula sa Lunes, Agosto 3.
Ayon kay Metropolitan Manila Development Authority (MMDA) Chairman Danilo Lim, libreng sakay ang handog sa mga pasahero ng partial operations ng ferry service.
Aniya, unang mag-o-operate ang mga ferry stations sa Pinagbuhatan, San Joaquin, Guadalupe, Valenzuela, Lawton, at Escolta mula alas-6:00 ng umaga hanggang alas-6:00 ng gabi.
Ngunit nilinaw ni Lim na kalahati lamang ng kapasidad ang papayagan, batay na rin sa mga alituntunin ng Inter-Agency Task Force (IATF).
Inamin ng Revolutionary Guard ng Iran na nagpakawala ito ng ballistic missiles mula sa lupa sa huling araw ng military exercises malapit sa Gulf waters.
Sa ipinakitang video online ng state TV, makikita ang makakapal na usok mula sa kalupaan bago lumitaw at gumuhit sa kalangitan ang missiles.
Wala pang opisyal na pahayag ang US military na tutol sa ganoong klaseng aktibidad.
Nangako sina Michael Jordan at Jordan Brand na maglalaan sila ng isang daang libong dolyar para sa kampanya laban sa racism.
Ayon kay Brand, magdo-donate muna siya ng tig-isang milyong dolyar sa NAACP Legal Defense, Educational Fund, Inc. at Formerly Incarcerated & Convicted People and Families Movement.
Bukod, magbibigay din sila ng kalahating milyong dolyar sa Black Voters Matter para suportahan ang reformative practices na inaasahang maghahatid ng pagbabago sa Black community.
Nanawagan sa kanyang mga Filipino followers si Hollywood actor Joseph Gordon-Levitt na lumahok sa kanyang “Poetry Around the World” project.
Sa kanyang post sa Facebook, inanyayahan ni Gordon-Levitt ang mga mamamayan ng Pilipinas na sumali sa proyekto lalo na ang mga mahihilig sa voice acting.
Aniya, walang ibang gagawin ang mga Pinoy fans kundi magbanggit lamang ng salitang tagalog o Filipino nang malakas sa pamamagitan ng “hitRECord site” na naglalayong makatuklas ng mga mahuhusay sa larangan ng pagsulat, paggawa ng pelikula, musika, at iba pa na may kinalaman sa sining.
Hindi naman binanggit ng aktor kung makakatanggap ng kompensasyon o bayad ang mga lalahok sa nabanggit na proyekto.
Malugod na tinaggap ng pamahalaang panlalawigan ng North Cotabato ang 129 returning locally stranded individuals (LSIs) sa provincial capitol compound sa Kidapawan City.
Ayon kay Governor Nancy Catamco, walang ibang dapat tumanggap sa mga LSIs kundi sila dahil nakatira sila sa nabanggit na lalawigan.
Kasama ang mga nasabing LSIs sa mahigit dalawang daang indibidwal na pinauwi sa kidapawan galing Metro Manila.
Matatandaang na-stranded ang mga nabanggit na indibidwal sa labin-dalawang bus ng Partas Bus Company at ni-rescue naman ng lokal na pamahalaan.