Author

Gilbert Perdez

DWIZ 882

Ilang LGUs sa NCR binisita ng IATF members

Pinuntahan ng mga kinatawan ng Inter-Agency Task Force for the Management of Emerging Infectious Diseases (IATF-EID) ang ilang local government units (LGU)’s sa Southern Metro upang tingnan kung paano tinutugunan ng mga ito ang coronavirus disease 2019 (COVID-19) pandemic.

Unang pinuntahan ng ilang IATF members ang Muntinlupa at Las Piñas, kasama si Presidential Communications Operations Office (PCOO) Secretary Martin Andanar kung saan nakipag-dayalogo ang mga ito sa mga LGUs upang malaman kung anu-ano pa ang kanilang mga pangangailangan na dapat tugunan ng national government.

Tinawag namang “manageable” ni Andanar ang sitwasyon sa Muntinlupa dahil kakaunti lamang ang mga aktibong kaso sa nabanggit na lungsod.

August 7, 2020 0 comment

NATIONAL NEWS

Dobleng pension para sa senior citizens isinusulong ng isang kongresista

written by Gilbert Perdez

Isinusulong ni Cagayan de Oro City Rep. Rufus Rodriguez na doblehin ang buwang pensiyon ng mga senior citizens dahil sa coronavirus disease 2019 (COVID-19) crisis.

Batay sa House Bill 7266 ni Rodriguez, binanggit na dapat gawing P1,000 ang kasalukuyang P500.00 na pensiyon ng mga matatanda sa ilalim ng Republic Act No. 9994 o Expanded Senior Citizens Act lalo’t kailangan nila ito sa panahon ng pandemya.

Paliwanag ng kongresista, dahil mahigpit din ang umiiral na batas, 29 na porsiyento lamang ng 7.5-million Filipino senior citizens ang nakatatanggap ng allowance.

August 7, 2020 0 comment

NATIONAL NEWS

50 pang ventilators ang ipapadala ng China sa bansa kontra COVID-19

written by Gilbert Perdez

Magpapadala ng 50 pang ventilators sa Pilipinas ang China bilang bahagi ng ayuda nito sa ating bansa sa giyera kontra coronavirus disease 2019 (COVID-19).

Ayon kay Chinese Ambassador Huang Xilian, inaasahang darating na sa susunod na linggo ang medical aid mula sa kanilang bansa.

Matatandaang bukod sa milyun-milyong halaga ng health equipment na donasyon ng China sa Pilipinas, dumalaw din sa ating bansa ang ilang Chinese medical experts bilang suporta nito sa paglaban sa virus.

Samantala, muling tiniyak ni Huang na uunahin ng China ang Pilipinas sakaling makabuo na sila ng epektibong bakuna laban sa COVID-19.

August 7, 2020 0 comment

HEADLINES

JBC magsasagawa ng online interview para sa SC candidates

written by Gilbert Perdez

Magsasagawa ng online public interview ang Judicial and Bar Council (JBC) para sa mga kandidato sa pagka-mahistrado ng Korte Suprema na siyang hahalili sa magreretirong si Associate Justice Jose Reyes Jr.

Ayon kay JBC Clerk of Court Edgar O Aricheta, unang isasalang sa interview sa pamamagitan ng Zoom mula alas-9 ng umaga hanggang alas-12 ng tanghali sa Agosto 19 sina Court Administrator Jose Midas Marquez at Court of Appeals Associate Justice Ramon Cruz habang sina CA Associate Justices Eduardo Peralta Jr. at Nina Antonio-Valenzuela bandang alas-dos hanggang alas-singko ng hapon.

Samantala, sa Agosto 20, kakapanayamin din ng JBC sina CA Associate Justices Jhosep Lopez, Maria Filomena Singh at Sandiganbayan Associate Justice Oscar Herrera.

Kasabay nito, binuksan na rin ng JBC ang aplikasyon para sa posisyon ni CA Presiding Justice Romeo Barza, maliban sa puwesto ni Deputy Overall Ombudsman Melchor Arthur Carandang na magreretiro sa Oktubre 14.

August 7, 2020 0 comment

NATIONAL NEWS

COVID-19 cases sa bansa sumampa na sa 122,754

written by Gilbert Perdez

Sumampa na sa 122,754 ang kabuuang bilang ng kaso ng coronavirus disease 2019 (COVID-19) sa bansa.

Ito’y makaraang maitala ng Department of Health (DOH) ang 3,379 na bagong impeksiyon.

Pumalo na rin sa 66,852 ang total recoveries kasunod ng paggaling ng 96 pang pasyente.

Samantala, aabot na sa 2,168 ang bilang ng mga nasawi kasunod ng pagpanaw ng 24 pang biktima.

Gayunman, ayon sa DOH, nagsasagawa pa rin sila constant cleaning at validation upang maayos ang mga ipinapalabas nilang datos.

JUST IN: Kaso ng COVID-19 sa bansa,
nadagdagan pa ng 3,379 ngayong Biyernes, Agosto 7.

Dahil dito, pumalo na sa 122,754 ang kabuuang
bilang ng kumpirmadong kaso ng COVID-19 sa
bansa | https://t.co/HHOy7zaafm pic.twitter.com/UM8xf42Rdi

— DWIZ Newscenter (@dwiz882) August 7, 2020

August 7, 2020 0 comment

RONDA PROBINSYA

Isang sundalo patay matapos manlaban sa nangyaring buy bust ops sa Digos City

written by Gilbert Perdez

Patay ang isang miyembro ng Armed Forces of the Philippines (AFP) na umano’y suma-sideline sa pagtutulak ng droga matapos manlaban sa mga awtoridad sa ikinasang buy-bust operation sa Digos City.

Kinilala ni City acting chief Lt. Col. Vici Anthony Tababa ang nasawing sundalo na si Sgt. Reginald Labajo, 35-anyos, at miyembro ng Philippine Army.

Ayon kay Tababa, nanlaban si Labajo sa inilatag na joint buy-bust operation ng Philippine National Police at Philippine Drug Enforcement Agency (PDEA).

Nasabat sa operasyon ang apat na sachets ng umano’y shabu na nagkakahalaga ng 276,000 pesos, isang 9mm pistol at iba pang mga ebidensya.

August 6, 2020 0 comment

RONDA PROBINSYA

Mga gumaling sa COVID-19 sa BARMM patuloy na nadadagdagan

written by Gilbert Perdez

Nadagdagan pa ang bilang ng mga gumaling mula sa coronavirus disease 2019 (COVID-19) sa Bangsamoro Autonomous Region in Muslim Mindanao (BARMM).

Batay sa daily case bulletin ng BARMM, nakapagtala ito ng anim na bagong kaso ng COVID-19 sa buong rehiyon dahilan upang sumampa na sa 471 ang confirmed cases sa nabanggit na lugar.

Ayon kay BARMM health minister Safrullah Dipatuan, nasa 373 na ang bilang ng mga recovered patients sa kanilang rehiyon o katumbas ng 79% recovery rate kasunod ng paggaling ng 60 pasyente.

Sinasabing naitala ang mga bagong kaso sa Marawi City, gayundin sa mga bayan ng Saguiaran at Balindong.

August 6, 2020 0 comment

HEADLINES NATIONAL NEWS

COVID-19 cases sa bansa umabot na sa 119,460

written by Gilbert Perdez

Umakyat na sa 119,460 ang bilang ng mga coronavirus infections sa Pilipinas matapos magkaroon ng 3,561 na bagong kaso.

Ayon sa Department of Health (DOH), nasa 66,837 na ang total recoveries kasunod ng paggaling 569 na pasyente.

Kasabay nito, pumalo na sa 2,150 ang death toll sa buong bansa makaraang maitala ang 28 na bagong COVID-related deaths.

Samantala, nangako ang DOH na bubuo ito ng mga bagong estratehiya sa mga susunod na linggo kasama ang mga eksperto bunsod ng patuloy na pagdami ng COVID-19 cases sa bansa.

August 6, 2020 0 comment

HEADLINES NATIONAL NEWS

Sapat na suplay ng pagkain para sa dalawang linggong MECQ tiniyak ng DA

written by Gilbert Perdez

Muling tiniyak ni Agriculture Secretary William Dar na sapat ang suplay ng pagkain para sa dalawang linggong modified enhanced community quarantine (MECQ) sa Mega Manila.

Ayon kay Dar, batay sa kanilang monitoring sa food supply situation sa bansa, sobra-sobra ang suplay ng pagkain tulad ng bigas, gulay, manok, at prutas.

Titiyakin din ng kalihim na hindi mababalam ang mga biyahe ng mga essential products sa kabila ng umiiral na mas mahigpit na quarantine measures sa iba’t ibang lugar.

Samantala, nanawagan din si Dar sa mga lokal na pamahalaan na siguruhing makakabiyahe ang mga cargo trucks na nagdadala ng mga pagkain paluwas ng Metro Manila.

August 5, 2020 0 comment

HEADLINES NATIONAL NEWS

Gov’t workers na inoobligang pumasok bigyan ng libreng transportasyon —CSC

written by Gilbert Perdez

Bigyan ng libreng transportasyon ang mga government workers na inoobligang pumasok sa trabaho.

Ito ang naging paalala ni Civil Service Commissioner Aileen Lizada sa mga ahensya ng gobyerno matapos magpalabas ng memorandum circular sa harap na rin ng ipinatutupad na modified enhanced community quarantine (MECQ) sa Metro Manila at iba pang lalawigan.

Ayon kay Lizada, maliban sa pagkakaroon ng skeleton workforce, maaari ring magpatupad ng iba pang alternative work arrangement ang mga tanggapan ng pamahalaan tulad ng work-from-home, four-day workweek, at staggered working hours.

August 5, 2020 0 comment

Newer Posts

Older Posts