Author

Gilbert Perdez

DWIZ 882

Mega quarantine facility sa Laguna binuksan na

Isa pang mega quarantine facility ang pinasinayaan ng national government para sa mga coronavirus patients sa Barangay Mapagong, Calamba, Laguna.

Mismong ang mga opisyal ng National Task Force (NTF) against COVID-19 ang nanguna sa pagbubukas ng 550-bed quarantine center na siyang magsisilbing isolation capacity ng mga pasyente sa Region 4-A (CALABARZON).

Sinasabing ang nabanggit na pasilidad ay nagkakahalaga ng P50-milyong kung saan kumpleto ito sa amenities, kabilang ang libreng

Wi-fi at CCTV cameras.

Kasama rin dito ang sleeping quarters o tulugan ng mga healthcare workers.

November 14, 2020 0 comment

HEADLINES NATIONAL NEWS

‘Ulysses’ death toll umakyat na sa 37 —NDRRMC

written by Gilbert Perdez

Umakyat na sa 37 ang bilang ng mga nasawi sa iba’t ibang lugar sa Luzon matapos ang pananalasa ng Bagyong Ulysses.

Ayon kay National Disaster Risk Reduction and Management Council (NDRRMC) Spokesperson Mark Cashean Timbal, sa nabanggit na bilang ay 20 sa Region 2; anim sa CALABARZON; lima sa Region 5; at anim naman sa Cordillera Administrative Region (CAR).

Labing-lima (15) naman ang missing o patuloy na hinaharap ng mga awtoridad kung saan dalawa sa CALABARZON; walo sa Region 5; at lima sa CAR.

Samantala, binanggit ni Timbal na sumampa na sa 22 ang nasaktan sa nangyaring kalamidad na kinabibilangan ng tatlo sa Region 2; siyam sa Calabarzon; walo sa Region 5, at dalawa naman sa CAR.

Gayunman, nilinaw ni Timbal na nagsasagawa pa sila ng verification o validation sa mga naturang numero.

November 14, 2020 0 comment

HEADLINES NATIONAL NEWS RONDA PROBINSYA

PH Navy magde-deploy ng karagdagang rescuers sa Cagayan

written by Gilbert Perdez

Magde-deploy ang Philippine Navy ng dalawang water search-and-rescue (WASAR) teams bilang suporta sa kasalukuyang inter-agency rescue efforts para sa mga pamilya at residenteng apektado ng kalamidad sa Cagayan.

Ayon kay Navy Public Affairs Office Chief, Lt. Commander Maria Christina Roxas, ang mga WASAR-trained teams ay magmumula sa Naval Forces Northern Luzon facility sa San Fernando, La Union.

Ang dalawang teams ay sinasabing magdadala ng dalawang rubber boats at iba pang life-saving equipment sa mga binahang lugar sa Region 2.

November 14, 2020 0 comment

HEADLINES NATIONAL NEWS

Pinsala sa sektor ng agricultura bunga ng Bagyong Ulysses umabot na sa halos P1-B

written by Gilbert Perdez

Halos P1-bilyong na ang halaga ng pinsala sa sektor ng agrikultura bunsod ng pananalasa ng Bagyong Ulysses.

Ayon kay NDRRMC Spokesperson Mark Cashean Timbal, nasa P999.8-million na ang agriculture damage sa Regions 1, 2, 3, CALABARZON, Region 5, at Cordillera Administrative Region (CAR).

Samantala, sa Region 1 at MIMAROPA, sumirit na sa P253-million ang napinsala sa imprakstruktura.

November 14, 2020 0 comment

INTERNATIONAL NEWS

China nakapagtala ng 18 bagong kaso ng coronavirus

written by Gilbert Perdez

Nakapagtala ang mainland China ng 18 bagong kaso ng (COVID-19) coronavirus disease 2019 nitong Biyernes.

Ayon sa National Health Commission, mas mataas ito kumpara sa walong kaso na nadiskubre noong Huwebes.

Sinasabing lahat ng mga nagpositibo sa virus sa kanilang bansa ay imported o galing sa ibayong dagat.

Sa kasalukuyan, nasa 86,325 na ang kumpirmadong kaso sa mainland China habang nananatili naman sa 4,634 ang death toll.

November 14, 2020 0 comment

INTERNATIONAL NEWS

China bumati sa pagkapanalo ni Biden, Harris

written by Gilbert Perdez

Binati ng China sina US President-elect Joe Biden at Vice President-elect Kamala Harris sa pagkapanalo ng dalawa sa katatapos na halalan.

Sa isang news briefing, sinabi ni foreign ministry spokesman Wang Wenbin na iginagalang nila ang naging pasya ng mga botante sa Estados Unidos.

Nauunawaan umano ng Beijing na inihahalal ang mga lider sa Amerika, sang-ayon sa itinatakda ng kanilang batas.

Bagama’t tapos na ang eleksiyon, hindi pa rin nagko-concede si dating President Donald Trump at nagbantang hindi siya susuko sa laban bunsod ng umano’y naganap na dayaan.

November 13, 2020 0 comment

ENTERTAINMENT

South Korean singer Minzy lumagda ng kontrata sa Viva Entertainment

written by Gilbert Perdez

Makikipagsapalaran umano sa Pilipinas si Minzy na dating kagrupo ni Sandara Park sa South Korean girl group na 2NE1.

Ito’y makaraang mabatid na lumagda na ng kontrata sa Viva Entertainment ang singer at maglalabas ito ng local version ng kanyang awiting “Lovely.”

Sinasabing nabuo ang agreement sa pagitan ng sariling entertainment agency ni Minzy na MZ Entertainment at Open Door Artist Management.

Magkakaroon naman umano ng online press conference para pormal na ipakilala sa Filipino fans si Minzy kung saan dito rin tatalakayin ang posibleng pagpasok ng K-pop star sa local showbiz.

Sina Park at Minzy ay nagkasama sa 2NE1 hanggang sa mabuwag ang grupo noong 2016 makaraan ang pitong taon.

November 13, 2020 0 comment

SPORTS

Ginebra wagi kontra Rain or Shine sa iskor na 81-73

written by Gilbert Perdez

Pinataob ng Barangay Ginebra ang Rain Or Shine sa score na 81-73 sa kanilang laro sa 2020 PBA Philippine Cup na ginanap sa AUF Sports Arena sa Angeles City, Pampanga.

Dahil dito, pasok na ang Gin Kings sa semifinals habang nasibak naman sa torneo ang Elasto Painters.

Kumamada si Japeth Aguilar ng 23 points at nakabuslo si Stanley Pringle ng back-to-back baskets sa dulo ng laro dahilan upang manalo ang kanilang koponan.

Makakaharap ng Gin Kings sa susunod na round ang magwawagi sa hiwalay na playoff series sa pagitan ng San Miguel Beer at Meralco.

November 13, 2020 0 comment

NATIONAL NEWS RONDA PROBINSYA

5 tauhan ng DPWH nasawi sa landslide sa Ifugao

written by Gilbert Perdez

Patay ang limang tauhan ng Department of Public Works and Highways (DPWH) kasunod ng naganap na landslide sa Ifugao matapos manalasa ang Bagyong Ulysses.

Ayon sa Office of Civil Defense sa Cordillera Administrative Region (CAR), na-retrieve na nila ang labi ng limang DPWH personnel habang nasagip din nila ang isang survivor.

Sinabi ni OCD-CAR Regional Director Albert Mogol na nagsasagawa ng clearing operation sa kalsada ang mga tauhan ng DPWH nang maganap ang landslide.

Nawawala naman ang anim na iba pang indibidwal at patuloy pang pinaghahanap ang mga ito.

November 13, 2020 0 comment

INTERNATIONAL NEWS NATIONAL NEWS RONDA PROBINSYA

OWWA magbibigay ng pinansyal na ayuda para sa mga OFW’s

written by Gilbert Perdez

Makakatanggap na ng tulong pinansiyal mula sa Overseas Workers Welfare Administration (OWWA) ang tinatayang 20,000 stranded at displaced Overseas Filipino workers (OFW’s).

Sa ginanap na Laging Handa briefing, nangako si Administrator Hans Leo Cacdac na ire-release na sa susunod na linggo ang ikatlong bugso ng ayuda para sa mga OFW’s.

Ayon kay Cacdac, una nang napagkalooban ng one-time cash assistance ang nasa 320,000 na Pinoy abroad at maging ang ilang napauwi na sa bansa.

Sinabi ng opisyal na patuloy silang tatanggap ng mga aplikasyon ng mga OFW’s hanggang sa katapusan ng taong kasalukuyan, batay na rin sa itinatakda sa ilalim ng Bayanihan 2.

November 13, 2020 0 comment

Newer Posts

Older Posts