Author

Gilbert Perdez

DWIZ 882

Reforestation, dredging activities sa Cagayan River nagpapatuloy — Tugade

Gumagawa na ng mga hakbang ang gobyerno upang maiwasan ang posibleng muling pagragasa ng malawakang pagbaha sa Cagayan Valley.

Ang pahayag ay ginawa ni Department of Transportation (DOTr) Secretary Arthur Tugade matapos tamaan ng kalamidad ang lalawigan, kabilang ang Cagayan at Isabela, dulot ng Bagyong Ulysses na bumayo sa Luzon noong Miyerkules.

Paliwanag ni Tugade, sa kasalukuyan ay nagpapatuloy aniya ang dredging activities sa Cagayan River at reforestation efforts sa lugar upang maiwasan ang mas matinding kalamidad sa hinaharap.

Bilang suporta sa reforestation program, oobligahin ng DOTr ang mga public transport cooperatives at mga indibidwal sa lalawigan na magtanim ng puno bago gawaran ng lisensya at prangkisa na suportado naman ng Land Transportation Franchising and Regulatory Board (LTFRB).

November 15, 2020 0 comment

HEADLINES NATIONAL NEWS

‘Ulysses’ death toll umakyat na sa 69 —NDRRMC

written by Gilbert Perdez

Sumirit na sa 69 ang bilang ng mga nasawi sa pagtama ng Bagyong Ulysses sa bansa.

Ayon kay National Disaster Risk Reduction and Management Council (NDRRMC) executive director Ricardo Jalad, karamihan sa mga namatay ay mula sa Cagayan Valley.

Aabot naman sa 286,000 families o katumbas ng 1.1-million individuals ang apektado ng kalamidad habang mahigit 3,000 kabahayan ang napinsala.

Samantala, tinatayang P1-bilyong na ang halaga ng danyos sa agrikultura habang P253-milyon naman sa imprastraktura.

November 15, 2020 0 comment

NATIONAL NEWS RONDA PROBINSYA

Pangulong Duterte inatasan si Cimatu na imbestigahan ang umano’y illegal logging, mining sa Cagayan Valley

written by Gilbert Perdez

Inatasan ni Pangulong Rodrigo Duterte si Environment Secretary Roy Cimatu na imbestigahan ang umano’y illegal logging at mining sa Cagayan Valley kasunod ng malawakang pagbaha na dulot ng bagyong Ulysses.

Sa isang situation briefing sa Tuguegarao City, binigyang diin ng Pangulo na bagama’t ilang beses nang natalakay sa mga pagpupulong ang isyu ay tila walang ginagawa ang mga kinauukulang ahensya ukol sa illegal na pagmimina at pamumutol ng puno sa bansa.

Pinatitiyak din ni Pangulong Duterte kay Cimatu na maililikas sa mas mataas na lugar ang mga residenteng nakatira sa mga flood-prone areas.

November 15, 2020 0 comment

NATIONAL NEWS RONDA PROBINSYA

Governor Mamba iginiit na nakapaghanda sila kaugnay ng pagbaha sa Cagayan

written by Gilbert Perdez

Inihayag ni Cagayan Governor Manuel Mamba na bagama’t nakapaghanda sila ay hindi naman nila inasahan na ganoon kalawak ang tubig-baha na tatama sa mga komunidad nila na dala ng Bagyong Ulysses.

Katunayan, ayon kay Mamba, agad silang nagsagawa ng preemptive at forced evacuation.

Maaga rin aniyang nabigyang-babala ang mga residente pero talagang nagulat sila sa lalim at laki ng tubig na rumagasa sa mga barangay sa lalawigan.

Binigyang diin pa ni Mamba na posibleng ang Magat Dam ang dahilan kaya ganoon katindi ang tumamang baha sa kanila at patuloy pa aniya nila itong iniimbestigahan.

November 15, 2020 0 comment

HEADLINES NATIONAL NEWS RONDA PROBINSYA

Paggamit ng generator sa loob ng bahay ibinabala

written by Gilbert Perdez

Nagbabala sa publiko ang Department of Health (DOH) -CALABARZON laban sa paggamit ng generator sa kanilang mga tahanan.

Ayon kay DOH-CALABARZON Regional Director Eduardo Janairo, ito’y maaaring magdulot ng carbon monoxide poisoning na maaaring ikamatay ng biktima sa loob lamang ng ilang minuto.

Ginawa ni Janairo ang pahayag matapos makatanggap ng impormasyon hinggil sa nangyaring insidente sa lalawigan ng Rizal dahil sa umano’y paggamit ng generator.

Kung gagamit aniya ng back-up generator, dapat ay 20 metro ang layo nito mula sa bahay.

Bukod dito, pinayuhan din ni Janairo ang publiko na huwag gawing portable aircon room ang sasakyan dahil mapanganib rin ito sa kalusugan at posible ring magdulot ng carbon monoxide poisoning.

November 15, 2020 0 comment

INTERNATIONAL NEWS

COVID-19 cases sa Mexico umakyat na sa mahigit 1 milyon

written by Gilbert Perdez

Pumalo na sa mahigit 1-milyon ang bilang ng mga dinapuan ng coronavirus disease 2019 (COVID-19) sa Mexico.

Ayon kay health ministry official Ricardo Cortes, sa loob lamang ng isang araw ay nakapagtala sila ng 5,860 na bagong kumpirmadong impeksiyon.

Sumampa naman sa 98,259 ang bilang ng mga Mehikano na nasawi dahil sa coronavirus kasunod ng pagpanaw ng mahigit 600 pasyente.

Dahil dito, kahanay na ngayon ng Mexico ang Amerika , Brazil at India sa may pinakamaraming namatay dahil sa virus.

November 15, 2020 0 comment

INTERNATIONAL NEWS

SoKor nakapagtala ng 205 na bagong kaso ng COVID-19

written by Gilbert Perdez

Nakapagtala ang South Korea ng 205 na bagong kaso ng coronavirus disease 2019 (COVID-19) sa loob lamang ng isang araw.

Dahil dito, ayon sa Korea Disease Control and Prevention Agency (KDCA), sinimulan na ang mahigpit na pagpapatupad ng batas laban sa hindi pagsusuot ng face mask sa mga pampublikong lugar.

Ayon sa KDCA, sa mga bagong kaso ay 166 ang maituturing na locally transmitted at 39 naman ang imported.

Sinasabing karamihan din sa mga naitalang bagong kaso ay mula sa Seoul at Gyeonggi province na pawang matataas ang bilang ng populasyon.

November 14, 2020 0 comment

HEADLINES NATIONAL NEWS

COVID-19 cases sa bansa pumalo na sa 406,337 —DOH

written by Gilbert Perdez

Pumalo na sa 406,337 ang kaso ng coronavirus disease 2019 (COVID-19) sa Pilipinas.

Ito’y makaraang makapagtala ang Department of Health (DOH) ng 1,650 na bagong kumpirmadong kaso.

Batay sa pinakahuling case bulletin ng DOH, binanggit na nakapagtala ng pinakamaraming kaso ang Laguna na 84; Davao City na 81; Cavite na 73; Quezon na 71, at Rizal na may 64 na bagong confirmed infections.

Umakyat naman sa 363,068 ang bilang ng mga nakarekober sa sakit kasunod ng paggaling ng 194 na pasyente.

Dahil dito, nasa 35,478 na lamang ang active cases sa kasalukuyan.

Samantala, 39 pang COVID-19 patients ang pumanaw dahilan upang umakyat na sa 7,791 ang death toll sa buong bansa.

JUST IN: Kaso ng COVID-19 sa bansa, nadagdagan pa ng 1,650 ngayong Sabado, Nobyembre 14.

Pumalo na sa kabuuang 406,337 ang bilang ng kumpirmadong kaso ng COVID-19 sa bansa. Mayroon namang 35,478 naitalang active cases. https://t.co/HHOy7zaafm pic.twitter.com/Yf0XACBoYF

— DWIZ Newscenter (@dwiz882) November 14, 2020

November 14, 2020 0 comment

HEADLINES NATIONAL NEWS

DepEd kinansela ang planong pagbili ng P4-M halaga ng ham, cheese para sa Christmas celebration

written by Gilbert Perdez

Kinansela ng Department of Education (DepEd) ang plano nitong pagbili ng P4-milyong halaga ng ham at cheese para sa Christmas celebration ng central office ng ahensya.

Ang pahayag ay ginawa ni DepEd Public Affairs Director June Arvin Gudoy matapos makatanggap ng kaliwa’t kanang kritisismo sa social media ang nasabing procurement plan.

Paliwanag naman ni Gudoy, ito’y maituturing na “inappropriate” o hindi naaangkop sa ganitong panahon na may umiiral na pandemya at sinalanta rin ng kalamidad ang maraming lugar sa Luzon.

Binigyang diin naman ni Teacher’s Dignity Coalition chairman Benjo Basas na sa naging pasya ng DepEd ay pinakikita lamang ng ahensya kung ano ang tunay nitong prayoridad at kung paano umano nilalabag nito ang sariling mga alituntunin.

November 14, 2020 0 comment

HEADLINES NATIONAL NEWS

Muling pagtaas ng COVID-19 cases sa bansa ibinabala

written by Gilbert Perdez

Nagbabala sa publiko si National Policy against COVID-19 chief implementer at vaccine czar Carlito Galvez Jr. laban sa posibleng pagsipa ng coronavirus cases bunsod ng pananalasa ng mga bagyo sa bansa.

Giit ni Galvez, inaasahan na nilang dadami ang kaso ng coronavirus disease 2019 (COVID-19) lalo pa’t hindi na nasusunod ang physical distancing sa ilang evacuation centers na nagiging dahilan ng pagkakaroon ng hawaan.

Dahil dito, hinimok ni Galvez ang publiko na huwag maging complacent o kampante at sumunod pa rin sa health protocols upang makaiwas sa impeksiyon.

Samantala, nangako naman si Galvez na ipaprayoridad ng gobyerno sa immunization program ang tinatayang 25-milyong Pilipino.

November 14, 2020 0 comment

Newer Posts

Older Posts