Gilbert Perdez

Sumampa na sa 415,067 ang bilang ng mga tinamaan ng COVID-19 sa Pilipinas.

Ito’y makaraang makapagtala ang Department of Health (DOH) ng 1,639 na bagong karagdagang kaso.

Sa bilang na ito, pinakamarami pa rin sa Davao City na 113 na sinundan ng Laguna na 76; Quezon City na 75; Rizal na 75 din at Cavite na 63 na bagong confirmed cases.

Batay sa pinakahuling case bulletin ng DOH, umakyat na sa 8,025 ang death toll sa bansa kasunod ng pagpanaw ng 27 pang COVID-19 patients.

Samantala, nadagdagan naman ng 31,805 ang bilang ng mga gumaling mula sa sakit dahilan upang pumalo na sa 375,237 ang total recoveries sa bansa.

Nakapagtala ang Department of Health (DOH) ng 1,530 na bagong coronavirus disease 2019 (COVID-19) infections sa Pilipinas.

Dahil dito, sumirit na sa 407,838 ang kabuuang bilang ng mga tinamaan ng coronavirus sa bansa.

Sa pinakahuling case bulletin ng DOH, binanggit na aabot sa 11,290 na mga pasyente ang pinakahuling gumaling mula sa sakit dahilan upang pumalo sa 374,329 ang total recoveries.

Sinasabing sa nabanggit na bilang ay nasa 25,677 na lamang ang active cases.

Samantala, sumampa naman sa 7,832 ang death toll matapos pumanaw ang 41 pasyente.

JUST IN: Kaso ng COVID-19 sa bansa, nadagdagan pa ng 1,530 ngayong Linggo, Nobyembre 15.

Pumalo na sa kabuuang 407,838 ang bilang ng kumpirmadong kaso ng COVID-19 sa bansa. Mayroon namang 25,677 naitalang active cases. https://t.co/HHOy7zaafm pic.twitter.com/gjWgkb8y8Q

— DWIZ Newscenter (@dwiz882) November 15, 2020

Walang naitalang bagong kaso ng coronavirus disease 2019 (COVID-19) sa hanay ng mga Pilipino sa labas ng bansa nitong nakalipas na 24 oras.

Batay sa pinakahuling case bulletin, walang iniulat ang Department of Foreign Affairs (DFA) na bagong fatality at recoveries sa ibayong dagat.

Dahil dito, nananatili sa 11,522 ang confirmed cases habang 830 pa rin ang death toll.

Maging ang total recoveries ay nakapako sa 7,461 habang nasa 3,231 na mga pasyenteng Pinoy na lamang ang kasalukuyang sumasailalim sa gamutan o ‘yung mga itinuturing na active cases.

Pinamamadali ni Pangulong Rodrigo Duterte sa Department of Budget and Management (DBM) ang paglalabas ng calamity funds para sa mga apektado ng kalamidad sa ilang rehiyon.

Sa isang situation briefing sa Pili, Camarines Sur, mariing inatasan ng Presidente ang DBM na huwag patagalin o upuan ang mga papeles at hingan pa ng maraming requirements o ‘di kaya’y padaanin pa sa iba’t ibang tanggapan.

Kung maaari aniya ay i-release agad ang pondo upang magamit ito ng mga biktima ng pananalasa ng bagyo.

Samantala, tiniyak naman ng DBM na sapat pa ang pondo ng pamahalaan para ayudahan ang mga naapektuhan ng sunod-sunod na kalamidad sa bansa.

Nabigyan ng sapat na babala ang publiko bago pa man ang pananalasa ng bagyong Ulysses sa Kamaynilaan at ibang bahagi ng Luzon.

Ayon kay NDRRMC Executive Director at Civil Defense Administrator Undersecretary Ricardo Jalad, maliban sa evacuation directives ay nasa 76 emergency alert at warning messages din ang inisyu nila bago nag-landfall ang bagyo.

Nagkaroon naman aniya ng aerial rapid assessment sa Metro Manila at Region 2 bago nag-deploy ang NDRRMC ng search and rescue teams na kinabibilangan ng 4,000 personnel mula sa Armed Forces of the Philippines, Philippine National Police, Bureau of Fire Protection at Philippine Coast Guard.