Author

Gilbert Perdez

DWIZ 882

COVID-19 recoveries sa bansa pumalo na sa 375,548 —DOH

Nakapagtala ang Department of Health (DOH) ng 90.1% recovery rate mula sa coronavirus disease 2019 (COVID-19).

Batay sa case bulletin ng DOH, pumalo na sa 375,548 ang total recoveries sa bansa kasunod ng paggaling ng 328 na pasyente.

Umakyat naman sa 416,852 ang bilang ng mga tinamaan ng coronavirus makaraang tamaang ng sakit ang 1,791 na mga Pinoy.

Sa bilang na ito, nasa 33,224 na lamang ang mga aktibong kaso.

Naitala sa Tarlac ang pinakamaraming bagong kaso na nasa 211 na sinundan ng Davao City na 115 cases; Laguna na may 73 cases, Cavite na may 69 cases, at Negros Occidental na may 65 new cases.

Samantala, dahil naman sa pagpanaw ng 55 pang pasyente, sumirit na sa 8,080 ang death toll sa ating bansa.

JUST IN: Kaso ng COVID-19 sa bansa, nadagdagan pa ng 1,791 ngayong Sabado, Nobyembre 21.

Pumalo na sa kabuuang 416,852 ang bilang ng kumpirmadong kaso ng COVID-19 sa bansa. Mayroon namang 33,224 naitalang active cases. | https://t.co/HHOy7zrLDW pic.twitter.com/7aJfTyCimX

— DWIZ Newscenter (@dwiz882) November 21, 2020

November 21, 2020 0 comment

HEADLINES NATIONAL NEWS

Bilang ng mga Filipino abroad na gumaling sa COVID-19 umakyat na sa 7,478 —DFA

written by Gilbert Perdez

Umakyat na sa 7,478 ang bilang ng mga Pilipino sa ibang bansa na gumaling mula sa COVID-19.

Ito’y makaraang makapagtala ang Department of Foreign Affairs (DFA) ng 17 bagong recoveries.

Nasa 3,247 naman ang mga aktibong kaso habang nananatili sa 834 ang death toll sa hanay ng mga Pinoy sa ibayong dagat.

Karamihan sa mga naitalang bagong kaso ay mula sa Middle East/Africa na sinundan ng Asia Pacific, Europe at America.

November 21, 2020 0 comment

SPORTS

Jordan Clarkson mananatili sa Utah Jazz

written by Gilbert Perdez

Lumagda ng panibagong kontrata sa Utah Jazz si Filipino-American NBA star Jordan Clarkson.

Ayon sa ulat, pumayag na si Clarkson sa apat na taong kontrata na alok ng Jazz na sinasabing nagkakahalaga ng $52 million o tinatayang nasa P2.4 bilyon.

Dahil dito, nangangahulugan na aabot sa P5.2 milyon kada buwan ang magiging suweldo ng 28-anyos na player sa Utah.

Ang ina ni Clarkson ay isang Pinay mula sa Angeles City, Pampanga.

November 21, 2020 0 comment

INTERNATIONAL NEWS

1 milyong Tsino naturukan na ng COVID-19 vaccine

written by Gilbert Perdez

Umarangkada na ang pamamahagi ng experimental coronavirus vaccine na gawa ng Sinopharm sa China.

Katunayan, aabot na sa 1 milyong indibidwal sa kanilang bansa ang naturukan ng kanilang bakuna.

Pagmamalaki ni Sinopharm chairman Liu Jingzhen, kasama sa mga nabigyan ng vaccine ang mga construction workers, diplomats at ilang mag-aaral kung saan wala namang nakitang negatibong epekto sa mga sumalang sa clinical trial.

November 21, 2020 0 comment

INTERNATIONAL NEWS

US President-elect Joe Biden panalo sa recount na isinagawa sa Georgia

written by Gilbert Perdez

Idineklarang panalo si United States President-elect Joe Biden sa isinagawang recount sa Georgia.

Dahil dito, napatunayang kumatig sa Democratic Party ang nabanggit na estado na kilalang balwarte ng Republican sa loob ng ilang dekada.

Sa ulat ng Associated Press news agency, nakuha ni Biden ang labing-anim na electoral college votes dahilan upang pumalo na sa 306 ang kanyang boto kumpara sa 232 electoral college votes ni Trump.

Nabatid na isinagawa ang muling pagbibilang ng mga boto sa pamamagitan ng manual o mano-manong recount.

November 20, 2020 0 comment

NATIONAL NEWS RONDA PROBINSYA

Paglalaan ng mga airline companies ng isolation area tinanggal na ng IATF

written by Gilbert Perdez

Inalis na ng pamahalaan ang requirement na nag-oobliga sa mga air carriers na maglaan ng bahagi ng kanilang aircraft cabin bilang isolation area para sa mga pasaherong nagpapakita ng mga sintomas ng coronavirus disease 2019 (COVID-19).

Ayon kay Presidential spokesperson Harry Roque, tinanggal ng Inter-Agency Task Force (IATF) ang nabanggit na requirement kasunod ng rekomendasyon ng Department of Transportation (DOTr) at Civil Aviation Authority of the Philippines (CAAP) na kinatigan din ng Department of Health (DOH).

Giit ni Roque, hindi na kailangang maglaan pa ng mga airline companies ng isolation area para sa kanilang mga pasahero dahil karamihan sa mga domestic flights ay hindi naman nagtatagal ng higit isa’t kalahating oras.

Nilinaw na rin aniya ng CAAP na ang pasya nila ay hindi labag sa mga alituntunin ng World Health Organization (WHO) at International Civil Aviation Organization (ICAO).

November 20, 2020 0 comment

NATIONAL NEWS

Murang COVID-19 swab test alok ng Makati LGU

written by Gilbert Perdez

Nag-alok ng mas abot-kayang swab testing ang Makati City government para sa mga residente, establisimyento at pribadong kompanya sa lungsod.

Sa isang post sa social media, binanggit ng lokal na pamahalaan na ang kanilang reverse transcription-polymerase chain reaction (RT-PCR) tests ay nagkakahalaga na lamang ng P2,95 na naglalaro mula sa P4,500 hanggang P8,000 sa mga pribadong klinika at ospital sa Metro Manila.

Naniniwala ang Makati LGU na sa pamamagitan nito ay mas marami pang residente at empleyado ang magpapasailalim sa mas mabilis na COVID-19 tests.

November 20, 2020 0 comment

HEADLINES NATIONAL NEWS RONDA PROBINSYA

Age restrictions sa mga lugar na nakasailalim sa MGCQ posibleng tanggalin na

written by Gilbert Perdez

Posibleng tanggalin na ng mga lokal na pamahalaan na nasa ilalim ng modified general community quarantine (MGCQ) ang age restrictions para sa mga turista na 15 taong gulang pababa at 65 taong gulang pataas.

Ngunit batay sa ipinalabas na resolusyon ng Inter-Agency Task Force for Emerging Infectious Diseases (IATF-EID), dapat ikonsulta muna ng mga local government units (LGU’s) sa Department of Tourism (DOT), Department of Health (DOH) at Department of Interior and Local government (DILG) ang magiging desisyon nila sa usapin.

Samantala, base pa rin sa nabanggit na IATF resolution, maaari na umanong payagan ang mga crew ng eroplano na pumasok sa isang lugar o tumuloy sa mga hotel sa panahon ng kalamidad o sakuna tulad ng bagyo, volcanic activities, pagkaka-divert ng biyahe, emergency landings, at iba pang pangyayaring hindi inaasahan.

Ayon sa IATF, dapat exempted ang airline crew sa test-upon-arrival requirement at maaaring payagang manatili sa isang lugar o hotel sa pamamagitan ng isang “bubble concept” na pamamahalaan ng LGU.

November 20, 2020 0 comment

NATIONAL NEWS RONDA PROBINSYA

Dagdag na byahe ng provincial buses, UV Express inianunsyo ng LTFRB

written by Gilbert Perdez

Inihayag ng Land Transportation Franchising and Regulatory Board (LTFRB) na papayagan nang bumiyahe ang mas maraming UV Express (UVE) units sa Metro Manila at provincial buses mula Davao City simula ika-23 ng Nobyembre.

Batay sa abiso ng LTFRB, tinatayang mahigit 400 UV express ang inaasahang makakabiyahe na mula sa anim na ruta na kinabibilangan ng C65 Calumpit (Bulacan) – CIT (Quezon Avenue; C66 Cogeo – Cubao via Marcos Highway; C67 Cubao-Padilla via Ermin Garcia, Marcos Highway at iba pa.

Magbabalik-operasyon din ang 20 provincial buses sa dalawang ruta sa lungsod ng Davao City kasama na ang Davao City-Tacloban City at Davao City-Ormoc City.

Samantala, nilinaw ng LTFRB na walang ipatutupad na taas-pasahe sa mga UV Express at provincial buses.

Muli namang nagpaalala ang ahensya sa mga PUV drivers, sa mga konduktor at sa mga pasahero na sumunod sa health protocols kung bibiyahe o habang nasa biyahe.

November 20, 2020 0 comment

INTERNATIONAL NEWS NATIONAL NEWS

P60-M ibinigay ng EU para sa mga apektado ng bagyong Ulysses

written by Gilbert Perdez

Nagbigay ng karagdagang 1.05 million euros o nasa P60-M ang European Union (EU) para sa mga biktima ng pananalanta ng bagyong Ulysses.

Sinasabing hindi pa kasama rito ang P74.5-M na naunang ipinadala ng EU para sa mga apektado ng super typhoon Rolly dahilan upang pumalo na sa P134-M ang naging donasyon ng unyon sa Pilipinas.

Ang “Ulysses assistance” ay bahagi ng Acute Large Emergency Response Tool (ALERT) ng EU upang matulungan ang mga bakwit na magbalik sa normal ang kanilang buhay.

November 20, 2020 0 comment

Newer Posts

Older Posts