Author

Gilbert Perdez

DWIZ 882

Mga alkalde, barangay chairpersons maituturing ding frontliners —Olivarez

Maituturing ding frontliners ang mga alkalde at barangay chairpersons.

Ito ang binigyang diin ni Parañaque City Mayor Edwin Olivarez matapos mapaulat na may mga lokal na opisyal na nakasingit at nabigyan ng bakuna kahit wala naman ang mga ito sa priority list.

Samantala, naniniwala rin si dating Bulacan governor Obet Pagdanganan na dapat maisama ang mga local officials sa mga nasa prayoridad na babakunahan.

Sa ganitong paraan, ayon kay Pagdanganan, ay tiyak na lalakas aniya ang kumpiyansa ng publiko sa COVID-19 vaccine.

March 28, 2021 0 comment

RONDA PROBINSYA

Isang lalaking sa Kidapawan City isasalang sa libreng operasyon sa North Cotabato Provincial Hospital

written by Gilbert Perdez

Isasalang sa libreng operasyon sa North Cotabato Provincial Hospital ang isang lalaking taga-Kidapawan City upang matanggal ang blade ng kutsilyo na higit isang taon na palang nakabaon sa kanyang katawan.

Pahayag ni Dr. Joel Nelton Sungcad, hinihintay na lang na umuwi ng Kidapawan mula Agusan del Sur si Kent Ryan Tomao para maoperahan.

Matatandaang dinala sa nasabing ospital si Tomao noong Enero 2020 makaraang masaksak ng grupo ng mga binatilyo sa kanilang lungsod.

Ngunit hindi ito inopera dahil sinabi ng doktor na mababaw lamang ang kanyang tama kaya’t tinahi ito agad at pinauwi.
Noong nakaraang linggo lamang nalaman ni Tomao na may nakabaong blade ng kutsilyo sa kanyang katawan matapos magpa-x-ray bilang requirement sa inaplayan niyang trabaho.

March 28, 2021 0 comment

NATIONAL NEWS

AMLC nagpalabas ng freeze order laban sa bank deposit, iba pang assets ng isang religious group

written by Gilbert Perdez

Nagpalabas ng freeze order ang Anti-Money Laundering Council (AMLC) laban sa bank deposits at iba pang assets ng isang religious group dahil sa alegasyon na ginagamit umano ito para pondohan o suportahan ang terorismo.

Batay sa resolusyon ng AMLC, hindi na maaaring galawin ang tatlong bank accounts ng Haran Center ng United Church of Christ in the Philippines o UCCP sa Philippine National Bank na nagkakahalaga ng humigit-kumulang sa P600,000 at maging ang isang real property na nakapangalan sa Brokenshire Integrated Health Ministries, Inc.

Ipinalabas ang freeze order matapos umanong lumabas sa imbestigasyon ng AMLC na ang assets ng center ay ginagamit para suportahan ang terorismo na paglabag sa Republic Act 10168 o mas kilala bilang The Terrorism Financing Prevention and Suppression Act.

Nabatid na ang Haran Center sa Bankerohan, Davao City ay kanlungan ng mga indigenous peoples sa Mindanao pero sinasabing ginagamit din para himukin ang mga katutubo, kabilang ang mga menor de edad, na lumaban sa gobyerno hanggang sa maging miyembro ng New People’s Army (NPA).

March 28, 2021 0 comment

HEADLINES NATIONAL NEWS

‘No disconnection policy’ ng Meralco pinalawig pa

written by Gilbert Perdez

Pinalawig ng Manila Electric Co. ( Meralco) ang kanilang ‘no-disconnection policy’ hanggang Abril 15 ng taong kasalukuyan.

Ito ang inanunsiyo ni Ferdinand Geluz, Meralco first vice president at chief commercial officer, makaraang isailalim muli ng gobyerno sa enhanced community quarantine o ECQ ang Metro Manila, Bulacan, Cavite, Laguna, at Rizal o NCR Plus simula ngayong araw, Marso 29 hanggang Abril 4.

Sinabi ni Geluz na sakop ng panibagong polisiya ang mga residente sa mga nasabing lugar.

Tiniyak din ni Geluz na magpapatuloy ang meter reading operations ng Meralco alinsunod na rin sa kautusan ng Energy Regulatory Commission (ERC).

March 28, 2021 0 comment

HEADLINES NATIONAL NEWS

Zamboanga Del Sur bettor nasungkit ang P298.8-M jackpot prize ng lotto

written by Gilbert Perdez

Nasungkit ng nag-iisang mananaya mula Pagadian City, Zamboanga Del Sur ang P298.8-million jackpot prize sa Grand Lotto 6/55 ng Philippine Charity Sweepstakes Office (PCSO).

Ayon kay PCSO general manager Royina Garma, natumbok ng masuwerteng bettor ang winning combination na 38-35-11-22-39-47.

Labing-walo (18) pang mananaya ang nakakuha ng second prize at makakatanggap ang mga ito ng tig-P100,000 matapos mahulaan ang limang kumbinasyon.

Ang Grand Lotto 6/55 ay binobola tuwing Lunes, Miyerkules, at Sabado.

March 28, 2021 0 comment

INTERNATIONAL NEWS

Anim patay sa operasyon ng Venezuelan army

written by Gilbert Perdez

Anim na hinihinalang rebelde ang napatay ng Venezuelan Army malapit sa Venezuela-Colombia border.

Ayon sa defense ministry, maliban sa mga nasawi ay 39 pang miyembro ng isang armadong grupo ang nahuli sa operasyon.

Matatandaang ipinag-utos ni Venezuelan Defense Minister Vladimir Padrino Lopez ang paglusob sa lugar matapos mapatay doon ang dalawang miyembro ng security forces.

Tinatayang 4,000 residente na ang lumikas mula nang simulan ng Venezuelan Army ang naturang operasyon.

March 28, 2021 0 comment

SPORTS

Memphis Grizzlies pinataob ng Utah Jazz

written by Gilbert Perdez

Pinataob ng Utah Jazz ang Memphis Grizzlies sa score na 126-110 sa Salt Lake City.

Humakot si Donovan Mitchell ng 35 puntos para sa Jazz habang nagdagdag si Fil-Am Jordan Clarkson ng 28 puntos.

Sa iba pang laro, panalo ang Los Angeles Clippers laban sa Philadelphia 76ers sa score na 122-112 habang nangibabaw naman ang Sacramento Kings kontra Cleveland Cavaliers sa score na 100-98.

March 28, 2021 0 comment

ENTERTAINMENT

Sarah Labahti gustong makatambal sa isang pelikula ang mister na si Richard Gutierrez

written by Gilbert Perdez

Inamin ng aktres na si Sarah Lahbati na gusto niyang makatambal sa isang pelikula ang kanyang mister na si Richard Gutierrez.

Ayon kay Lahbati, siyam na taon na kasi ang nakalipas mula nang magkasama sila ni Richard sa isang proyekto.

Kaya naman, sabi ng aktres, nais niyang makatrabaho muli ito pero sa isang action movie.

May mga ideya na umano silang naiisip at gusto nilang i-presenta ito sa Viva Films.

March 28, 2021 0 comment

HEADLINES NATIONAL NEWS

Bakunado kontra COVID-19 na 15 healthcare workers sa PCGH nagpositibo sa COVID-19

written by Gilbert Perdez

Tinamaan ng COVID-19 ang tinatayang 15 health frontliners sa Pasay City General Hospital (PCGH).

Ito’y kahit na nabigyan ang mga ito ng bakuna mula sa Sinovac.

Ayon kay PCGH Office-In-Charge Dr. John Victor de Gracia, karamihan sa mga nasabing empleyado ng ospital ay asymptomatic habang ang ilan ay nakakaranas ng mild symptoms.

Isa lang aniya ang maituturing na “moderate risk” habang stable condition naman ang mga ito.

Naniniwala si De Gracia kaya hindi ganoon kalala ang kaso ng mga nasabing health workers ay dahil nabigyan na ang mga ito ng bakuna bago sila dinapuan ng virus.

March 27, 2021 0 comment

HEADLINES INTERNATIONAL NEWS

3 katao patay sa kilos-protesta sa Bangladesh

written by Gilbert Perdez

Patay ang apat katao sa madugong kilos-protesta sa lungsod ng Chittagong sa Bangladesh.

Ayon sa ulat, sinalubong ng marahas na protesta ng mga residente ang pagdating doon ni Indian Prime Minister Narendra Modi.

Sinasabing napilitang magpasabog ng teargas at rubber bullets ang mga awtoridad matapos lumusob ang mga raliyita sa police station at nagsagawa pa ng vandalism.

Nangyari ang pagbisita ni Modi sa Bangladesh kasabay ng pagdiriwang ng Golden Jubilee sa nasabing bansa.

March 27, 2021 0 comment

Newer Posts

Older Posts