Gilbert Perdez

Pumalo na sa 1,173,006 ang bilang ng mga gumaling sa COVID-19 sa Pilipinas.

Ito’y makaraang makapagtala ang Department of Health (DOH) ng 2,382 na bagong recoveries.

Batay sa COVID-19 bulletin, nagkaroon naman ng 7,450 ng bagong kaso dahilan upang sumampa sa 1,255,337 ang bilang ng mga tinamaan ng impeksiyon.

Samantala, sumirit naman sa 21,537 ang death toll kasunod ng pagpanaw ng 181 coronavirus patients.

JUST IN: Kaso ng COVID-19 sa bansa, nadagdagan pa ng 7,450 ngayong Biyernes, ika-3 ng June.

Pumalo na sa kabuuang 1,255,337 ang bilang ng kumpirmadong kaso ng COVID-19 sa bansa. Mayroon namang 60,794 naitalang active cases. | https://t.co/HHOy7zaafm pic.twitter.com/2ItPYf7k1i

— DWIZ Newscenter (@dwiz882) June 4, 2021

Sumampa na sa anim ang bilang ng mga nasawi sa pananalasa ng bagyong Dante.

Ayon sa National Disaster Risk Reduction and Management Council (NDRRMC), isa ang namatay mula Western Visayas, isa sa Central Visayas, dalawa sa Davao Region, at dalawa sa Soccsksargen.

Bukod sa mga nasawi, dalawa naman ang iniulat na sugatan na parehong mula sa avao Region habang dalawa naman ang nawawala sa Eastern Visayas at isa sa Davao Region.

Samantala, nasa 4,439 families o 16,680 individuals ang kasalukuyang nanunuluyan sa mahigit isang daang evacuation centers sa iba’t ibang panig ng bansa.

Inaprubahan na ng Inter-Agency Task Force (IATF) ang mas maigsing quarantine period para sa mga bakunadong indibidwal.

Batay sa bagong alituntunin ng IATF, maaaring pumasok at lumabas ng bansa ang mga ‘fully vaccinated individuals’ kung saan isasalang lamang ang mga ito sa pitong araw na facility-based quarantine.

Samantala, pinapayuhan naman ni Presidential Spokesperson Harry Roque ang mga nabakunahan nang Pinoy na dalhin ang kanilang vaccination card sa kanilang pagbiyahe.

Maliban dito, isasalang din sa swab o RT-PCR testing ang isang bakunadong biyahero kapag nakitaan ito ng mga sintomas ng COVID-19 habang naka-quarantine.

Tiniyak ng Department of Health (DOH) na handa ang mga vaccination sites sa bansa sa panahon ng sakuna.

Ayon kay DOH Spokesperson Undersecretary Maria Rosario Vergeire, alam na ng mga vaccination center kung paano tutugon sa kalamidad tulad ng power outages, baha at malakas na ulan upang matiyak na hindi maaapektuhan ang proseso ng pagbabakuna.

Ang mga vaccination sites naman na walang backup power ay dapat aniyang lumipat sa mas malaking center sa kanilang lugar o kaya’y humingi ng tulong sa regional vaccine operations cluster.

Lalong nabuhayan ang mga karerista matapos malaman na magdaragdagan ng dalawa pang araw ang karera kada linggo.

Ito’y makaraang payagan ng Inter-Agency Task Force (IATF) ang pagkakaroon ng dalawa pang racing days simula Hulyo 1 ngayong taon.

Ngunit inatasan ng IATF ang Philippine Racing Commission (Philracom) na dapat tiyakin nito na nasusunod ang health & safety protocols, gayundin ang paggamit ng contact tracing application sa lahat ng off-track betting stations.

Matatandaang inaprubahan ng IATF ang limitadong operasyon ng tayaan ng karera sa mga lugar na nasa ilalim ng general community quarantine (GCQ) at modified GCQ (MGCQ).