Pasok na sa NBA Finals ang Milwaukee Bucks.
Ito’y makaraang masungkit ng Bucks ang 118-107 victory laban sa Atlanta Hawks sa Eastern Conference finals.
Sina Khris Middleton at Jrue Holiday ang nanguna sa Milwaukee sa pamamagitan ng kanilang pinagsamang 59 na puntos.
Ito ang unang pagkakataon na nakapasok sa NBA Finals ang Bucks mula noong 1974.
Makakaharap ng Milwaukee sa finals ang Phoenix Suns.
Nagsimula nang maghatid ng tulong ang iba’t ibang sektor sa mga apektado ng pag-aalburoto ng Bulkang Taal.
Maliban naman sa Malacañang na naglaan ng higit P12 milyong pondo, inihahanda na rin ng ACT-CIS Partylist ang ayuda nito para sa libu-libong mga residente sa Cavite at Batangas.
Pahayag ni Cong. Eric Yap, handang-handa na silang maghatid ng mga food packs at iba pang assistance na kakailanganin ng mga kababayan natin sa mga nasabing probinsya.
Sinabi ni Yap na makikipag-ugnayan sila sa mga lokal na pamahalaan at Department of Social Welfare and Development (DSWD) upang matukoy ang mga critical areas na prayoridad nilang hatiran ng ayuda sakaling tuluyang sumabog ang bulkan.
Maliban sa preemptive evacuation, todo-bantay din naman ang iba’t ibang ahensya ng pamahalaan alinsunod sa utos ng Pangulong Rodrigo Duterte na maghanda na bago pa lumala ang sitwasyon.
Sinimulan nang ilikas ang mga residente sa may bahagi ng British Columbia dahil sa sunod-sunod na wildfire.
Ayon sa Wildfire Service, halos 200 nang insidente ng sunog ang nangyari sa Canadian province nitong nakalipas na dalawang araw.
Aabot naman sa 11 munisipalidad ang apektado ng mga sunog na kapwa bahagi ng Thompson-Nicola Regional District.
Inatasan ng National Telecommunications Commission o NTC ang mga telecommunications companies o TELCOs na maging handa sa gitna ng pag-aalburoto ng Bulkang Taal.
Batay sa memorandum na ipinalabas ni NTC Commissioner Gamaliel Cordoba, binanggit na dapat magtalaga ang mga telcos ng Libreng Tawag at Charging Stations sa mga evacuation centers ng pamahalaang panlalawigan ng Batangas.
Bukod sa sapat na bilang ng technical at support personnel ng mga TELCOs, pinatitiyak din ng NTC na mayroong naka-standby na generators at iba pang kagamitan sa mga apektadong lugar.
Kasabay nito, nagpaalala rin si Cordova sa mga TELCOs na mahalagang makipag-ugnayan sa mga lokal na pamahalaan ukol sa pinaiiral na health and safety protocols.
Kapwa malabong makalaro sa Game 6 ng Eastern Conference finals ang mga superstars ng Milwaukee Bucks at Atlanta Hawks bukas.
Nabatid na hindi pa rin gumaganda ang kondisyon ni two-time MVP forward Giannis Antetokounmpo ng Bucks matapos magkaroon ng injury sa tuhod.
Sa kabilang banda, mukhang mahihirapan din ang Hawks dahil malabo ring maisalang sa Game 6 ang All-Star guard na si Trae Young dulot naman ng pinsala sa kanang paa.
Gayunman, kapwa excited pa rin ang mga fans ng dalawang team kung ano ang mga ilalatag na game plan ng magkabilang panig hanggang sa dulo ng serye.
Pinalaya na ng Saudi Arabia ang dalawang prominenteng women’s rights activists matapos ang tatlong taong pagkakakulong.
Ayon sa ALQST for Human Rights, nabuno na ng mga human rights defenders na sina Samar Badawi at Nassima al-Sadah ang sentensya laban sa kanila.
Sina Badawi at al-Sadah ay naaresto noong Agosto 2018 bilang bahagi ng crackdown ng Saudi government laban sa mga aktibista.
Tinatayang limang libong pamilya ang itinaboy ng matinding bakbakan sa pagitan ng mga puwersa ng gobyerno at Taliban sa Kunduz City, Afghanistan.
Ayon sa Kunduz Refugees and Repatriation Department, ang dalawang libo sa mga Afghan families ay lumikas sa Kabul at iba pang mga karatig-probinsya.
Matatandaang sinimulang kontrolin ng mga rebelde ang ilang distrito kasunod ng pag-atras ng US-led NATO forces sa kanilang bansa.
Ibinunyag ni Sen. Panfilo Lacson ang mga inaasahan niyang tatalakayin ni Pangulong Rodrigo Duterte sa kanyang huling State of the Nation Address (SONA) sa susunod na buwan.
Ayon kay Lacson, kabilang sa mga nais niyang binanggitin ng Pangulo sa kanyang SONA ay ang kalagayan ng vaccination program ng gobyerno at maging ang laban nito kontra korapsiyon.
Bukod pa rito, interesado rin si Lacson na malaman kung anu-ano pa ang mga maaaring gawin ng Pangulong Duterte sa dulo ng kanyang termino.
Sumirit na sa 12,234 ang COVID-19 recoveries sa hanay ng mga Pinoy sa labas ng bansa kasunod ng paggaling ng anim pang pasyente.
Batay sa datos ng Department of Foreign Affairs (DFA), pumalo na sa 20,747 ang total confirmed cases doon dahil sa labing-anim na bagong kaso.
Nananatili naman sa 1,227 ang death toll dahil walang nadagdag sa nasabing bilang nitong nakalipas na pitong araw.
Sa kasalukuyang, nasa 4,523 Filipinos ang nagpapagaling sa Middle East/Africa region, 1,699 sa Asia Pacific, 949 sa Europe, at 115 sa Estados Unidos.
Nakauwi na sa bansa mula Syria ang 22 Filipino nationals na umano’y biktima ng human trafficking at illegal recruitment.
Ayon sa Philippine Embassy sa Damascus, bago pinayagang makauwi ang ating mga kababayan ay nagkaroon muna ito ng mahaba-habang diplomatikong negosasyon sa Syrian government.
Nabatid na nasampahan na rin ng kaukulang kaso ang mga recruiters at human traffickers.