DWIZ 882

Kumpiyansa ang Department of Transporation (DOTr) na nakakasabay na ang Pilipinas sa world standards pagdating sa mga sasakyang pandagat.

Ito’y ayon kay Transporation secretary Jaime Bautista makaraang inspeksyunin ang bagong Roll-on, roll off o roro vessel.

Binili noong 2021 ang MV 2GO at kayang makasakay ng 664 na mga pasahero at makakapagpa-karga ng 270 na may twenty-foot equivalent unit at 70 rolling cargo.

Tiyak na magiging kumportable ang mga pasahero dahil sa tampok na State of the Art ng pasalidad.

Kasalukuyan ng bumabiyahe ang natural Roro vessel mula Manila patungong Visayas at Mindanao.

Kakayanin ding makabiyahe mula sa Maynila hanggang Cebu sa loob ng 17-oras. —sa panulat ni Jenn Patrolla

Nagpaalala ang Department of Health (DOH) na maaaring mapakinabanagan ng mga guro ang Excused Absence kung sakaling magpositibo sa Covid-19 o obligadong sumailalim sa isolation.

Ayon kay DepEd spokesperson Atty. Michael Poa, nakasaad sa Department order no. 39, series of 2022 dapat bayaran ang sahod ng isang guro na nag-file ng Excused Absence.

Nakasaad din sa D.O. 39 na sakaling na-expose sa Covid-19 subalit asymptomatic ay aatasan ang personnel na mag Work from Home Arrangement (WHA).

Gayunman, maari ring mapakinabangan ito basta’t may certification na makukuha mula sa head of offices at naka-attach sa leave forms.

Nagsimula ang pahayag ng DepEd dahil sa impormasyon mula sa Alliance of Concerned Teacher kung saan, pinasasagot umano sa mga guro na nagpositibo sa Covid-19.  —sa panulat ni Jenn Patrolla

Ipinagmalaki ng Department of Migrant Workers (DMW) na dumadami na ang mga Pilipinong nakahanap ng trabaho sa ibang bansa.

Ayon sa datos ng Philippine Overseas Employment Administration (POEA), nakapagtala ng 255,429 na mga Pilipino ang nakahanap ng disenteng trabaho sa abroad.

Mas tumaas aniya ito ng 45% na mga Pilipino na nagkatrabaho abroad kumpara sa naitala sa kaparehong panahon noong isang taon.

Gayunman, bubuksan na sa susunod na buwan ang deployment ng bansa sa Saudi Arabia matapos ang matagumpay na negosasyon para sa kapakanan ng mga OFW.  —sa panulat ni Jenn Patrolla

Nagsagawa ng Groundbreaking ceremony ang Department of Human settlements and Urban Development (DHSUD) at lokal na pamahalaan ng Marikina para sa pagtatayo ng isang housing project sa lungsod.

Pinangunahan nina Mayor Marcelino “Marcy” Teodoro at DHSUD secretary Jose Acuzar ang seremonya hudyat ng pagsisimula ng pagtatayo ng Bagong Sibol Housing Project sa Brgy. Nangka.

Ayon kay Acuzar, patatayuan ito ng eskwelahan, maliit na ospital, palengke at livelihood program.

Giit pa ni Acuzar, ang proyektong ito ay bahagi ng programa ni Pangulong Ferdinand Bongbong Marcos Jr., na anim na milyong bahay sa ilalim ng pambansang pabahay para sa Pilipino Program.

Samantala, kasalukuyan ng nakikipag-ugnayan sa iba pang lokal na pamahalaan para sa pagpapatupad ng programa. —sa panulat ni Jenn Patrolla

Ipinagmalaki ng Department of Education (DepEd) bilang biggest accomplishment ang pagbabalik ng face to face classes sa 100 araw nito sa kasalukuyang Administrasyon.

Ayon kay DepEd spokesperson Michael Poa, pinakamalaking accomplishment ng DepEd sa pamumuno ni Vice President at  Education secretary Sara Duterte-Carpio ang pagbabalik ng learners o mag-aaral sa paaralan.

Patunay na unti-unting nakababawi ang bansa sa sektor ng edukasyon mula’t naitala ang pagtaas sa bilang ng mga estudyanteng  hindi nakapag-aral noong nakaraang taon.

Tinitiyak ng kagawaran na maibabalik ang In-person classes sa bansa sa pinakaligtas na paraan sa pamamagitan ng mahigpit na pagsunod sa health protocol at mga panuntunan. —sa panulat ni Jenn Patrolla

Pinayuhan ng Bureau of Customs (BOC) ang mga Overseas Filipino Workers (OFW) na makipag-ugnayan sa mga lehitimong consolidators para makaiwas sa mga manloloko sa pagpapadala ng mga balikbayan box sa parating na holiday season.

Ayon kay spokesperson and Customs Operations chief Arnaldo Dela Torre Jr., handa na ang BOC sa pagdagsa ng mga bagahe ngayong Christmas season

Noong Hulyo nasa 200 na OFW sa United Arab Emirates (UAE) ang nagsampa ng reklamo laban sa forwarding company na nabigo maipadala sa Pilipinas ang kanilang balikbayan box.

Libu-libong balikbayan boxes din ng mga OFW na nagmula sa Middle East ang inabando ng foreign courier services sa BOC.

Nagtutulungan na ang BOC at local delivery services para maibigay ang mga kahon sa mga pinadalhan ng OFW ng libre. —sa panulat ni Jenn Patrolla