DWIZ 882

Binigyang-pagkilala ni Department of the Interior and Local Government (DILG) Secretary Benjamin Abalos Jr. ang PNP sa matagumpay nitong drug operation kahapon.

Matatandaang nasamsam ng kanilang tauhan ang P 6.7 – B halaga ng shabu.

Ayon kay Abalos, sumasalamin ito sa katatagan ng Marcos administration sa pag sugpo sa iligal na droga.

Nagbabala naman si Abalos sa pnp na hindi kukunsintihin ang mga miyembro nitong masasangkot sa iligal na droga.

Kasunod ito ng pagkakadakip kay Major Sargeant Rodolfo Mayo Jr. na miyembro ng Philippine Drug Enforcement Group (PDEG) na nahulihan ng dalawang kilo ng shabu o katumbas ng P 13.6 -M. - sa panunulat ni Hannah Oledan

Aabot sa 400 bagong minted reservists ang lumahok sa Reserve Forces ng Philippine Army.

Ayon kay Army Spokesman Colonel Xerxes Trinidad, ang mga miyembro ng Basic Citizen Military Training (BCMT) sinag-lahi class 02-2022 ay mula sa iba’t ibang professional at academic backgrounds na sumailalim sa pagsasanay sa reservist dahil ang kanilang mga paaralan ay hindi nag-aalok ng programa ng Reserve Officers Training Corps (ROTC).

Sumailalim din ang mga ito sa iba’t ibang training drills, disaster response lessons, at comprehensive lectures on soldiery.
Samantala, pinalalakas din ng army ang mga reserbang unit na magsisilbing expansion base para sa regular na pwersa sa oras ng rebelyon, giyera, o pagsalakay. - sa panunulat ni Hannah Oledan

Handang magbigay ng operational at cyber-security training ang Indian Armed Forces sa Armed Forces of the Philippines para sa pagpapalakas ng defense engagements ng dalawang bansa.
Ito ang inihayag ni indian ambassador to Manila Shambhu Santha Kumaran nitong Huwebes kay department of National Defense OIC Undersecretary Jose Faustino jr.
Ayon kay Faustino, isa ang india sa pinakamahalagang partner ng bansa sa Indo-Pacific Region.
Binigyang-diin din nito ang mahalagang papel ng pagpapalakas ng ugnayan sa ‘like-minded countries’ upang manatili ang stability sa rehiyon.
Ikinagalak naman ng dalawang bansa ang oportunidad na palakasin ang Defense Military Relations ng Pilipinas at India.

– sa panunulat ni Hannah Oledan 

Naglabas na ng Suggested Retail Price (SRP) ang Department of Agriculture (DA) para sa pulang sibuyas na ibinebenta sa mga pamilihan sa Metro Manila.

Ito ay kasunod ng pagtaas ng presyo sa agricultural commodities bunsod ng taas-presyo ng langis at paiba-ibang lagay ng panahon.

Batay sa administrative circular 09, nagtakda si Agriculture Senior Undersecretary Domingo Panganiban ng SRP na P 170 kada kilo para sa pulang sibuyas sa National Capital Region (NCR).

Dahil dito, pumalo na sa P 200 kada kilo ang average price ng sibuyas noong Biyernes.

Matatandaang una rito, bumilis ang inflation rate ng bansa sa 6.9 %t noong nakaraang buwan, bunsod ng pagtaas ng presyo ng pagkain at non-alcoholic beverages ngayong Oktubre.-  sa panunulat ni Hannah Oledan

Nanumpa na sa tungkulin ang mga bagong komisyoner ng Commission on Elections (COMELEC) na sina Ernesto Ferdinand Maceda Jr. at Nelson Celis.

Parehong manunungkulan ang sina Maceda at Celis hanggang February 2029.

Ayon kay Salceda, tututukan niya ang pagtugon sa mga isyu ng disposisyon ng mga kaso, paglilinis ng listahan ng mga botante, pagpapalit ng mga kandidato at iba pa.

Habang ang importansya ng digitalization ng eleksyon ang tututukan ni celis bilang information technology expert. - sa panunulat ni Hannah Oledan