Author

DWIZ 882

Bagong estratehiya sa pagkamit ng universal healthcare, tututukan ng DOH

Palalakasin na ng Department of Health ang preventive healthcare at maagang pagtukoy sa mga sakit upang maabot ang target nito sa Universal Health Care program.

Ayon kay DOH officer-in-charge Maria Rosario Vergeire, tulong ang mga nabanggit na inisyatibo upang maranasan ng mga Pilipino ang benepisyo ng primary care.

Samantala, target din ng DOH na pataasin ang access ng publiko sa healthcare sevices para sa lahat ng uri ng Pilipino.

Katuwang ng DOH sa programa ang DOLE, CHR, DMW at DFA para sa pagpapalakas ng health care workforce at pagtiyak ng sapat na health care workers sa bansa.

October 14, 2022 0 comment

HEADLINES SPECIAL REPORTS

17 taong gulang na lalaki patay matapos makainom ng maruming tubig

written by DWIZ 882

Isang labingpitong taong gulang na batang lalaki ang patay habang nasa pagamutan ang limang iba pa makaraan umanong makainom ng tubig sa poso at sa bukal sa Barangay Tinucan, Tanay, Rizal.
Sa panayam ng Radyo Klinika sa DWIZ, sinabi ni Tinucan Barangay Captain Victoria Lacuesta na nasawi si Ariel Aspero makaraan ang ilang beses na pagsusuka at pagdumi bunga ng entamoeba coli, batay sa ulat ng mga doktor sa Cabading Hospital.
Ayon naman sa gurong si Carlota Paragas ng Tinucan Elementary School, ang mga nadala sa pagamutan dahil sa katulad na simtomas ay sina Nancy Lontayao, Kian Gallo, Judith Alvasan, Rowena Absalon at Hazel Rapsing.
Sinabi ni Paragas na may ilan pang matatanda at bata sa Sitio Korokan at Kamatsile na nakararanas din ng pananakit ng tiyan, subalit hindi na dinala sa ospital.
Hiniling nina Lacuesta at Paragas na testingin muli ng pamahalaan ang kanilang tubig sa poso at bukal upang malaman kung dito nanggagaling ang dahilan ng pananakit ng tiyan at tuloy-tuloy na pagdumi ng kanilang mga ka-barangay.
Samantala, tiniyak naman ni Dr. Bernadett Velasco ng Health Emergency Bureau ng Department of Health na iimbestigahan nila ito at ibibigay nila ang karampatang tulong sa mga taga-Barangay Tinucan.—mula sa panulat ni Marou Pahati-Sarne

October 14, 2022 0 comment

FEATURES HEADLINES

Inasal na manok, itinanghal na panlima sa best chicken sa buong mundo

written by DWIZ 882

Kinilala ang inasal na manok bilang panlima sa best chicken dishes sa buong mundo.

Batay sa top 50 list na inilabas ng International Aggregated Food Guide na Taste Atlas, nakakuha ang Visayas Region’S signature dish ng 4.6 score mula sa kabuuang 5.

Nanguna sa tala ang Pollo ala Brasa ng Peru na nakakuha naman ng 4.9 score.

Matatandaang bago nito, itinanghal ang lumpiang shanghai ng Pilipinas bilang best street food sa buong mundo, kaparehong buwan na itinanghal ang limang uri ng pancit bilang Best Noodles in the World.

October 14, 2022 0 comment

HEADLINES HOT STORIES OF THE WEEK NATIONAL NEWS

Mas mababang buwis na ipinapatong sa baboy, bigas, mais at uling, pinag-aaralang palawigin ng gobyerno sa susunod na taon

written by DWIZ 882

Pinaplano ng administrasyong Marcos na palawigin pa hanggang sa susunod na taon ang mababang taripa na ipinapatong sa mga pangunahing produkto sa bansa tulad ng baboy, mais, bigas at uling.

Ito ang sinabi ni Finance Secretary Benjamin Diokno kasabay ng paraang ginagawa ng gobyerno upang mapigilan ang pagbilis ng inflation o bilis ng pataas ng presyo ng pagkain o mga pangunahing bilihin.

Ayon kay Diokno, noong nakaraang cabinet meeting ay isang comprehensive set of measures kabilang ang extension ng Executive Order 171 ang iniharap ng Department of Finance, na may kasama pang input ng buong gabinete.

Dahil dito, umaasa silang papatnubayan ito ng Pangulo na isasalin sa mga EO, circular at administrative order sa lalong madaling panahon.

Noong Mayo nang inilabas ni Pangulong Marcos ang EO 171, na layong palawigin ang mababang buwis na ipinapatong sa mga pangunahing produkto hanggang sa katapusan ng 2022.

October 14, 2022 0 comment

HEADLINES NATIONAL NEWS

Pasig River Ferry, pinag-aaralang gawing alternatibong transportasyon

written by DWIZ 882

Kinukumpleto na ng Department of Transportation (DOTr) ang ginagawa nilang feasibility study para sa pagpapaunlad ng Pasig River Ferry System.

Ayon kay transportation secretary Jaime Bautista, prayoridad niya sa ilalim ng kaniyang panunungkulan ang pagpapaunlad pa ng Ferry System na maaaring magamit bilang alternatibong transportasyon.

Sa oras na makumpleto, magiging malaking tulong ang ferry para sa pitong siyudad sa Metro Manila.

Ang National Economic and Development Authority (NEDA) ang nangunguna sa feasibility study ng pagpapaunlad ng ferry.

Si Bautista naman ang gagawa ng evaluation kung paano tatagal ang imprastruktura nito lalo’t nalalapit na pagtatayo ng Pasig River Expressway (PAREX).

October 14, 2022 0 comment

RONDA PROBINSYA

16 katao, nailigtas sa lumubog na bangka sa Albay

written by DWIZ 882

Aabot sa 16 katao ang nailigtas ng awtoridad matapos lumubog ang sinasakyan nilang motorized banca sa katubigang sakop ng Rapu-Rapu Island sa Albay.

Ayon sa Rapu-Rapu Police, isa pang bangka ang nakakita sa lumubog na motorized banca na nagkataong dumaan lang sa lugar.

Sinabi naman ni Captain Philip Nathaniel San Buenaventura, officer-in-charge ng Rapu-Papu Police na nakaranas ng engine failure ang makina ng bangka matapos ang malalaking alon.

Sa ngayon, dinala na sa pantalan ng barangay Bagaobawan ang mga nasagip na pasahero para sa agarang medical assistance.

October 14, 2022 0 comment

NATIONAL NEWS

Presyo ng bulaklak sa Dangwa, bahagyang tumaas ilang linggo bago mag-undas

written by DWIZ 882

Bahagyang tumaas ang mga presyo ng bulaklak sa Dangwa, ilang linggo bago mag-undas.

Pinaghahandaan na ng ilang manininda ng bulaklak ang posibleng pagdami ng mga mamimili sa huling linggo ng Oktubre kasunod ng pagluwag ng protocol kontra COVID-19.

Narito naman ang presyo ng ilan sa mga binibentang bulaklak:

Nasa 100 hanggang 2,500 pesos ang presyo ng flower arrangement;

80 hanggang 150 pesos per bundle ang radus;
150 pesos per bundle ang malaysian mums;
Nagkakahalaga naman ng 150 pesos kada anim na piras ang jimba;
220 pesos kada sampung piraso ang carnation;
250 pesos ang isang dosena ng local rose habang 1,200 naman kada dalawampung piraso ng imported rose.

Posible pa anila itong tumaas habang papalapit ang undas. – sa panulat ni Hannah Oledan

October 14, 2022 0 comment

FEATURES

SM Prime Holdings, nanguna sa 2022 DENR Multistakeholder Forum

written by DWIZ 882

311151039_675558350431182_2764101997466854737_n

Nakiisa si SM Prime Holdings Officer Hans Sy sa pagkakapit-bisig ng publiko at pribadong sektor sa pagkakasa ng mga polisiya tungo sa Climate at Disaster Resilience at Sustainable Development sa pagbubukas ng 2022 Department of Environment and Natural Resources (DENR) Multi Stakeholder Forum.

Binigyang-diin ni Sy, Chairman ng Executive Board ng SM Prime Holdings na ang vision niya para sa environmentally resilient Philippines ay isang clean, green at disaster resilient country.

Priority aniya sa mahalagang usaping ito ang lahat ng sektor na magkaisa, magpalitan ng mga impormasyon at magtulungan para sa survival ng mundo at maging ng ating mga sarili.

Ipinaabot din ni sy sa kanyang talumpati na ang pagkakaruon ng solid tripartite system na binubuo ng gobyerno, private sector at academe ay krusyal o pinakamalagang punto sa environmental resilience research at innovations, policy, education, budget at maging sa tax.

Tiniyak ni Sy na hindi nag-iisa o mag-isa ang gobyerno sa pagtataguyod sa bansa dahil handa ang pribadong sektor na tumulong at makipag-partner sa pamahalaan para makapagbigay ng aniya’y whole of society approach tungo sa inclusive, prosperous at sustainable Philippines.

Para sa mga negosyo, tinukoy ni Sy ang kahalagahan ng internal strategic planning para masiguro ang mga sapat na resources para mga susunod na henerasyon kasabay ang paghimok sa gobyerno at mga kasamahan sa pribadong sektor na maging handa sa mga kalamidad na dumadalas na lalo na sa mga panahong ito kayat dapat mai prioritize at magkaruon ng resilience sa Good Urban Planning, Infrastructure Development at Internal Processes.

October 14, 2022 0 comment

NATIONAL NEWS

Pag-IBIG home loan release, naabot ang record na P83.31B mula Enero hanggang Setyembre

written by DWIZ 882

Inihayag ng Home Development Mutual Fund or pag-IBIG Fund na naabot nito ang record na 83.31 billion pesos na home loan release para sa buwan ng Enero hanggang Setyemre.

Sinabi ng Pag-IBIG fund na ito ang “pinakamataas na halagang inilabas ng ahensya.

Lumago ito ng 27% o katumbas ng 17.83 billion pesos mula sa 65.48 billion pesos na home loan releases nito sa kaparehong panahon noong nakaraang taon.

Nabanggit din ni Pag-IBIG Fund CEO Marilene Acosta ang malakas na ikatlong quarter kung saan naglabas ng record-high na 31.35 billion pesos ang ahensya para lamang sa nasabing panahon.

Maaari naman aniyang ma-i-ugnay ang malakas na pangangailangan para sa mga pautang sa bahay sa mga interest rate na nananatiling mababa sa kabila ng kasalukuyang market trend. – sa panulat ni Hannah Oledan

October 14, 2022 0 comment

INTERNATIONAL NEWS

500 katao nasawi bunsod sa malalang pagbaha sa Nigeria

written by DWIZ 882

Nasawi ang nasa 500 indibidwal sa Nigeria bunsod ng malalang pagbaha habang nasa 1,546 naman ang naiulat na sugatan.

Nasa 1.5 million naman ang naiulat na na-displace mula sa kanilang tahanan.

Nakaapekto ang pagbaha dulot ng pag-ulan at ang mahinang imprastraktura sa pinaka mataong bansa sa Africa, na nagdulot ng pangambang mas lumala ang kawalan ng seguridad sa pagkain at inflation.

Kabilang sa kabuuang danyos ang mahigit 45 bahay na lubusang napinsala at mahigit 70,000 ektarya ng farmlands na bahagyang napinsala.

Matatandaang inihayag ng world food programme at ng UN’s Food and Agriculture Organization noong nakaraang buwan na nahaharap ang Nigeria at anim pang African countries sa banta ng mataas na lebel ng kagutuman. – sa panulat ni Hannah Oledan

October 14, 2022 0 comment

Newer Posts

Older Posts