DWIZ 882

Nagbigay pugay ang Philippine Red Cross Manila Chapter sa mga volunteers na nagpakita ng pambihirang tagumpay at makabuluhang kontribusyon sa pagsuporta sa pinakamahihirap na komunidad sa bansa.

Ginanap ang 35th Chapter Biennal Assembly sa Manila Hotel na may temang “7 Dekada, 5 Taon, Iisang Layunin, Buhay Isagip, Alaala Iukit.”

Ayon kay PRC chairman at Chief Executive Officer Richard Gordon, ang mga volunteers at staff na nagpapatakbo ng ambulansya at equipment ang dahilan sa likod ng pagiging outstanding society ng ahensya.

Pinuri naman ni Manila Mayor Honey Lacuna ang PRC Manila Chapter sa pagpapakita ng totoong kahulugan ng volunteerism.

Samantala, nag-talaga ang PRC Manila Chapter ng bagong set ng Board of Directors habang isinasagawa ang event. —sa panulat ni Hannah Oledan

Ipinatitigil ng Provincial government ng Negros Occidental ang pagpapasok ng baboy at produkto nito protektahan ang swine industry nito sa African Swine Fever (ASF).

Ito ay matapos magkaroon ng suspected case ng ASF sa Lalawigan ng Oton sa Iloilo.

Ayon sa inilabas na Executive Order ni Governor Eugenio Jose Lacson, ang ASF ay nagdudulot ng malaking banta sa Negros Occidental na isa sa mga pangunahing producer ng live hogs na binibenta sa Luzon, Central, at Eastern Visayas.

Inatasan ni Lacson ang Provincial ASF Task Force na magsagawa ng screening at inspection sa mga paparating na shipment ng mga buhay na hayop at pork products.

Magsasagawa rin ng checkpoint upang makontrol ang paggalaw ng mga live animals, pork at pork byproducts na npapasok sa lalawigan.

Inatasan din ang mga hog raisers na i-report sa mga kinauukulan ang mga hindi pang-karaniwang pagkamatay sa kanilang mga alagang baboy upang masiguro ang mabilis at agarang pag tugon.

Mababatid na isa ang Negros Occidental sa mga nangungunang backyard hog producers sa bansa, kung saan umaabot ng P6 billion ang kita ng industriya. —sa panulat ni Hannah Oledan

Isang 17-taong gulang na batang lalaki ang patay habang nasa pagamutan ang limang iba pa maraan umanong makainom ng tubig sa poso at sa bukal sa Barangay Tinucan, Tanay, Rizal.

Sa Panayam ng Radyo Klinika sa DWIZ, sinabi ni Tinucan Barangay Captain Victoria Lacuesta na nasawi si Ariel Aspero makaraan ang ilang beses na pagsusuka at pagdumi bunga ng Entamoeba Coli, batay sa ulat ng mga doktor sa Cabading Hospital.

Ayon naman sa gurong si Carlota Paragas ng Tinucan Elementary School, ang mga nadala sa pagamutan dahil sa katulad na simtomas ay sina Nancy Lontayao, Kian Gallo, Judith Alvasan, Rowena Absalon at Hazel Rapsing.

Sinabi ni Paragas na may ilan pang matatanda at bata sa Sitio Korokan at Kamatsile na nakakaranas din ng pananakit ng tiyan subalit hindi na dinala sa ospital.

Hiniling nina Lacuesta at Paragas na testingin muli ng pamahalaan ang kanilang tubig sa poso at bukal upang malaman kung dito nanggagaling ang dahilan ng pananakit ng tiyan at tuloy-tuloy na pagdumi ng kanilang mga ka-barangay.

Samantala, tiniyak naman ni Dr. Bernadett Velasco ng Health Emergency Bureau ng Department of Health na iimbestigahan nila ito at ibibigay nila ang karampatang tulong sa mga taga-Barangay Tinucan.

Pinuna ni Senate Majority Leader Joel Villanueva ang halos 50k kontraktwal na manggagawa sa Department of Public Works and Highways (DPWH).

Sa isinagawang pagdinig ng 718.3 bilyong pisong pondo para sa 2023 budget ng DPWH, tinukoy ng senador na dumoble ang bilang ng Job Order (JO) at Contract of Service (COS) sa ahensya sa 49,726 mula sa 22,457.

Ayon naman kay DPWH secretary Manuel Bonoan, ang JO at COS sa ahensya ay bahagi ng maintenance program ng ahensya kung saan ina-outsource ang mga manggagawa.

Maliban sa mga kotraktwal, pinuna rin ni Villanueva ang mahigit tatlong libong unfilled positions sa DPWH na agad naman pina-a-aksyunan sa ahensya. —sa panulat ni Hannah Oledan

Hinikayat ng Catholic Bishops’ Conference of the Philippines (CBCP) ang mga Katoliko na dumalo sa Physical Sunday Mass sa mga simbahan matapos ang mahigit dalawang taong pagsasagawa nito Online.

Inihayag ni CBCP president at Caloocan Bishop Pablo Virgilio David na makakabalik na sa normal na pamumuhay ang publiko dahil humina na ang pandemya at lumuwag na ang mga health protocol na ipinatutupad sa bansa.

Dahil dito, hinihimok ni David na bumalik na rin sa normal na pamumuhay bilang kristiyano at dumalo sa mga pisikal na misa tuwing linggo.

Tiniyak naman ni David na ipatutupad pa rin ang mga health protocol sa Simbahan upang masigurong ligtas ang mga parokyano laban sa nakahahawang sakit.

Mababatid na simula March 2020, nagsimulang gumamit ng mga livestreaming platform ang mga Simbahan upang magsagawa ng misa, alinsunod sa mga protocol na ipinatupad kontra COVID-19. —sa panulat ni Hannah Oledan

Siniguro ng Department of Agriculture (DA) sa mga market retailer na makabibili pa rin ito ng abot-kayang presyo ng red onions.

Ito ay para makasunod pa rin sa P170 kada kilo na Suggested Retail Price (SRP) na itinakda ng pamahalaan.

Ayon kay DA Assistant Secetary Kristine Evangelista, nais ng ahensya na makakuha ng mura ngunit magandang kalidad ng sibuyas ang mga retailers at mamimili.

Sinabi pa ni Evangelista na dahil sa mataas na presyo ng red onions, mas tinatangkilik ng mga retailer ang maliliit na sibuyas upang mas madaling maibenta. —sa panulat ni Hannah Oledan

Itinurn-over ni Philippine Charity Sweepstakes Office (PCSO) General Manager Mel Robles sa lokal na pamahalaan ng Mandaluyong City ang Lotto and Small-Town Lottery (STL) share na nagkakahalagang P2,789,002.13 kahapon.

Ito ay personal na tinanggap ni Mandaluyong City Mayor Benjamin S. Abalos.

Kabilang sa dumalo sa pagturn-over sina National Capital Region Department Manager Eufracio Fufugal Jr. at Charity Assistance Department Manager Marissa O. Medran.

Nakatanggap din ang Las Pinas LGU ng Lotto at STL share mula sa ahensya na may halagang P3,230,026.59 nitong Oktubre 4

Ang Quezon City naman ay nakatanggap ng P16,305,343.79 na tinanggap ni Mayor Joy Belmonte.

Ang mga halagang nabanggit at mula sa kita ng PCSO mula sa lungsod noong Enero hanggang Hunyo ng kasalukuyang taon.

Ito ay alinsunod sa Executive Order no. 357-A, 5% bahagi mula sa 30% Lotto Charity Fund ang dapat ipagkaloob sa mga lokal na pamahalaan kung saan naibenta ang mga tickets. —sa panulat ni Hannah Oledan