DWIZ 882

Asahan na ang pagpapalit ng liderato sa Philippine Air Force at Philippine Navy kasunod ng pagtatalaga kay Lt. Gen Felimon Santos Jr. bilang bagong Armed Forces of the Philippines Chief of Staff.

Natakda kasing mag retiro sa serbisyo sina Airforce Chief Lt. Gen Rozzano Briguez at Navy Flag Officer in Command Vice Admistrator Robert Empedrad.

Dahil sa inaasahang pagreretiro, magkakaroon ng re-shuffle sa mga matatas na opisyal nito partikular sa mga Regional Command ng Airforce at Navy.

Ngunit paglilinaw ng AFP, magkaroon man ng paggalaw sa mga posisyon ay hindi naman ito makaaapekto sa operasyon ng hukbong sandatahan.

Magpapatuloy pa rin ang repatriation ng mga Pilipino sa Iraq kahit pa nagpahayag na ng pag stand down ang Amerika at Iran.

Ayon kay Philippine Envoy to Middle East Secretary  Roy Cimatu, ito ang pinakamagandang panahon para mailabas ng ligtas ang mga Pilipino duon habang wala pang military operations.

May pagkakataon pa rin aniya na posibleng magkaroon ng missile attack at ito ang mga sitwasyon na dapat paghandaan.

Tinatayang nasa 1,600 mga Pilipino ang nasa Iraq at naghihintay ng repatriation sa kanila.

Handa na ang Ninoy Aquino International Airport sa pagdating ng mga Pilipinong inilikas mula sa Middle East kasunod ng tensiyon sa pagitan ng Iran at Amerika.

Ayon kay MIAA General Manager Ed Monreal, susuportahan nila ang mga darating na OFW sa pamamagitan ng pagbibigay ng hoding ares kung saan maari silang iproseso at isalang sa briefings.

Magkakaroon din aniya ng standby na medical team upang mabilis na mabigyan ng ayudang medikal ang OFW na mangangailangan nito.

Sa bahagi naman ng Bureau of Immigaration, sinabi ni BI ports division Chief Grifton Medina, nagpalabas na sila ng memorandum sa lahat ng BI airport heads na siguruhing sapat ang tauhan sa mga terminal upang mabilis na maproseso ang dumating na OFW.

Una nang itinaas sa alert 4 o mandatory repatriation para sa mga Pilipino na nasa Iraq na posibleng maipit sa kaguluhan.

Mabilis na nalinis ang tone–toneladang basura na iniwan ng mga deboto ng itim na nazareno sa mga kalsadang dinaanan ng traslacion.

Ito ay sa pagtutulungan ng mga street sweeper mula sa Department of Public Works and Highways, Metropolitan Manila Development Authority at Manila City Hall.

Nakabuntot ang mga naglilinis sa dulo ng prusisyon kaya agad na napulot ang mga basura at nawalisan ang mga dinaanan ng prusisyon.

Marami ring mga mangangalakal ang sinamantala ang pagkakataon para pulutin ang mga bote at plastic bottle na maari pa nilang ibenta at pakinabangan.

Una nang tinukoy ng mmda na umabot sa halos pitumpung tonelada ng basura ang nakuha sa Quirino Grandstand.

Agad na pupulungin ni Special Envoy to the Middle East at Environment Secretary Roy Cimatu ang mga tauhan ng Departments of Foreign Affairs (DFA) at Labor and Employment na itinalaga para sa repatriation ng mga manggagawang Pilipino.

Ito’y ayon kay Cimatu ang unang hakbang na kanya gagawin pagdating sa Middle East.

Sinabi ni Cimatu, nai-deploy na ng DFA at DOLE ang kanilang quick rapid response team sa Qatar.

Aniya, kailangang matiyak na kumpleto na ang mga kakailanganin para sa repatriation lalo na’t meron lamang tatlong araw ang mga ililikas na OFWs para manatili sa mga bansang tinukoy bilang transit points tulad ng Qatar at Dubai.

 …our preparedness, mayroon na ba tayong mga na contact in case, kung wala pa tayong mga transportation out of this countries?  Where will we put these people because they cannot be allowed to be staying in one country without the specific permission,” ani Cimatu.

Pinaalalahanan ng lokal na pamahalaan ng lungsod ng Maynila ang mga deboto ng Poong Itim na Nazareno na panatiling malinis ang mga rutang dinadaanan ng Traslacion.

Ayon kay Manila City Mayor Isko Moreno, mahigpit nilang ipatutupad ang kanilang ordinansa laban sa pagkakalat at maling pagtatapon ng basura.

Babala ni Moreno, hindi sila magdadalawang isip na dakpin ang mga debotong lalabag sa kanilang anti-littering ordinance.

Batay sa datos ng Metropolitan Manila Development Authority (MMDA), pumalo sa 43 truck ng basura ang kanilang nahakot matapos ang Traslacion noong nakaraang taon.

Kabilang sa mga nakuhang basura ay mga plastic bags, bote ng tubig, disposable na baso at plato, mga lalagyan ng pagkain gawa sa styrofoam, upos ng sigarilyo at stick ng barbeque.

Ikinalugod ni Bureau of Corrections (BuCor) Chief Gerald Bantag ang kanyang pagkakawalang-sala sa kaso hinggil sa madugong pagsabog sa Parañaque City noong 2016.

Ayon kay Bantag, kanyang pinasasalamatan ang Panginoon sa ibinibigay sa kanyang suporta at patnubay matapos ang naging pasiya ng hukuman.

Sa ipinalabas na desisyon ng Parañaque Regional Trial Court, kahapon, ika-8 ng Enero, kanilang inabsuwelto sa kasong homicide si Bantag at dalawang pang jail guard ng Parañaque City Jail.

Kaugnay ito ng pagkamatay ng 10 inmates bunsod ng pamamaril at pagsabog sa loob ng tanggapan ni Bantag nang siya ay jail warden pa ng Parañaque City Jail noong Agosto ng 2016.

Ayon sa Parañaque Regional Trial Court, nabigo ang prosekusyon na patunayang nagtulungan ang mga akusado para patayin ang 10 inmates.