Arestado ng Navotas City Police Office ang dalawang suspek sa pagtutulak ng illegal na droga sa bahagi ng dagat-dagatan sa nabanggit na lungsod.
Kinilala ang mga ito sa alyas na Tirso at Jecjec na nasakote sa ikinasang buy bust operations sa Brgy. North Bay Boulevard South.
Nakuha sa mga ito ang kabuuang 15 sachet ng shabu sa operasyong pinangunahan ng station drug enforcement unit.
May timbang itong 32 at kalahating gramo na nagkakahalaga ng P220,000.
Aminado ang aktor na si Joshua Garcia na kanyang name-miss ang dating kasintahan at ka-love team na si Julia Barretto.
Ayon kay Joshua, naramdaman niya ito nang muli silang magkita matapos magkahiwalay.
Aniya, matagal-tagal na rin silang hindi nagkasama at nagkita dahil kapwa naging busy sila.
Iginiit naman ni Joshua na maayos ang kanilang relasyon ngayon.
Ito ay sa kabila naman ng napansing pagkakailanganan na ng dalawa.
Sa ngayon, pino-promote nina Joshua at Julia ang kanilang pinagbibidahang pelikula na Block Z na naantala ang pagpapalabas matapos nilang maghiwalay noong nakaraang taon.
Nagdeklara ng ceasefire ang Libyan National Army ni Commander Khalifa Haftar sa kanlurang bahagi ng nabanggit na bansa kabilang ang Tripoli.
Ayon sa tigapagsalita ng Libyan National Army, tinanggap nila ang tigil putukan basta’t matitiyak na susunod sa napag-usapan ang kanilang kalaban na government of national accord.
Nagbabala rin ang Libyan National Army ng isang matinding buwelta oras na lumabag sa kasunduan ang government of national accord.
Batay naman sa ipinalabas na pahayag ng government of national accord, epektibo ang ceasefire simula hating gabi ng Enero 12, oras sa Libya bilang pagtugon naman sa panawagan ng Presidente ng Turkey at Russia.
Magugunitang nagpapatuloy ang civil war sa Libya kung saan hawak ni Haftar ang silangang bahagi ng bansa habang hawak naman ng na government of national accord ang kanluran.
Nakatakda nang ipadala pabalik ng South Korea ang nalalabi pa nilang basura na nakatambak sa isang pasilidad sa Misamis Oriental.
Ayon kay Bureau of Customs (BOC) district collector for Northern Mindanao John Simon, target ng Mindanao International Container Terminal na maipadala ang mga nabanggit na basura sa Enero 19 at Pebrero 9.
Ilalagay aniya ang mahigit 5,000 metriko tonelada basura sa 60 container van at ibibiyahe sa pamamagitan ng isang international shipping line patungong Pyongtaek City sa South Korea.
Dagdag ni Simon, alinsunod ito sa mahigpit na direktiba ni Pangulong Rodrigo Duterte na ipagbawal ang pagpasok ng mga basura sa bansa gayundin ng pakikipagtulungan sa gobyerno ng South Korea.
Magugunitang, inangkat ng kumpanyang Verde Soko ang mga nabanggit na basura noong 2018 kung saan idineklara ang mga ito bilang plastic wastes na gagamiting raw materials para i-recycle.
Gayunman hinarang ng BOC ang kargamento matapos mabigong makakuha ng import permit mula DENR ang kumpanya.
Isinusulong ni Labor Secretary Silvestre Bello III ang pagpapatupad ng permanent deployment ban ng mga manggagawang Pilipino sa Kuwait.
Kasunod, aniya ito ng pagpapadala ng Kuwaiti authorities ng peke at dinoktor na resulta ng otopsiya ng pinaslang na OFW na si Jeanelyn Villavende.
Ayon kay Bello, kanyang pinagdududahan ngayon ang kredibilidad ng mga Kuwaiti forensic doctors matapos magpadala ng mga ito ng autopsy report na naglalaman lamang ng dalawang pangungusap.
Nakasaad din dito na physical injuries ang tanging sanhi ng pagkamatay ni Villavende at wala nang iba pang detalye.
Sinabi ni Bello, ito ang dahilan kaya sumulat siya sa National Bureau of Investigation (NBI) para magsagawa ng sariling autopsy sa bangkay ni Villavende kung saan lumabas ang posibilidad na hinalay ito bago pinatay.
Dagdag ni Bello, kanya nang inirekomenda sa POEA board ang pagpapatupad ng total deployment ban ng mga household service workers sa aniya’y mga inutil na Kuwaiti.
Magpapatupad ng tapyas presyo sa diesel at kerosene ang mga kumpanya ng langis sa susunod na linggo.
Kasunod ito ng naranasang oil price hike sa unang linggo ng Enero.
Sa anunsiyo ng Shell, Seaoil at Petro Gazz, epektibo alas sais ng umaga sa Martes, Enero 14 ang 20 sentimong bawas sa presyo ng kada litro ng diesel.
Tatlumpung sentimo naman ang rollback sa presyo ng kada litro ng kerosene.
Habang wala namang magiging paggalaw sa presyo ng gasolina.
Una namang ipatutupad ng Cleanfuel 20 sentimong bawas presyo sa kada litro ng kanilang diesel mamayang alas kuwatro ng hapon.
Patuloy na binabantayan ng PAGASA ang Low Pressure Area (LPA) na namataan sa layong 655 kilometro silangan ng Hinatuan, Surigao Del Sur.
Ayon sa PAGASA, maliit pa ang tsansa na maging ganap itong bagyo.
Gayunman, nakaapekto ang trough o buntot ng LPA sa mga lugar sa Caraga at Eastern Visayas kung saan inaasang magdudulot ito ng maulap na papawirin na may kasamang kalat-kalat na pag-ulan at thunderstorm.
Magdadala naman ng maulap na papawirin at mahihinang pag-ulan sa bahagi ng Cagayan Valley, Cordillera Administrative Region, Aurora at Quezon ang northeast monsoon o amihan.
Habang sa mga nalalabing bahagi ng bansa kabilang ang Metro Manila, asahan na ang bahagya hanggang sa maulap na papawirin na may kasamang kalat-kalat na pag-ulan.
Sugatan ang pito katao sa nangyaring pagsabog sa isang planta ng bakal sa San Simon, Pampanga.
Ayon kay Fire Officer 3 Araid Macapayag ng San Simon Bureau of Fire Protection (BFP), pasado alas onse y media kagabi nang makatanggap sila ng ulat hinggil sa isang pagsabog.
Sinabi ni Macapayag, isa sa mga nasugatan ang isang Chinese national na nagtatrabaho bilang consultant ng sumabog na planta ng bakal.
Samantala, patuloy naman ang imbestigasyon ng BFP para matukoy ang dahilan at posibleng motibo sa pagsabog.
Bukas ang Department of Agriculture (DA) na tulungan ang mga distressed Overseas Filipino Workers OFW’s na mapapauwi bunsod ng sigalot sa pagitan ng Amerika at mga bansa sa gitnang silangan.
Sa panayam ng DWIZ kay Agriculture Secretary William Dar, maaaring maka-utang ang mga distressed OFW’s sa kagawaran ng P15-M hanggang P25-M.
Binigyang diin pa ng kalihim, ito aniya’y sa ilalim ng pinalawig na micro and small agri-business loan program ng Agricultural Credit Policy Council (ACPC).
Ayon sa kalihim, magandang panimula aniya ito para sa mga distressed OFW’s para magamit sa anumang mga negosyong may kinalaman sa agrikultura at pangisdaan.
Importante iprisenta nila yung passport nila at kontrata then business plan, simple as that, yung business plan na simple lang; one page. Food production, food processing, zero interest they can borrow as high as 15 million,” ani Dar.
Dagdag pa ng kalihim, ang OFW’s emergency loan ay ipapautang nang walang interes at maaring bayaran sa loob ng limang taon.
Para sa mga interesadong OFW’s at kanilang mga kaanak ay maaring tumawag sa DA-ACPC hotline na (02) 8-636.3392 o kaya ay sa cellphone number 0917.5153.392 at hanapin si Noel Clarence Ducusin at 8-636 3390 at CP number 0949.881.2991 at hanapin naman si Joel Matira.
Mabilisan ito para hindi na yung sobrang too lengthy, we will see to it na within two weeks ay aprubado na yan. Ito ay sinasabi natin sa publiko at ime-mention ko pa kay Presidente, alam niyo lahat ng magawa ng kagawaran ng pagsasaka na tutulong sa ating Pangulo ay gagawin nating pagsisilbi sa mga taong may pangangailangan na magnenegosyo sa agrikultura,” ani Dar. — sa panayam ng Oh! IZ sa DWIZ.
Handang magbigay ng libreng sakay ang tatlong mga dambuhalang airline company sa Pilipinas sa sandaling umarangkada na ang paglilikas sa mga manggagawang Pilipino na apektado ng gulo sa gitnang silangan.
Ito ang resulta ng isinagawang pagpupulong ng iba’t-ibang kagawaran tulad ng national defense, labor and employment, Civil Aviation Authority of the Philippines (CAAP) at ng Department of Transportation (DOTr).
Batay sa inilabas na pahayag ng CAAP, nangako ang mga dambuhalang airline company tulad ng Philippine Airline, Cebu Pacific at Air Asia na magkaloob ng libreng sakay sa mga Pinoy na posibleng maistranded sa Middle East pauwi ng Pilipinas.
Gayunman, tanging ang Air Asia lamang ang nangako ng libreng sakay para sa mga distressed OFW’s mula sa Middle East patungo naman sa kani-kanilang probinsya paglapag ng eroplano nila sa Maynila.