DWIZ 882

Sapat ang 18 araw na pag-upo ni Vice President Leni Robredo bilang co-chair ng Inter-Agency Committee on Anti-Illegal Drugs para makapagbigay ng rekomendasyon sa pagpapabuti ng kampanya kontra iligal na droga.

Ito ang iginiit mismo ng pangalawang pangulo matapos namang magpahayag ng pagdududa ni Pangulong Rodrigo Duterte sa kanyang ipinalabas na ulat sa bayan at rekomendasyon sa war on drugs.

Ayon kay Robredo, maikli man ang 18 araw ay wala siyang sinayang na panahon.

Aniya, agad siyang nagtrabaho mula pa lamang sa unang oras ng kanyang pag-upo sa ICAD.

Iginiit ni Robredo, nanggaling pa mismo sa mga ahensiya ang mga ginamit niyang datos sa pag-aaral na nakapag-ambag sa kanyang mga rekomendasyon.

Una rito sinabi ni Pangulong Duterte na bagama’t bukas siya sa mga suhestiyon ni Robredo, may pagdududa siya sa kakayahan nitong makita ang pangkalahatang estado ng kampanya kontra iligal na droga dahil sa ikli ng panahon nito sa icad.

Muling umapela ang Armed Forces of the Philippines (AFP) sa mga OFW’s na nasa Middle East na umuwi na ng bansa habang hindi pa tumitindi ang tensiyon doon.

Ayon kay AFP Spokesperson Brig. Gen. Edgard Arevalo, hindi na dapat pang intayin ng mga Pilipinong sumiklab ang gulo sa pagitan ng Iran at Estados Unidos, bago sila umuwi sa bansa.

Aniya, dapat samantalahin na ng mga OFW’s sa gitnang Silangan ang bahagyang paghupa ng tensiyon sa pagitan ng dalawang bansa upang hindi na sila maipit pa sa anumang giyerang posibleng sumiklab.

Kaugnay nito, ibinabala ni Arevalo na sa oras na sumiklab na ang giyera, mahihirapan na silang ilikas ang mga Pinoy na maiipit sa gulo.

Samantala, tiniyak naman ni Arevalo na handa ang kanilang hanay para sa puwersahang paglikas ng mga OFW sa Middle East.

Kanselado na ang klase bukas Lunes, January 13, 2020 matapos mag-alburuto ang Bulkang Taal.

#Walangpasok sa mga sumusunod:

Calabarzon

• Batangas province- all levels (public and private)

1. Municipalities around Taal Lake (Talisay, Balete, Mataas na Kahoy, Cuenca, Alitagtag, Sta Teresita, San Nicolas, Agoncillo, Laurel) – all levels (public and private)
2. Lipa City – all levels (public and private)
3. Tanauan City – all levels (public and private)
4. Cavite province – all levels (public and private)
5. Laguna – all levels (public and private)

• Biñan City – all levels (public and private)
• Santa Rosa City – all levels (public and private)

Metro Manila

• • Caloocan City – all levels (public and private)
  • Las Piñas City – all levels (public and private)
  • Makati City – all levels (public and private)
  • Malabon City – all levels (public and private)
  • Mandaluyong City – all levels (public and private)
  • City of Manila – all levels (public and private)
  • Marikina City – all levels (public and private)
  • Muntinlupa City – all levels (public and private)
  • Navotas City – all levels (public and private)
  • Parañaque City – all levels (public and private)
  • Pasay City – all levels (public and private)
  • Pasig City – all levels (public and private)
  • Pateros – all levels (public and private)
  • Quezon City – all levels (public and private)
  • San Juan City – all levels (public and private)
  • Taguig City – all levels (public and private)
  • Valenzuela City – all levels (public and private)

Central Luzon

• Bulacan province – all levels (public and private)

(Refresh page for updates)

Dalawa ang sugatan sa pagsabog ng granada sa isa sa mga bahay sa loob ng Kampo Aguinaldo sa Quezon City kaninang 6:20 ng umaga.

Ayon kay AFP Spokesman Marine B/Gen. Edgard Arevalo, nangyari ang pagsabog sa bahay ng isang staff Sgt. Larry De Guzman sa B-651 road 2, Brgy. Camp Aguinaldo.

Sinasabing papaalis na ang sundalong si De Guzman sa kanilang bahay nang magkaroon sila ng pagtatalo ng asawa nitong si Erliza bago nangyari ang pagsabog.

Dahil dito, nagtamo ng tama ng shrapnel si Erliza at ang 11 anyos nitong anak na lalaki at kasalukuyan nang ginagamot sa AFP medical center na mas kilala bilang V. Luna Hospital sa Quezon City.

Nagtamo lamang ng galos si De Guzman mula sa pagsabog habang masuwerteng nakaligtas ang kanilang limang taong gulang na anak na babae at wala ring nadamay sa kanilang mga kapit-bahay na sundalo rin.

Sinabi pa ni Arevalo na bagama’t nagpapatuloy ang imbestigasyon ng mga tauhan ng AFP at PNP-SOCO sa insidente, tinitingnan kung ang asawang si Erliza ang nagdetonate ng nasabing granada na siyang dahilan ng pagsabog nito.

Binulabog ng isang pagsabog ang Kampo Aguinaldo sa Quezon City kaninang ala sais y medya ng umaga.

Batay sa ulat, granada ang pinaniniwalaang sanhi ng pagsabog kung saan, dalawa ang naitalang sugatan.

Nangyari ito sa B-651 road 2, Brgy. Camp Aguinaldo at sinasabing naging biktima ang asawa at anak ng isang sundalo sa loob ng kampo.

Kasalukuyan nang nasa AFP medical center na mas kilala bilang V. Luna Hospital ang dalawang biktima ng pagsabog para lapatan ng paunang lunas.

Patuloy ang ginagawang imbestigasyon ng mga awtoridad hinggil sa insidente.