Panalo ang Los Angeles Clippers laban sa Cleveland Cavaliers sa iskor na 128- 103.
Pinangunahan ni Kawhi Leonard ang panalo sa pamamagitan ng pagkamada niya ng ang 43 high–points.
Ito naman ang ikatlong game ng clippers na wala ang isa pa nilang ace player na si Paul George dahil sa injury.
Siniguro ng Department of Health (DOH) na nanatiling ligtas kainin ang mga prutas at gulay na nalagyan ng abo ng Bulkang Taal.
Ayon kay Health Undersecretary Eric Domingo, dapat ay hugasan lamang ito ng mabuti para matanggal ang mga abo.
Ngunit ang babala ng DOH na iwasan muna ang pagkain ng mga isda mula sa Taal Lake dahil sa toxic chemicals na posibleng nakaapekto na sa mga isda doon.
Kilala ang Taal Lake bilang tahanan ng mga fishpond na nag-aalaga ng tilapia, bangus at tawilis.
Inaprubahan na ng Philippine Overseas Employment Administration (POEA) ang total ban sa pagpapadala ng mga Overseas Filipino Workers (OFWs) sa Kuwait.
Ayon sa Department of Labor and Employment (DOLE), hinihintay na lamang nila ang kopya ng naturang resolusyon na inaprubahan ng governing board ng POEA.
Nag-ugat ang naturang desisyon sa naging pagkamatay ng isang household worker na si Jeanalyn Villavende sa kamay ng kanyang mga amo.
Ibinasura ng Korte sa Papua New Guinea ang cyber libel case laban kay Alotau-Sideia Bishop Rolando Santos.
Ito ay ayon sa pahayag na inilabas ng Catholic Bishops’ Conference of the Philippines.
Dinismiss ang ilan sa mga reklamo laban sa obispo noong Disyembre nang nakaraang taon dahil sa kakulangan ng ebidensya.
Nagsimula ito matapos akusahan ni Santos ang mga pulis sa bansa ng panununog ng mga bahay habang nasa impluwensya ng alcohol o alak.
Magugunitang inaresto ang obispo noong Setyembre 2019 ngunit nakalaya rin matapos makapagpiyansa.
Nakaisip ng paraan ang lokal na pamahalaan ng Biñan, Laguna para maging kapaki-pakinabang ang mga abo mula sa pagputok ng bulkang Taal.
Ayon kay Biñan City Mayor Arman Dimaguila, ginamit nila ang mga abo para makagawa ng mga laryo o bricks.
Aniya, naisipan ito upang hindi magbara ang mga abo sa kanal at magdulot ng iba pang problema.
Samantala, bukod dito ay nagbahagi rin ang naturang lugar ng mga litrato ng kanilang mga ashmade bricks.
Ipinagutos ng Department of Health (DOH) ang pagpapatupad ng price freeze sa mga basic medical supplies sa mga lugar na naapektuhan ng pagputok ng bulkang Taal.
Ayon kay Health Secretary Francisco Duque III, kasama dito ay ang face masks, nebulizer, at ilang mga gamot tulad ng paracetamol, antibiotics, antihistamine, at iba pa.
Aniya, isa ito sa mga pangangailangan ng mga lugar na nasalanta ng anumang sakuna.
Dagdag pa ng kalihim, ipinatupad ito upang maiwasan ang pagkakaroon ng epidemya sa mga apektado.
Ilang araw matapos ang pagaalburoto ng bulkang Taal, tumaas ng malaking porsyento ang presyo ng face masks sa Maynila dahil sa ash fall.
Posible umanong maging problema sa waterwaste ang abong idinulot ng pag-aalburoto ng bulkang Taal.
Ito ang inihayag ng Department of Environment and Natural Resources (DENR) matapos makaranas ng ash fall ang malaking bahagi ng Calabarzon maging ang NCR dahil sa phreatic eruption ng bulkang Taal.
Paliwanag ni DENR Undersecretary Benny Antiporda, posibleng maging problema ang abo sa mga manhole lalo na’t nakaranas ng pag-ulan kasabay ng ash fall.
Hindi aniyang malabong magkaroon ng pagbabara dahil sa posibleng paninigas ng abo dahilan para maging pahirapan ang paglilinis nito.
Dahil dito aniya pinangangambahan na maging problema ito gaya ng pagbabaha.
Target ni Pangulong Rodrigo Duterte na makapagtayo ng mas marami pang evacuation centers sa bansa bago matapos ang kaniyang termino.
Ito ang inihayag ng pangulo sa situational briefing sa Batangas Provincial Sports Complex sa Batangas City dahil sa pag aalburoto ng bulkang Taal.
Ayon sa pangulo, dapat maging prayoridad sa pagtatayo ng mga evacuation centers ang mga lugar kung saan madalas tumama ang kalamidad.
Before I go, we must be able to build evacuation centers. Especially itong provinces that are facing the pacific ocean. They are the windows of the Philippines in terms of typhoons and calamities,” ani Pangulong Rodrigo Duterte.
Maglalaan ng mahigit P21-milyong pondo ang Department of Agriculture (DA) bilang ayuda sa 17 bayan na apektado ng pag-aalburoto ng bulkang Taal.
Batay kasi sa datos ng DA, pumalo na sa mahigit P500-milyon ang halaga ng pinsala ng pagputok ng bulkang Taal sa sektor ng agrikultura.
Kasabay nito, ipinabatid din umano ng Bureau of Plant Industry ang kanilang ipamamahaging 5,000 coffee mother plant at 1,000 cacao seedling.
Naghahanda na rin umano ang Bureau of Fisheries and Aquatic Resources (BFAR) ng mga fingerlings ng tilapia, ulang, hito, karpa, at ayunging na mapalalaki lamang sa taal lake sa oras na maging maaayos na ang sitwasyon dito.
Sinabi rin ng DA na may pondo ring maasahan ang mga magsasaka at mangingisda na kumuha ng insurance sa Philippine Crop Insurance Corp.
Kuntento si Pangulong Rodrigo Duterte sa ginawang pagtugon ng mga ahensya ng gobyerno sa pag-aalburoto ng bulkang Taal.
Sa isinagawang situation briefing sa Batangas City kung saan nagtungo ang pangulo, pinuri nito ang pagkilos ng mga ahensya ng gobyerno dahil aniya walang napaulat na nasawi o nagkasakit sa mga lumikas na residente dahil sa pagputok ng bulkang Taal.
I am very satisfied with the response of everybody and the fact that no one was killed and no one is really very sick,” ani Pangulong Rodrigo Duterte.
Kasabay nito, nag biro ang pangulo na posible umanong nakalimutan ng mamamayan na mag-alay sa bulkang Taal kaya ito ay nag-iingay ngayon.
Ayon sa pangulo, higit niyang pinaniniwalaan ang kapangyarihan ng Diyos, ngunit wala rin naman aniyang mawawala kung susubukan ang pag-aalay na ginagawa umano nuong unang panahon.
Maybe you have failed to make some offerings there. You should go there and say a little prayer and offer something…it was true then, it might be true now.”