Author

DWIZ 882

Alert Level 4 sa Taal nananatili —PHIVOLCS

Nananatili pa rin ang pamamaga ng Bulkang Taal.

Ito ang inihayag ng PHIVOLCS kaya patuloy pa ring nakataas ang Alert Level 4 na nangangahulugan ng pagkakaroon ng posibilidad ng mapanganib na pagsabog ng Bulkang Taal sa mga susunod na oras o araw.

Ito ay sa kabila naman ng bumaba nang bilang ng naitalang volcanic earthquakes at inilalabas na sulfur ng Bulkang Taal.

PHIVOLCS 8AM Taal Volcano Update: Taal, patuloy na nagpapakita ng mahihinang pagbuga ng abo na may taas na 500-600meters; Alert Level 4, umiiral pa rin | via @JILLRESONTOC https://t.co/WxM2n0E7hi

— DWIZ Newscenter (@dwiz882) January 21, 2020

Ayon kay PHIVOLCS Volcano Monitoring and Eruption Prediction Chief Ma. Antonia Bornas, kung pagbabatayan ang kasaysayan sa pagputok ng Bulkang Taal, may mga araw na nanahimik ito bago ang sumambulat ang malaking pagsabog.

Dagdag ni Bornas, patuloy pa rin ang mga naitatalang lindol at pagbubuga ng mainit na singaw na nangangahulugang may tumutulak pang magma pataas sa crater ng Bulkang Taal.

Maraming nangyayari sa ilalim ng magmatic system… lahat ‘to may effect ‘to do’n sa behavior ng activity ng volcano,” ani Bornas.

January 21, 2020 0 comment

HEADLINES HOT STORIES OF THE WEEK RONDA PROBINSYA

Mga residente na apektado ng pag-alburuto ng Taal pumalo na sa 271,278 —NDRRMC

written by DWIZ 882

Pumalo na sa halos 300,000 ang bilang ng mga residenteng naapektuhan ng pagputok ng Bulkang Taal.

Ayon sa situation report ng National Disaster Risk Reduction and Management Council (NDRRMC) kaninang alas-6 ng umaga, sumampa na sa 271,278 indibiduwal o katumbas ng 68,439 na pamilya ang apektado ng pag-alburuto ng bulkan —sa naturang bilang, 38,906 na pamilya o katumbas ng 148,514 indibiduwal ang pansamantala pa ring nananatili sa nasa 497 evacuation centers.

Umaabot naman sa P18,431,320.87 ang halaga ng ayuda na ipinaabot ng Department of Social Welfare and Development (DSWD), Department of Health (DOH) at iba pang lokal na ahensiya ng gobyerno sa mga naturang biktima ng Taal Volcano.

Dagdag pa ng konseho, maaari na ring daanan ang lahat ng road section sa CALABARZON, ngunit hindi pa rin ito binubuksan sa publiko dahil sa pagpapatupad ng lockdown sa lugar para sa seguridad ng mga residente.

Magugunitang ipinatupad ang lockdown sa mga lalawigan at munisipyo sa Batangas partikular na sa mga bayan ng Lemery, Agoncillo, Balete, Sta. Teresita, Talisay at San Nicolas kung saan umiiral ang total lockdown, habang partial lockdown naman ang ipinatupad sa Laurel at Taal.

January 21, 2020 0 comment

HEADLINES

One day pass para sa mga sasakyang maghahatid ng relief goods sa Taal victims ibibigay ng SLEX

written by DWIZ 882

Handa ang pamunuan ng SLEX na ilibre sa toll ang mga dadaang sasakyan na maghahatid ng tulong sa mga biktima ng pag-aalburoto ng bulkang Taal.

Ito ang tugon ni Manny Bonoan, president at chief executive officer ng SLEX, sa gitna ng panawagan ng ilang mga grupo na naghatid ng tulong sa mga evacuees sa Batangas at Cavite na ilibre na sila sa toll.

Ayon kay Bonoan, kailangan lang aniya ng pormal na kahilingan mula sa magdadala ng mga tulong at sila ay handang magbibigay ng one day pass.

Ani Bonoan, ang pass na ito ay kanilang isusurender sa oras na makadaan na sa SLEX.

Magtatalaga aniya sila ng inspection area kaya’t asahan umano ang bahagyang pagpila rito.

Gayunman tiniyak ni Bonoan na magiging madali lang ang proseso.

Aniya, wala namang kukunin pang dokumento, hihingiin lang umano nila ang ilang detalye gaya plate number, saan ito galing at patungo.

Magugunitang nitong weekend ay nagkaroon ng mabigat na daloy ng trapiko sa Southbound ng SLEX matapos dumagsa ang mga magsasagawa ng relief operations sa mga lugar na apektado ng pag aalburoto ng bulkang Taal.

January 21, 2020 0 comment

RONDA PROBINSYA

2 kagawad patay matapos pagbabarilin sa harap ng baranggay hall sa Bukidnon

written by DWIZ 882

Patay ang dalawang kagawad matapos pagbabarilin sa mismong tapat ng barangay hall sa Talakag, Bukidnon.

Kinilala ang mga biktima na sina Loreno Pedyaan, 69 taong gulang, at Mauricio Guinto, 73 taong gulang.

Ayon kay PCapt. Dominador Orate Jr, hepe ng Talakag Municipal Police Station, batay sa pahayag aniya ng isang testigo, nakita nitong may nag aabang na gunman sa barangay hall.

Dead on the spot si Pedyaan matapos magtamo ng tama ng bala sa dibdib habang dead on arrival naman sa ospital Guinto na nagtamo naman tama ng bala sa ulo.

Sa ngayon ay iniimbestigahan na ang motibo at pagkakakilanlan ng mga responsable sa pamamaslang sa dalawang kagawad.

January 21, 2020 0 comment

HEADLINES NATIONAL NEWS

Pagtayo ng mga permanenteng evacuation center sa bansa inihirit ni Duterte

written by DWIZ 882

Humirit si Pangulong Rodrigo Duterte ng supplemental budget sa Kongreso para sa pagpapatayo ng malalaking evacuation center sa bansa.

Sa pagbisita ng pangulo sa Sto. Tomas Batangas kahapon, Enero 20, sinabi nito na kailangan ng masisilungan ng mga residenteng madalas na maapektuhan ng mga kalamidad.

Wala rin aniyang nakakaalam kung kailan eksaktong tatama ang matitinding kalamidad sa bansa kaya’t dapat itong mapaghandaan.

Dagdag ng pangulo, dapat mai-prayoridad ang pagpapatayo ng evacuation center sa mga lalawigang nakaharap sa pacific ocean kabilang ang Samar, Isabela, at Cagayan na madalas na dinadaanan ng bagyo.

January 21, 2020 0 comment

HEADLINES NATIONAL NEWS

DFA: Mga Pilipinong patungong SoKor hindi na dapat magdala ng livestock products

written by DWIZ 882

Nagbabala ang Department of Foreign Affairs (DFA) sa mga Pilipinong papasok sa South Korea ukol sa pagbabawal ng pagdadala ng animal o livestock products sa nasabing bansa.

Ayon sa DFA, ito ay alinsunod sa Act on the Prevention of Contagious Animal Disease kasabay ng mga abiso ng iba’t ibang ahensya ng gobyerno ng South Korea.

Magmumulta anila ng higit P600,000 ang sinomang mahuhuli o hindi magdedeklara ng pinagbabawal na animal o livestock products.

January 21, 2020 0 comment

HEADLINES RONDA PROBINSYA

3 Chinese sa Aklan nakitaan ng sintomas ng kumakalat na sakit sa China

written by DWIZ 882

Isinailalim sa quarantine ang tatlong Chinese nationals na hinarang sa Kalibo International Airport matapos makitaan ng sintomas ng posibleng pagkakaroon ng misteryosong sakit na kumakalat ngayon sa China at kumitil na ng tatlo katao.

Ayon kay Dr. Cornelio Cuachon Jr., chief ng Aklan Provincial Health Office, nakitaan ang tatlong dayuhan ng sintomas gaya ng lagnat at hirap sa paghinga.

Malaking bagay pa aniya na galing ang mga ito sa China at patungo sana sa Boracay.

Sa ngayon ay patuloy na inoobserbahan ang tatlong Chinese.

Una rito, inalerto na ng Department of Health ang Bureau of Quarantine na tutukan ang nasabing misteryosong sakit na inihahalintulad sa Sars.

January 21, 2020 0 comment

HEADLINES RONDA PROBINSYA

Mga isdang nahuli sa Taal lake ligtas kainin —BFAR

written by DWIZ 882

Nilinaw ng Bureau of Fisheries and Aquatic Resources (BFAR) na ligtas kainin ang mga isdang nahuli sa Taal lake.

Ayon kay BFAR National Director Eduardo Gongona, maaari pa rin kainin ang mga ito basta’t sariwa at buhay nang nahuli ang mga isda.

Tiniyak pa ni Gongona na sumailalim na sa lab test ang mga sample mula sa Taal lake at lumabas naman aniyang “favorable” ang tubig dito.

Paaalala lang ng opisyal na hugasan at tanggalin mabuti ang mga lamang loob ng isda at lutuin ng maayos ang mga ito.

Gayunman, hindi umano ibig sabihin nito ay maaari nang mangisda ulit sa lawa lalo na at nananatiling mapanganib sa lugar dahil aktibidad ng bulkang Taal.

January 21, 2020 0 comment

HEADLINES RONDA PROBINSYA

Muling pagbubukas ng mga negosyo sa Tagaytay City nasa hurisdiksyon ng alkalde —Solon

written by DWIZ 882

Tuloy pa rin ang pagbabalik operasyon ng mga negosyo sa Tagaytay City.

Ito ang pinanindigan ni Cavite Representative Abraham ‘Bambol’ Tolentino kasunod ng utos ng Department of Interior and Local Governement (DILG) na panatilihing sarado muna ang mga business establishment habang nananatili pa ang Alert Level 4 sa bulkang Taal.

Ayon kay Tolentino, hindi nila ito susundin dahil maituturing lang aniya itong rekomendasyon ng DILG.

Aniya nasa alkalde pa rin ang desisyon sa mga ganitong klaseng bagay at ito umano ay batay sa Local Government Code R.A. 10121.

Giit pa ni Tolentino, inalis na rin aniya ng Phivolcs ang panganib na nakaamba sa Tagaytay City.

January 21, 2020 0 comment

HEADLINES NATIONAL NEWS

Hirit na taas-pasahe sa jeep tuloy parin kahit may big-time oil price rollback —Transport groups

written by DWIZ 882

Nanindigan ang mga transport groups na tuloy ang kanilang hirit na taas-pasahe kahit pa may malakihang rollback sa presyo ng mga produktong petrolyo.

Paliwanag ni Ka Obet Martin, presidente ng Pasang Masda, mas nag-aalala sila kapag may malakihang tapyas sa presyo ng produktong petrolyo dahil posibleng malaki rin ang bawi ng mga kumpanya ng langis sa oras na magpatupad na sila ng taas-presyo.

Dagdag pa ng grupo, pinangangambahan din nila ang pagpapatupad ng mas mataas na excise tax sa petrolyo kung saan tiyak na maaapektuhan sila.

Inihihirit ng mga transport group na itaas sa P12 ang minimum na pasahe sa jeep mula sa P9.

January 21, 2020 0 comment

Newer Posts

Older Posts