DWIZ 882

Posibleng mahimok si Pangulong Rodrigo Duterte na bumisita ng Estados Unidos.

Kasunod ito ng naging imbitasyon ni US President Donald Trump kay Pangulong Duterte na dumalo sa US Asean Summit na gaganapin sa Las Vegas sa Marso 14.

Ayon kay Presidential Spokesperson Salvador Panelo, hindi pa nila natatalakay ni Pangulong Duterte ang imbitasyon ni Trump.

Gayunman sinabi ni Panelo, posibleng mahikayat ang Pangulo na dumalo sa nabanggit na Summit dahil bahagi ito ng pulong ng mga lider ng Asean.

Magugunitang, inihayag ni Pangulong Duterte sa kanyang talumpati noong 2017 na wala siyang planong magtungo sa Amerika kasunod naman ng mga pagbatikos ng American Government laban sa kampanya kontra illegal na droga.

PHIVOLCS ang unang mag-aanunsyo sakaling ligtas nang makabalik ng kani-kanilang mga tahanan ang mahigit 200,000 mga inilikas bunsod ng pag-aalburuto ng Bulkang Taal.

Ito ang tiniyak mismo ni PHIVOLCS Volcano Monitoring and Eruption Prediction Chief Ma. Antonia Bornas sa harap ng natatanggap na batikos at reklamo mula sa mga bakwit.

Ayon kay Bornas, kanilang naiintindihan ang pinagdadaanang hirap ng mga evacuees na napipilitang iwanan ang kani-kanilang mga ari-arian at kabuhayan.

Sinabi ni Bornas, ito ang dahilan sa kanilang doble kayod na pagtatrabaho para maibigay ang mga mahahalagang impormasyon sa lahat.

Iginiit pa ni Bornas na tanging ang kaligtasan ng lahat ang kanilang unang iniisip.

So we are working double hard so we can give them the best information, we will be the first one to say if it’s safe to go back because we have them in mind all the time, alam naman natin yung plight ng mga nadi-displace especially who are in evacuation centers, we know it’s very stressful sa kanila yung ganito,” ani Bornas.

Samantala, nirerespeto naman ni Bornas ang mga batikos ni Talisay City Vice Mayor Charlie Natanauan.

With all due respect to the Vice Mayor, we think and understand that he is under so much stressed, there are so many things that he’s under pressure so, we would like to respect the feelings of Vice Mayor but at the same time we are firm in our science and we are doing our best so that we can inform, especially Batangas we know a lot of them, know the people there, I myself spent days going around the volcano,” ani Bornas.

Pinagsusumite ng report ng Philippine Overseas Employment Administration (POEA) ang lahat ng mga manning at recruitment agency sa bansa kada linggo.

Kaugnay ito ng sitwasyon at kalagayan ng mga manggagawang Pilipino sa Middle East sa gitna na rin ng tumitinding tensyon doon.

Sa abiso ni POEA Administrator Bernard Olalia, kanyang inatasan ang mga recruitment agencies at manning companies na i-monitor ang status ng kanilang mga ipinadalang manggagawa sa Middle East.

Kinakailangan ding magsumite ng monitoring form ng mga manning agency na nagpadala ng mga Filipino seafarers o seaman na bumibiyahe sa Persian Gulf, Strait of Hormuz, Mediterranean Sea, Red Sea, Gulf of Aden, Arabian Sea, Gulf of Oman at Indian Ocean.

Kabilang sa report ang eksaktong ruta, klase ng barko, contact numbers, impormasyon ng mga employers kasama ang contact numbers at address at sitwasyon ng mga Pilipinong seafarers habang nakasakay sa barko.

Ipinagpaliban ng Department of Transportation Inter-Agency Technical Working Group (DOTr-TWG) ang pagpapasiya hinggil sa magiging kahihinatnan ng pilot testing sa motorcycle-taxis tulad ng Angkas, Joy Ride at Move It.

Kasunod na rin ito ng naunang pasiya ng TWG na ipatigil na ang programa o pilot testing sa motorcycle-taxis sa ginanap na pagdinig ng senate committee on public services kahapon.

Ayon kay TWG Member at Transportation Assistant Secretary Bert Suansing, kanilang ikinukunsidera ang naging rekomendasyon ng ilang mga senador na ipagpatuloy ang pag-aaral at pilot testing sa mga motorcycle-taxis.

Gayunman, sinabi ni Suansing, hihintayin muna nilang matapos ang nakatakdang pagdinig ng mababang kapulungan ng Kongreso, bukas, Enero 22, bago magpasiya.

Ang desisyon namin, we defer that until tomorrow afteroon, dahil may hearing pa kami bukas sa Kongreso. Ang angbigay-buhay sa pilot program is ‘yung resolution ng Kongreso, the Lower House, kaya ang DOTr inatasan ng Kongreso na aralin ‘yung tungkol sa motorcycle-taxi, so ang ginawa ng departamento, nag-issue ng special order, department order, creating ‘yang tinatawang nating pilot program, nandiyan nakapaloob ‘yung Technical Working Group,” ani Suansing. —sa panayam ng Ratsada Balita

TWG itinanggi ang akusasyon na tila binalikan nila ang Angkas

Itinanggi ng Transportation Inter-Agency Technical Working Group (TWG) ang akusasyong tila kanilang binalikan ang motorcycle-hailing app na Angkas matapos na makailang beses silang sampahan ng kaso.

Kasunod ito ng naging pasiya ng TWG na ipatitigil na ang pilot testing at pag-aaral hinggil sa motorcycle-taxis gayundin ang rekomendasyong ipablacklist ang Angkas.

Ayon kay TWG member at Transportation Assistant Secretary Bert Suansing, nauwi sila sa nabanggit na pasiya matapos na ring mabalam ang kanilang trabaho bunsod ng mga inihaing kaso ng Angkas laban sa kanila.

Dagdag ni Suansing, ginamit na batayan ng TWG ang mga nakitang paglabag ng Angkas sa kanilang rekomendasyong ipablacklist ito.

Kasi nga dinemanda kami ng Angkas, so, ang palagay ng TWG nabalam na ‘yung trabaho namin, with that, napagpasyahan ng TWG, iminungkahi ito sa aming sekretaryo na ite-terminate na namin ‘yung pilot program, and work on the available data na we have. ‘Yung black-listing, that’s another issue, meron kaming provisions, executive order, ‘yan ‘yung nagke-create ng Land Transportation Franchising Regulatory Board na kapag ang isang entity or individual ay nahuli na nangungulorum, violation ‘yon, disqualified na siya sa pag-aapply ng prangkisa,” ani Suansing. —sa panayam ng Ratsada Balita