Author

DWIZ 882

Isang police corporal positibo sa paggamit ng shabu sa Camp Bagong Diwa — NCRPO

Nagpositibo sa paggamit ng methamphetamine o shabu ang isang police corporal na nakadestino sa regional intelligence division sa Camp Bagong Diwa.

Kinumpirma ito mismo ni NCRPO Chief Brig. General Debold Sinas matapos lumabas ang resulta ng isinagawa nilang surprise drug test noong Enero 14.

Ayon kay Sinas, nagpositibo ang nabanggit na police corporal maging sa confirmatory test.

Dagdag ni Sinas, umamin naman ang nabanggit na pulis at ibinunyag pang may madalas siyang kasama sa pot session na isang police master sergeant mula Kampo Krame.

Gayunman, tumanggi na si Sinas na pangalanan pa ang mga nabanggit na pulis dahil nagpapatuloy pa aniya ang imbestigasyon.

Sa ngayon, dinisarmahan na ang police corporal at hinihintay na lamang nito ang summary hearing. — ulat mula kay Jaymark Dagala (Patrol 9)

January 21, 2020 0 comment

HEADLINES

Air quality sa ilang bahagi ng Metro Manila ‘unhealthy’ —DENR

written by DWIZ 882

Hindi maganda ang kalidad ng hangin sa ilang bahagi ng Metro Manila na naitala ngayong umaga ng Martes, Enero 21.

Batay ito sa inilabas na air quality index ng Department of Environment and Natural Resources (DENR) kung saan unhealthy for sensitive groups ang air quality sa Mandaluyong City.

Dahil dito, pinayuhan ang mga residente na mayroong respiratory illness tulad ng asthma na iwasan ang paglabas-labas.

Sa San Juan naman, acutely unhealthy ang naitalang kalidad ng hangin kaya’t pinayuhan ang mga mayroong heart o respiratory illness na manatili lamang sa loob ng bahay.

Fair naman ang air quality index sa North Caloocan, Las Piñas City, Malabon City, Marikina City, Paranaque City at Taguig City.

Nasa good category naman ang kalidad ng hangin sa South Caloocan, Navotas City, Pasig City at Quezon City.

Samantala, sa iba pang bahagi ng bansa –sa regions 3, 4A at 4B, fair ang air quality index sa Meycauayan City, Bulacan; Silang, Cavite; at Lipa City sa Batangas.

Good naman ang air quality index sa Subic, Zambales; San Fernando, Pampanga; Balangam, Bataan; at Baco, Calapan.

January 21, 2020 0 comment

HEADLINES NATIONAL NEWS

POEA pinagsusumite ng weekly report ang mga manning, recruitment agencies

written by DWIZ 882

Pinagsusumite ng report ng Philippine Overseas Employment Administration (POEA) ang lahat ng mga manning at recruitment agency sa bansa kada linggo.

Kaugnay ito ng sitwasyon at kalagayan ng mga manggagawang Pilipino sa Middle East sa gitna na rin ng tumitinding tensyon doon.

Sa abiso ni POEA Administrator Bernard Olalia, kanyang inatasan ang mga recruitment agencies at manning companies na i-monitor ang status ng kanilang mga ipinadalang manggagawa sa Middle East.

Kinakailangan ding magsumite ng monitoring form ng mga manning agency na nagpadala ng mga Filipino seafarers o seaman na bumibiyahe sa Persian Gulf, Strait of Hormuz, Mediterranean Sea, Red Sea, Gulf of Aden, Arabian Sea, Gulf of Oman at Indian Ocean.

Kabilang sa report ang eksaktong ruta, klase ng barko, contact numbers, impormasyon ng mga employers kasama ang contact numbers at address at sitwasyon ng mga Pilipinong seafarers habang nakasakay sa barko.

January 21, 2020 0 comment

HEADLINES NATIONAL NEWS

Pagpapatigil sa motorcycle-taxi ops ‘di pa rin tiyak

written by DWIZ 882

Ipinagpaliban ng Department of Transportation Inter-Agency Technical Working Group (DOTr-TWG) ang pagpapasiya hinggil sa magiging kahihinatnan ng pilot testing sa motorcycle-taxis tulad ng Angkas, Joy Ride at Move It.

Kasunod na rin ito ng naunang pasiya ng TWG na ipatigil na ang programa o pilot testing sa motorcycle-taxis sa ginanap na pagdinig ng senate committee on public services kahapon.

Ayon kay TWG Member at Transportation Assistant Secretary Bert Suansing, kanilang ikinukunsidera ang naging rekomendasyon ng ilang mga senador na ipagpatuloy ang pag-aaral at pilot testing sa mga motorcycle-taxis.

Gayunman, sinabi ni Suansing, hihintayin muna nilang matapos ang nakatakdang pagdinig ng mababang kapulungan ng Kongreso, bukas, Enero 22, bago magpasiya.

Ang desisyon namin, we defer that until tomorrow afteroon, dahil may hearing pa kami bukas sa Kongreso. Ang angbigay-buhay sa pilot program is ‘yung resolution ng Kongreso, the Lower House, kaya ang DOTr inatasan ng Kongreso na aralin ‘yung tungkol sa motorcycle-taxi, so ang ginawa ng departamento, nag-issue ng special order, department order, creating ‘yang tinatawang nating pilot program, nandiyan nakapaloob ‘yung Technical Working Group,” ani Suansing. —sa panayam ng Ratsada Balita

TWG itinanggi ang akusasyon na tila binalikan nila ang Angkas

Itinanggi ng Transportation Inter-Agency Technical Working Group (TWG) ang akusasyong tila kanilang binalikan ang motorcycle-hailing app na Angkas matapos na makailang beses silang sampahan ng kaso.

Kasunod ito ng naging pasiya ng TWG na ipatitigil na ang pilot testing at pag-aaral hinggil sa motorcycle-taxis gayundin ang rekomendasyong ipablacklist ang Angkas.

Ayon kay TWG member at Transportation Assistant Secretary Bert Suansing, nauwi sila sa nabanggit na pasiya matapos na ring mabalam ang kanilang trabaho bunsod ng mga inihaing kaso ng Angkas laban sa kanila.

Dagdag ni Suansing, ginamit na batayan ng TWG ang mga nakitang paglabag ng Angkas sa kanilang rekomendasyong ipablacklist ito.

Kasi nga dinemanda kami ng Angkas, so, ang palagay ng TWG nabalam na ‘yung trabaho namin, with that, napagpasyahan ng TWG, iminungkahi ito sa aming sekretaryo na ite-terminate na namin ‘yung pilot program, and work on the available data na we have. ‘Yung black-listing, that’s another issue, meron kaming provisions, executive order, ‘yan ‘yung nagke-create ng Land Transportation Franchising Regulatory Board na kapag ang isang entity or individual ay nahuli na nangungulorum, violation ‘yon, disqualified na siya sa pag-aapply ng prangkisa,” ani Suansing. —sa panayam ng Ratsada Balita

January 21, 2020 0 comment

HEADLINES RONDA PROBINSYA

Alert Level 4 sa Taal nananatili —PHIVOLCS

written by DWIZ 882

Nananatili pa rin ang pamamaga ng Bulkang Taal.

Ito ang inihayag ng PHIVOLCS kaya patuloy pa ring nakataas ang Alert Level 4 na nangangahulugan ng pagkakaroon ng posibilidad ng mapanganib na pagsabog ng Bulkang Taal sa mga susunod na oras o araw.

Ito ay sa kabila naman ng bumaba nang bilang ng naitalang volcanic earthquakes at inilalabas na sulfur ng Bulkang Taal.

PHIVOLCS 8AM Taal Volcano Update: Taal, patuloy na nagpapakita ng mahihinang pagbuga ng abo na may taas na 500-600meters; Alert Level 4, umiiral pa rin | via @JILLRESONTOC https://t.co/WxM2n0E7hi

— DWIZ Newscenter (@dwiz882) January 21, 2020

Ayon kay PHIVOLCS Volcano Monitoring and Eruption Prediction Chief Ma. Antonia Bornas, kung pagbabatayan ang kasaysayan sa pagputok ng Bulkang Taal, may mga araw na nanahimik ito bago ang sumambulat ang malaking pagsabog.

Dagdag ni Bornas, patuloy pa rin ang mga naitatalang lindol at pagbubuga ng mainit na singaw na nangangahulugang may tumutulak pang magma pataas sa crater ng Bulkang Taal.

Maraming nangyayari sa ilalim ng magmatic system… lahat ‘to may effect ‘to do’n sa behavior ng activity ng volcano,” ani Bornas.

January 21, 2020 0 comment

HEADLINES HOT STORIES OF THE WEEK RONDA PROBINSYA

Mga residente na apektado ng pag-alburuto ng Taal pumalo na sa 271,278 —NDRRMC

written by DWIZ 882

Pumalo na sa halos 300,000 ang bilang ng mga residenteng naapektuhan ng pagputok ng Bulkang Taal.

Ayon sa situation report ng National Disaster Risk Reduction and Management Council (NDRRMC) kaninang alas-6 ng umaga, sumampa na sa 271,278 indibiduwal o katumbas ng 68,439 na pamilya ang apektado ng pag-alburuto ng bulkan —sa naturang bilang, 38,906 na pamilya o katumbas ng 148,514 indibiduwal ang pansamantala pa ring nananatili sa nasa 497 evacuation centers.

Umaabot naman sa P18,431,320.87 ang halaga ng ayuda na ipinaabot ng Department of Social Welfare and Development (DSWD), Department of Health (DOH) at iba pang lokal na ahensiya ng gobyerno sa mga naturang biktima ng Taal Volcano.

Dagdag pa ng konseho, maaari na ring daanan ang lahat ng road section sa CALABARZON, ngunit hindi pa rin ito binubuksan sa publiko dahil sa pagpapatupad ng lockdown sa lugar para sa seguridad ng mga residente.

Magugunitang ipinatupad ang lockdown sa mga lalawigan at munisipyo sa Batangas partikular na sa mga bayan ng Lemery, Agoncillo, Balete, Sta. Teresita, Talisay at San Nicolas kung saan umiiral ang total lockdown, habang partial lockdown naman ang ipinatupad sa Laurel at Taal.

January 21, 2020 0 comment

HEADLINES

One day pass para sa mga sasakyang maghahatid ng relief goods sa Taal victims ibibigay ng SLEX

written by DWIZ 882

Handa ang pamunuan ng SLEX na ilibre sa toll ang mga dadaang sasakyan na maghahatid ng tulong sa mga biktima ng pag-aalburoto ng bulkang Taal.

Ito ang tugon ni Manny Bonoan, president at chief executive officer ng SLEX, sa gitna ng panawagan ng ilang mga grupo na naghatid ng tulong sa mga evacuees sa Batangas at Cavite na ilibre na sila sa toll.

Ayon kay Bonoan, kailangan lang aniya ng pormal na kahilingan mula sa magdadala ng mga tulong at sila ay handang magbibigay ng one day pass.

Ani Bonoan, ang pass na ito ay kanilang isusurender sa oras na makadaan na sa SLEX.

Magtatalaga aniya sila ng inspection area kaya’t asahan umano ang bahagyang pagpila rito.

Gayunman tiniyak ni Bonoan na magiging madali lang ang proseso.

Aniya, wala namang kukunin pang dokumento, hihingiin lang umano nila ang ilang detalye gaya plate number, saan ito galing at patungo.

Magugunitang nitong weekend ay nagkaroon ng mabigat na daloy ng trapiko sa Southbound ng SLEX matapos dumagsa ang mga magsasagawa ng relief operations sa mga lugar na apektado ng pag aalburoto ng bulkang Taal.

January 21, 2020 0 comment

RONDA PROBINSYA

2 kagawad patay matapos pagbabarilin sa harap ng baranggay hall sa Bukidnon

written by DWIZ 882

Patay ang dalawang kagawad matapos pagbabarilin sa mismong tapat ng barangay hall sa Talakag, Bukidnon.

Kinilala ang mga biktima na sina Loreno Pedyaan, 69 taong gulang, at Mauricio Guinto, 73 taong gulang.

Ayon kay PCapt. Dominador Orate Jr, hepe ng Talakag Municipal Police Station, batay sa pahayag aniya ng isang testigo, nakita nitong may nag aabang na gunman sa barangay hall.

Dead on the spot si Pedyaan matapos magtamo ng tama ng bala sa dibdib habang dead on arrival naman sa ospital Guinto na nagtamo naman tama ng bala sa ulo.

Sa ngayon ay iniimbestigahan na ang motibo at pagkakakilanlan ng mga responsable sa pamamaslang sa dalawang kagawad.

January 21, 2020 0 comment

HEADLINES NATIONAL NEWS

Pagtayo ng mga permanenteng evacuation center sa bansa inihirit ni Duterte

written by DWIZ 882

Humirit si Pangulong Rodrigo Duterte ng supplemental budget sa Kongreso para sa pagpapatayo ng malalaking evacuation center sa bansa.

Sa pagbisita ng pangulo sa Sto. Tomas Batangas kahapon, Enero 20, sinabi nito na kailangan ng masisilungan ng mga residenteng madalas na maapektuhan ng mga kalamidad.

Wala rin aniyang nakakaalam kung kailan eksaktong tatama ang matitinding kalamidad sa bansa kaya’t dapat itong mapaghandaan.

Dagdag ng pangulo, dapat mai-prayoridad ang pagpapatayo ng evacuation center sa mga lalawigang nakaharap sa pacific ocean kabilang ang Samar, Isabela, at Cagayan na madalas na dinadaanan ng bagyo.

January 21, 2020 0 comment

HEADLINES NATIONAL NEWS

DFA: Mga Pilipinong patungong SoKor hindi na dapat magdala ng livestock products

written by DWIZ 882

Nagbabala ang Department of Foreign Affairs (DFA) sa mga Pilipinong papasok sa South Korea ukol sa pagbabawal ng pagdadala ng animal o livestock products sa nasabing bansa.

Ayon sa DFA, ito ay alinsunod sa Act on the Prevention of Contagious Animal Disease kasabay ng mga abiso ng iba’t ibang ahensya ng gobyerno ng South Korea.

Magmumulta anila ng higit P600,000 ang sinomang mahuhuli o hindi magdedeklara ng pinagbabawal na animal o livestock products.

January 21, 2020 0 comment

Newer Posts

Older Posts