Isinara na rin ngayong araw ang tanggapan ng National Telecommunications Commission (NTC).
Ito’y sa gitna ng banta ng coronavirus disease 2019 (COVID-19).
Batay sa abiso ng NTC, simula kaninang 1 p.m. hanggang bukas, Marso 13 ay sarado na ang tanggapan dahil sa gagawing paglilinis at disinfection.
Layon nitong maiwasan ang pagkalat ng virus.
Asahan naman ang pagbabalik operasyon ng NTC sa Lunes, Marso 16.
Kinumpirma ng pamahalaan ng San Juan ang panibagong kaso ng coronavirus disease 2019 (COVID-19) sa lungsod.
Ito’y matapos mapasama sa mga nadagdag na kumpirmadong kaso ng COVID-19 kahapon, Marso 11, ang isang 57-year-old na lalaking residente ng Barangay Greenhills.
Ayon sa ipinalabas na public advisory ng City Government ng San Juan, unang nakaranas ng ubo at sipon ang lalaki at nagpakonsulta ito sa isang private hospital.
BREAKING: Isang residente ng San Juan City, kabilang sa mga bagong kaso ng COVID-19, ayon kay Mayor Francis Zamora. | via Mayor Francis Zamora Facebook Post pic.twitter.com/caYKhHgAIW
— DWIZ Newscenter (@dwiz882) March 12, 2020
Agad siyang inilipat sa isang tertiary hospital sa Metro Manila matapos na mag positibo sa test ng COVID-19.
Dagdag pa ng LGU, sa kasalukuyan ay nasa stable na kondisyon ang lalaki.
Ito na ang ika-8 na kumpirmadong kaso ng COVID-19 sa San Juan.
Pinaalalahanan naman ni San Juan Mayor Francis Zamora ang mga residente ng lungsod na laging mag disinfect sa pamamagitan ng paghugas ng kamay gamit ang sabon at tubig, maging ang paggamit ng alcohol.
Posibleng sa weekend na i-anunsyo kung palalawigin pa ang class suspension sa Metro Manila.
Ayon kay Cabinet Secretary Karlo Alexei Nograles, mahigpit nilang pinag aaralan araw-araw ang sitwasyon ng coronavirus disease 2019 (COVID-19) sa bansa.
Ani Nograles, nakabatay sa paggalaw ng bilang ng kaso ng COVID-19 sa iba’t ibang panig ng bansa ang class suspension.
Nilinaw ni Nograles na maaaring magdeklara na lamang ng walang pasok sa mga lugar na makikitaan lang ng pagtaas ng kaso ng sakit.
Gayunmani sinabi ni Nograles na isa lamang ito sa mga tinitingnang anggulo sa pagdedesisyon kaugnay sa pagsususpinde ng klase.
Marami pa aniya ang dapat isaalang alang kaya matinding pag-aaral umano ang isinasagawa ng mga otoridad hinggil dito.
Umapela sa publiko ang Quezon City Disaster Risk Reduction and Management Office (QCDRRMO) na iwasan ang pagpapakalat sa social media ng mga impormasyon ukol sa coronavirus disease 2019 (COVID-19) na hindi naman beripikado.
Ito’y matapos kumalat online ang ulat na umano’t pagpapatupad ng lockdown sa Quezon City kapag patuloy na tumaas ang kaso ng COVID-19 sa lungsod.
Ayon sa QCDRRMO, walang masama kung magiging alerto ang lahat ngunit hindi anila maganda kung magpapalaganap pa ng maling impormasyon na magdudulot ng pangamba o panic sa iba.
Sinampahan ng kasong paglabag sa Dangerous Drug Act si dating Catanduanes Representative Cesar Vergara Sarmiento.
Ito’y matapos umanong tumanggap ng P20-million mula sa mga drug lab operation sa lugar.
Ayon kay Police Major Bon Billy Timuat, hepe ng Virac Police, lumantad ang testigong si Ernesto Tabor Jr. para patunayan ang pagkakasangkot ng dating kongresista sa shabu laboratory sa barangay Palta Small Virac, Catanduanes.
Nabatid rin na si Tabor ay tauhan ni dating NBI Director for the Anti-Narcotics Division Atty. Eric Isidro na umano’y mastermind ng pagpapatayo ng shabu lab.
Suspendihin na ng Kuwait City government ang lahat ng commercial flights na patungo at palabas ng kanilang international airport.
Ito’y para mapigilan pa rin ang pagkalat ng coronavirus disease 2019 (COVID-19).
Bukod sa pagkansela ng mga flight, pinaiiwas na rin ang mga residente sa pagtungo sa mga restaurant, café, at commercial centre.
Muling umapela sa publiko ang Department of Trade and Industry (DTI) na huwag mag-panic buying ng alcohol, pagkain, at iba pang pangunahing pangangailangan.
Ayon sa Trade Undersecretary Ruth Castelo, walang dapat ikabahala ang publiko dahil sapat ang suplay ng lahat ng kailangan sa araw-araw.
Unang una, hindi naman tayo mauubusan ng supply. According to the manufacturers, dire-diretso po ang supply. We have more than enough for the next two months. At dahil local manufacturers naman ito, any time we need more supply ay makakapagbigay sila dahil ang raw materials are also available here,” ani DTI Undersecretary Ruth Castelo.
Dagdag pa ni Castelo, iniiwasan din ang posibleng pananamantala ng mga bumibili ng bulto-bulto at ibinebenta ang mga ito sa mataas na halaga.
Kaya we agreed with the retailers the sale of alcohol to two (2) bottle per person. Iniiwasan natin yung hoarding pagkatapos ay ibebenta at higher price,” dagdag pa ni Castelo.
Sinuspinde na ng Department of the Interior and Local Government (DILG) ang nakatakdang barangay assembly sa buong bansa ngayong Marso.
Ito’y dahil sa banta ng coronavirus disease 2019 (COVID-19).
Ayon kay DILG Secretary Eduardo Año, kailangan ipagpaliban ang mga aktibidad na maaaring maging dahilan pa ng lalo pang pagkalat ng sakit.
Aniya kailangan ng kooperasyon ng publiko para maiwasan at mapigilan pang kumalat ang virus.
Una nang ipinagpaliban ng DILG ang lahat ng mass gathering bilang pag obserba sa social distancing measure na inirekomenda ng Department of Health (DOH).
Pinaghahandaan na ng Department of Agriculture (DA) ang posibleng lockdown sa buong National Capital Region (NCR) dahil sa coronavirus disease 2019 (COVID-19).
Ayon kay Agriculture Secretary William Dar, ipinag-utos na niya ang mas madaling accessibility ng suplay ng mga pagkain kabilang na ang bigas sa Metro Manila.
Ani Dar, sa oras na magkaroon ng lockdown maaaring magkaroon ito ng epekto sa suplay ng pagkain.
Mas mabuti na aniya na ito ay pinaghahandaan lalo na ang pagkain na siyang pangunahing pangangailangan sa araw-araw.
Bukas nang muli sa mga motorista ang San Juan Bridge.
Ito’y matapos sumailalim sa mahigit isang taong reconstruction ng Department of Public Works and Highways (DPWH).
Ayon kay DPWH Secretary Mark Villar, fully-restored na ang tulay na nagkokonekta sa Old Sta.Mesa St. sa Maynila, at N.Domingo St. sa San Juan.
Bukod sa pagsasaayos ng tulay, nilagyan na rin ito ng sidewalk sa magkabilang panig.
Tinatayang aabot sa 8,000 hanggang 10,000 motorista ang dumaraan dito kada araw.