DWIZ 882

Magpapatupad ng pagbabago sa oras ng kanilang operasyon ang isa malaking kumpanya ng mga malls sa gitna na rin ng patuloy na pagtaas ng kaso ng coronavirus disease (COVID-19) sa bansa.

Sa abiso ng SM Supermalls, simula ngayong araw, Marso 13, magbubukas na ang kanilang mga malls simula 11:00 a.m. umaga at 9:00 p.m. ng gabi tuwing weekdays.

Habang mula 10:00 a.m. ng umaga hanggang 9:00 p.m. ng gabi na ang operasyon ng lahat ng kanila mga mall tuwing weekends.

Bahagi anila ito ng kanilang mga pagsisikap para maprotektahan ang publiko mula sa panganib ng COVID-19.

Papayagan pa ring makapasok ng Metro Manila ang mga manggagawang magmumula sa mga kalapit na lalawigan.

Ito ang ginawang paglilinaw ni Interior secretary Eduardo Año sa kabila ng ipatutupad na community quarantine sa buong  National Capital region (NCR) simula Marso 15.

Ayon kay Año, kailangan lamang magpakita ng id bilang patunay na nagtatrabaho ang isang galing ng karatig lalawigan sa Metro Manila.

Sinabi ni Año, magkakaroon ng pagpupulong ang mga opisyal ng Armed Forces of the Philippines (AFP) at Philippine National Police (PNP)  para sa mga ilalatag na checkpoints sa mga daanan papasok at palabas ng Metro Manila.

Paglilinaw pa ni Año, hindi total lockdown ang ipatutupad bagkus ay restriction o pagtatakda lamang ng limitasyon sa pagpasok at paglabas ng Metro Manila.

Layunin aniya nitong maiwasang kumalat pa sa labas ng Metro Manila o sa ibang lalawigan ang coronavirus disease (COVID-19) na magiging mas mahirap para sa mga awtoridad.

Umakyat na sa lima ang kabuuang bilang ng nasawi dahil sa coronavirus disease (COVID-19) sa bansa.

Tinukoy ng Department of Healt  (DOH)  ang tatlo pang mga nasawing pasyente ng COVID-19 na sina patient 5, 6 at 37.

Si patient 5 ang 62 anyos na lalaking madalas magtungo ng muslim prayer hall sa Greenhills at walang history ng pagbiyahe sa labas ng bansa.

Ito rin ang unang kaso ng local transmission sa bansa at mayroong diabetes, hypertension at acute kidney injury.

Si patient 6 ang asawa ni patient 5 na nahawaan nito.

Habang si patient 37 ang 88 anyos na babae na naka-admit sa philippine heart center.

Pawang acute respiratory illnes ang ikinasawi ng tatlong pasyente.

Sa kabuuan, apat na mga Filipino at isang Chinese na ang mga nasawi dahil sa COVID-19 sa bansa.

Wala nang dayuhang makakapasok sa Metro Manila simula mula marso 15 hanggang Abrill 14.

Kasunod ito ng pagsasailalim sa Metro Manila sa community quarantine dahil sa banta ng coronavirus disease 2019 (COVID-19).

Gayunman, nilinaw ng pangulo na makakapasok pa rin ang lahat ng mga Pilipino na magmumula sa ibang bansa.

Nakahandang magbigay ng tulong ang China sa Pilipinas upang labanan ang banta ng coronavirus disease 2019 (COVID-19).

Ayon sa Pangulong Rodrigo Duterte, sumulat sa kanya si Chinese President Xi Jinping at sinabing wala syang dapat gawin kundi humingi ng tulong at ibibigay ito ng China.

Wala pa man ay lubos  na ang pasasalamat ng Pangulo kay President Xi.

Samantala,ini anunsyo ng pangulo na papayagan ang mga  nagbakasyong ofw na bumalik sa China maliban sa Hubei Province.

Gayunman, kailangang lumagda ang mga Overseas Filipinos Workers (OFW)’s ng deklarasyon na alam nila ang panganib na kanilang sinusuong.

Pinawi ng Pangulong Rodrigo Duterte ang pangamba na kahalintulad ng martial law ang ipinatupad na community quarantine sa buong Metro Manila.

Sa ilalim kasi ng resolusyon ng Inter Agency Task Force (IATF) on emerging infectious diseases, tinatawagan ang Philippine National Police (PNP) at ang Armed Forces of the Philippines (AFP) na tiyaking maipatutupad ng maayos ang community quarantine.

May pa alala rin ang Pangulo sa lahat ng Pulis at mga Sundalo.

Suspendido na ang pasok sa lahat ng tanggapan ng pamahalaan simula sa Lunes, Marso  16 hanggang sa Abril 14.

Ini-anunsyo ito ng Pangulong Rodrigo Duterte matapos isailalim sa community quarantine ang buong National Capital Region (NCR) at itaas sa code red sub level 2 ang banta ng coronavirus disease 2019 (COVID-19)  sa bansa.

Ayon sa pangulo, maglalagay lamang ng skeletal force sa mga ahensya upang matiyak na maipagpapatuloy ang pagbibigay ng serbisyo sa publiko.

Hinikayat naman ng Pangulo ang pribadong sektor na magpatupad ng flexible work arrangement.

Samantala, pinalawig pa ang suspensyon ng klase sa lahat ng antas Sa Metro Manila hanggang sa Abril 12 at bawal ang anumang klase ng mass gatherings.

Magpapatuloy naman ang operasyon ng lahat ng mass public transport kabilang ang LRT at MRT.

Inatasan ng Pangulo ang Department of Transportation (DOTr) na maglabas ng guidelines para tiyaking masusunod ang social distancing.

Gayunman, ang mga pampublikong  sasakyan na  papasok at palabas ng Metro Manila ay uspendido na simula sa Marso 15.