DWIZ 882

Gagawin nang eksklusibo sa mga kaso lamang ng coronavirus disease 2019 (COVID-19) ang UP-PGH sa Maynila at ang Jose Rodriguez Memorial Hospital sa Caloocan City.

Inianunsyo ito ni Health Secretary Francisco Duque bilang tugon sa panawagan ng mga ospital.

Matatandaan na sa isang manifesto, umapela ang mga ospital sa pamahalaan na magtakda na lamang ng mga ospital kung saan ilalagay ang mga COVID-19 patients dahil karamihan sa kanilang health workers ay may impeksyon na rin ng coronavirus.

Kabilang sa mga lumagda sa manifesto ang Adventist Medical Center, Asian Hospital, Cardinal Santos, Fatima University Medical Center, Makati Medical Center, Medical Center Manila, Our Lady of Lourdes, the Medical City, St. Lukes at iba pa.

UP-PGH,  Jose Rodriguez Memorial Hospital handang gawing eksklusibo para sa COVID-19

Kapwa nagpahayag ng kahandaan ang UP-PGH sa Maynila at Jose Rodriguez Memorial Hospital sa Caloocan na maging eksklusibong ospital para sa coronavirus disease 2019 (COVID-19).

Ayon kay Health Undersecretary Maria Rosario Vergeire, pinaplantsa na nila ang magiging kasunduan hinggil dito.

Nakatakda anya nilang pulungin ang pamunuan ng dalawang ospital upang ilatag ang plano kung paano ang magiging sistema na ipatutupad sa mga ospital.

Tugon ito ng Department of Health (DOH) sa apela ng 11 ospital na maglaan na ng hiwalay na ospital para sa COVID-19 dahil nagkakasakit na ang kanilang health workers.

Aabot sa halos 500,000 drivers ang nawalan ng hanapbuhay sa enhanced community quarantine.

Sa Metro Manila pa lamang, nasa 30,000 taxi units ang apektado, samantalang 35,000 naman sa transport network vehicle service (TNVS).

Idagdag dito ang nasa 45,000 riders ng motorcycle taxis.

Samantala, nasa 20,000 bus ang nakarehistro sa buong bansa, 5,000 dito ang nag-ooperate sa Metro Manila.

Ang “King of the Road” na jeepney ay umaabot sa 250,000 sa buong bansa –mahigit sa 50,000 rito ang nasa Metro Manila.

Samantala, 300,000 naman ang rehistradong tricycle sa National Capital Region.

Aarangkada na ang pamimigay-ayuda ng Department of Labor and Employment (DOLE) sa mga manggagawang naapektuhan ng umiiral na enhanced community quarantine sa Luzon.

Ayon kay Labor Secretary Silvestre Bello III, makatatanggap ng tig-P5,000 tulong ang mga manggagawa, anuman ang kanilang employment status.

Iba-base naman ng DOLE ang pamimigay ng tulong sa partial list na manggagaling sa mga employers.

Sisimulan na rin ng DOLE ngayong Biyernes ang kanilang financial assistance program na “TUPAD” o Tulong Pangkabuhayan sa Displaced o Under-Privileged Workers para naman sa mga informal workers.

Sa ilalim nito ay bibigyan ng pansamantalang trabaho ang mga informal workers na pinaapektado ng Luzon-wide community quarantine.

Arestado sa ikinasang buy-bust operation ng mga otoridad ang dalawa katao dahil sa pagho-hoard at pagbebenta ng mababang kalidad na rubbing alcohol sa Caloocan City.

Pangunahing pangangailangan ngayon ang rubbing alchol dahil sa banta ng coronavirus disease 2019 (COVID-19) sa bansa.

Bulto-bultong ibinibenta umano ng isa sa mga suspek ang mga alcohol online.

Umamin din ang suspek sa pulisya kaugnay sa kanyang supplier na aktong nahulihan ng kahong-kahong alcohol products.

Ibinebenta umano nito ang mga alkohol sa halagang P140 kada bote.

Samantala, napag-alaman naman ng Department of Trade and Industry (DTI) na ang ethyl alcohol na ibinebenta ng mga suspek ay sub-standard o low quality at hindi nakapagbibigay proteksyon sa mga gagamit laban sa COVID-19.