DWIZ 882

Sa kauna-unahang pagkakataon sa kasaysayan boboto sa  special session ng Kongreso ang mga kongresista sa pamamagitan ng text messaging.

Mag se-set up rin ng online video conferencing ang Kamara upang makalahok sa deliberasyon sa special session na ipinatawag ng malakanyang upang talakayin ang supplemental budget para sa coronavirus disease 2019 (COVID-19)

Inaprubahan ng house leadership ang panukala na inilatag ni Cavite Cong. Elpidio Barzaga Jr.

Marami sa mga kongresista ang naka self-quarantine at nakauwi na sa kani kanilang distrito matapos mag break ang Kongreso at sa harap ng pagkamatay ng dalawang staff ng kamara dahil sa COVID-19.

Ayon kay Cong. Rufus Rodriguez, bagamat sinasabi sa konstitusyon na kailangan ang personal attendance kapag bumoboto sa mga panukalang batas, pinapayagan rin naman ang kongreso na bumuo ng sariling panuntunan sa kanilang proceedings.

Kailangan lamang anya ay maamyendahan ang kanilang rules bago ang special session.

Mahigpit na ipinagbabawal ng Philippine National Police (PNP) ang pagdalo sa mga lamay.

Ayon kay PNP Spokesman, Brig. General Bernard Banac, kasama ang lamay sa mga public gatherings na ipinagbabawal sa ilalim ng Luzon-wide community quarantine.

Tanging ang immediate family anya at religious leaders na nagsasagawa ng ritwal para sa mga namayapa ang papayagan sa lamay.

Nagtapos na ang taning ng pamahalan para salahat ng BPO’s para ayusin ang alternatibong work arrangement para sa kanilang sektor.

Ayon kay Cabinet Secretary Karlo Nograles, wala nang papayagang pumasok sa mga BPO’s simula sa araw na ito.

Hanggang hatinggabi lamang ng Marso 22 pinayagan ang BPO’s at iba pang export oriented companies para ayusin ang paglilipat ng mga kailangang equipment para sa work from home set up.

Dapat ikunsidera ng Inter-Agency Task Force (IATF) na payagan ang work from home arrangement sa Philippine Offshore Gaming Operators (POGO).

Ayon ito kay Pagcor  Chairperson Andrea Domingo.

Sa ganito anyang paraan, mababalik ang kahit na 50% hanggang 60% ng kanilang kita na pwedeng itulong sa mamamayan.

Sinabi ni Domingo na ang operasyon ng POGO ay kahalintulad rin ng sa bpo na pinapayagan ng pamahalaan na mag work from home.

Umaasa rin si Domingo na ikunsidera ng IATF na payagang magpatuloy ang junkets o yung mga bumibiyahe sa bansa para lamang maglaro sa casino.

Maaari naman anyang ipatupad ang social distancing dahil dalawang high rollers lamang naman para sa isang lamesa.

Mas maagang ipalalabas ng Government Service Insurance System (GSIS) ang pensyon na dapat sana’y para sa Abril.

Batay sa anunsyo ni GSIS General Manager Rolando Macasaet, asahan nang matatanggap ang pensyon bago pa ang Abril 8 na syang schedule sa pagpapalabas ng pensyon.

Maliban dito, pinalawig rin anya ng GSIS hanggang sa Mayo 10  ang pagbabayad ng premiums , loans at housing loan payments na para ngayong Marso.

Sinabi ni Macasaet na nag aalok rin ang GSIS ng emergency loan na hanggang P20,000 para sa kanilang mga aktibong miyembro ng pensioners.

Bagamat sarado ang tanggapan ng Social Security System (SSS) hanggang Abril 12, maaari namang mag aplay ng loan sa mga kiosks na nasa government offices at malls sa iba’t ibang panig ng bansa.

Itinanggi ng Malakanyang na gagawin nang nationwide ang ipinatutupad na lockdown ngayon sa Luzon.

Ayon kay Presidential Spokesman Salvador Panelo, fake news ang kumalat na impormasyon hinggil dito.

Nauna rito, lumabas ang isang proclamation na may lagda ni Executive Secretary Salvador Medialdea kung saan nakasaad na ipatutupad ngayong linggong ito ang nationwide lockdown.

Isasara umano lahat ng establisimiyento, kasama na ang mga palengke at ang pagkain ng mamamayan ay irarasyon kada tatlong araw.

 Isa umano ito sa dahilan kayat nagpapalabs ng passes ang mga syudad sa Metro Manila.

Aprubado na ng Pangulong Rodrigo Duterte ang pagbibigay ng hazard pay para sa mga manggagawa ng pamahalaan na naka duty sa kabila ng banta ng coronavirus disease 2019 (COVID-19).

Ayon kay Senador Bong Go, ilalabas ngayon ang administrative order na may lagda ng pangulo ngayong araw na ito.

Sa ilalim ng administrative order, ina atasan ang national government agencies kabilang ang state universities and colleges at GOCC’s na  bigyan ng hazard pay na hanggang limandaang piso ang mga empleyadong nag duty sa panahon ng lockdown.

Sinabi ni Go na gagamitin ng national government agencies at state universities and colleges ang sarili nilang pondo samantalang mayroong sariling pondo para rito ang mga GOCC’s.

Maari anyang mas mababa sa limandaang piso ang ipagkalob sa mga empleyado ng government corporatins , LGU at local water districts kung sakaling kapusin sila ng pondo.