DWIZ 882

Nilinaw ng Office of Civil Defense (OCD) na mayroon pang calamity funds ang gobyerno, taliwas sa pahayag ni Pangulong Rodrigo Duterte na said na ang pondo para sa mga biktima ng bagyong Odette.

Inamin ni OCD Operations Service Director Bernardo Rafaelito Alejandrona mayroon pang 2 billion peso disaster funds na balanse ang pamahalaan.

Una nang inihayag ni Acting Budget Secretary Tina Canda na maaaring gamitin ng gobyerno ang nalalabing 2 billion sa National Disaster Risk Reduction Management Fund (NDRRMF) at karagdagang 2 billion mula sa contingent fund ng pangulo upang mapunan ang 10 billion pesos na pondo.

Gayunman, nananatili ang 4 billion pesos sa NDRRMF at hindi pa anya ito nais ng gobyerno na basta gamitin para sa disaster response.

Nilimas ng apat na kawatan ang higit 270,000 pesos na halaga ng mga cellphone unit at pera sa isang cellphone shop sa Taguig.

Dumoble naman ang problema ng biktimang may-ari ng naturang shop matapos na kalauna’y ma-scam naman ng mga nagpakilalang pulis na humuli na raw sa mga holdaper.

Base sa isinagawang inventory ng may-ari ng cellphone store, 43 assorted cellphone units ang natangay ng mga holdaper sa kanila, na aabot ng ₱270,000, bukod pa rito ang ₱13,500 na kanilang benta, at p2,300 na sariling pera ng kaniyang tauhan.

Samantala, wala pang nadadakip sa mga suspek kaugnay sa nanloko sa may-ari ng tindahan.

Babala naman ang mga otoridad na mag doble ingat ang lahat dahil inaasahan na darami pa ang mga ganitong uri ng krimen ngayong kapaskuhan. —sa panulat ni Mara Valle

Pinahintulutan nang mabakunahan ang mga batang nasa edad 5 hanggang 11-anyos.

Ito ang kinumpirma ni Food And Drugs Administration (FDA) Director General Dr. Eric Domingo na aprobado na ang  emergency use authorization ng pfizer-biontech Covid-19 vaccine o ‘tozinameran’.

Sinabi ni Domingo na ang pfizer vaccine ay may 90% efficacy rate sa mga batang nasa edad 5 hanggang 11, kung kaya’t risonable umano ang paniniwalang may kakayahan umano itong maiwasan ang Covid-19. —sa panulat ni Mara Valle

Nahuli na ng National Bureau Of Investigation – Task Force Against Illegal Drugs (NBI-TFAID) ang babaeng tinaguriang “dragon lady” na konektado umano sa chinese triad na gumagamit pa ng helicopter para maghatid ng droga.

Mahigit isang dekada nang pinaghahanap ng mga otoridad ang high-priority drug personality na si Florentina Natindim Tee.

Ang nakabinbing warrant of arrest niya ay para sa nasabat na kilo ng cocaine at pag bebenta rin umano ito ng bultuhang iligal na droga.

Sa tulong ng isang impormante, natunton ang suspek ng mga otoridad sa batangas, na ngayon ay nahahrap sa patong-patong na kaso.

Kasado na ang Calamity loan para sa mga miyembro ng Social Security System (SSS), Pag-ibig fund, at Government Service Insurance System (GSIS) na nasalanta ng bagyong Odette.

Maari nang bumisita personal o online ang mga benepisyaryong miyembro ng SSS, GSIS at Pag-ibig na nakatira sa Regions 4B, 6,7,8, 10, at 13 na  nais mag apply ng Calamity loan.

Ayon kay pag-ibig Spokesperson Atty. Kalin Franco Garcia, aabot hanggang 80% ang posibleng i-loan ng mga Pag-ibig members kung saan, hanggang 5.95% ang magiging interes kada taon na may 2 months grace period.

Sinabi pa ni Garcia na maaari ring i-claim ang housing loan insurance sa mga nasiraan ng bahay na hinuhulugan pa sa pag-ibig pero dapat ay updated ang bayad nito.

Bukod pa dito, maari ding makakuha ng P20K calamity loan ang mga miyembro ng SSS at P20K na emergency loan application naman ng GSIS sa mga miyembrong nakatira sa Calamity area.

Samantala, tiniyak naman ng Bangko Sentral ng Pilipinas na may sapat na suplay ng pera sa mga lugar na nasalanta sa gitna ng kawalan ng kuryente at mahabang pila sa mga ATM at bangko.  —sa panulat ni Angelica Doctolero

Nabigyan ng pag-asa matapos mabahagian ng tulong ng lokal na pamahalaan ang ilang mga apektadong residente at manggagawa sa Antipolo, Rizal.

Tumanggap ng cash assistance na nagkakahalaga ng 4,000 pesos ang daan-daang benepisyaryo sa pamamagitan ng tulong panghanapbuhay sa ating disadvantaged/displaced workers o tupad program.

Nakatanggap rin ng livelihood assistance ang ilang piling beneficiaries na nagkakahalaga ng halos 30,000 pesos bawat isa, may mga ibinahagi ring cellphone na may kasamang 5,000 peso load, sapatos at bisekleta.

Ginanap naman ang pamamahagi ng tulong sa Ynares Center, sa nabanggit na lugar. —sa panulat ni Mara Valle