Naglunsad ng kampanya ang United Nations upang makalikom ng tulong para sa mga biktima ng Bagyong Odette.
Ayon kay U.N organizations coordinator Gustavo Gonzales, target nilang makalikom ng mahigit $6.5 na dolyar kung saan ito’y makatutulong sa higit 500K indibidwal.
Matatandaang sinalanta ng Bagyong Odette ang ilang bahagi ng bansa.—sa panulat ni Airiam Sancho
Hangad ng Philippine National Police (PNP) na magiging tahimik at mapayapa ang pagsalubong ng sambayanang Pilipino sa araw ng Pasko.
Ito’y ayon kay PNP Chief P/Gen. Dionardo Carlos ay makaraang ihayag nito na pangkalahatang naging mapayapa ang 9 na araw ng tradisyunal na Simbang Gabi.
Ayon kay Carlos, naging mapayapa naman ang pagdaraos ng Simbang Gabi sa tulong na rin ng pamunuan ng mga Simbahan, Lokal na Pamahalaan at ng mga Civilian Volunteer.
Maayos din aniyang naipatupad ang minimum health protocols habang nasusunod din naman ang itinakdang kapasidad sa mga simbahan. —sa ulat ni Jaymark Dagala (Patrol 9)
Gasolinahang sangkot sa overpricing sa mga produktong petrolyo sa Cebu at Bohol, bistado ng DOE
Nahuli ng Department of Energy (DOE) ang ilang gasolinahan na sangkot sa overpricing sa Cebu at Bohol.
Ayon kay energy Undersecretary Felix William Fuentebella, kasunod ito ng reklamo ng mga consumer na umaabot sa 90 hanggang 100 ang presyo ng kada litro ng gasolina sa nabanggit na lalawigan.
Aniya, binalaan na rin nila ang mga nabistong gasolinahan na nag-o-overprice.
Samantala, tiniyak ni Fuentebella na nakikipag-ugnayan na sila sa Department of Trade and Industry at Department of the Interior and Local Government para sa karampatang aksyon laban sa mga nasabing negosyante.—sa panulat ni Airiam Sancho
Umapela ang Philippine National Police (PNP) sa publiko na alalahanin ang mga kababayan nating nasalanta ng bagyong Odette.
Ito ang mensahe ni PNP Chief P/Gen. Dionardo Carlos kasabay ng pagdiriwang ng sambayanang Pilipino ng kapaskuhan.
Kasunod nito, nananatiling buhay ang diwa ng bayanihan sa hanay ng pambansang Pulisya sa pamamagitan ng pag-aambagan para tumulong sa mga biktima ng kalamidad.
Inihayag ni Police Community Relations Director P/MGen. Bartolome Bustamante na nag-ambag ang mga pulis mula sa kanilang christmas bonus kung saan nakalikom sila ng 8 milyong piso.
Kasama na sa mga mababahaginan ng tulong ani Busatamante ang kanilang mga kabaro na hindi rin nakaligtas sa hagupit ng bagyo.
Tinanggap din ng PNP ang may 3 milyong pisong halaga ng mga relief goods mula sa iba’t ibang grupo at stakeholders na isasabay naman sa paghahatid ng tulong sa mga nasalanta sa Visayas at Mindanao. —sa ulat ni Jaymark Dagala (Patrol 9)
Binigyang pugay ng pamunuan ng Philippine Army ang kanilang mga sugatang sundalo na nag-alay ng kanilang sarili sa pagganap ng kanilang tungkulin para sa bayan.
Ito’y ayon kay Army Chief M/Gen. Romeo Brawner Jr ay sa pamamahgitan ng paghahatid ng pamaskong handog sa mga sugatang sundalo na nasa Army General Hospital sa Fort Bonifacio sa Taguig City.
Sinabi ni Brawner na binigyan ang mga sundalo ng grocery packs para sa kanilang noche buena at medya noche.
Tiniyak din ni Brawner ang pagtutok nila para sa aspetong pangkaisipan at pangangatawan ng mga sundalo bilang numero unong prayoridad.
Target din ni Brawner sa kaniyang pamumuno na pagandahin at isaayos ang mga ospital ng Army para mabigyan ng angkop na atensyong medikal lalo na sa kanilang mga frontliner. —sa ulat ni Jaymark Dagala (Patrol 9)
Nagpaalala ang liderato ng Philippine National Police (PNP) sa lahat ng unit commanders nito na mahigpit na ipatupad ang mga operational guidelines para sa kanilang Oplan Ligtas Paskuhan 2021.
Ayon kay PNP Chief P/Gen. Dionardo Carlos, ito ang kanilang pinaigting na paglalatag ng seguridad bago sumapit at mismong araw ng pasko gayundin ng bagong taon.
Kabilang dito ang pagpapaigting ng police visibility sa mga lugar na dinaragsa ng publiko partikular ng mga Simbahan, malls, palengke, terminal ng bus, pantalan at iba pang pook pasyalan.
Inatasan na rin niyang magtayo ng mga police assistance desk ang mga Pulis at papapakalat ng road safety marshalls sa mga pangunahing kalsada patungo sa mga lalawigan.
Kasunod nito, pinatututukan din ni Gen. Carlos sa lahat ng yunit ng pulisya ang kampaniya nila kontra iligal na droga at krimen. —sa ulat ni Jaymark Dagala (Patrol 9)
Muntik mabiktima ng mga hacker ng isang bank account ang isang lalaki matapos makatanggap ng tawag at nagpakilalang tauhan umano ng Antifraud Department ng isang bangko.
Ayon sa biktimang si Joms Donaire, nagkaroon siya ng pagdududa kaugnay sa mga hinihingi sa kaniyang impormasyon ng mga suspek. Sinubukan niya umano na mag-forgot password at kung ano hinihingi ng app, yun din hinihingi nila, kung kaya’t binaba na niya nag telepono.
Nagbabala naman ang National Bureau Of Investigation o NBI cybercrime division, na laganap ang ganitong mga pangagantso dahil sa nalalapit na kapaskuhan. —sa panulat ni Mara Valle
Kalaboso ang isang miyembro ng LGBT community sa Ilocos Sur, matapos mangikil sa ang isang construction worker kapalit ng hindi pagpapakalat nito ng maseselan niyang larawan.
Kinilala ang biktima na si Alyas Jestoni, habang kinilala naman ang suspek na si Alyas Samantha.
Ayon sa awtoridad, nagpakilalang residente ng ibang bayan ang 19-anyos na suspek, at sinabing namamasukan siya bilang isang kasambahay at nang magkapalagayan ng loob ay nagpalitan na ng maseselang larawan ang dalawa.
Pagkatapos nito ay doon na daw siya kinontak ng galit na nagpakilalang nobyo ng suspek at nagbanta ito na ikakalat ang kaniyang maseselang larawan at video kung hindi magbibigay ng 7,000 pesos.
Ngunit sa pagdaan ng mga araw ay patuloy ang pangbablackmail ng suspek sa biktima, kung kaya’t nagpasya na siyang humingi na ng tulong sa mga otoridad at tagumpay na naaresto ang suspek sa isinagawang entrapment operation, kung saan kalaunan ay natuklasan kamag-anak pala ang dalawa.
Sa kabila nito desidido ang biktima na idemanda ang supek. —sa panulat ni Mara Valle
Umakyat na sa 326 ang bilang ng mga napaulat na nasasawi dulot ng pananalasa ng bagyong Odette.
Batay ito sa pinakahuling datos ng National Disaster Risk Reduction and Management Council (NDRRMC).
Mula ang nasabing bilang sa mga lalawigan ng Palawa, Iloilo, Guimaras, Negros Occidental at Oriental, Cebu, Bohol, Butuan City, Bukidnon, Misamis Occidental at Oriental gayundin sa Agusan del Sur.
Subalit nilinaw ng NDRRMC na mula sa mahigit 300 napaulat na nasawi ay nasa 14 pa lamang dito ang kumpirmadong kaso.
Habang nakapagtala ang NDRRMc ng 659 na mga napaulat na nasaktan habang aabot sa 54 naman ang patuloy pang pinaghahanap. —sa ulat ni Jaymark Dagala (Patrol 9)
Patay ang isang bandido matapos barilin ng isang security personnel sa labas ng building ng government office ng Kabul sa Afghanistan.
Ayon kay Deputy To Spokesman for Interior Ministry, Mohammad Ezam, sinubukan nitong pasukin ang opisina ng Passport Directorate at doon nga ito namatan ng security at nang mag pangabot ito ay nabaril at tuluyan nang binawian ng buhay ang tulisan.
Sa imbestigasyon na isinagawa, wala namang nadamay na sibilyan sa engkuwentro.
Bagamat hinala ng mga otoridad ang sunod-sunod na atake sa kanilang kapitolyo ay pakana ng mga militanteng konektado sa Islamic state group na kontra sa taliban government.