DWIZ 882

Hinikayat ng isang health expert ang mga magulang na iwasang ilibot ang kanilang mga anak sa pamamasko dahil sa banta ng covid-19 sa bansa.

Ito ang inihayag ni Dr. Cynthia Cuayo-Juico na dapat isipin pa rin ang banta ng pandemya lalo na’t sa mga bata na hindi pa bakunado kontra covid-19.

Paliwanag pa ni Juico na maaaring ilapag na lamang sa tapat ng  pintuan ang mga regalo o kaya’y ipasok na lamang ang mga pamaskong pera sa banko.

Matatandaang aprubado na ng Food And Drug Administration (FDA) ang paggamit ng Pfizer vaccine para sa 5 hanggang 11 taong gulang. —sa panulat ni Kim Gomez 

Iminungkahi ni Pangulong Rodrigo duterte na limitahan sa tatlo ang bilang ng supling na pwedeng ipanganak kada pamilya.

Ito’y matapos madismaya si Duterte nang bumisita ito sa kabundukan sa palawan at napag-alaman niya na may anak na higit pa sa anim na bata ang ilang pamilya sa kabila ng may mga family planning centers sa lugar.

Gayunpaman, wala pang batas mula sa kongreso o kahit anong executive order mula kay duterte na ipatutupad ang “Three Child Policy ” sa bawat pamilya.

Isa ang China sa bansang  kilalang nagpapatupad ng One-Child Policy simula 1980. —sa panulat ni Kim Gomez 

Naglabas ng $1112M ang United Nations Central Emergency Response fund (UNCERF) para sa mga binayo ng bagyong Odette.

Malugod na tinanggap ni Un Country Team Coordinator Gustavo Gonzales ang nasabing halaga upang matulungan ang  mga komunidad sa pagbangon matapos masalanta ng bagyo.

Una rito, inanunsyo rin ng European Union (EU) na maglalaan sila ng €2.83M o ₱160.69M na halaga ng humanitarian assistance sa mga lugar na matinding nasalanta ng bagyong Odette sa Pilipinas.

Samantala, sinabi ng National Disaster Risk Reduction And Management Council (NDRRMC) na umakyat na sa 326 ang bilang ng mga nasawi dahil sa bagyong Odette. —sa panulat ni Kim Gomez 

Dumating na sa bansa ang mahigit isang milyong karagdagang doses ng Pfizer covid-19 vaccine.

Nasa kabuuang 1 million, 405 thousand, 170 doses na binili ng gobyerno sa pamamagitan ng loan mula sa Asian Development Bank (ADB).

Sa isandaan siyam na put dalawang milyong iba’t ibang mga bakuna na dumating sa bansa mula noong Pebrero. 104 milyong indibidwal na ang naturukan kontra Covid-19.

Habang 46.3% milyong indibidwal na ang fully vaccinated laban sa Covid-19 .

Samantala, target ng gobyerno na mabakunahan ang limamput apat na milyong pilipino bago matapos ang  taon para makamit ang herd immunity sa bansa. —sa panulat ni Kim Gomez

Inihayag Ni Pangulong Rodrigo Duterte na ang National Housing Authority (NHA) ay magbibigay ng P100M na tulong sa bawat probinsya na sinalanta ng Bagyong Odette.

Binigyang diin ni Duterte na ang halaga ay gagamitin sa muling pagtatayo ng mga bahay ng mga apektadong residente.

Samantala, inilabas ng Department Of Budget and Management (DBM) ang inisyal na P1B na tulong pinansyal na ipinangako ni Duterte para sa pagtugon at mga pagsisikap sa pagbawi sa mga rehiyong sinalanta ng naturang bagyo.

Saklaw ng tulong pinansyal ang mga apektadong Local Government Units (LGUs) sa Region Iv-B (MIMAROPA), Region VI (Western Visayas), Region VII (Central Visayas), Region VIII (Eastern Visayas), Region X (Northern Mindanao), at REGION XIII ( Caraga), kung saan isinailalim ng Pangulo sa state of calamity.