Author

DWIZ 882

Isa patay sa pamamaril sa Laguna

Patay ang isang call center agent habang sugatan ang dalawa pa nitong kasama matapos barilin ng hindi pa nakikilalang riding in tandem sa bayan ng Cabuyao, Laguna.

Kinilala ang nasawi na si Bryan Perez, 23-anyos.

Batay sa imbestigasyon, isang motorsiklo ang huminto ay binaril ng angkas nito ang tatlong magkakaibigan.

Agad na tinamaan si Peres sa dibdib at sugatan naman sina Geraldine Tambaoan at Alfredo Torayao na pawang mga kasamahan ng nasawi sa trabaho.

Samantala, inaalam pa ng otoridad ang mnotibo sa naturang insidente. —sa panulat ni Airiam Sancho

December 25, 2021 0 comment

HEADLINES NATIONAL NEWS

Abizo OFW, laking tulong sa isang OFW na nagkaroon ng problema sa Kuwait

written by DWIZ 882

Natulungan ang isang Overseas Filipino Worker (OFW) na nagkaroon ng problema sa kaniyang amo sa Kuwait gamit ang mobile app na Abizo Ofw.

Ayon sa Abizo Ofw, hindi sinunod ng amo ni Rosalyn Sencil ang kontrata nito kaya humingi na siya ng tulong.

Ang nasabing app ay bahagi ng global monitoring pilot project ng Philippine Overseas Employment Administration (POEA) na layuning i-monitor ang mga impormasyon ng mga OFWs tulad ng deployment location, employers, maging ang kalagayan ng mga ito.

Matatandaang noong nakaraang agosto ay natulungan din ang isa pang ofw gamit ang naturang app. —sa panulat ni Airiam Sancho

December 25, 2021 0 comment

HEADLINES NATIONAL NEWS

Pampublikong sasakyan na mayroon barriers, mababa ang tyansa na magkahawaan sa Covid-19

written by DWIZ 882

Mababa ang tyansa ng hawaan ng Covid-19 sa mga pampublikong sasakyan na mayroong barriers.

Ito ay ayon sa pag-aaral ng Ateneo De Manila University (ADMU) kaugnay sa epekto ng airflow ng barriers na gawa sa acetate o plastic.

Halimbawa anila.. Ang pwesto ng pagkakaupo sa MRT at LRT kung saan maayos na nakakadaloy ang hangin kumpara sa mga bus.

Samantala, binigyang diin din sa pag-aaral na mas epektibo ang paggamit ng face mask kaysa sa barriers. —sa panulat ni Airiam Sancho

December 25, 2021 0 comment

HEADLINES INTERNATIONAL NEWS

4 patay matapos ang pagputok ng rocket sa Nigeria

written by DWIZ 882

Apat na katao ang patay matapos magpaputok ng rocket ang mga Jihadist sa hilagang-silangan ng lungsod ng maiduguri sa Nigeria.

Limang rockets umano ang pinaputok sa paligid ilang oras lamang bago dumating si Pangulong Muhammadu Buhari sa lungsod.

Isang rocket ang pumatay sa isang babae at kanyang tatlong anak nang tumama ito sa isang bahay sa Gomari, malapit sa isang air force base kung saan inaasahang dadaong si Buhari.

Samantala, hindi agad nagkomento ang mga opisyal sa mga pag-atake ngunit sinisi ng mga residente ang grupo ng Islamic State West Africa province. —sa panulat ni Kim Gomez

December 25, 2021 0 comment

HEADLINES RONDA PROBINSYA

Isang lalaking tulak, bulagta sa Pangasinan

written by DWIZ 882

Patay ang isang lalaki matapos manlaban sa mga otoridad sa ikinasang buy-bust operation sa Pangasinan.

Kinilala ang suspek na si Rodirick Dizon alyas “rick”, nasa hustong gulang ng Barangay San Agustin, Pangasinan.

Nakahalata umano ang suspek na isang pulis ang kanyang katransaksyon kung saan nagresulta ito sa pagbunot ng baril sabay putok sa kausap.

Masuwerte umanong hindi tinamaan ng bala ang pulis sabay ganti ng putok sa suspek na siya nitong ikinamatay

Nakuha sa crime scene ang isang caliber 9mm pistol, limang basyo ng bala, isang plastic sachet ng shabu na may timbang na apat na gramo at halagang aabot sa labin-limang libong piso at isang motorsiklong motorstar na may plakang ca49799 na ginamit umano ng suspek. —sa panulat ni Kim Gomez

December 25, 2021 0 comment

HEADLINES RONDA PROBINSYA

SK Chairman , nahuli sa Cavite dahil sa droga

written by DWIZ 882

Arestado ang SK Chairman sa Cavite matapos mahulihan ng mga otoridad at Philippine Drug Enforcement Agency (PDEA) ng marijuana sa ikinasang buy-bust operation.

Kinilala ang suspek na si Reymart Digma alias “resma” 26-anyos, residente ng Brgy. Poblacion 4, Alfonso, Cavite.

Nakuha sa suspek ang siyam na plastic na sachet na naglalaman ng mga pinatuyong dahon ng marijuana.

Nahaharap si Digma sa kasong paglabag sa ra 9165 o comprehensive dangerous drugs act.

December 25, 2021 0 comment

HEADLINES RONDA PROBINSYA

Pitong katao patay sa Siargao dahil sa diarrhea outbreak

written by DWIZ 882

Pumalo na sa pito katao ang patay habang nasa 120 pa ang nakaratay sa ospital matapos ang diarrhea outbreak sa Siargao.

Ayon kay Surigao Governor Francisco matugas, ang sanhi ng diarrhea ay ang tubig poso na ininom ng mga residente dahilan sa pahirapan ang malinis na inuming tubig na ibiyahe sa kanilang lalawigan.

Sinabi ni Matugas na marami ngayon ang mga naka confine sa Siargao District hospital dahil sa naturang diarrhea.

Dahil dito, nanawagan si Matugas ng karagdagang suplay ng gamot at dextrose para sa mga nakaratay sa mga pagamutan.

Samantala, patuloy namang umaapela si matugas ng tulong tulad ng mga pagkain, malinis na tubig, gamot, kumot at iba pa para sa mga apektadong residente ng kanilang hurisdikyon. —sa panulat ni Kim Gomez

December 25, 2021 0 comment

HEADLINES NATIONAL NEWS

Koreano, nahuli ng BIR sa Quezon City

written by DWIZ 882

Nahuli ng hanay ng Bureau of Immigration (BI) ang lider ng sindikato ng korean online gambling sa isang operasyon sa Quezon City.

Kinilala ni Immigration Commissioner Jaime Morente ang koreano na si Lee Jaehun, 42 anyos.

Aabot sa 1.4T won o 1.7 milyong dolyar ang halagang natangay ng sindikato sa mga kababayang koreano dahil sa iligal na pasugalan mula Enero 2015 hanggang Oktubre 2016.

Nahaharap sa ‘warrant of arrest’ si lee na inilabas ng changwon district court sa South Korea dahil sa paglabag sa kanilang ‘illegal gambling law’.

Sa ngayon, nakakulong ang suspek sa bi warden facility sa Camp Bagong Diwa sa Taguig City habang inilagay na rin siya sa immigration blacklist at inaasikaso na ang pagpapa-deport sa naturang koreano. —sa panulat ni Kim Gomez

December 25, 2021 0 comment

ENTERTAINMENT HEADLINES

Angelica Panganiban, magreretiro sa mga teserye

written by DWIZ 882

Desido na si Angelica Panganiban na mag-retiro sa pag-ganap sa mga teleserye.

Ayon kay Panganiban, mas madaling umano kargahin ang mini-series kaysa sa isang mahabang teleserye dahil na rin sa emotional baggage na dala nito.

Ibinahagi din ni panganiban na nagbigay-daan ito na magkaroon ng balanse sa pagitan ng kaniyang trabaho at personal na buhay.

Kabilang sa mga desisyon sa buhay ni Panganiban sa panahon ng pandemya ay ang paninirahan sa Olongapo City, kasama ang kanyang kasalukuyang kasintahan na isang negosyanteng si Gregg Hooman. —sa panulat ni Kim Gomez

December 25, 2021 0 comment

HEADLINES NATIONAL NEWS

Most wanted sa Samar nadakip sa Malabon

written by DWIZ 882

Arestado ang provincial Top Most Wanted Person sa isinagawang man hunt operation sa Eastern Samar.

Kinilala ang suspek na si Christian Quilim, 42 anyos tubong Eastern Samar at residente ng David Santos Street, Malabon City.

Sa bisa ng warrant of arrest na inisyu ni Honorable Filotea Estorninos, Presiding Judge ng RTC 8th Judicial Region Dolores Eastern Samar nadakip ang suspek sa kasong rape at walang inirekomendang piyansa.

Batay sa record, nangyari ang insidente ng panghahalay noong 2005 sa Brgy. Carolina, Can Avid, Eastern Samar matapos umanong lasingin ng akusado ang disi-syete anyos na biktima na itinago sa pangalang Katrina. —sa panulat ni Kim Gomez

December 25, 2021 0 comment

Newer Posts

Older Posts