DWIZ 882

Kumpirmado na ang pagbubukas ng University of the Philippines-Los Baños (UPLB) ng limited face-to-face classes matapos ang dalawang taon.

Nito lamang nakaraan ay sinabi ng Commission on Higher Education (CHED) na kumpleto nang naipasa ng UPLB ang mga kinakailangang dokumento sa ilalim ng Joint Memorandum Circular No. 2021-011 ng kanilang ahensiya at Department of Health para sa limitadong pagbabalik eskwela ng napiling 98 na magaaral.

Sumailalim naman sa masusing inspeksiyon ang mga laboratoryo na gagamitin ng mga naturang estudyanteng babalik sa paaralan sa tulong ng CHED Regional Office IV.

Noong Nobyembre matatandaang inanunsiyo ng CHED na pinapayagan na ang limited face-to-face classes sa ilalim ng Alert level 2.  —sa panulat ni Mara Valle

ISA-ISANG inalala ng pamilya Marcos sa gitna ng pagdiriwang ng Kapaskuhan ang ilan sa paborito nilang tagpo sa matagumpay na mga unity rides na ginawa ng tambalang BBM-Sara sa iba’t-ibang lugar sa bansa na pawang dinumog ng milyun-milyong mga tagasuporta.

Kung si BBM ang tatanungin, isa aniya sa paborito niyang pangyayari ay nang makita niya sa social media ang isang supporter na walang motorsiklo.

“Nakabisikleta lang siya, nakahabol siya hanggang 50 kilometers ang tinakbo niya. Nu’ng nalaman namin, sinabi ko puwede ko ba siya makilala. Tawag ko nga sa kanya si Superman, eh. Nagpasalamat ako sa kanya na siya’y nagtiyaga,” wika ni Marcos.

Maliban dito, nag-ambag-ambag din ang ilan sa mga nakiisa sa caravan at hinandugan ng motorsiklo ang siklista.

“Iyan ang pagbabayanihan ng mga Pilipino. Iyan ang aming pinag-uusapan na pagkakaisa na nagtutulung-tulungan. Iyan ang ugali ng mga supporters na ipinaglalaban at ipinapakita ang ating pagkakaisa at ang ating pagmamahal sa kapwa,” ani Marcos.

Samantala, para naman sa maybahay ni BBM na si Louise ‘Liza’ Araneta-Marcos, isa sa nakapukaw ng kanyang damdamin ang pamimigay ng tubig ng isang ginang habang nasa kasagsagan ng motorcade.

Sa panig ni Joseph Simon Marcos, pangalawang anak ni BBM, memorable sa kanya ang pagkakahulog sa pick-up truck ng isang tagasuporta. “Tapos he got back up at sinabi niya sama-sama tayong babangon muli”.

Si William Vincent Marcos naman na bunsong anak ni BBM, binanggit na isang Marcos supporter din ang humaplos sa kanyang puso nang sumama ito sa motorcade gamit ang isang kaldero bilang helmet.

Maging ang YouTube sensation na si Sandro Marcos, panganay na anak ni BBM, ay nagbahagi rin ng paborito niyang eksena sa Unity Ride.

“Sa ating hometown na nasa Ilocos Norte sa napakaraming tao na nagpakita ang kanilang suporta sa UniTeam na BBM-Sara kaya ako po ay nagpapasalamat  sa lahat ng tao na nagpakita kahit madaling-araw, nandu’n silang lahat…buhay na buhay ang Solid North sa buong Ilocandia,” dagdag pang pahayag ni Sandro.

Ginagamit ngayon bilang floating hospital ang brp ang pangulo ng Philippine Navy para sa mga residenteng naapektuhan ng bagyong Odette sa Siargao.

Nagbibigay ng libreng serbisyo ang mga medical teams mula sa Philippine Navy at Armed Forces of the Philippines sa Eastern Mindanao Command.

Nabigyan agad ng atensyong medikal ang mga residente na binayo ng nasabing bagyo.

Bukod dito, napauwi na rin ang ilang mga pasyenteng tinamaan ng diarrhea dahil sa kawalan ng malinis na tubig sa Siargao.

Hindi pa inirerekomenda ng OCTA Research Group ang pagbabalik ng pagsususot ng face shield.

Ito’y kahit pa may nakitaan ng bahagyang pagtaas sa covid positivity rate sa bansa bunsod ng banta ng omicron variant.

Ayon kay OCTA Research Fellow Dr. Guido David, susuportahan lamang nila ang pagsusuot ng face shield kung mayroong pagsirit ng kaso ng Covid-19 sa bansa.

Dagdag ni David, hindi pa naman napapanahon ang pagbabalik ng pagsusuot ng face shield.

Malayo pa aniya ang Pilipinas para masabing nakasailalim ito sa seryosong Covid-19 surge.

Nasawi ang dalawang babaeng naglalakad sa Aurora Boulevard, Pasay City matapos ma-hit-and-run ng isang sasakyan

Ayon sa imbestigasyon, galing sa airport ang van at binabaybay ang daan patungong EDSA nang mahagip ang tatlong dalagitang naglalakad.

Patay ang isa sa mga ito habang dalawa ang sugatan.

Patuloy pa rin ang nasabing sasakyan at nabangga naman ang isa pang motorsiklo kung saan tumilapon ang sakay nito.

Kasunod nito nabangga at nakaladkad din ang isa pang babaeng naglalakad na kinilalang si Imelda.

Samantala, hindi naplakahan ang gray na van dahil hindi umano makita sa CCTV. —sa panulat ni Airiam Sancho