DWIZ 882

Hindi dapat magpataw ng lockdown sa Pilipinas dahil nanatili itong ligtas sa kabila ng paglitaw ng Covid-19 Omicron variant.

Ito ang inihayag Ni Residential Adviser for Entrepreneurship Joey Concepcion kung saan kinumpara niya ang nangayayaring Covid-19 surge sa U.S.

Aniya, mayroong disiplina ang mga pilipino pagdating sa mga protocol tulad ng pagsusuot ng face mask.

Matatandaang layunin ng gobyerno sa taong 2022 na palakasin ang depensa ng mga indibidwal sa pamamagitan ng pagtuturok ng booster shot. — sa panunulat ni Airiam Sancho 

Naglunsad ng pitong bagong ‘developed food products’ ang Department Of Science And Technology (DOST) sa Northern Mindanao.

Ayon kay DOST Secretary Fortunato ‘boy’ T. Dela Peña, dinibelop ng Northern Mindanao Food Innovation Center (NMFIC) ang nasabing food products tulad ng green mango, singkamas, polvoron, protein-rich soy singkamas cookies, fiber-enriched chayote cookies, all-natural chayote calamansi concentrate, hassle free kinilaw mix, all-natural sibujing powder at color-stable chili garlic in oil.

Ang NMFIC ay kabilang sa 17 regional food innovation center na binubuo ng DOST sa bansa. — sa panunulat ni Airiam Sancho 

Hinikayat ng Private Hospitals Association Of The Philippines (PHAPI) ang mga miyembro nito na ipagdiwang ang ‘Philhealth Holiday’upang suportahan ang mga ospital na nagpoprotesta sa mga hindi nabayarang claim sa unang bahagi ng Enero 2022.

Ayon kay PHAPI President Doctor Jose Rene De Grano, hinimok niya ang mga miyembro nito na huwag tumanggap ng mga bawas sa philhealth para sa mga serbisyong pangkalusugan mula January 1 hanggang January 5.

Matatandaang lumobo ang PHILHEALTH claims sa panahon ng pandemya dahil sakop nito ang pagpapaospital ng mga pasyenteng may Covid-19. — sa panunulat ni Airiam Sancho

Maaring kumuha ng Calamity Loan Assistance Package Sa Social Security System (SSS) ang mga miyembro ng pribadong sektor at mga pensyonado na naapektuhan ng bagyong Odette simula Enero.

Ayon kay SSS President at Chief Executive Aurora Cruz Ignacio, magsisimulang tumanggap ang State-Run Pension Fund ng mga aplikasyon para sa anim na rehiyon na nasalanta ng kalamidad.

Kabilang dito ang mimaropa o Mindoro, Marinduque, Romblon, Palawan, Western Visayas, Central Visayas, Eastern Visayas, Nothern Mindanao at Caraga. — sa panunulat ni Airiam Sancho 

Pinaalalahanan ni University of the Philippines Pandemic Response Team Professor Jomar Rabajante ang publiko na mag-ingat sa paglabas dahil sa bahagyang pagtaas ng positivity rate ng Covid-19 sa bansa.

Aniya, ito’y maaring dahil sa nadagdagan ang mobility ng mas maraming pilipino na lumalabas upang ipagdiwang ang holiday season.

Idiniin naman niya na masyado pang maaga para sabihin kung ang naturang pagtaas ng kaso ay magpapatuloy.

Matatandaang ang 2 percent positivity rate ng bansa ang pinakamataas na naitala mula noong Nobyembre 29. — sa panunulat ni Airiam Sancho 

Umapela ang Philippine Inter-Island Shipping Association (PISA) sa Philippine Ports Authority (PPA) na gawing libre muna ang ilang bayarin o ‘waiving of fees’ ng shipping lines na bahagi ng relief efforts sa mga lugar na tinamaan ng bagyong odette.

Ayon kay PISA Executive Director Attorney Pedro Aguilar, may anim aniyang malalaking cargo shipping companies na kabilang sa pisa ang tumutulong sa paghahatid ng relief sa mga biktima ng bagyo.

Maaari naman aniyang hindi magbayad ng terminal fee.. Ngunit ito ay para lamang sa mga roro vessel at hindi kasama ang cargo ships tulad ng kanilang mga miyembro.

Samantala, umapela rin ito sa Department Of Transportation (DOTR) at metro manila development authority na i-exempt muna sa truck ban ang delivery ng relief goods sa manila at mga apektadong daungan. — sa panunulat ni Airiam Sancho