DWIZ 882

Matapos ang apat na sunod na araw na bahagyang pagtaas ng kaso, muling bumaba ang additional COVID-19 cases sa bansa.

Sa datos ng Department of Health, umabot sa 318 ang karagdagang kaso ng COVID-19, kahapon.

Mayroon namang naitalang 255 additional recoveries at 11 deaths.

Dahil dito, sumampa na sa 2, 038, 792 ang nagkakasakit; 2, 778, 002 na ang recoveries habang 52,211 ang death toll.

Tinaya na ng DOH sa 9,579 ang aktibong kaso ng COVID-19.

Samantala, 26 na laboratoryo ang hindi nakapagsumite ng datos.  —sa panulat ni Drew Nacino

Ipinahayag ng OCTA Research Group na masyado pang maaga para sabihing magtutuloy-tuloy ang pagtaas ng COVID-19 cases sa NCR.

Ayon kay OCTA Fellow Dr. Guido David, gaya noong nakaraang holiday season tumaas din ang bilang ng mga nahawa ng COVID-19 at bahagya ding bumaba pagkatapos ng bagong tao kaya’t wala aniyang dapat ipagkabahala sa ngayon.

Matatandaang nitong weekend, isinailalim ng OCTA ang NCR sa low risk classification matapos tumaas ang seven-day average ng new COVID-19 case sa rehiyon. — sa panunulat ni Joana Luna

Aabot na sa P130M ang halaga nang naipabot na tulong ng DSWD  sa mga nasalantang residente ng bagyong Odette.

Sinabi ni DSWD Spokesperson Irene Dumlao, na naihatid sa mga residente ang mahigit P99M na food items at non-food items, at karagdagang 30 million pesos worth ng assistance para sa local government units.

Inamin din ni Dumlao na wala pang tulong pinansiyal na maipapamahagi sa mga nasalantang residente

Kasabay nito, tiniyak niya na pinabibilis na ng ahensiya ang pagpapalabas ng tulong upang makapagsimula muli ang mga ito.  — sa panunulat ni Joana Luna

Umakyat na sa 389 ang bilang ng mga nasawi sa pananalasa ng bagyong Odette batay sa pinakahuling ulat ng NDRRMC.

Nabatid na karamihan sa mga pumanaw ay mula sa Central Visayas partikular sa Cebu at Bohol.

Ayon kay NDRRMC Spokesperson Mark Timbal, kung may iniwang aral ang nagdaang bagyo ito’y aniya’y dapat siguraduhin na makapagtayo na ng matatag na istruktura upang maiwasan ang matinding sakuna sa hinaharap.

Samantala, pumalo na sa mahigit 1,140 habang nasa 64 na indibidwal ang patuloy pa ring pinaghahanap, isang linggo matapos ang pananalasa ng bagyo.  — sa panunulat ni Joana Luna

Umakyat na sa apat ang bilang ng kumpirmadong kaso ng Omicron Covid-19 variant sa bansa.

Batay sa ulat ng Department of Health (DOH) nagpositibo sa Omicron ang 38 taong gulang na babae na nagmula sa United States.

Dumating sa bansa nuong December 10 ang nasabing biyahero lulan ng Philippine Airlines pr 127.

December 15 ng mag-positive sa Covid-19 ang babae matapos makaramdam ng pangangati ng lalamunan at ubo.

Sampung araw sumailalim sa isang isolation facility ang nagpositibo sa nakakahawang sakit.

Nakatakdang magpa-covid-19 re-test bukas, December 28, ang naturang biyahero. — sa panunulat ni Joana Luna