DWIZ 882

Hinimok ng BBM Sara UniTeam ang Commission on Higher Education (CHED) na ipagpaliban ang nakaambang pagtaas ng tuition kung saan inaprubahan para sa Academic Year 2021-2022.

Sinabi nina presidential aspirant Ferdinand ‘Bongbong’ Marcos, Jr. at kanyang ka-tandem na si Davao City Mayor Inday Sara Duterte, na ang pagtaas ng tuition ay lalo lamang makakadagdag sa paghihirap na dinaranas mamamayan.

Ayon sa inilabas na memorandum ng CHED noong Disyembre 6, 2021, pinayagan ang 56 na pribadong HEIS na magtaas ng tuition at iba pang school fees.

Ang nasabing memorandum ay naipadala na sa mga opisyales ng CHED, sa mga Regional Offices nito, at sa mga presidente ng mga pribadong unibersidad at kolehiyo sa buong bansa.

Samantala, batay sa listahan ng CHED, 14 na HEIS sa Metro Manila ang pinayagang magtaas ng kanilang tuition at iba pang school fees.

Kabilang din sa iba’t ibang rehiyon na pinayagang magtaas ay sa Region 1, 8; Region III, 7; Region 4, 3; Region 5, 5; Region 6, 4; Region 7, 1; Region 9, 1; Region 10, 9; Region 11, 3; at sa CAR, 1.

Bahagyang bumaba sa 4.69 ang reproduction rate o bilis ng hawaan ng Covid-19 sa National Capital Region (NCR).

Ayon kay OCTA Research Fellow Dr. Guido David, indikasyon ang pagbaba na bumabagal na ang trend ng mga kaso.

Noong January 2, nasa 6.16 ang reproduction rate.

Una nang sinabi ni Department of Health (DOH) Secretary Francisco Duque III na nasa acceleration phase pa rin ang kaso ng covid-19 sa bansa kasabay ng pagtaas ng kaso sa ibang rehiyon. –Sa panulat ni Abby Malanday

Inatasan ng Department of the Interior and Local Government (DILG) ang lahat ng barangay government na magpasa ng listahan ng mga residenteng hindi pa nababakunahan kontra covid-19.

Ayon kay DILG Undersecretary Jonathan Malaya, naglabas ng kautusan si Interior Secretary Eduardo Año para sa implementasyon ng pagkokontrol sa mga hindi pa nababakunahang indibidwal.

Alinsunod ito sa kautusan ni Pangulong Rodrigo Duterte upang mapigilan ang paglabas ng bahay ng mga residenteng hindi pa nababakunahan.

Sa Metro Manila, tanging ang Pasig, Makati at Navotas ang hindi pa nagpapatupad ng ordinansa hinggil dito. –Sa panulat ni Abby Malanday

Malapit nang maging predominante ang Omicron variant ng covid-19 sa Pilipinas kapalit ng delta variant.

Ayon kay World Health Organization (WHO) Representative to the Philippines Dr. Rabindra Abeyasinghe, hindi na nakakagulat ang pagkalat ng omicron variant sa bansa dahil sa mataas na antas ng transmisyon nito.

Sa huling sample ng sequencing mula sa National Capital Region (NCR) at sa mga Returning Overseas Filipinos (ROFS), nakitaan ang omicron variant na pinakadominanteng variant.

Tinatayang nasa 43 kaso na ng omicron variant ang mayroon ang Pilipinas at 8,497 kaso ng delta variant. –Sa panulat ni Abby Malanday

Nilinaw ni Department of Health (DOH) Secretary Frncisco Duque III na hindi nangangahulungan ang mababang kasong naitala kahapon na pababa na ang trend ng covid-19 cases Pilipinas.

Ayon kay Duque, ang naitalang 28,007 bagong kaso kahapon ay dahil sa mababang testing output nitong linggo.

Karamihan aniya sa mga laboratoryo ay sarado at marami pa ang nasa quarantine dahil sa exposure sa isang nagpositibo.

Samantala, tiniyak naman ni Duque na patuloy pa rin ang hakbang na ginagawa ng gobyerno upang makontrol at hawaan dulot ng omicron variant ng covid-19. –Sa panulat ni Abby Malanday

Mas papaigitingin pa ng National Vaccination Operations Centers (NVOC) ang vaccination efforts nito sa mga lugar na may mataas na vaccine hesitancy at mababang antas ng pagbabakuna.

Ayon kay Department of Science and Technology (DOST) Vaccine Expert Panel Head Dr. Nina Gloriani, naghahanap na ng paraan ng NVOC at health promotions bureau upang mahanap ang mga lugar na mababa ang antas ng pagbabakuna.

Karamihan sa mga indibidwal mula sa rehiyon sa labas ng National Capital Region (NCR) ay hindi pa fully vaccinated.

Hanggang nitong Lunes, nasa 52,856,932 indibidwal ang fully vaccinated sa bansa. –Sa panulat ni Abby Malanday

Nagdagdag pa ng quarantine facilities at kama ang Philippine National Police (PNP) sa kanilang headquarters sa Camp Crame dahil sa pagdami ng tinatamaan ng covid-19 sa kanilang empleyado.

Ayon kay PNP Chief General Dionardo Carlos, walumpung kama ang idinagdag sa training service facility habang isang-daang kama sa badminton court.

Mananatili namang primary quarantine facility ang kiangan (ki-ya-ngan) emergency treatment facility.

Sa huling datos na inilabas ng PNP Health Service kahapon, umabot sa 444 ang naitalang bagong kaso sa PNP para sa kabuuang 44,317 kumpimadong kaso.–Sa panulat ni Abby Malanday 

Umabot na sa 24 na domestic at international flights ang kinansela ng Cebu Pacific dahil sa kakulangan ng mga empleyado.

Sa inilabas na advisory ngayong araw, sinabi ng pamunuan na patuloy pa rin ang kanilang pagtugon sa epekto ng Covid-19.

Ang mga biyaheng kinansela ay ang mga biyahe patungong Boracay to Manila pabalik, Cebu to Manila pabalik, Davao to Manila pabalik, Iloilo to Manila pabalik, Roxas to Manila pabalik, Tacloban to Manila pabalik, Tuguegarao to Manila pabalik at Taipei to Manila pabalik.

Inabisuhan naman ng Cebu Pacific ang mga pasahero nito na i-refund ang kanilang tickets hanggang tatlumpung araw bago ang kanilang iskedyul. –Sa panulat ni Abby Malanday

Aabot pa sa 10 milyong doses ng covid-19 vaccines ang nakatakdang bilhin ng Pilipinas para sa pagbabakuna ng edad 5 hanggang 11 taong gulang.

Unang bumili ang bansa ng 15 milyong doses ng Pfizer covid-19 vaccines na darating sa January 31.

Ayon kay Vaccine Czar Carlito Galvez jr., nakipag-usap na siya sa mga vaccine manufacturers upang palawigin ng mga ito kanilang emergency use authorization (EUA) at masakop ang pagbabakuna sa edad 3 hanggang 11.

Sa darating na Pebrero a-1 hanggang a-7 magsisimula ang bakunahan sa edad 5 hanggang 11.

Habang sa unang kwarter ng taon target tapusin ang pagbibigay ng booster shots sa mga edad 12 hanggang 17. –Sa panulat ni Abby Malanday