Author

DWIZ 882

COVID-19 sa bansa masyado maaga para sabihing mababa—OCTA

Masyado pang maaga para sabihin na bumababa na ang naitatalang kaso ng COVID-19 sa Pilipinas.

Ito ang sinabi ni Department of Health (DOH) Undersecretary Maria Rosario Vergeire kasunod ng naging pahayag ni OCTA research fellow Dr. Guido David na bumabagal na ang hawaan ng virus sa Metro Manila.

Ayon kay Vergeire, hindi tinitignan ng ahensiya ang arawang datos dahil nakadepende ito sa ilang bagay tulad ng ipinapasang datos ng mga laboratoryo.

Habang malaki pa rin ang epekto ng Omicron variant sa Pilipinas kaya hindi pa puwedeng sabihin na bumababa na ang kaso.

Sa ngayon, payo ni Vergeire sa publiko na patuloy na mag-ingat upang mapigilan ang pagtaas ng hawaan.—sa panulat ni Abby Malanday

January 18, 2022 0 comment

HEADLINES NATIONAL NEWS

Unang araw ng pagpapatupad ng No Vaccination, No Ride policy ng DOTr, naging mapayapa sa kabuuan ayon sa PNP

written by DWIZ 882

Tiniyak ng Philippine National Police (PNP) na walang mangyayaring arestuhan sa pagpapatupad ng No Vaccine, No Ride policy ng Department of Transportation (DOTr).

Ito ang inihayag ni PNP Spokesman P/Col. Roderick Alba matapos nitong sabihing naging mapayapa naman sa kabuuan ang unang araw ng pagpapatupad nito.

Ayon kay Alba, malinaw naman aniya ang layunin ng kanilang presensya sa mga terminal ng pampublikong transportasyon ay para umalalay sa DOTr at attached agencies nito at hindi para mang-aresto ng mga lalabag.

Gayunman, ibang usapan na aniya kung mauuwi sa hindi maganda ang simpleng paninita at pagpapaalaala ng mga awtoridad kapwa sa mga tsuper at pasahero lalo na kung may magmamatigas lumabag sa polisiya.

Muling umapela ang PNP sa publiko na sundin ang pinaiiral na panuntunan na ilabas ang vaccination cards o anumang katibayan na maaaring lumabas ng bahay upang maiwasan ang abala.

January 18, 2022 0 comment

HEADLINES NATIONAL NEWS

Mga nakapugang PDL sa New Bilibid prisons kahapon, umakyat na sa 4

written by DWIZ 882

Kinumpirma ng Bureau of Corrections (BuCor) na may 1 pang preso ang nakatakas sa New Bilibid Prisons o NBP sa Muntinlupa City, kahapon.

Dahil dito ayon sa BuCor ay 4 na ang nakatakas sa NBP subalit 2 na lamang dito ang tinutugis matapos mapatay sa pinagsanib na manhunt operations ang 2 sa kanila.

Maliban kay Drakilou Falcon na tinutugis na ngayon ng mga awtoridad, pinaghahanap din ang isa pang preso na si Chris Ablas na nahatulan dahil sa kasong Robbery with Homicide.

Magugunitang napatay ng pinagsanib na pwersa ng BuCor at ng Pulisya ang 2 pang nakapugang preso na sina Pacifico Villaruz at Arwin Bio sa kasagsagan ng ikinasang manhunt operations.

Kapwa nanawagan ang BuCor at PNP sa publiko na agad ipagbigay-alam sa kanila ang kinaroroonan ng 2 tinutugis na pugante na itinuturing nilang armado at mapanganib

January 18, 2022 0 comment

NATIONAL NEWS

Fishing companies, humirit ng contempt order vs. DA-BFAR at NTC

written by DWIZ 882

Inihirit sa korte ng mga commercial deep-sea fishing companies na i-cite for contempt ang Department of Agriculture-Bureau of Fisheries and Aquatic Resources (DA-BFAR) at National Telecommunications Commission (NTC) dulot ng umano’y pagsuway sa kautusan ng hukuman na nagpapawalang-bisa at nagpapatigil sa implementasyon ng Fisheries Administrative Order (FAO 266) na labag sa Saligang Batas, sang-ayon sa inilabas na desisyon ng Regional Trial Court (RTC) ng Malabon City.

Sa kanilang petisyon, iginiit ng mga fishing companies sa RTC na nagbanta ang national director ng BFAR na mag-iisyu ito ng notice of violation at inirekomendang huwag silang bigyan ng mga lisensya at iba pang dokumento na kailangan sa kanilang operasyon.

Sinabi nila sa RTC na ang ginawang pagbabanta ng BFAR ay magdudulot sa kanila ng “grave and irreparable injury” at iba pang mga paglabag sa kanilang “constitutional rights to due process”.

Ang FAO 266 ay nag-aatas sa mga kompanya na magpakabit ng VMS-100 transreceivers sa kanilang mga barko kung saan sila ay nata-track sa kanilang mga operasyon sa ‘domestic waters’, ‘high seas’ pati na rin sa ‘distant waters’.

Ayon sa BFAR, layon ng nasabing administrative order na mapaigting ang kampanya laban sa illegal at unregulated fishing.

Dumepensa naman ang mga fishing companies sa pagsasabing ang implementasyon ng nasabing vessel monitoring measures at electronic reporting system ay magdudulot ng mga paglabag sa kanilang “constitutional rights to privacy” at “unlawful searches.”

Dagdag pa ng mga ito, ang VMS ay katulad ng global positioning system o GPS device kung kaya’t maibubunyag nito ang mga sensitibong impormasyon tungkol sa mga fishing grounds ng mga kompanya na kanilang inaral at pinagkadalubhaasan sa loob ng maraming taon. Dahil dito, namemeligrong mabunyag at kumalat ang kanilang mga trade secrets kagaya sa fishing grounds at napakalaki ng kanilang ikalulugi at masisira rin ang kanilang mga operasyon.

Lumapit naman sa Office of the Solicitor General ang BFAR at NTC upang mapawalang-bisa sa Korte Suprema ang order ng RTC.

Sa kasalukuyan ay wala pang desisyong ibinababa ang Supreme Court kung kaya’t epektibo pa rin ang permanent injunction order ng RTC ukol sa FAO 266 kung saan ipinawalang-bisa nito ang kautusan at idineklarang null and void dahil ito ay labag sa Saligang Batas.

“Despite the permanent injunction and the lack of a suspending, modifying, or staying order coming from the trial court or the Supreme Court, respondent Eduardo B. Gongona sent petitioners substantially similar letters dated June 21, 2021 threatening sanctions in the event that the petitioners fail to comply with the respondent’s directive therein,” wika ng mga fishing firms sa kanilang petisyon.

Kasabay nito, muli nilang inihirit sa korte na mag-isyu ng writ of preliminary injunctions laban sa BFAR, NTC at sa kanilang mga tauhan at atasan silang sumunod sa June 1, 2021 ruling ng RTC dahil hindi pa naman ito isinasantabi ng Kataas-taasang Hukuman.

January 18, 2022 0 comment

HEADLINES RONDA PROBINSYA

Misis ng tricycle driver na PWD, patay nang salpukin ng van

written by DWIZ 882

Patay ang isang babae matapos salpukin ng van ang sinasakyan niyang tricycle sa San Jose City, Nueva Ecija.

Kinilala ang biktima na si Anita Ecleo, 53- anyos.

Ayon sa San Jose City Police, tumawid ang tricycle na minamaneho ni Joseph, asawa ng biktima na napag-alamang bulag ang isang mata at walang lisensiya nang bigla silang salpukin ng van dahilan upang tumilapon ang tricycle.

Pansamantala namang nakalaya ang driver ng van matapos magbigay ng insiyal na tulong pinansiyal at nangakong tutulong sa gastos sa pagpapalibing sa biktima. —sa panulat ni Mara Valle

January 18, 2022 0 comment

HEADLINES NATIONAL NEWS

Babaeng angkas ng motorsiklo, patay nang mabanga ng truck

written by DWIZ 882

Patay ang babaeng angkas habang sugatan ang kasama nitong rider matapos mabangga ang kanilang motorsiklo ng isang truck sa Malate, Maynila.

Kinilala ang nasawing biktima na si Jennifer bulong, 45- anyos at rider na si Nonie Luig.

Ayon sa Malate Police, binabaybay ng motorsiklo ang Southbound lane ng Taft Avenue nang bumangga sa likurang bahagi ng trailer truck pagdating ng Pedro Gil at sa lakas ng salpukan, tumilapon ang mga biktima.

Bagaman sa harap lang ng Philippine General Hospital naganap ang aksidente, hindi na umabot nang buhay ang si bulong sa pagamutan dahil sa tindi ng pinsala sa kanyang katawan.

Nasa kustodiya na ng Manila Police District Traffic Enforcement Unit ang truck driver. —sa panulat ni Mara Valle

January 18, 2022 0 comment

HEADLINES RONDA PROBINSYA

Nakipagtalo sa ka-trabaho, pinagsasaksak sa Cavite, patay

written by DWIZ 882

Patay ang isang construction worker sa Silang, Cavite matapos pagsasaksakin ng ka-trabaho nito.

Kinilala ang biktima na si Rigan Naa, habang ang supek ay tinukoy na si Eaijan Flores Sumile.

Ayon kay Corporal Ralph Jayson Santos ng Silang Municipal Police, nagkayayaan ang biktima at suspek kasama ang kanilang iba pang ka-trabaho na mag-inuman sa harapan ng kanilang bahay.

Makaraan ang mahigit isang oras ay nauwi na ang kanilang inuman sa pagtatalo.

Dito na inilabas ni Sumile ang isang kutsilyo at pinagsasaksak sa tiyan si naa na nagresulta sa agad nitong kamatayan.

Nahaharap naman sa kasong Homicide ang suspek na sumuko sa mga otoridad matapos ang krimen. —sa panulat ni Mara Valle

January 18, 2022 0 comment

HEADLINES NATIONAL NEWS

Epektibong serbisyo ng Taguig LGU, pinatitiyak may pandemiya man o wala

written by DWIZ 882

Pinasisiguro ni Taguig City Mayor Lino Cayetano ang episyenteng pagseserbisyo ng mga kawani ng pamahalaang lungsod sa kabila ng umiiral na COVID-19 pandemic.

Kaugnay nito, inatasan ng Alkalde ang Office of the City Administrator na magsagawa ng audit at siliping muli ang progreso ng Taguig 2025 plan.

Ito ay upang matiyak ang full transition ng lungsod para sa highly sustainable city at maging matatag sa anumang uri ng hamon tulad ng mga sakuna at pandemiya na posibleng kaharapin.

Sa ipinatawag na ManCom meeting kahapon, binigyang diin ni Cayetano na kailangan ng mabilis at buong pagpapasya sa mga gagawing hakbangin upang matiyak na epektibong mapaglilingkuran ang kanilang nasasakupan.

Maisasakatuparan aniya ito sa pamamagitan ng pagiging mabuting halimbawa at mahigpit na pagsunod sa mga panuntunan mula sa pinakamataas na opisyal ng lungsod hanggang sa pinakamababa.

January 18, 2022 0 comment

HEADLINES NATIONAL NEWS

Babae, patay sa pamamaril sa Rodriguez, Rizal

written by DWIZ 882

Hindi na umabot pa ng buhay sa pagamutan ang isang babae makaraan siyang pagbabarilin ng hindi nakilalang saarin sa MH Del Pilar St, Brgy. Geronimo, Rodriguez, Rizal.

Ayon kay Police Regional Office 4-A Spokesperson, P/Maj. Anne Torres, nangyari ang pamamaril dakong alas 7:40 ng umaga kanina.

Minamaneho ng biktima ang kaniyang pick up patungong Brgy. Balite nang tambangan ng salarin.

Batay sa salaysay ng mga nakasaksi, hindi bababa sa 9 na putok ng baril ang umalingawngaw sa lugar ng krimen.

Patuloy naman ang isinasagawang imbestigasyon ng mga operatiba ng Scene of the Crime Operatives o SOCO sa lugar na pinangyarihan ng krimen. —ulat mula kay Jaymark Dagala (Patrol 9)

January 18, 2022 0 comment

HEADLINES NATIONAL NEWS

‘No vaxx, no ride’ policy, pinatitigil ng isang senador

written by DWIZ 882

Dapat itigil ang pinatutupad na ‘no vaxx no ride’ policy ng pamahalaan sa halip magtayo na lang daw ng bakuna station sa mga Transportation hub at iba pang lugar.

Ayon kay Senator Kiko Pangilinan, parusa itong ‘no-vaxx, no-ride’ policy sa mga mahihirap na walang sariling sasakyan at gusto lang maghanapbuhay.

Dagdag parusa rin anya ito sa mga naka-first dose lang kung hindi rin sila papayagang makagamit ng mass transport.

Karamihan anya sa mga hirap na makasakay na pasahero para makapagtrabaho ay kakarampot lang ang sahod.

Giit ni Pangilinan, sigurado siya na kung pwede lang silang mag work-from-home ay gagawin nila.

Ayon pa kay Pangilinan, kung seryoso ang gobyerno na mawala ang COVID, dapat may bakunahan araw-araw sa mga bus terminal tulad sa PITX.

Sa ibang bansa, pwede na anya ang walk-in vaccination kahit sa mga botika samantalang dito sa atin depende pa sa schedule ng LGU.

Hindi anya makatwirang nai-ugnay sa mga ‘di bakunado ang pagtaas ng COVID cases.

Kahit anya ikulong pang lahat ang mga ‘di pa napabakunahan, kakalat pa rin ang COVID dahil merong mga bakunado na asymptomatic. —ulat mula kay Cely Ortega Bueno (Patrol 19)

January 18, 2022 0 comment

Newer Posts

Older Posts