Patay sa karahasan ang 31 habang sugatan naman ang 20 pang indibidwal sa southern sudan.
Ayon sa mga otoridad, pinaghihinalaang mga miyembro ng ethnic group ang mga nasawi makaraang sunugin ng mga miyembro ng Merle Armed Youth ang mga bahay sa nasabing lugar dahilan ng pagkasawi ng mga biktima.
Nagsasagawa na ng imbestigasyon ang mga otoridad upang alamin ang pakay o motibo ng mga armadong lalaki.— sa panulat ni Angelica Doctolero
Patay ang isa habang sugatan naman ang tatlo pang indibidwal sa pamamaril ng isang lalaki sa isang eskwelahan sa Germany.
Ayon sa mga otoridad, isang 18 anyos na lalaki na sinasabing may problema sa pag-iisip ang dumating sa gitna ng klase ng mga mag-aaral saka namaril.
Base sa imbestigasyon ng mga otoridad, nagtext pa umano ang suspek sa kaniyang ama na kaniyang “parurusahan ang mga tao.”
Narekober sa lugar ang isang daang basyo ng bala habang patuloy pang iniimbestigahan ng mga otoridad ang motibo sa pag-atake.
Muling mararamdaman ang Northeast Moon Soon o hanging amihan at asahan na magdudulot pa ito ng malamig na panahon na may kasamang pulo-pulong mahihinang pag-ulan sa malaking bahagi ng Luzon kasama na diyan ang Metro Manila.
Ayon kay Weather Specialist Grace Castañeda, patuloy na binabantayan ng PAGASA ang namataang Low Pressure Area (LPA) kaninang alas tres ng madaling araw sa bisinidad ng Talacogon, Agusan Del Sur.
Sa huling tala ng PAGASA, nananatiling mababa ang tiyansa nito na maging bagyo pero asahan na patuloy itong magdudulot ng mga pag-ulan sa malaking bahagi ng Visayas at Mindanao maging sa bahagi ng Bicol Region.
Patuloy din nitong tatahakin ang bahagi ng visayas at mindanao patungong Sulu at posibleng magdulot ng pag-ulan sa mga susunod pa na araw sa bahagi naman ng Palawan.
Dahil dito, nagpaalala sa publiko ang pagasa na mag-ingat sa posibleng pagbaha at pagguho ng lupa.
Sa ngayon, patuloy paring minomonitor ng ahensya ang lagay ng panahon at LPA.— sa panulat ni Angelica Doctolero
Inihihirit ng grupo ng mga panadero sa Department of Trade and Industry (DTI) ang dagdag-presyo ng mga tinapay sa gitna ng pagmahal ng presyo ng harina.
Ayon sa grupong Philippine Federation of Bakers Association Inc. (PFBA), ilang taon nang natengga ang presyo ng pinoy pandesal at pinoy tasty kung saan, noong taong 2016 pa nanatili sa 35 pesos ang isang loaf ng pinoy tasty habang 21.50 pesos naman ang kada sampung piraso ng pinoy pandesal.
Sa pahayag naman ng Philippine Baking Industry Group (Philbaking), tumaas ang presyo ng mga sangkap sa paggawa ng tinapay kung saan, nasa P1,030 kada sako mula sa P800 noong nakaraang Disyembre ang presyo ng harina; nasa P1,100 ang kada sako ng class a flour habang tumaas din ng P50 ang kada sako ng asukal.
Sinabi ng Philbaking na sana ay payagan silang magtaas ng presyo sa pinoy tasty ng P4.50 at pinoy pandesal ng P3.50 dahil malaki na ang kanilang sinakripisyo sa kabila ng patuloy na tumataas na presyo sa mga raw materials ng tinapay.
Nagpalabas ng Temporary Restraining Order (TRO) ang Korte Suprema laban sa pagbasura ng COMELEC sa isang party list group.
Ito ay matapos magpasya ang high tribunal na sufficient in form at substance ang isinampang petisyon ng Juan – Pinagkaisang Ordinaryong Mamamayan para Yumabong o Juan Pinoy.
Binigyan ng Korte Suprema ang COMELEC ng 10 araw para sumagot sa petisyon ng naturang party list group.— sa panulat ni Angelica Doctolero
Umapela ang Philippine College of Physicians (PCP) kay Pangulong Rodrigo Duterte na i-veto ang panukalang pag regulate sa vape.
Ayon kay PCP President Dr. Maricar Limpin hindi siya sang-ayon sa pangako ni pangulong Duterte na labanan ang paglaganap ng cigarette addiction ng mga Pilipino.
Isinusulong ni Limpin na maipasa ang vape bill dahil ito ang sisira sa ipinangako ng pangulo sa mga Pilipino na labanan ang adiksyon kung saan, posibleng lumala ang pagkalulong ng mga Pilipino sa sigarilyo, alak at ipinagbabawal na gamot.
Kasabay nito, iginiit ni dating FDA Director General Eric Domingo na ang vape products na naglalaman ng nicotine ay dapat i-regulate ng FDA.— sa panulat ni Angelica Doctolero
Nahaharap ngayon sa kaso ang dalawang Pilipinong galing sa ibang bansa dahil sa paglabag sa quarantine protocols na ipinatutupad sa gitna ng pandemiya.
Sinabi ni Bureau of Quarantine (BOC) Deputy Director Dr. Robert Salvador na isa sa mga naturang OFW ay gumamit ng pekeng quarantine certificate.
Ayon kay salvador, naisampa na ng BOQ ang mga reklamo laban sa dalawang returning OFW’s na lumabag sa quarantine protocols kabilang ang tinaguriang Poblacion Girl na si Gwyneth Chua.
Binigyang diin din ni Salvador na nakipag partner na sila sa National Bureau of Investigation (NBI) para sa pinaigting na pagbabantay upang matiyak na makakasuhan ang lahat ng mga lalabag sa quarantine protocol.— sa panulat ni Angelica Doctolero
Ikinadismaya ng mga motorista ang hindi madaang bahagi ng northbound lane sa Roxas Boulevard para sa konstruksyon ng LRT 1 Cavite extension.
Matatandaang isinara ang daan sa Baclaran, Paranaque City kasunod nang pagtatayo ng pi-girder o istruktura para sa 64.9 billion extension ng LRT line 1 patungong Cavite na umabot na sa Roxas Boulevard.
Ayon sa mga motorista, inaasahan nilang malilibre na sila mabigat na traffic sa nasabing mga daan nuong linggo ng gabi pero hindi parin ito binubuksan.
Ilang commuter rin ang nagmaktol dahil nahirapang sumakay dulot ng mga saradong kalsada.
Nagpaliwanag namanang mga otoridad na bago pa man isara ang naturang mga alsada ay mayroon nasilang inanunsiyong alternatibong ruta para sa mga sasakyan at taong naglalakad pa Maynila at Pasay City.— sa panulat ni Angelica Doctolero
Inihayag ni Health Secretary Francisco Duque III na isa sa mga dahilan ng mabagal na vaccination rollout ay dahil sa anim na rehiyon na sinalanta ng bagyong Odette na hindi nakasabay sa national vaccination drive noong December 15 hanggang 17.
Ayon kay Duque, patuloy ang layuninng pamahalaanupang mapalawak ang vaccination program hindi lang sa metro manila kundi maging sa karatig lalawigan.
Sinabi pa ni duque na sa kabila ng mastransmissible ang panibagong omicron sub-variant o BA.2 na sinasabing singtulad ng omicron o BA.1 ay epektibo parinsa katawan ng tao ang mga bakuna kaya dapat na maglaan ang publiko para dito.
Dagdag pa ni duque na nihinihintay pa ng ahensya ang karagdagang impormasyon mula sa World Health Organization (WHO) maging sa Philippine Genome Center upang matukoy ang katangian nito.
Samantala, ipinagtanggol naman ni Duque si Pangulong Rodrigo Duterte kaugnay sa kumakalat napeke at maling impormasyon tungkol sa booster shot.
Ayon kay Duque, ang kumakalat na video clip ng pangulo kaugnay sa hindi nito panghihikayat sa publiko na kumuha ng kanilang COVID-19 booster shots noong nakalipas na taon ay naitala noong panahon na prayoridad ang pagpaparami ng bilang ng mga Pilipinong mabakunahan.— sa panulat ni Angelica Doctolero
Epektibo na ngayong araw ang ika-apat na sunod na linggong bigtime oil price hike ngayong buwan ng Enero.
Ayon sa Caltex, Cleanfuel, Petro Gazz, Petron, Seaoil, at Shell, dagdag P1.45 hanggang P1.55 ang singil sa kada litro ng gasolina; habang P1.80 hanggang P1.90 sa kada litro ng diesel.
Samantala, nasa P1.60 hanggang P1.70 naman ang itataas sa presyo ng kada litro ng kerosene.
Ito ay bunsod ng kakulangan sa suplay ng langis sa gitna ng gulo sa russia at middle east kung saan, ilang mga analyst na rin ang nagsasabing maaaring pumalo sa isandaang dolyar ang presyo sa kada barrel ng krudo sa mga susunod pa na buwan kaya posibleng magpatuloy ang oil price hike. — sa panulat ni Angelica Doctolero