Author

Drew Nacino

DWIZ 882

Oil price rollback, kwestyunable kung magpapatuloy—DOE

Aminado ang Department of Energy na wala pang katiyakan kung magpapatuloy o hindi ang malakihang tapyas-presyo sa mga produktong petrolyo sa mga susunod pang araw.

Ayon kay energy undersecretary Gerardo Erquiza, pabagu-bago ang sitwasyon sa oil market kaya’t hindi pa nila masasabi kung magpapatuloy o hindi ang price rollback.

Bukod anya sa giyera sa pagitan ng Russia at Ukraine, marami pang dahilan ng pabago-bagong presyo, tulad ng kasalukuyang COVID-19 surge sa China maging ang magnitude 7.4 na lindol sa Japan.

Gayunman, nilinaw ni Erquiza na dahil sa oil deregulation sa bansa, hindi ma-huhulaan ng DOE ang paggalaw ng presyo ng krudo.

Binigyang-diin ng opisyal na tangi nilang magagawa ay i-monitor ang implementasyon ng oil price adjustment at humiling ng isang amendment sa batas na unbundling ng presyo.

March 22, 2022 0 comment

NATIONAL NEWS

Ayuda ng mga tsuper na para sana sa gasolina winidraw na lamang ng mga ito sa bangko

written by Drew Nacino

I-winidraw na lamang umano sa bangko ng ilang jeepney operator ang pera na para sana sa kanilang fuel subsidy.

Ito ang ibinunyag ni Pasang Masda president Roberto “Obet” Martin sa kanyang pagharap sa House Committee on Transportation hearing.

Ayon kay Martin, ang fuel subsidies na nilalaman ng landbank ATM cards ay hindi dapat i-wini-withdraw o gamitin ang cash sa halip ay dapat direkta itong ipalit sa mga gas stations.

Nag-issue na anya ang Land Transportation Franchising and Regulatory Board ng show-cause orders sa mga concerned jeepney operator upang magpaliwanag kung bakit iwinidraw ang pera.

Umaasa naman si Samar 1st district Rep. Edgar Sarmiento, chairman ng kumite na sisipot ang mga tinutukoy na PUV operator sa susunod na pagdinig upang makapaglatag ng mas maayos na solusyon.

March 22, 2022 0 comment

HOT STORIES OF THE WEEK NATIONAL NEWS

Depektibong balota sisirain ng Comelec sa harap ng mga kandidato

written by Drew Nacino

Tinatayang 106,000 balota na gagamitin sana sa May 9 elections ang ikinunsiderang depektibo.

Ayon kay Commission on Elections commissioner George Garcia, susunugin ang mga nasabing balota sa harap mismo ng mga kandidato, political parties at kanilang mga kinatawan.

Sa kanyang pagharap sa House Committee on Suffrage and Electoral Reforms, inihayag ni Garcia na ang mga nasabing balota ay may mga batik, hindi tama ang pagkakaputol at kulay o may “unmatched timestamps.”

Inihayag din ni Garcia na nasa 82.4% o 55,579,298 ballots mula sa kabuuang 67,432,616 na ang naimprenta.

Gayunman, hindi anya nakatitiyak na walang magiging depekto ang 18% pa ng mga balotang hindi pa nai-imprenta.

Target naman ng Comelec na matapos ang pag-i-imprenta ng lahat ng mga balota sa ikalawang linggo ng Abril.

March 22, 2022 0 comment

HEADLINES HOT STORIES OF THE WEEK NATIONAL NEWS

Halalan 2022 isandaang porsyentong ligtas sa hacking—Smartmatic

written by Drew Nacino

Mananatiling siyento porsiyentong ligtas ang May 9 National at Local Election sa kabila ng umano’y security breach sa system ng service provider nitong smartmatic.

Ito ang tiniyak ni Smartmatic spokesman, Atty. Christopher Ocampo sa pagdinig ng House Committee on Suffrage and Electoral Reforms kahapon.

Ayon kay Ocampo, maayos namang pinangangasiwaan at kontrolado ng Commission on Elections ang source code at software ng automated election system.

Nilinaw ng opisyal na magkahiwalay at magkaiba ang server at imprastraktura ng Comelec at Smartmatic.

Hindi naman anya magka-konekta ang server at infrastructure ng poll body sa kanilang server at infrastructure at hindi rin ibinabahagi ng Comelec ang electoral data sa Smartmatic.

Binigyang-diin ni Ocampo na siniguro rin ng Comelec sa publiko na “secured” at walang hacking o penetration sa kanilang system.

March 22, 2022 0 comment

HEADLINES INTERNATIONAL NEWS

World War 3, muling ibinabala ni Ukrainian President Zelensky

written by Drew Nacino

Ibinabala ni Ukrainian President Volodymyr Zelenskyy ang pagsiklab ng World War 3 sa oras na mabigo ang negosasyon sa pagitan nila ni Russian President Vladimir Putin.

Ayon kay Zelenskyy, sa katunayan ay dalawang taon na niyang pinaghandaan ang negosasyon kay Putin upang matuldukan na ang digmaan.

Kung hindi anya sila magkakasundo ay tiyak na marami pang buhay, partikular ng mga sibilyan, ang malalagas.

Samantala, tumanggi ang Ukraine na isuko sa Russian Forces ang lungsod ng Mariupol, indikasyon nang muling pagsiklab ng panibagong serye ng bakbakan.

March 22, 2022 0 comment

HEADLINES NATIONAL NEWS

Service interruption ng Maynilad, magtatagal hanggang April 1

written by Drew Nacino

Asahan pa ang manipis na supply ng tubig ng mga customer ng Maynilad.

Ito’y dahil magtatagal pa hanggang Abril a –1 ang nararanasang off-peak water service interruptions sa ilang bahagi ng Luzon.

Kabilang sa mga apektadong lugar ang Obando, Bulacan; mga lungsod ng Parañaque, Makati, Valenzuela, Pasay, Navotas, Maynila, Caloocan, Malabon at Quezon.

Nagsisimula ang service interruptions tuwing alas-10 ng gabi hanggang alas-4 ng madaling araw.

Layunin ng interruption na ma-isaayos ang supply ng tubig mula sa mga dam sa gitna ng mataas na demand ngayong tag-init.

Sa datos ng PAGASA, nananatili sa ilalim ng normal hanggang high ang lebel ng tubig sa mga dam sa bansa.

March 22, 2022 0 comment

HEADLINES METRO PATROL NATIONAL NEWS

Pabrika ng bulak sa Q.C., natusta

written by Drew Nacino

Nilamon ng apoy ang isang pabrika ng bulak sa Barangay San Bartolome, Quezon City, kagabi.

Dakong ala- 7:30 nang sumiklab ang sunog sa P. Dela Cruz St.

Ayon sa Bureau of Fire Protection, umabot sa unang alarma ng ang sunog hanggang tuluyang naapula ng makalipas ang isang oras.

Nagsimula sa ground floor ng gusali ang apoy hanggang madamay na ang ilang katabing kuwarto kabilang ang waste disposal area.

Ang naturang pabrika ang gumagawa ng sikat na brand ng bulak na “happy”.

Wala namang nasaktan sa insidente dahil agad ding pinalabas ang mga empleyado habang inaalam na ang sanhi ng pagkalat ng apoy at halaga ng mga natupok o napinsalang ari-arian.

March 22, 2022 0 comment

HEADLINES SPORTS

Weightlifting delegation sa Sea Games pangungunahan ni Hidilyn Diaz

written by Drew Nacino

Pangungunahan ni Tokyo Olympic Gold Medalist Hidilyn Diaz ang 13-member weightlifting team na sasabak sa Southeast Asian Games sa Vietnam.

Kasama ni Hidilyn sa grupo sina Fernando Agad, Rowel Garcia, Nestor Colonia, Lemon Denmark Tarro, John Kevin Padullo;

John Dexter Tabique, Mary Flor Diaz, Rosegie Ramos, Margaret Colonia, Elreen Ann Ando, Vanessa Sarno at Kristel Macrohon.

Pasok din sa grupo sina coaches Gregorio Colonia, Gary Hortelano, Nicolas Jaluag at Patric Lee.

Inilabas ng Samahang Weightlifting ng Pilipinas ang pinal na listahan matapos ang serye ng qualifying tournaments sa Zamboanga City, Cebu City at sa Muntinlupa City.

Lalarga ang weightlifting competition simula Mayo a–19 hanggang a–22.

March 17, 2022 0 comment

HEADLINES INTERNATIONAL NEWS

Mga sekyu sa airports sa Germany nag-strike, mga biyahe kanselado

written by Drew Nacino

Halos maparalisa ang operasyon ng mga paliparan sa Germany makaraang mag-welga ang nasa 1,000 security guard.

Nasa 160 flights ang kinansela o sinuspinde kabilang ang nasa Frankfurt International Airport na pinaka-malaking paliparan sa bansa.

Kabilang sa iginigiit ng mga sekyu mula sa Verdi Union sa Federal Association of Aviation Security Companies ang dagdag sahod.

Ito’y bunsod ng tumataas na cost of living allowance sa Germany dulot ng giyera sa pagitan ng Russia at Ukraine.

March 17, 2022 0 comment

HEADLINES HOT STORIES OF THE WEEK NATIONAL NEWS

Presyo ng krudo sa global market, patuloy sa pagbaba

written by Drew Nacino

Bahagyang bumaba sa 99 dollars at 91 cents ang presyo ng produktong petrolyo, partikular ang Brent Crude, na global benchmark sa kabila ng sagupaan sa pagitan ng Russia at Ukraine.

Ito na sa ngayon ang pinaka-mababang presyo ng kada bariles ng krudo simula noong Pebrero.

Unti-unting bumaba ang presyo ng langis makaraang magpatupad ng malawakang lockdown dahil sa panibagong COVID-19 outbreak sa China, na nangungunang oil importer.

Bumaba naman sa 99 dollars at 44 cents ang kada bariles ng West Texas Intermediate Crude, na US benchmark habang nasa 113 dollars at 35 cents ang dubai crude, na inaangkat ng Pilipinas.

March 17, 2022 0 comment

Newer Posts

Older Posts