Angelica Doctolero

Madalas ay nagpapamasahe ang mga tao para makaramdam ng ginhawa o di naman kaya ay para mag-relax. Pero ang lalaking ito sa Batangas, sa halip na ma-relax, napraning pa at nagtago dahil napatay nito ang kaniyang masahista na hiningan niya ng extra service.

Kung ano ang kianhinatnan ng lalaki, eto.

Nagtungo sa isang farm sa Norzagaray, Bulacan ang isang babaeng masahista matapos nitong makatanggap ng tawag mula sa isang lalaking trabahador sa nasabing farm para magpamasahe.

Ang isa sanang nakaka-relax na massage session, nauwi sa pagtatalo sa pagitan ng masahista at kliyente.

Inamin mismo ng lalaki na hindi niya ibinigay nang buo ang 2,500 pesos na sinisingil ng masahista dahil nagre-request umano siya ng extra service na hindi naman din niya nakuha. Dahil dito, sinampal at sinabunutan ng masahista ang lalaki.

Ang pagtatalo ng dalawa, nauwi sa biglaang pagtulak ng lalaki sa babae bago niya ito hinampas ng bato sa ulo, sinaksak ng kutsilyo, at pinukpok pa ng bareta sa noo na ikinasawi ng biktima.

Natagpuan na lang ng mga katrabaho ng suspek ang bangkay ng masahista na nakabaon sa lupa malapit sa kubo kasama ang pala na ginamit para hukayin ang lupang pinaglibingan nito.

Sinubukan pang magtago ng lalaki ngunit naaresto rin ito ng mga otoridad sa Lemery, Batangas bitbit ang cellphone ng biktima.

Samantala, hawak na ng mga otoridad ang lalaki at mahaharap sa kasong pagpatay.

Sa mga mahilig mag-book ng massage services diyan, makuntento na lang kasi sa masahe at huwag nang humingi pa ng kung anu-ano. Kung hindi, baka sa halip na ma-relax ay mai-stress ka pa sa kakaharapin mong kaso.

Paniguradong ang iba sa atin ay nasungitan na rin ng mga staff sa mga establisyimentong napuntahan natin na madalas ay dala ng pagod nila sa trabaho. Pero alam niyo ba na ipinagbabawal na ito ngayon sa laguna? Partikular na sa mga hospital workers, lalo na pagdating sa mga pasyente.

Ang detalye ng bagong patakaran na ito, eto.

Pagkaupo pa lang sa pwesto ng bagong gobernador ng Laguna na si Sol Aragones, agad na nitong tinupad ang kaniyang pangako noong panahon ng pangangampanya na ipagbawal sa mga hospital workers ang pagsusungit.

Ang bagong gobernador kasi, naglabas ng executive order kung saan pormal nang ipinagbabawal sa mga hospital workers sa Laguna, lalo na sa mga nasa public hospitals, ang pagsusungit sa mga pasyente.

Ayon sa gobernadora, nais niyang siguraduhin na natutugunan ang pangangailangang pangkalusugan ng mga residente sa Laguna habang tinitiyak na may puso ang serbisyong matatanggap ng mga ito.

Pero batid din niya na maaaring dala ng pagod at kakulangan ng tauhan sa kanilang trabaho ang dahilan kung bakit nagiging iritable ang mga hospital workers.

Samantala, inilagay naman sa siyam na district hospitals sa laguna ang mga posters na nagpapaalala sa publiko at sa mga trabahador na “bawal ang empleyadong mataray.”

Para sa mga laging nasasabihan na masungit diyan, pwede niyo bang i-share ang dahilan kung bakit lagi kayong bugnutin sa trabaho?

Kapag ikakasal ang isang babae, asahan mo nang magbe-beauty rest ito para makasigurado na fresh na fresh ito sa kaniyang wedding day. Pero ibahin niyo ang dedicated na TV reporter na ito sa China, walang kaabog-abog kasi itong sumabak sa coverage na suot ang kaniyang wedding gown dahil sa biglaang pagyanig ng lindol.

Kung natuloy ba ang kasal ng bride, eto.

Kung dedication lang din naman sa trabaho ang pag-uusapan, malakas ang laban ng Chinese TV reporter na si Chen Ying diyan. Bagama’t hindi malinaw kung nagsisimula na ba ang kaniyang kasal o naghahanda pa lang ang bride, wala itong pag-aalinlangan na tumugon sa tawag ng tungkulin.

Agad na dinampot ni Chen ang mikropono at readyng-ready na umere habang suot ang kaniyang wedding gown.

Sa video ng kaniyang news coverage noong taong 2013, makikita si Chen na nag-iinterview ng mga residente sa Yaan City, Sichuan Province na niyanig ng 7.0 magnitude na lindol kung saan mahigit isandaang katao ang binawian ng buhay.

Sa ibang anggulo ng video ay makikita na kasama pa ni Chen ang kaniyang bridesmaids nang lumabas ito para magtrabaho.

Dahil sa nag-viral na video ni Chen habang in action ito suot ang kaniyang gown, nakatanggap ito ng papuri mula sa mga netizen dahil sa kaniyang professionalism at tinawag pa ito na ‘most beautiful bride in the world.’

Samantala, ayon sa reports ay natuloy pa rin naman ang kasal ni Chen at bumalik din sa trabaho matapos nito.

Sa mga dedicated sa trabaho diyan, willing din ba kayo na maantala ang kasal niyo sa ngalan ng trabaho?

Buhay na buhay ang pagbabayanihan sa mga estudyante mula sa Brazil na pinatunayang ang bawat barya ay may halaga lalo na kapag pinagsama-sama. Ang mga estudyante kasi na ito, nag-ambagan, hindi para bilhan ng regalo ang kanilang teacher para sa teacher’s day kundi para ibigay mismo ang nalikom nilang pera sa kanilang guro matapos mapag-alamang hindi pala ito sumusweldo.

Kung magkano ang nalikom ng mga bata, eto.

Ang isang schoolday na inakala ng professor na si Bruno Paiva mula sa Brazil na isang tipikal na araw lamang, punung-puno pala ng surpresa na ihahatid sa kaniya ng mga estudyante.

Pagkapasok kasi ni Bruno sa classroom, agad niyang naramdaman na mayroong kakaiba sa ikinikilos ng kaniyang mga estudyante.

Sa halip na magsimula ang kanilang klase, niyaya muna ng mga students si Bruno na maglaro sa loob ng classroom.

Bagama’t dalawang buwan pa lang noon na nagtatrabaho si Bruno sa kanilang eskwelahan, agad na naging close ang music teacher sa kaniyang mga estudyante.

Sa sobrang closeness ng mga ito, nag-ambagan pa ang mga estudyante para sa kanilang teacher nang madiskubre ng mga ito na nang magsimulang magtrabaho si Bruno sa kanilang paaralan ay hindi pa ito sumasahod. Napag-alaman din nila na natutulog lang ito sa isa sa mga classrooms dahil hindi nito afford na mag-renta ng matutuluyan.

Dahil sa kakapusan, nangamba si Bruno tungkol sa pag-iwan sa minamahal niyang trabaho, lalo na at wala umano siyang ibang pinangarap kundi ang maging isang teacher. Kinakailangan umano kasing magtrabaho ni Bruno sa eskwelahan sa loob ng tatlong buwan bago makatanggap ng kaniyang unang paycheck.

Ang mga mabubuting estudyante, nakalikom ng 400 Brazilian reals na nagpaluha kay Bruno dahil pakiramdam daw niya ay pinoprotektahan siya ng kaniyang mga estudyante.

Samantala, ayon sa social media post ni Bruno noong 2023, sinabi niya na 2018 pa nang baguhin ng mga estudyante ang kaniyang buhay at malayung-malayo na ang sitwasyon niya mula rito.

Sa mga estudyante riyan, willing din ba kayong gumawa ng maliit na sakripisyo para sa ikalawa niyong mga magulang?

Sino ba naman ang hindi gugustuhin na magkaroon ng peaceful at hindi crowded na learning environment? Ganyan ang experience ng dalawang bata na ito sa kanilang eskwelahan sa scotland. Paano nga ba naman ito hindi magiging peaceful kung dadalawa lang silang estudyante rito.

Kung paano ito nangyari? Eto.

Taong 1877 nang itayo ang Duror Primary School sa West Highlands, Scotland na ngayon ay nasa 148 taong gulang na.

Kadalasan ay tinatangkilik ng maraming estudyante ang mga lumang eskwelahan dahil sa legasiya nito at subok na ang serbisyo at turo. Pero kabaliktaran nito ang sitwasyon ng Duror Primary School.

Maliit lang kasi ang paaralan na ito at dalawa lang ang mga naka-enroll na estudyante.

Gayunpaman, mayroon pa rin naman daw itong advantages, dahil ayon sa isa sa mga guro na si Holly Graves, nakakabuo sila ng magandang relasyon sa mga bata dahil labis nilang nakikilala ang mga ito.

Para naman sa dalawa nilang mga estudyante na sina Shannon at Molly, maluwag ang policy sa kanilang eskwelahan dahil hindi katulad ng typical school setup, pinapayagan daw sila na magpunta sa beach para doon gawin ang kanilang school work at pagkatapos nito ay pinapayagan silang magtampisaw sa tubig.

Pero ang eskwelahan, muntik nang ipasara ng lokal na pamahalaan dahil pakonti na nang pakonti ang mga estudyante. Ipinaglaban lang ng mga residente na panatilihin ang operation nito.

Sa katunayan, involved ang buong komunidad sa Duror Primary School dahil mayroon ding mga toddler na nagtitipon doon kasama ang kanilang guardians.

Umaasa naman ang lokal na pamahalaan na mapalaki ang populasyon sa eskwelahan, lalo na at nakikita rin ng mga residente na malaki ang magiging ambag nito sa kinabukasan ng kanilang lugar.

Para sa mga estudyante riyan, gugustuhin niyo rin ba ang ganitong setup? Konti man ang mga kasama, healthy naman ang learning environment.

Kapag tinatamad tayo o hindi marunong magluto, o di naman kaya ay nakakaramdam na ng matinding gutom, ang solusyon na unang pumapasok sa isip natin ay ang bumili ng pagkain o magpa-deliver. Katulad na lang ng isang bata mula sa Florida na gutom na gutom na kung kaya nagpa-deliver ito ng pizza……. Pero sa 911 tumawag.

Kung na-satisfy ba ang pizza cravings ng bata, eto.

Malamang ay hindi na bago para sa mga 911 dispatcher ang makarinig ng iba’t ibang kwento mula sa mga tawag na natatanggap nila araw-araw.

Pero isang araw, nagulat na lang ang mga rumespondeng pulis dahil sa ini-request sa kanila ng isang bata.

Tumawag kasi ang isang noo’y limang taong gulang na bata sa emergency hotline na 911 para sabihing nagugutom na ito at gusto sanang umorder ng pizza.

Nang dumating naman ang mga rumespondeng pulis sa bahay ng bata ay inabutan nila ito kasama ang kaniyang 15-anyos na ate.

Ayon sa kapatid ng bata, maayos ang lagay nilang magkapatid at wala siyang ideya na tumawag pala ito sa 911.

Matapos nito ay nagbigay ng paalala ang mga dumating na pulis tungkol sa tamang paggamit ng kanilang hotline na 911 at naglagay pa sa caption ng hashtags na #pizzahotline, #foodemergency, at #pleasedon’tcall911fordelivery sa kanilang post kung saan makikitang kasama nila sa picture ang bata.

Gayunpaman, mali man ang naging paggamit ng bata sa emergency hotline, na-satisfy pa rin ang cravings nito dahil binilhan siya ng mga pulis ng large pizza at sila mismo ang nag-deliver sa kanilang bahay.

Sa mga may makukulit na chikiting diyan, ingat-ingat at baka kung sinu-sino ang matawagan ng mga anak niyo at baka kung anu-anong request o chika ang ikwento nito.

Sa halip na mapanatag ang mga homeowners dahil magkakaroon na sila ng tagapag-alaga at taga-bantay, pangamba pa ang hatid ng isang babae na nagpapanggap bilang isang kasambahay na ang target pala ay ang maganakaw at hindi ang magtrabaho.

Kung ano ang kinahinatnan ng mapagpanggap na babae, eto.

Muntik nang maka-secure ng panibagong trabaho ang babaeng kinilalang si Milagrosa Patoc matapos mag-reply sa isang post kung saan naghahanap ng babysitter para sa isang dalawang taong gulang na batang babae.

Kiktain niya sana sa isang bus station sa Alibagu, Isabela ang nakausap niyang naghahanap ng yaya pero sa halip na bagong trabaho, bilangguan ang papasukan ng babae dahil na-korner na ito ng mga pulis matapos madiskubre ang kaniyang modus.

Ang babae kasi, nagpapanggap at namamasukan bilang isang kasambahay para makapagnakaw. Sa katunayan, noong nakaraang taon na-hulicam ito habang tumatakas bitbit ang 500,000 peso cash at mga alahas ng dati niyang amo sa pinasukang bahay sa mandaluyong.

Makalipas lang ang tatlong araw ay namataan naman ito sa San Rafael, Bulacan kung saan itinatakas nito ang isang maleta na naglalaman umano ng cash na nagkakahalaga ng 400,000 pesos na kaniya ring dinekwat mula sa kaniyang naging amo.

Samantala, nasa kustodiya na ng mga otoridad ang babae at mahaharap sa patung-patong na kaso na qualified theft.

Sa mga gusto ng easy money diyan, madali rin yang mawawala, lugi ka pa dahil may kasama itong karma.

Maraming posibleng maging dahilan para makipaghiwalay ang isang tao sa kaniyang partner, at kabilang diyan ay dahil hindi na nila ito nakikita pa sa kanilang future. Pero ano ang gagawin mo kapag nalaman mong ikinasal ka pala sa iyong ex-partner matapos niyong maghiwalay? Ganyan ang nangyari ng isang lalaki sa Texas matapos nilang mag-split ng kaniyang ex-fiancee. Pero take note, hindi sila ikinasal bago ang break-up.

Kung ano paano ikinasal ang dalawa, eto.

Ganon na lang ang gulat ng 42-anyos na hindi pinangalanang lalaki mula sa Texas nang makatanggap ito ng gift bag na bukod sa mga produkto ay naglalaman din ng isang officiated marriage license na mayroong pangalan niya at ng kaniyang 36-anyos na ex-fiancee na si Kristin Marie Spearman.

Akusado si Spearman sa pagpapadala ng gift bag na mayroon din umanong litrato na nagpapakitang hawak niya ang nasabing dokumento.

Bagama’t inamin ng lalaki na nagtungo sila ni Spearman sa opisina ng County Clerk para sa kanilang marriage license, hindi umano natuloy ang kasal ng dalawa matapos umanong makipaghiwalay ng lalaki.

Pero ayon sa Beverly Hills Police Chief na si Kory Martin, nakumbinsi umano ni Spearman ang isang pastor na sertipikahan ang pag-iisang dibdib nila ng lalaki kahit na wala man lang naganap na seremonsyas.

And to seal the deal, ipinasa na ni Spearman ang marriage license sa County Clerk Office para i-file ang dokumento.

Samantala, ayon kay Police Chief Martin ay ginagawan na ng paraan ng lalaki ang kasal-kasalan na sinimulan ni Spearman, habang naaresto naman na ang babae at nakasuhan ng third-degree felony stalking.

Sa mga kagagaling lang sa break-up diyan, sigurado ba kayo na naging malinaw para sa partner niyo na break na kayo? Hindi niyo lang alam pero baka mayroon pala silang ibang pinapalno.

Katulad ng ibang medical courses, madugo at matagal din ang pag-aaral ng dentistry, lalo na at buhay ng ibang tao ang reponsibilidad mo rito. Pero ang pamilya na ito mula sa Czech Republic, wala na ngang lisensya bilang mga dentista, nagpapatakbo pa ng clinic! Ang mas matindi pa riyan, bumabase lang ang mga ito sa mga online tutorials para magsagawa ng procedures.

Kung ano ang kinahinatnan ng mapanlinlang na pamilyang ito, eto.

Arestado ang isang pamilya mula sa Havlickuv Brod na matatagpuan sa Czech Republic matapos mabisto ng mga pulis na dalawang taon na palang nagsasagawa ng dental procedures ang mga ito sa kanila mismong bahay.

Ayon sa mga otoridad, nagpapanggap bilang dentista ang 22-anyos na anak at nakapagsagawa na ng tooth extraction, root canals, at nagbibigay ng anaesthesia.

Kung titingnan ay tila isa itong tunay na dentistry professional pero gumagamit lang umano ito ng online tutorials bilang basehan at gabay sa pagsasagawa ng procedures.

Kasama ng anak ang kaniyang 50-anyos na nanay na siyang nagsu-supply ng mga kagamitan sa kanilang clinic katulad ng mga anaesthesia, fillings, cleaning powder, glue, at impression materials dahil dati itong nagtrabaho bilang isang nurse.

Habang ang 44-anyos na tatay naman ang nagsagawa noon ng mga dental prosthetics.

Sa dalawang taong pagpapanggap ng pamilya, kumita lang naman sila ng four million czech koruna o mahigit sampung milyong piso.

Pero ang pagpapasarap sa buhay ng pamilyang ito, naputol na kamakailan lang matapos silang maaresto at mapatunayang guilty sa mga kasong money laundering, attempted assault, drug dealing, operating an illegal business, at theft, at mahaharap sa walong taong pagkakakulong.
Sa mga manloloko riyan at gusto lang kumita ng easy money, itatak niyo sa isip niyo na ang karma, bigla-bigla na lang umaatake at triple pa ang balik.

Doble-dobleng trahedya ang ikinaharap ng isang nanay mula sa Malaysia matapos magkasunod na pumanaw ang kaniyang mag-ama sa isang aksidente na nangyari sa loob mismo ng kanilang bahay.

Kung ano ang nangyari sa mag-ama, eto.

Unang araw sa pagbabalik-trabaho ng 40-anyos na si Azura Abdul Malik mula sa malaysia nang matagpuan nito ang kaniyang asawa at three-month-old baby na kapwa wala ng buhay sa kama.

Agad na humingi ng tulong si Azura sa kaniyang hipag naninirahan sa katabi nilang bahay para maisugod ang kaniyang mag-ama sa ospital.

Sa isang pahayag, sinabi ng kaniyang hipag na natagapuan na lang walang na malay ang baby at nag-kulay asul na ang balat sa ilalim ng braso ng tatay nito.

Dagdag pa nito, wala umanong iniindang sakit ang kaniyang kapatid bukod sa inireklamo nitong chest pain isang araw bago ito pumanaw.

Pero batay sa isinagawang imbestigasyon sa bahay ng pamilya, napag-alaman na maaaring heart attack ang ikinamatay ng lalaki at pinaniniwalaan na binawian ito ng buhay dalawa hanggang tatlong oras bago sila natagpuan ng kaniyang misis.

Samantala, naisugod pa ang bata sa ospital ngunit binawian din ito ng buhay habang ginagamot.

Sa mga magulang diyan, ano sa tingin niyo ang maaaring paraan para maiwasan ang ganitong uri ng insidente sa loob mismo ng inyong bahay para masiguro ang safety ng inyong pamilya?