Angelica Doctolero

Kung takot kang magpagamot dahil sa takot sa tumataginting na gastos, magpapasalamat ka kapag nakilala mo ang doktor na ito mula sa baltimore dahil pumapayag lang naman ito na hindi magbayad ang mga pasyente na alam niyang wala talagang kakayahan na magbayad.

At ang mga pasyente na ito, mayroong ginawang espesyal para sa generous na doktor matapos nitong magkasakit.

Kung ano ang ginawa ng mga pasyente, eto.

Maswerte ang mga residente sa isang barangay sa baltimore dahil mayroon silang resident doctor. Ito ang 66-anyos na si Dr. Michael Zollicoffer o mas kilala bilang Dr. Z.

Isa itong private family practitioner na hindi lamang magaling sa pagseserbisyo kundi mayroon ding mabuting puso. Si Dr. Z kasi, pumapayag na hindi magbayad ang kaniyang mga pasyente.

Sa isang pahayag, sinabi niya na hindi mahalaga ang pera at willing pa rin siyang i-checkup ang mga pasyente kahit wala itong pambayad.

Pero si Dr. Z, nangangailangan din pala ng tulong at ng kalinga ng isang doktor dahil mayroon pala itong iniindang renal at rectal cancers.

Sa kasamaang palad walang kakayahan ang doktor na ito na bayaran ang kaniyang treatments at mayroon din umanong issue sa medicare plan nito.

Pero ang mga pasyenteng hindi pinagdamutan ni Dr. Z, hindi rin siya iniwan sa kaniyang laban dahil nagsagawa ang mga ito ng crowdfunding campaign na nakalikom na ng mahigit two hundred thousand U.S. dollars o mahigit 15 million pesos.

Ayon sa mga pasyente ni Dr. Z, hindi nila susukuan ang lalaking tumulong sa kanila at gagawin nila ang lahat para mailigtas din ito at makawala na sa cancer.
Sa mga future medical practitioners diyan, ano ang adbokasiya niyo? Willing din ba kayo na gamutin nang libre ang mga higit na nangangailangan?

Happy ending na sana, naging bato pa. Patapos na kasi sana ang wedding after-party ng isang couple sa France nang bigla na lang bawian ng buhay ang bride matapos sumugod sa kanilang reception ang mga armadong lalaki na nagpaulan ng bala.

Kung ano ang kinahinatnan ng mga kriminal na ito, eto.

Pasado alas kwatro ng madaling araw nang papaalis na sana ang bagong kasal sa kanilang wedding reception na ginanap sa isang village sa Southeastern France nang mauwi pa sa isang malagim na krimen ang happily ever after na sana ng couple.

Ayon sa reports, bigla na lang nagdatingan ang mga armadong lalaki sa venue ng wedding reception at nagpaulan ng bala, na siyang naging sanhi ng tinamong injuries ng groom at ng kapatid nitong babae, at ng isang trese anyos na bata, habang ito naman ang naging dahilan ng pagpanaw ng 27-anyos na bride.

Bukod sa bride, pumanaw rin ang isa sa mga suspek sa mismong krimen na sinimulan nila matapos umano itong masagasaan ng sasakyan ng bagong kasal.

Samantala, hindi pa tukoy ang pagkakakilanlan ng bride pero ang groom, mayroon na umanong mga criminal offenses, ganun din ang kaniyang sugatang kapatid na mayroon namang record ng violent offense.

Hindi naman naiwasang magpahayag ng galit ang mayor ng lugar na pinangyarihan ng insidente at sinabi na hindi nakatira sa kanilang lugar ang bagong kasal at i-binook lang ang kanilang village hall para sa kasal.

Gayunpaman, nasa kamay na ng mga otoridad ang mga dalawa sa mga suspek pero patuloy pa rin ang imbestigasyon para sa isang murder and attempted murder case na pinaniniwaalan ng mga local officials na maaaring may kinalaman sa gang ayon sa local media.

Sa mga marites diyan, ano sa tingin niyo ang dahilan sa likod ng tila isang teleseryeng tagpo na ito na agarang pumutol sa pagsasaya ng bagong mag-asawa?

Pinatunayan ng isang preschool teacher mula sa New York na tunay nga talagang nagsisilbing ikalawang magulang ng mga estudyante ang mga katulad niyang guro. Ang teacher kasi na ito, tunay na may malasakit para sa kaniyang estudyante at umabot pa sa punto na idinonate niya ang kaniyang liver sa bata.

Ang kwento ng kabayanihan ng teacher na ito. Eto.

Sa murang edad, na-diagnose na agad ang noo’y limang taong gulang na si Ezra Toczek mula sa Western New York ng end-stage liver disease at liver failure.

Dahil dito, agad na napabilang si Ezra sa listahan ng mga pasyente na kinakailangang sumailalim sa transplant na kalimitang natatagalan bago mangyari dahil sa challenge ng paghahanap ng donor at organ na magma-match sa pangangailangan ng pasyente.

Pero makalipas lang ang isang buwan ay agad na nagkaroon ng living donor si ezra at sa kabutihang palad ay naaprubahan ito.

Laking gulat na lang ng pamilya ni Ezra nang isang araw ay dumating ang dati niyang guro na si Carissa Fisher sa kanilang bahay na mayroong dalang mga lobo, stuffed toy, at placard na nagsasabing, “Hey, Ezra, would you like to share my liver? Check one: yes, or no.”

Naging emosyonal naman ang nanay ni Ezra na si Karen dahil sa kabutihang-loob at sa sakripisyo na ginawa ng teacher para sa kaniyang anak.

Ang desisyon na ito ng teacher, suportado ng kaniyang nanay dahil sumama pa ito sa bahay ng mga Toczek para surpresahin ang mga ito ng isang magandang balita.

Nadiskubre umano ni Fisher na mayroong sakit ang bata at nangangailangang sumailalim sa operasyon nang makita ang post ng nanay nito at walang pagdadalawang-isip na ginawa ang malaking desisyon.
Hiling naman ng teacher para sa kaniyang dating estudyante na mabuhay ito nang matagal, masaya, at malusog, nang sa ganon ay makita pa niyang lumaki ang bata.

Para sa mga magigiting nating guro diyan, bukod sa pag-aalay niyo ng oras, buhay, at kaalaman sa mga estudyante, mayroon din ba kayong nakakaantig na kwento kasama ang mga bata?

Kadalasan ay aasahan mo na alam na alam na ng mga matagal nang magkasintahan kung paano ina-navigate ang kanilang relasyon at kung paano nila lalampasan ang bawat pagsubok. Pero ang magkasinatahang ito sa alabama, bagamat ilang taon nang kasal ay sinubok pa ang pagsasama, hindi lang ng isang karamdaman, kundi dalawa.

Kung ano na ang lagay ng kalusugan ng mag-asawa, eto.

Pinanindigan ng labinwalong taon nang mag-asawa na sina Kevin At Wendy Wilson mula sa millbrook, alabama ang linya sa pagsusumpaan sa kasal na “for better or for worse, in sickness and in health.”

Bukod kasi sa mga kaakibat na hamon na dala ng isang relasyon, muling sinusubok ngayon ang pagsasama ng dalawa dahil sa kanilang mga karamdaman.

Ayon sa crowdfunding platform na Gofundme kung saan kasalukuyang isinasagawa ang crowdfunding para sa mag-asawa, sinabi na taong 2004 pa lang ay sinubok na ang pagsasama ng dalawa dahil magkasunod na hinarap at nilabanan ni Wendy ang ovarian at cervical cancer.

Pagdating naman ng 2017 ay nagkaroon ito ng breast cancer remission kung kaya sumailalim ito sa double mastectomy o procedure kung saan tatanggalan ng dalawang dibdib ang pasyente.

Pero sa kabila ng mga treatments na pinagdaanan ni Wendy, bumalik pa rin ang cancer nito sa dibdib na agad na umabot ng stage 4 dahil sa mabilis na pagkalat nito sa ibang parte ng kaniyang katawan.

Sa kasamaang palad, isang linggo bago ito malaman ni Wendy ay na-diagnose naman ng stage 4 prostate cancer ang kaniyang mister na si Kevin.

Sa kabila ng pagsubok na kinakaharap ngayon ng mag-asawa, sinabi ni wendy na ang pamilya nila ang nagbibigay sa kanila ng lakas para lumaban. Dagdag pa niya, gusto pa niyang makita na mag-grow ang kanilang mga anak.

Sa ngayon, hindi nagpapigil ang dalawa sa iniinda nilang mga karamdaman dahil tuluy-tuloy pa rin ang mag-asawa sa pagtatrabaho. Gumawa rin sila ng social media account para i-share ang kanilang journey at magbigay ng kaalaman sa mga manonood.

Sa mga cancer survivors diyan, pwede niyo bang i-share kung paano niyo ito matagumpay na nalampasan?

Sa bilis ng takbo ng buhay at dahil sa pagka-busy sa trabaho, kung minsan ay hindi na natin nagagawang pansin ang mga taong nakapaligid sa atin katulad ng ating mga friendly kapitbahay. Pero kung maging kapitbahay mo ang lalaking ito mula sa England at makatanggap ka ng isang sulat at generous offer mula rito, tatanggi ka pa kaya?

Kung ano ang kwento ng friendly kapitbahay na ito, eto.

Mula sa Northern Ireland, lumipat ng tirahan ang isa nang byudo at retired ancient history professor na si David Whitehead Sa Chorlton, Manchester, England at nagrenta ng matitirhan.

Dahil nga nagrerenta lang ang dog lover na ito, hindi ito pinahihintulutan na mag-alaga ng anumang hayop sa kaniyang tinutuluyan.

Dahil sa pangungulila at kalungkutan, gumawa ng sulat si David at ipindala sa kaniyang mga kapitbahay kung saan nag-aalok ito na ipasyal nang lbre ang kanilang mga alagang aso.

Ikwinento rin ni david sa sulat na noong naninirahan pa siya sa County Down, Nortehrn Ireland kasama ang kaniyang yumaong asawa ay nag-alaga sila ng mga rescued dogs sa kanilang bahay.

Sa dulo nito, nagbigay pa ng cellphone number si David para sa mga dog-owners na interesado sa kaniyang kind offer.

Pero bukod sa pagka-miss sa presensya ng mga aso, nangungulila rin pala si David sa kaniyang misis na yumao nito lang march 2024 dahil sa sakit.
Ang matanda na malungkot at nag-iisa, nagulat na lang nang makatanggap siya ng mga mensahe na sinabi niyang higit pa sa inaasahan niyang matanggap.

Mayroon kasing nag-picture at nag-post sa letter ni David kung kaya mas marami ang mga residente ang nakakita ng sulat at naantig sa kaniyang kwento.
Matapos nito ay nakatanggap si David ng mga mensahe mula sa kaniyang mga friendly neighbors na nag-alok na samahan siya. Nakilala na rin niya ang mga alagang aso ng ilan sa kaniyang mga kapitbahay.

Sa mga dog-owners diyan, willing ka ba na samahan ang friendly kapitbahay na ito kung ikaw ang makakatanggap ng sulat mula sa kaniya?

Sa bilis ng takbo ng buhay at dahil sa pagka-busy sa trabaho, kung minsan ay hindi na natin nagagawang pansin ang mga taong nakapaligid sa atin katulad ng ating mga friendly kapitbahay. Pero kung maging kapitbahay mo ang lalaking ito mula sa England at makatanggap ka ng isang sulat at generous offer mula rito, tatanggi ka pa kaya?

Kung ano ang kwento ng friendly kapitbahay na ito, eto.

Mula sa Northern Ireland, lumipat ng tirahan ang isa nang byudo at retired ancient history professor na si David Whitehead sa Chorlton, Manchester, England at nagrenta ng matitirhan.

Dahil nga nagrerenta lang ang dog lover na ito, hindi ito pinahihintulutan na mag-alaga ng anumang hayop sa kaniyang tinutuluyan.

Dahil sa pangungulila at kalungkutan, gumawa ng sulat si David at ipindala sa kaniyang mga kapitbahay kung saan nag-aalok ito na ipasyal nang libre ang kanilang mga alagang aso.

Ikwinento rin ni David sa sulat na noong naninirahan pa siya sa County Down, Northern Ireland kasama ang kaniyang yumaong asawa ay nag-alaga sila ng mga rescued dogs sa kanilang bahay.

Sa dulo nito, nagbigay pa ng cellphone number si David para sa mga dog-owners na interesado sa kaniyang kind offer.

Pero bukod sa pagka-miss sa presensya ng mga aso, nangungulila rin pala si David sa kaniyang misis na yumao nito lang March 2024 dahil sa sakit. Ang matanda na malungkot at nag-iisa, nagulat na lang nang makatanggap siya ng mga mensahe na sinabi niyang higit pa sa inaasahan niyang matanggap.

Mayroon kasing nag-picture at nag-post sa letter ni David kung kaya mas marami ang mga residente ang nakakita ng sulat at naantig sa kaniyang kwento.

Matapos nito ay nakatanggap si David ng mga mensahe mula sa kaniyang mga friendly neighbors na nag-alok na samahan siya. Nakilala na rin niya ang mga alagang aso ng ilan sa kaniyang mga kapitbahay.

Sa mga dog-owners diyan, willing ka ba na samahan ang friendly kapitbahay na ito kung ikaw ang makakatanggap ng sulat mula sa kaniya?

Sa murang edad ay agad na nagwakas ang buhay ng isang baby sa Louisiana, USA, matapos itong maiwan ng kaniyang tatay sa loob ng sasakyan sa loob ng ilang oras. At para palalain pa ang sitwasyon, nakaparada ang sasakyan sa ilalim ng mainit na panahon.

Ang detalye ng nakapanlulumong pagkamatay ng bata, eto.

Pasado alas dos ng madaling araw nang dumating ang 32-anyos na si Joseph Boatman sa bahay ng kaniyang kaanak sa Madisonville, Louisiana, USA, para sunduin ang kaniyang 21-month old baby.

Isinakay umano ni Boatman ang kaniyang anak sa car seat bago muling pumasok sa loob ng bahay.

Nadiskubre na lang ng isang kaanak pagdating ng tanghali na naiwanan pala sa loob ng sasakyan ang bata.

Agad itong tumawag sa mga otoridad ngunit ayon sa St. Tammany Parish Sheriff’s Office (STPSO), idineklarang patay ang bata sa pinangyarihan ng insidente.

Sa kasamaang palad, mainit ang panahon sa Madisonville nang mangyari ang insidente at umabot ng 104 degrees fahrenheit ang heat index. Sa katunayan, pumalo ng 94 degrees fahrenheit ang temperatura sa nasabing lugar nang maiwan sa loob ng sasakyan ang bata.

Ayon sa mga imbestigador, marami umanong nakonsumong alak si Boatman bago pa sunduin ang kaniyang anak.

Samantala, hawak naman na ito ng mga otoridad at nasampahan ng kasong second-degree murder at maaaring magpyansa sa halagang mahigit 40 million pesos.

Sa mga mahilig uminom diyan, drink responsibly. Pero kung ikaw ay may anak na, maging responsable munang mga magulang bago unahin ang pakikipag-inuman.

Kung nahihirapan kang makakita ng pag-asa at makaramdam ng determinasyon na baguhin ang buhay mo, pakinggan mo ang kwento ng isang lalaki mula sa china na hindi nagpatinag at nilabanan ang hirap ng buhay, kapansanan, at edad para lang maabot ang kaniyang pangarap na maging isang doktor.

Kung paano ito nagawa ng lalaki, eto.

Dahil sa hirap ng buhay, napagdesisyunan ni Li Chuangye mula sa Henan Province, China na magtrabaho sa edad na siyam na taong gulang dahil ayaw na umano nitong pahirapan pa ang kaniyang pamilya sa kaniyang pagpapagamot matapos ang hindi matagumpay na operasyon.

Sa edad pa lang kasi na isang taong gulang, na-diagnose na si Li ng cerebral palsy.

Matapos nito ay nakilala niya ang isang lalaki na nangakong magbibigay sa kaniya ng trabaho, pero nauwi si Li sa pamamalimos sa kalsada sa loob ng pitong taon dahil ang lalaking inakala niyang tutulong sa kaniya, pinagkakakitaan lang pala ang mga batang katulad niya na may kapansanan.

Nang makalaya mula sa nasabing sitwasyon ay nagsimulang mag-aral si Li at nag-enroll sa primary school sa edad na 16-anyos.

Sa edad na 25-anyos ay nakapasok ito sa medical college bago kumuha ng clinical program noong 2016.

Matapos grumaduate sa edad na 31-anyos noong 2019 ay nagtrabaho si Li sa isang medical company bilang editor, pero hindi nagtagal ay lumipat din ito sa Yunnan province kung saan itinayo niya ang sarili niyang clinic at masayang nagseserbisyo sa mga residente.

Samantala, dahil sa labis na dedikasyon para sa medical field, nagprisinta pa si Li na gamitin ng kaniyang mga kaklase sa pag-aaral ng cerebral palsy, nangako rin ito na kapag binawian na siya ng buhay ay ido-donate niya ang kaniyang katawan para sa pag-aaral.

Bukod sa matagumpay na pagtupad niya sa kaniyang pangarap, nakilala na rin ni Li ang love of his life na si Yu na hindi alintana ang kaniyang kalagayan.

Sa mga pinanghihinaan na ng loob diyan, laging tatandaan na katulad ni Li, mayroong paraan para makaalis sa kasalukuyan niyong sitwasyon hangga’t mayroon kayong determinasyon.

Kung mayroong baggage counter para sa mga shopping bags, mayroon nang husband storage pods para hindi mainip ang mga mister sa paghihintay sa kanilang misis na matapos mag-shopping. Gusto mo rin ba itong masubukan?

Kung saan matatagpuan ang kakaibang innovation na ito, eto.

Nasolusyunan na ang isa sa mga dilemma ng mga mister na naghihintay sa kanilang mga misis na matapos mag-shopping, at malaya na ring makakapag-ikot sa mall ang mga misis nang walang nakabuntot at nagrereklamo sa kanila.

Si misis kasi, pwedeng-pwede nang iwanan si mister sa ‘husband storage pods’ para malibang ito at maiwasan ang pagkainip habang naghihintay na matapos siya mag-shopping.

Matatagpuan ang hubsand storage pods na ito sa global harbor mall sa Shanghai, China.

Tila isang maliit na computer shop ang bawat pod dahil mayroon itong upuan, computer, at game console kung saan maaaring makapaglaro ng mga 90s video games. Bukod pa riyan, maaari ring manood ng tv at makinig ng music sa loob nito.

Ayon sa isang lalaki na sumubok sa pod, nagbigay umano ng nostalgic feeling sa kaniya ang paglalaro rito. Samantalang isa namang lalaki ang nagsabi na makakapaglaro na siya nang tahimik sa pod dahil ayaw niyang sumasama sa kaniyang girlfriiend sa pagsha-shopping.

Bagama’t goal ng storage pods na ito na libangin ang mga mister, reklamo naman ng ilan na masyadong mainit sa loob nito dahil walang pumapasok na hangin at wala ring aircon.

Samantala, umani naman ito ng iba’t ibang reaksyon mula sa mga netizen. Kung ang iba ay natuwa sa makabagong idea na ito, mayroonn ding kumwestyon kung ano ang purpose ng pagsama ng mga lalaki sa mall kung maaari naman itong manatili na lang sa bahay para maglaro.

Sa mga kalalakihan diyan, kung mayroon bang husband storage pod sa pilipinas ay susubukan niyo rin ito o sasamahan niyo ang inyong misis sa pagsha-shopping?

Accidents happen in the most unexpected timing. Madalas nga ay tinatawag pa itong istorbo at perwisyo. Pero love moves in mysterious ways din. Sa ganyang paraan nagsimula ang kwento ng isang magkasintahan sa China kung saan bukod sa tinamong injury ng babae mula sa pagkakabangga ay tinamaan din ito sa lalaking nakabangga sa kaniya.

Ang buong kwento ng accidental love story na ito, eto.

Nadisgrasya ang noo’y 23-anyos na babae habang binabaybay ang Yiyang City, Hunan, China sakay ng kaniyang electric bike matapos itong mabunggo ng sasakyan na matuling minamaneho ng lalaki na tinukoy na si Mr. Li dahil sa emergency.

Agad namang bumaba ang driver ng sasakyan at paulit-ulit na humingi ng tawad. Pero laking gulat na lang nito nang ang tanging isagot sa kanya ng babae ay “it’s okay” kahit na nabalian ito ng collarbone.

Bilang kabayaran, araw-araw na bumisita ang lalaki sa ospital para magdala ng pagkain. Pero kasabay ng pagre-recover ng babae ay ang unti-unting pagkahulog ng loob nito sa lalaki.

Hindi nagtagal ay inamin na ng babae ang kaniyang nararamdaman para kay Mr. Li. Pero ang lalaki, nag-alangan pa dahil sa kanilang malaking age gap.

Pero dahil hindi alintana ng babae ang kanilang age gap at pinairal ang pagiging pursigido, unti-unti ring nawala ang pag-aalangan ni Mr. Li at tuluyang binuksan ang kaniyang puso para sa babae.

Ang unang pagtatagpo nila sa kalsada dahil sa isang aksidente, nauwi sa kasalan at ngayon ay mayroon ng pamilya.

Matapos i-welcome ang kanilang first baby ay nagpakasal ang dalawa at ngayon ay naninirahan sa bahay ng mga magulang ng babae dahil mas malapit daw ito sa trabaho ni Mr. Li.

Sa mga single diyan, wag mawalan ng pag-asa. Tandaan, hindi mo kailangang hintayin ang perfect momet, perfect place, at perfect timing para makilala ang taong para sayo.