Angelica Doctolero

Kung ilalarawan ang pagmamahal ng isang ama sa kaniyang anak sa makabagong panahon, princess treatment ito kung tawagin. Katulad na lang ng tatay na ito na matyagang naupo sa eroplano at lumipad sa ere buong Christmas holiday para samahan ang kaniyang flight attendant na anak sa duty nito.

Ang nakakaantig na kwento ng mag-ama na ito, eto.

Ika nga nila, hindi mahalaga kung saan ice-celebrate ang Pasko, kung ano ang handa, at kung gaano ito kagarbo, basta ba kumpleto at sama-sama ang buong pamilya.

Ganyan ang ginawa ng tatay na si Hal Vaughan noong kapaskuhan noong 2018 na piniling salubungin ang pasko habang nasa ere.

Ang anak kasi ni Hal na si Pierce ay isang flight attendant na naka-duty noong Christmas eve.

Ayon sa social media post ng nakatabi ni Hal sa eroplano na si Mike Levy, ibinook ni Hal ang flights ng kaniyang anak para hindi ito maging mag-isa sa araw ng pasko.

Dagdag pa ni levy sa isang pahayag, anim na flights ang ibinook ni Hal para sa buong duty ng anak nito.

Sa katunayan, hindi lamang ito isang beses na ginawa ni Hal. Dahil magkakasunod na taon na na-assign ang kaniyang anak na mag-duty tuwing Christmas holidays, taun-taon ding sumasama noon si Hal sa kaniyang flights.

Samantala, pagkalipas ng apat na taon ay nagkaroon ng update tungkol kay Pierce kung saan masaya niyang ipinahayag na makakasama na niya ang mga magulang niya sa pagsalubong sa pasko dahil nataon ‘yon sa kaniyang day-off.

Sa mga tatay diyan, mala-prinsesa rin ba ang pagtrato niyo sa mga anak niyong babae? Pwede niyo bang i-share ang pinaka-memorable na girl-dad moment niyo?

Sabi nga nila, “if it’s meant to be, it will be.” Katulad na lang ng muling pagkikita ng kambal na ito sa China, na nagkahiwalay sa pagkabata at naging mag-best friends muna bago nalaman ang katotohanan tungkol sa kanilang pagkatao.

Kung paano nangyari ang reunion ng magkapatid, eto.

Taong 1988 nang isilang ang kambal na sina Zhang Guoxin at Hai Chao mula sa China, pero pagkaraan lang ng sampung araw ay ipinaampon sila ng kanilang mga magulang dahil sa hirap ng buhay.

Pagkalipas ng mahabang panahon, nagtungo ang 17-anyos na si Hai sa isang clothing store matapos siyang sabihan ng kaniyang kaklase na kamukhang-kamukha niya ang shop assistant doon.

Sa pagkakataon na ‘yon ay muli nang nagtagpo ang landas nila ni zhang at doon napag-alaman na iisa lang ang kanilang birthday, boses, hairstyle, at kapwa nalagay sa alanganin ang mga buhay dahil sa isang karamdaman noong sila ay 100 days old pa lang.

Dahil sa dami ng pagkakapareho nilang dalawa, agad na nag-click sila Zhang at Hai at naging mag-best friends. Sa mahigit isang taon nilang pagkakaibigan, doon lang nila nalaman sa kaniya-kaniya nilang adoptive families na sila ay magkapatid.

Sa kasalukuyan, 37-anyos na ang kambal at kapwa mayroon nang mga pamilya. Sa katunayan, parehong 13 years old na ang kanilang mga anak na mayroon din umanong pagkakahawig.

Gayunpaman, hindi pa rin umano nakikita ng magkapatid ang kanilang tunay na mga magulang.

Sa mga mahilig sa drama diyan, papasa na bang plot ng teleserye ang kwento ng magkapatid na ito?

Language barrier ang isa sa mga challenges na maaaring maranasan ng sinuman, kahit saan man sila magpunta, lalo na sa mga foreign countries. Pero dahil sa inobasyon na ito ng isang Ghanaian-British entrepreneur, hindi mo na kakailanganin pang mangapa at manghula kapag may narinig kang hindi pamilyar na salita.

Kung ano ang product details ng innovation na ito, eto.

Hindi na bago sa pandinig natin ang salitang ‘earbuds’ dahil ito na ang makabagong earphones ngayon. Mas convenient lang ito dahil chargeable na ito at wala ng wire. Kadalasan itong ginagamit para makinig ng music o di naman kaya ay para sumagot ng tawag.

Pero ang earbuds na ito na bunga ng determinasyon ng ghanaian-british entrepreneur na si Danny Manu, nakakapag-translate lang naman ng iba’t ibang mga lengguwahe na tinatawag na Clik.

Sa pamamagitan ng Clik, madali nang makakapag-translate at maiintindihan ng users, real time, ang mahigit apatnapung lengguwahe.

Ini-launch ang Clik noong 2017, at pagkalipas ng apat na taon ay naglabas ang brand ni Danny na Mymanu ng upgraded version nito at tinawag na Clik S. Nitong nakaraang taon naman ay inilabas na sa publiko ang Clik Pro na hindi na kinakailangang gamitan ng cellphone o internet.

Pero bago pa ito maabot ni Manu, makailang beses muna itong na-reject ng mga investor. Ang solusyon ni Danny? Crowdfunding.

Sa pamamagitan nito at ng sarili niyang ipon, sinimulan ni danny na patotohanan ang dati lang isang idea na ngayon ay nakakatulong na sa pagtugon sa language barrier.

Sa ngayon, unti-unti nang nakikilala ang brand na Mymanu partikular na sa United States, sa Asya, at Europe kung saan libu-libong mga produkto na ang naibenta.

Sa mga imbentor at nagnanais na magsimula ng negosyo diyan, huwag kayong mawawalan ng pag-asa at darating din ang tamang oras na kayo naman ang makikilala.

Muling napatunayan sa kwento na ito na hindi nasusukat sa haba ng pinagsamahan para mayroong mabuong pagkakaibigan, at mas lalong hindi ang dugo ang basehan para ituring ang isang tao bilang kapamilya. Ganyan ang naramdaman at naranasan ng isang matanda sa Rhode Island na nagkaroon ng instant family matapos itong kupkupin ng kaniyang mga bagong kapitbahay.

Kung paano nagsimula sa pagkakaibigan ang kanilang samahan, eto.

Taong 2022 nang lumipat ang pamilya Caraballo sa Pawtucket, Rhode Island.

Sa kanilang paglipat, sinabi ng nanay na si Sharaine na pinangambahan pa nila noon kung magiging welcoming ba ang kanilang mga kapitbahay, lalo na at maraming bata sa kanilang pamilya na maaaring magdulot ng ingay.

Pero ang mga alalahanin ni Sharaine, agarang nawala nang makilala nila ang kanilang mga kapitbahay, kabilang na ang noo’y 82-anyos na si Paul Callahan.

Ayon kay sharaine, nakilala nila ang matanda nang pahiramin nito ang kaniyang asawa na si Wilson ng hagdan na gagamitin para sa mga kinakailangang isasaayos sa kanilang bahay. Bukod pa riyan nagsilbi na rin itong instant dad dahil tinuturuan din ni Paul si Wilson sa pagkukumpuni sa kanilang garahe.

Unti-unting napalapit ang loob ng buong pamilya sa matanda. Itinuturing nila itong karagdagang myembro sa kanilang pamilya at instant lolo sa kanilang mga anak.

Sa kasamaang palad, ang bagong myembro ng kanilang pamilya, isa na palang byudo matapos pumanaw ang asawa nito anim na buwan bago ang paglipat ng mga Caraballo.

Pero dahil sa pagdating ng pamilya, nagkaroon ng instant family si Paul. Halos araw-araw itong bumibisita sa bahay ng mga Caraballo at palagi nilang kasalo sa pagkain.
Sa mga malalapit sa mga lolo at lola diyan, kung kayo ba ang nasa posisyon ng mga Caraballo ay kukupkupin niyo rin ang matanda?

Muntikan nang magtagumpay ang mga kawatan sa binabalak nilang kasamaan, pero ang bibiktimahin sana nila, mas mautak pa sa kanila. Paano ba naman kasi, bago pa nila maisagawa ang krimen ay dinala na sila nito sa mga pulis.

Kung ano ang kinahinatnan ng mga palpak na suspek, eto.

Pasado alas dos ng madaling araw habang bumabyahe nang isakay ng isang TNVS driver ang tatlong mga lalaki sa tondo, manila.

Pero ang driver na patas na lumalaban sa buhay at nagtatrabaho nang marangal, nagsakay pala ng mga mandurugas na kawatan.

Mabuti na lang at agad na nakaramdam ang driver sa posibleng panganib na dala ng mga nagpapanggap niyang mga pasahero.

Bago pa makatyempo ang mga lalaki na gawin ang masama nilang binabalak, naunahan na sila ng driver at nagmaneho patungo sa pinakamalapit na police outpost.

Sa isang CCTV footage na nakuhanan sa Honorario Lopez Boulevard, makikita na agarang bumaba ang mga kawatan mula sa sasakyan nang pumarada ito sa harap ng istasyon.

Kumaripas ng takbo ang mga lalaki pero agad ding nahabol ang mga ito ng mga alistong pulis.

Ayon sa mga otoridad, agad na nagsuspetsa ang driver dahil sa kahina-hinalang kilos ng mga pasahero.

Samantala, nakumpiska ng 38 caliber gun at mga bala ang mga pulis at naaresto na ang dalawang mga suspek na dati nang nasangkot sa mga kasong pagpatay, paggamit ng mga ipinagbabawal na gamot, at child abuse ang mga ito. Hawak na rin sila ng mga otoridad at nahaharap sa mga kasong robbery, direct assault in person of authority. Habang ang dalawa pa nilang mga kasama ay tinutugis pa rin ng mga pulisya.

Sa mga may binabalak na masama diyan. Kung sa tingin niyo ay plantaso na ang mga masasamang plano niyo, think again, at baka mas matalino pa sa inyo ang mabiktima niyo.

Muling napatunayan na sa panahon ngayon, digital na nga talaga ang karma. Paano ba naman kasi, ang lalaking ito na nagsunog sa isang restaurant sa Australia, agad na binalikan ng karma dahil kinapitan din ng apoy ang damit niya.

Kung ano ang kinahinatnan ng lalaki, eto.

Sa isang CCTV footage mula sa Victoria Police, makikita ang isang lalaki sa loob ng isang restaurant na mayroong bitbit na pulang container na naglalaman pala ng gas.

Dumeretso ang lalaki sa bar area ng restaurant at agad na ibinuhos ang gas sa ibabaw ng counter.

Hindi nagtagal ay sinilaban na ito ng lalaki pero bukod sa bar area ng kainan, nag-apoy din ang suot nitong damit.

Dahil sa sobrang pagkataranta, makikita kung paanong makailang ulit na nadulas ang lalaki at bumagsak pa sa sahig habang sinusubukang lumabas mula sa restaurant.

Sa ibang anggulo ng CCTV footage, makikita na patuloy pa rin sa pagliyab ang damit ng lalaki kung kaya hindi ito agad nakasakay sa nakaparadang sasakyan kung nasaan ang umano’y kasabwat nito.

Muling napaupo sa sahig ang lalaki at nagpagulung-gulong dahil sa desperasyon na maapula ang apoy.

Samantala ayon sa mga otoridad, nagtamo ng minor damages ang restaurant at patuloy pa ring pinaghahanap ang nakatakas na suspek.

Sa mga may binabalak na hindi maganda riyan, umatras ka na lang, dahil baka iniisip mo pa lang ang plano mo, kinakarma ka na agad.

Kung ang mga medical frontliners at ang mga nangangarap na makapasok sa industriya ng medisina ay nagpapakahirap muna sa pag-aaral para makuha ang titulo na inaasam-asam nila, ibahin niyo ang doktor na ito sa United Kingdom. Sa halip kasi na magpakahirap, dinoktor nito ang kaniyang diploma at nagpanggap sa loob ng mahigit dalawang dekada.

Kung ano ang mga kaparusahang ipinataw sa nagdoktor-doktoran na ito, eto.

Bigo na natapos ng fake doctor na si Zholia Alemi mula sa Iran ang kinuha nitong Bachelor of Medicine at Bachelor of Surgery kung kaya wala itong pahintulot na mag-practice ng medisina.

Pero ang babae, nakahanap ng paraan para maisakatuparan ang pangarap na makapasok sa nasabing industriya sa pamamagitan ng pamemeke ng diploma.

Nang lumipat si alemi sa United Kingdom, nakapagtrabaho ito bilang National Healthcare System (NHS) psychiatrist sa loob ng mahigit 20 taon gamit ang kaniyang forged diploma sa University of Auckland.

Pero makalipas ang halos dalawang dekada na pagpa-practice nito ng medisina, nabuko ito at napatawan ng pitong taon na pagkakakulong sa Manchester Crown Court noong 2023.

Ayon pa kay Adrian Foster ng Crown Prosecution Service (CPS), mayroong tyansa na daan-daang mga pasyente na ang dumaan kay Alemi at nalagay sa panganib dahil hindi ito qualified sa nasabing trabaho.

Bukod pa riyan, napag-alaman din na bago pa mabuko si Alemi ay nahatulan na ito ng tatlong fraud offenses noong 2018 matapos nitong muling mameke, hindi ng diploma, kundi ng last will and testament ng isang 84-anyos na babae nang sa ganon ay sa kaniya mapunta ang bungalow house nito na nagkakahalaga ng 300,000 euros.

Samantala, humingi naman ng dispensa ang General Medical Council (GMC) sa pagpalya nito na makitang peke ang isinumiteng papeles ni Alemi. Dahil dito ay sinuri ng gmc ang mga foreign doctors na naninilbihan sa UK.

Samantala, naatasan ang babae na magbayad ng compensation sa NHS na nagkakahalaga ng 406,624 euros o di naman kaya ay madadagdagan pa ang sintensya nito.

Sa mga mandaraya diyan, sa halip na gumagawa kayo ng plano para makapanlamang, mag-isip na lang kayo ng ibang mapagkakakitaan sa legal na paraan.

Normal sa mga bata ang pagiging malikot at curious dahil nasa stage sila ng kanilang buhay kung saan nag-eexplore pa ang mga ito. Pero ang explorer na bata sa kwentong ito, naipit at halos hindi makalabas matapos pumasok sa washing machine.

Ang dahilan kung bakit mahilig pumasok sa washing machine ang bata, eto.

Sa isang video na kinuhanan sa mismong bahay na tinitirhan ng pamilya ng tatlong taong gulang na si Dwayne, makikita ang bata na nakatayo sa loob ng washing machine.

Kung titingnan ay tila sukat ang taas at laki ng bata sa dryer ng washing machine. Pero ang totoo, nahirapan ang kaniyang pamilya na alisin siya mula rito dahil naipit na pala ang isang paa nito.

Dahil sa labis na pag-iyak ng bata, pati ang kanilang mga kapitbahay ay tumulong na sa pamilya ni Dwayne na baklasin ang washing machine para tuluyan itong mailabas.

Pero ang pagpasok ni Dwayne sa washing machine ay hindi na kataka-taka para sa pamilya niya dahil ayon mismo sa kaniyang nanay na si Aiza, mahilig umanong pumasok ang kaniyang anak sa washing machine dahil ginagawa itong taguan ng bata kapag naglalaro ng hide and seek.

Nilinaw naman ni Aiza na maigi nilang binabantayan ang kanilang mga anak, nagkataon lang pinapatulog nila ang kanilang bunsong anak nang mangyari ang insidente.

Dagdag pa ni Aiza, walang tinamong sugat si Dwayne at tinawanan lang ng bata ang pangyayari at nagpatuloy sa paglalaro.

Sa mga magulang diyan, sa kabila ng busyness niyo, sa paanong paraan niyo binabantayan ang welfare at safety ng mga anak niyo?

Muling napatunayan ng isang mister mula sa Canada na ang pagmamahal, hindi kumukupas kahit ilang taon pa ang lumipas. Ang lalaki kasi, pinag-aralan lang naman kung paano mag-ayos ng buhok at maglagay ng makeup para tulungan ang kaniyang misis na nagkakaroon na ng problema ang paningin.

Ang resulta ng naging pag-aaral ng lalaki, eto.

Sinadya ng noo’y 79-anyos na mister mula Alberta, Canada na puntahan ang beauty school na Delmar College of Hair and Esthetics para pag-aralan kung paano ayusan ng buhok ng isang babae at kung paano ito lalagyan ng makeup.

Kataka-taka man at hindi pangkaraniwan ang tagpo na ‘yon, mayroon namang malalim at nakakaantig pusong dahilan ang matanda para sa sinadya nitong pag-aaral.

Si mister kasi, gustong tulungan ang kaniyang misis sa loob ng lagpas limang dekada sa pag-aayos nito ng buhok at pag-a-apply ng makeup dahil nahihirapan na ito dulot ng labis na panlalabo ng mga mata.

Dahil makailang beses na umanong napaso ang kaniyang misis sa curling iron, tinuruan ng staff ng Delmar College si mister kung paano gumamit ng pangkulot sa tamang paraan.

Bukod pa riyan, hirap na rin umano si misis na maglagay ng mascara kung kaya naman ang kaniyang ma-effort na mister, pinag-aralan din ito.

Ayon sa director ng beauty school na si Carrie Hannah, inabot lang ng isang oras ang pag-aaral ng lalaki. Ipinagmalaki pa nito ang litrato ng kaniyang misis at ipinakita sa mga staff at estudyante kung gaano ito kaganda.

Samantala, sinabi pa ni Carrie na nakita nila kung gaano kaganda ang buhok ng misis ng lalaki nang magkasamang nagpunta ang mga ito sa beauty school para magpasalamat.

Sa mga mister diyan, hanggang saan aabot ang pagmamahal niyo para kay misis? Kaya niyo rin bang mag-effort katulad ng ginawa ng mister sa kwento na ito?

Hindi biro para sa karamihan ang pagpapagamot dahil sa kaakibat nitong gastos, kung kaya nga ang ilan ay labis itong pinag-iipunan. Pero ano ang gagawin mo kapag na-diagnose ka ng isang sakit kahit na wala ka namang iniindang sintomas? Ganyan ang dinanas ng mga pasyente sa kamay ng isang doktor na nanloloko ng mga pasyente para lang kumita nang malaki at mamuhay nang marangya.

Kung ano ang mga kalokohang ginawa ng doktor, eto.

Naaresto at nasintensyahan na ang 68-anyos na rheumatologist na si dr. Jorge Zamora-Quezada mula sa Texas, Arizona ng sampung taong pagkakakulong matapos mabisto ang panlolokong ginagawa nito sa kaniyang mga pasyente sa loob ng halos dalawang dekada.

Dinadiagnose umano ni Quezada ang mga malulusog na pasyente ng mga chronic diseases at niloloko ang mga ito na kinakailangan nilang sumailalim sa gamutan at treatments na mayroong side effects at nagdudulot ng panghihina sa isang tao.

Ayon sa isa mga biktima, nang dahil sa mga hindi kinakailangang gamot ay halos hindi na nila magawang makabangon sa kama, habang ang iba naman ay nagsabing tumigil sila sa pag-aaral dahil sa panghihina ng kanilang mga katawan. Nakaranas pa ng stroke, pagkalagas ng buhok, at pagkasira ng atay ang ilan sa mga ito.

Bukod pa rito ay nameke rin ang doktor ng mga medical records at nanloko ng mga health insurance companies. Napag-alaman din na bina-blackmail nito ang kaniyang mga empleyado kapag hindi sinusunod ang kaniyang mga utos.

Nagpatunay at tumestigo ang iba pang mga doktor sa kaniyang trial at sinabi na daan-daang mga pasyente ang diniagnose nito ng rheumatoid arthritis kahit na wala naman talagang sakit ang mga ito.

Ayon sa head ng Justice Department’s Criminal Disvision na si Matthew R. Galeotti, nagawang mamuhay nang marangya ni Quezada dahil sa panloloko niya sa mga pasyente.

Matapos ang mga trial, lumabas na guilty ang lalaki sa conspiracy to commit fraud, seven counts of healthcare fraud, at one count of conspiracy to obstruct justice.

Samantala, bukod sa sampung taong pagkakakulong, binigyan din ito ng tatlong taong supervised release at naatasang magbayad ng mahigit 28 million dollars.

Sa mga mapanlinlang at mapanlamang diyan, ingat-ingat lang at baka dumating na ang karma mo at doble-doble pa ang balik sayo.